ತನ್ನ ವಿಡಿಯೋ ಮಾಡುತ್ತಿದ್ದವರ ಮೊಬೈಲ್​ ಕಿತ್ತುಕೊಂಡ ನಟ John Abraham: ಮುಂದೇನಾಯ್ತು ಗೊತ್ತಾ..?

ಬಾಲಿವುಡ್ ನಟ ಜಾನ್​ ಅಬ್ರಾಹಂ (John Abraham Viral Video) ಅವರ ಲೆಟೆಸ್ಟ್​ ವಿಡಿಯೋ ಒಂದು ಸಾಮಾಜಿಕ ಜಾಲತಾಣದಲ್ಲಿ ತುಂಬಾನೇ ವೈರಲ್​ ಆಗುತ್ತಿದೆ. ಅಷ್ಟಕ್ಕೂ ವೈರಲ್​ ಆಗುತ್ತಿರುವ ವಿಡಿಯೋದಲ್ಲಿ ಏನಿದೆ ಅನ್ನೋ ಕುತೂಹಲ ಕಾಡೋದು ಸಹಜ. ಆದಷ್ಟು ವಿವಾದಗಳಿಂದ ದೂರ ಇರುವ ನಗು ಮುಖದ ನಟ ಜಾನ್​ ಅಬ್ರಾಹಂ ಅವರು ಈಗಲೂ ಸಹ ತಾವು ಮಾಡಿರುವ ತುಂಟತನದಿಂದಾಗಿ ಸುದ್ದಿಯಲ್ಲಿದ್ದಾರೆ. ತನ್ನ ವಿಡಿಯೋ ಮಾಡುತ್ತಿದ್ದ ಯುವಕನ  ಕೈಯಲ್ಲಿದ್ದ ಮೊಬೈಲ್​ ಕಸಿದುಕೊಂಡು ಜಾನ್​ ಅಬ್ರಹಾಂ ಅವರು ಏನು ಮಾಡಿದ್ದಾರೆ ಗೊತ್ತಾ..? 

ಜಾನ್ ಅಬ್ರಾಹಂ ತಮ್ಮ ಸ್ನೇಹಿತನ ಜೊತೆ ರಸ್ತೆಯಲ್ಲಿ ನಡೆದುಕೊಂಡು ಬರುತ್ತಿರುತ್ತಾರೆ. ಅದನ್ನು ಬಹಳ ದೂರದಿಂದಲೇ ಗಮನಿಸಿದ್ದ ಇಬ್ಬರು ತಮ್ಮ ದ್ವಿಚಕ್ರವ ವಾಹನ ನಿಲ್ಲಿಸಿಕೊಂಡು ನಟ ಹತ್ತಿರ ಬರುವುದನ್ನೇ ಕಾಯುತ್ತಿರುತ್ತಾರೆ. ಜಾನ್​ ಹತ್ತಿರವಾಗುತ್ತಿದ್ದಂತೆಯೇ ಆ ಯುವಕರಲ್ಲಿ ಒಬ್ಬ ತನ್ನ ಬಳಿ ಇರುವ ಮೊಬೈಲ್​ ತೆಗೆದು ಸೆಲ್ಫಿ ಕ್ಯಾಮೆರಾದಲ್ಲಿ ವಿಡಿಯೋ ಮಾಡಲಾರಂಭಿಸುತ್ತಾರೆ.

View this post on Instagram

A post shared by Suresh SatyamevaJayate2 (@thejohnabraham_suresh)

ವಿಡಿಯೋ ಮಾಡುತ್ತಿದ್ದನ್ನು ಗಮನಿಸಿದ ನಟ ಜಾನ್​ ಅಬ್ರಾಹಂ ಅವರು ಆ ಯುವಕನ ಕೈಯಲ್ಲಿದ್ದ ಮೊಬೈಲ್​ ಅನ್ನು ಕಿತ್ತುಕೊಂಡು ಕ್ಯಾಮೆರಾ ನೋಡುತ್ತಾ ತಾವು ಮಾತನಾಡಲು ಆರಂಭಿಸುತ್ತಾರೆ. ಇಗೋ ಅಲ್ಲಿ ನನ್ನ ಸ್ನೇಹಿತನಿದ್ದಾನೆ ಎಂದು ಹೇಳುತ್ತಿರುತ್ತಾರೆ. ಆಗಲೇ ದ್ವಿಚಕ್ರವಾಹನದಲ್ಲಿದ್ದ ಯುವಕ ನಟನನ್ನು ಹಿಂಬಾಲಿಸುತ್ತಾ ಬಂದು ಮೊಬೈಲ್​ ತೆಗೆದುಕೊಳ್ಳುತ್ತಾರೆ. ಜಾನ್​ ಅಬ್ರಾಹಂ ಅವರ ಈ ವಿಡಿಯೋ ವೈರಲ್​ ಆಗುತ್ತಿದೆ. ಅದಕ್ಕೆ ಅಭಿಮಾನಿಗಳು ಮೆಚ್ಚುಗೆ ಸೂಚಿಸುವುದರ ಜೊತೆಗೆ ಸಖತ್ತಾಗಿ ಕಮೆಂಟ್​ ಮಾಡುತ್ತಿದ್ದಾರೆ.

