Ranbir Kapoor: ಸೆಲ್ಫಿ ಕೇಳಿದ್ದಕ್ಕೆ ಅಭಿಮಾನಿ ಫೋನ್ ಎಸೆದ ರಣಬೀರ್ ಕಪೂರ್! ನಟನ ಧಿಮಾಕಿನ ವಿಡಿಯೋ ವೈರಲ್

ಬಾಲಿವುಡ್​ ನಟ ರಣಬೀರ್​ ಕಪೂರ್​ (Ranbir Kapoor) ಭಾರೀ ಅಭಿಮಾನಿ ಬಳಗ ಹೊಂದಿದ್ದಾರೆ. ರಣಬೀರ್​ ಹೋದಲೆಲ್ಲಾ ಅಭಿಮಾನಿಗಳು (Fans) ಮುತ್ತಿಕೊಳ್ತಾರೆ. ನೆಚ್ಚಿನ ನಟನ ಜೊತೆ ಫೋಟೋಗಾಗಿ (Photo) ಮುಗಿಬೀಳ್ತಾರೆ. ಹಾಗೇ ರಣಬೀರ್ ಕಪೂರ್​ ಜೊತೆ ಸೆಲ್ಫಿ ತೆಗೆದುಕೊಳ್ಳಲು ಬಂದ ಅಭಿಮಾನಿ ಜೊತೆ ರಣಬೀರ್ ವರ್ತಿಸಿ ರೀತಿ ನೋಡಿ ನೆರೆದಿದ್ದ ಜನರೆಲ್ಲಾ ಶಾಕ್ ಆಗಿದ್ದಾರೆ. ವಿಡಿಯೋ ನೋಡಿದ ನೆಟ್ಟಿಗರು ಕೂಡ ನಟ ರಣಬೀರ್ ಕಪೂರ್ ವರ್ತನೆಯನ್ನು ಖಂಡಿಸಿದ್ದಾರೆ.

ಅಭಿಮಾನಿಯ ಫೋನ್ ಕಿತ್ತು ಎಸೆದ ರಣಬೀರ್​

ಸೆಲ್ಫಿ ತೆಗೆದುಕೊಳ್ಳಲು ಬಂದಿದ್ದ ಅಭಿಮಾನಿಯ ಫೋನ್​​ನನ್ನು ರಣಬೀರ್ ಕಪೂರ್​ ಕಿತ್ತು ಎಸೆದಿದ್ದು,  ಸೋಶಿಯಲ್​ ಮೀಡಿಯಾದಲ್ಲಿ ವಿಡಿಯೋ  ಸಖತ್​ ವೈರಲ್​ ಆಗಿದೆ.  ವಿಡಿಯೋ ನೋಡಿದ ರಣಬೀರ್ ಅಭಿಮಾನಿಗಳು ಹಾಗೂ ನೆಟ್ಟಿಗರು ನಟನ ವರ್ತನೆ ನೋಡಿಯೇ ಶಾಕ್ ಆಗಿದ್ದಾರೆ.

ರಣಬೀರ್ ಕೋಪಗೊಂಡಿದ್ದು ಯಾಕೆ?

ರಣಬೀರ್​ ಕಪೂರ್​ ಜೊತೆ ಸೆಲ್ಫಿ ತೆಗೆದುಕೊಳ್ಳಲು ಅಭಿಮಾನಿಯೊಬ್ಬರು ಬರುತ್ತಾರೆ. ಸುತ್ತಲೂ ಜನರು ಮುತ್ತಿಕೊಂಡಿರುತ್ತಾರೆ.  ನಗು ನಗುತ್ತಲೇ ರಣಬೀರ್​ ಕಪೂರ್​ ಸೆಲ್ಫಿಗೆ ಪೋಸ್​ ಕೊಡ್ತಾರೆ. ಆದರೆ ಫೋಟೋ  ಚೆನ್ನಾಗಿ ಬರಲಿ ಎಂಬ ಕಾರಣಕ್ಕೆ ಆ ಅಭಿಮಾನಿ ಮತ್ತೆ ಸೆಲ್ಫಿ ತೆಗೆದುಕೊಳ್ಳಲು ಮುಂದಾಗ್ತಾನೆ. 2-3 ಬಾರಿ ಫೋಟೋಗೆ ಪೋಸ್​ ಕೊಟ್ಟ ರಣಬೀರ್​ ಕಪೂರ್​ ಕೋಪ ಮಾಡಿಕೊಳ್ತಾರೆ. ಬಳಿಕ ಅಭಿಮಾನಿ ಕೈಯಲ್ಲಿದ್ದ ಫೋನ್​ ನನ್ನು ಕಿತ್ತುಕೊಂಡು ಎಸೆಯುತ್ತಾರೆ.

