ಭಜರಂಗಿ ಶಿವಣ್ಣನ ಹುಟ್ಟುಹಬ್ಬದಂದು ಅಭಿಮಾನಿಗಳಿಗೆ ಸಿಗಲಿದೆ ಬಿಗ್​​ ಸರ್​​ಪ್ರೈಸ್​​!

ಸ್ಯಾಂಡಲ್​ವುಡ್​ ನಟ ಸೆಂಚುರಿ ಸ್ಟಾರ್​ ಶಿವರಾಜ್​ಕುಮಾರ್​​ ‘ಭಜರಂಗಿ-2’ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಎ ಹರ್ಷ ನಿದೇರ್ಶನದಲ್ಲಿ ಮೂಡಿ ಬರುತ್ತಿರುವ ಈ ಸಿನಿಮಾ ಈಗಾಗಲೇ ಸ್ಯಾಂಡಲ್​ವುಡ್​ನಲ್ಲಿ ದೊಡ್ಡ ನಿರೀಕ್ಷೆಯನ್ನು ಹುಟ್ಟು ಹಾಕಿದೆ. ಮತ್ತೊಮ್ಮೆ ಶಿವಣ್ಣ ಭಜರಂಗಿಯಾಗಿ ತೆರೆ ಮೇಲೆ ಅಬ್ಬರಿಸಲಿದ್ದಾರೆ​. ಇಷ್ಟೇಲ್ಲಾ ನಿರೀಕ್ಷೆ ಹೊತ್ತುಕೊಂಡಿರುವ ಭಜರಂಗಿ-2 ಸಿನಿಮಾ ಸದ್ಯದಲ್ಲೇ ಅಭಿಮಾನಿಗಳಿಗೆ ಸರ್​ಪ್ರೈಸ್​​ ನೀಡಲು ಮುಂದಾಗಿದೆ. ವಿಶೇಷ ದಿನದಂದು ಆ ಸರ್​​ಪ್ರೈಸ್​​ ಹೊರ ಬೀಳಲಿದೆ. 

ಜುಲೈ 12 ರಂದು ಶಿವರಾಜ್​ಕುಮಾರ್​ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳಲಿದ್ದಾರೆ. ಹಾಗಾಗಿ ಭಜರಂಗಿ ಟೀಂ ಶಿವಣ್ಣನ ಹುಟ್ಟುಹಬ್ಬದಂದು ಬಿಗ್​​​ ಪ್ಲಾನ್​ ಮಾಡಿಕೊಂಡಿದೆ. ಶಿವರಾಜ್​ಕುಮಾರ್​ ಮೂಲಕ ಅಭಿಮಾನಿಗಳಿಗೆ ಭಜರಂಗಿ-2 ಸಿನಿಮಾದ ಅಫೀಶಿಯಲ್​ ಟೀಸರ್​ ರಿಲೀಸ್​ ಮಾಡಲು ಮುಂದಾಗಿದ್ದಾರೆ. ಈಗಾಗಲೇ ನಿರ್ದೇಶಕ ಹರ್ಷ ಈ ಬಗ್ಗೆ ಸಿದ್ಧತೆ ಮಾಡಿಕೊಂಡಿದ್ದಾರೆ.

ಶಿವರಾಜ್​ಕುಮಾರ್​ ಹುಟ್ಟಹಬ್ಬದ ದಿನದಂದು ಭಜರಂಗಿ-2 ಚಿತ್ರತಂಡ 11;30 ಕ್ಕೆ ​ ಟೀಸರ್​ ಬಿಡುಗಡೆಯಾಗಲಿದೆ. ಎ2 ಮ್ಯೂಸಿಕ್​ ಚಾನೆಲ್​ನಲ್ಲಿ ಟೀಸರ್​ ಲಾಂಚ್​ ಆಗಲಿದೆ.

ನಟ ಶಿವರಾಜ್​ಕುಮಾರ್​ ಕೂಡ ತಮ್ಮ ಫೇಸ್​ಬುಕ್​ನಲ್ಲಿ ಭಜರಂಗಿ ಚಿತ್ರದ ಅಫೀಶಿಯಲ್​ ಟೀಸರ್​ ರಿಲೀಸ್​​ ಆಗುವ ಕುರಿತು ಪೋಸ್ಟರ್​ ಹರಿಬಿಟ್ಟಿದ್ದಾರೆ. ಫೇಸ್​ಬುಕ್​ನಲ್ಲಿ ಶಿವಣ್ಣ ‘ದಿನಗಳ ಎಣಿಕೆ ಶುರುವಾಗಿದೆ. ಮತ್ತು ಎ ಹರ್ಷ ಅವರಿಗೆ ಸ್ವಾಗತ. ಟೀಸರ್​​ ಜುಲೈ 12 ರಂದು ರಿಲೀಸ್​ ಆಗಲಿದೆ’ ಎಂದು ಬರೆದುಕೊಂಡಿದ್ದಾರೆ.

ಸಂಕ್ರಾಂತಿ ಹಬ್ಬದ ಪ್ರಯುಕ್ತ ಭಜರಂಗಿ -2 ಚಿತ್ರತಂಡ 2ನೇ ಫೊಸ್ಟರ್​​ ರಿಲೀಸ್​ ಮಾಡಿತ್ತು. ಇದೀಗ ಶಿವರಾಜ್​ಕುಮಾರ್​ ಹುಟ್ಟುಹಬ್ಬದ ಪ್ರಯುಕ್ತ ಟೀಸರ್​ ರಿಲೀಸ್​ ಮಾಡಲು ಸಿದ್ಧತೆ ಮಾಡಿಕೊಂಡಿದೆ. ಅಭಿಮಾನಿಗಳು ಕೂಡ ಟೀಸರ್​ ನೋಡಲು ತುದಿಗಾಲಿನಲ್ಲಿ ಕಾಯುತ್ತಿದ್ದಾರೆ.

Video: ಸಖತ್ತಾಗಿದೆ ‘ಸಖತ್​ ಸಿನಿಮಾದ ರ‍್ಯಾಪ್‌ ಮೋಷನ್​ ಪೋಸ್ಟರ್​​!