news18-kannada Updated:August 18, 2020, 2:44 PM IST
ಮಜಾ ಟಾಕೀಸ್
ಕನ್ನಡದ ಕಿರುತೆರೆಯಲ್ಲಿ ಹೊಸ ಅಲೆ ಎಬ್ಬಿಸಿದ ಟಾಕಿಂಗ್ ಶೋ ಮಜಾ ಟಾಕೀಸ್ ಸಾಕಷ್ಟು ಜನಪ್ರಿಯಗೊಂಡಿತ್ತು. ಸೀಸನ್ 1 ಮತ್ತು ಸೀಸನ್ 2 ಕಾರ್ಯಕ್ರಮ ಯಶಸ್ವಿಗೊಂಡು ಜನಮನ್ನಣೆ ಗೆದ್ದಿತ್ತು. ಈ ಕಾರ್ಯಕ್ರಮವನ್ನು ಟಾಕಿಂಗ್ ಸ್ಟಾರ್ ಸೃಜನ್ ಲೊಕೇಶ್ ನಿರೂಪಣೆ ಮಾಡುತ್ತಾ ಬಂದಿದ್ದಾರೆ. ಇದೀಗ ಮಜಾ ಟಾಕೀಸ್ ಸೀಸನ್ 3 ಶೋ ಬರಲು ಸಜ್ಜಾಗಿದೆ. ಆಗಸ್ಟ್ 29ರಿಂದ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗಲಿದೆ.
ಕಲರ್ಸ್ ಕನ್ನಡ ವಾಹಿನಿ ತನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಮಜಾ ಟಾಕೀಸ್ ಪ್ರೊಮೋವನ್ನು ಹಂಚಿಕೊಂಡಿದೆ. ನಟ ಸೃಜನ್ ಲೊಕೇಶ್ ಕೂಡ ಸಾಮಾಜಿಕ ಜಾಲತಾಣದಲ್ಲಿ ಮಜಾ ಟಾಕೀಸ್ ಪ್ರೊವೋವನ್ನು ಹಂಚಿಕೊಂಡಿದ್ದಾರೆ.
ಇನ್ನು ಆಗಸ್ಟ್ 29ರ ನಂತರ ಪ್ರತಿ ಶನಿವಾರ ಮತ್ತು ಭಾನುವಾರ ರಾತ್ರಿ 8 ಗಂಟೆಗೆ ಮಜಾ ಟಾಕೀಶ್ಕಾರ್ಯಕ್ರಮ ಮೂಡಿಬರಲಿದೆ. ಅಭಿಮಾನಿಗಳಂತೂ ಈ ಪ್ರೊಮೋ ನೋಡಿ ತಮ್ಮ ಇಷ್ಟದ ಕಾರ್ಯಕ್ರಮ ಮತ್ತೆ ಬರುತ್ತಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಖುಷಿ ಹಂಚಿಕೊಳ್ಳುತ್ತಿದ್ದಾರೆ.
ಸೃಜನ್ ಲೊಕೇಶ್ ಅವರ ನಿರೂಪಣೆಯಲ್ಲಿ ಮೂಡಿಬರುತ್ತಿರುವ ಮಜಾ ಟಾಕೀಸ್ ಸೀಸನ್ 1 ಮತ್ತು ಸೀಸನ್ 2ದಲ್ಲಿ ಇಂದ್ರಜಿತ್ ಲಂಕೇಶ್ ಸೇರಿದಂತೆ ನಟಿ ಶ್ವೇತ ಚಂಗಪ್ಪ, ಅಪರ್ಣ, ಮಿಮಿಕ್ರಿ ದಯಾನಂದ್, ಮಂಡ್ಯ ರಮೇಶ್, ಕುರಿ ಪ್ರತಾಪ್, ವಿಶ್ವ, ಪವನ್ ಕುಮಾರ್ ಮತ್ತು ರೇಖಾ ಕಾಣಿಸಿಕೊಂಡಿದ್ದರು. ಪ್ರತಿ ಎಪಿಸೋಡ್ನಲ್ಲಿ ಹೊಸ ಕಾನ್ಸೆಪ್ಟ್ ಇಟ್ಟುಕೊಂಡು ವೀಕ್ಷಕರಿಗೆ ಮನರಂಜನೆಯನ್ನು ನೀಡಲಾಗುತ್ತಿತ್ತು.
ಇದೀಗ ಮತ್ತೆ ಪ್ರೇಕ್ಷಕರನ್ನು ನಗುವಿತ್ತ ಕೊಂಡೊಯ್ಯಲು ಸೃಜನ್ ಲೊಕೇಶ್ ಮಜಾ ಟಾಕೀಸ್ ಸೀಸನ್ 3 ಮೂಲಕ ಬರಲು ಸಿದ್ಧರಾಗಿದ್ದಾರೆ.
Published by:
Harshith AS
First published:
August 18, 2020, 2:40 PM IST