View this post on Instagram

A post shared by Viral Bhayani (@viralbhayani)

ಸೋಶಿಯಲ್ ಮೀಡಿಯಾದಲ್ಲಿ ವಿಡಿಯೋ ವೈರಲ್​ ಆಗಿದ್ದು, ನೆಟ್ಟಿಗರು ಬಗೆ ಬಗೆಯ ಕಮೆಂಟ್​ ಮಾಡ್ತಿದ್ದಾರೆ. ಅಹಂಕಾರದಿಂದ ರಣಬೀರ್​ ಕಪೂರ್​ ಈ ರೀತಿ ಮಾಡಿದ್ದಾರೆ ಎಂದು ಹಲವರು ಟೀಕಿಸಿದ್ದಾರೆ. ಯಾರೇ ಆದ್ರೂ ಈ ರೀತಿ ವರ್ತನೆ ಸರಿ ಇಲ್ಲ ಎನ್ನುತ್ತಿದ್ದಾರೆ. ಕಳೆದ ವರ್ಷ ರಿಲೀಸ್​ ಆದ ಬ್ರಹ್ಮಾಸ್ತ್ರ ಸಿನಿಮಾದಿಂದ ರಣಬೀರ್​ ಕಪೂರ್​ ಅವರಿಗೆ ಯಶಸ್ಸು ಸಿಕ್ಕಿತು. ಆ ಗೆಲುವಿನ ಬಳಿಕ ಅವರ ಈ ರೀತಿ ವರ್ತಿಸಲು ಆರಂಭಿಸಿದ್ದಾರೆ ಎಂದು ನೆಟ್ಟಿಗರು ಕಮೆಂಟ್​ ಮಾಡಿದ್ದಾರೆ.

ಈ ವಿಡಿಯೋ ಅಸಲಿನಾ ನಕಲಿನಾ?

ಇನ್ನೂ ಕೆಲವರಿಗೆ ಈ ವಿಡಿಯೋದ ಅಸಲಿನಾ ನಕಲಿನಾ ಎನ್ನುವ ಅನುಮಾನ ಮೂಡಿದೆ. ರಣಬೀರ್ ಈ ರೀತಿ ಮಾಡುವ ವ್ಯಕ್ತಿಯಲ್ಲ ಎಂದು ಕೆಲವರು ಕಿಡಿಕಾರಿದ್ದಾರೆ. ಇದು ಪ್ರಚಾರದ ಗಿಮಿಕ್​ ಎಂದು ಹಲವರು ಹೇಳುತ್ತಿದ್ದಾರೆ. ಯಾವುದೋ ಮೊಬೈಲ್​ ಫೋನ್​ ಕಂಪನಿಯ ಜಾಹೀರಾತಿನ ಶೂಟಿಂಗ್​ ಇರಬಹುದು ಎಂದು ಒಂದಷ್ಟು ಮಂದಿ ಅನುಮಾನ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ರಣಬೀರ್​ ಕಪೂರ್​ ಕಡೆಯಿಂದಲೇ ಸ್ಪಷ್ಟನೆ ಸಿಗಬೇಕಿದೆ.

He is kind. I have met him several times. This is a promotional campaign

— $@M (@SAMTHEBESTEST_) January 27, 2023

ಹಿಂದೆ ಅನುಷ್ಕಾ ಶರ್ಮಾ ಕೂಡ ಬ್ರ್ಯಾಂಡ್ ಪ್ರಚಾರಕ್ಕೆಂದು ಸೋಶಿಯಲ್ ಮೀಡಿಯಾದಲ್ಲಿ ಬ್ರ್ಯಾಂಡ್ ಕಂಪನಿ ವಿರುದ್ಧವೇ ಪೋಸ್ಟ್​ ಮಾಡಿ ಬಳಿಕ ಅದೇ ಬ್ರ್ಯಾಂಡ್​ ಪ್ರಚಾರ ಮಾಡಿದ್ರು. ರಣಬೀರ್ ಕಪೂರ್ ಕೂಡ ಹಾಗೇ ಮಾಡ್ತಿದ್ದಾರೆ ಎನ್ನುವ ಪ್ರಶ್ನೆ ಮೂಡಿದೆ. ಪ್ರಚಾರಕ್ಕಾಗಿ ನಟರು ನಾನಾ ತಂತ್ರಗಳನ್ನು ಮಾಡ್ತಾರೆ. ಮೊಬೈಲ್​ ಕಂಪನಿ ಪ್ರಚಾರಕ್ಕೆ ಹೀಗೆ ಮಾಡ್ತಿದ್ದಾರೆ ಎಂದು ಅನೇಕು ಕಮೆಂಟ್ ಮಾಡ್ತಿದ್ದಾರೆ.