ಇದನ್ನೂ ಓದಿ: Aamir Khan-Karishma Kapoor: ಒಂದು ಚುಂಬನದ ದೃಶ್ಯಕ್ಕಾಗಿ ಸತತ ಮೂರು ದಿನಗಳ ಕಾಲ ನಡೆದಿತ್ತು ಚಿತ್ರೀಕರಣ

ಜಾನ್​ ಅಬ್ರಾಹಂ ಅವರು ತಮ್ಮ ಸಿನಿಮಾ ಸತ್ಯಮೇವ ಜಯತೆ 2 ಸಿನಿಮಾದ ರಿಲೀಸ್​ಗಾಗಿ ಕಾಯುತ್ತಿದ್ದಾರೆ. 2018ರಲ್ಲಿ ತೆರೆಕಂಡ ಸತ್ಯಮೇವ ಜಯತೆ ಸಿನಿಮಾದ ಸೀಕ್ವೆಲ್​ ಇದಾಗಿದೆ. ಆ್ಯಕ್ಷನ್​ ಥ್ರಿಲ್ಲರ್​ ಆಗಿರುವ ಈ ಸಿನಿಮಾದಲ್ಲಿ ತಂದೆ ಹಾಗೂ ಅವಳಿ ಮಗನ ಪಾತ್ರದಲ್ಲಿ ನಟಿಸಿದ್ದಾರೆ. ಸತ್ಯಮೇವ ಜಯತೆ 2 ಸಿನಿಮಾದಲ್ಲಿ ಜಾನ್​ ಅಬ್ರಾಹಂ ಅವರು ತ್ರಿಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಮಿಲಾಪ್​ ಜವೇರಿ ಈ ಸಿನಿಮಾವನ್ನು ನಿರ್ದೇಶನ ಮಾಡಿದ್ದಾರೆ.

ಪ್ರಾಣಿ ಪ್ರಿಯ ನಟ ಜಾನ್​ ಅಬ್ರಾಹಂ

ಜಾನ್​ ಅಬ್ರಹಾಂ ಪ್ರಾಣಿ ಪ್ರಿಯ ಅನ್ನೋದನ್ನು ಪ್ರತ್ಯೇಕವಾಗಿ ಹೇಳಬೇಕಿಲ್ಲ. ಬೀದಿಯಲ್ಲಿರುವ ಪ್ರಾಣಿಗಳಿಗೆ ನಿತ್ಯ ಊಟ ಉಣಿಸುವ ಜಾನ್​ ಈಗ ಮುಂಬೈನಲ್ಲಿ ಸಾಕು ಪ್ರಾಣಿಗಳ ಪರ ನಿಂತಿದ್ದಾರೆ. ಜಾನ್​ ಅಬ್ರಹಾಂ ಬೀದಿ ನಾಯಿಯನ್ನು ದತ್ತು ತೆಗೆದುಕೊಂಡು ಸಾಕುವುದರೊಂದಿಗೆ ಮುಂಬೈನ ಬೀದಿಗಳಲ್ಲಿ ಪ್ರಾಣಿಗಳಿಗೆ ರಾತ್ರಿ ಊಟ ಹಾಕುತ್ತಾರೆ. ಇಂತಹ ನಟ ಅಗತ್ಯ ಬಿದ್ದಾಗಲೆಲ್ಲ ಸಾಕು ಪ್ರಾಣಿಗಳ ಪರವಾಗಿ ದನಿ ಎತ್ತುತ್ತಿರುತ್ತಾರೆ.

ಈ ಹಿಂದೆ ಕೊರೋನಾ ಸೋಂಕು ಹರಡುವ ಬಗ್ಗೆ ದಾರಿ ತಪ್ಪಿಸುವ ವದಂತಿಗಳನ್ನು ಕೆಲವರು ಹಬ್ಬಿಸುತ್ತಿದ್ದರು. ಆದರೆ ದುರಾದೃಷ್ಟವಶಾತ್​ ಮುಂಬೈನಲ್ಲೂ ಬೃಹನ್​ ಮುಂಬೈ ಮುನ್ಸಿಪಲ್​ ಕಾರ್ಪೊರೇಶನ್​ (ಬಿಎಂಸಿ) ಸಹ ಜನರನ್ನು ದಾರಿ ತಪ್ಪಿಸುವ ಸುದ್ದಿಯೊಂದನ್ನು ಹಬ್ಬಿಸಿತ್ತು. ಅದು ಸಾಕು ಪ್ರಾಣಿಗಳಿಂದ ಈ ಸೋಂಕು ಹರಡುತ್ತದೆ ಎಂದು ರಸ್ತೆಗಳಲ್ಲಿ ಫಲಕಗಳನ್ನು ಹಾಕಿಸಲಾಗಿತ್ತು. ಇದರ ಪರಿಣಾಮ ಸಾಕಷ್ಟು ಮಂದಿ ತಮ್ಮ ಸಾಕು ಪ್ರಾಣಿಗಳನ್ನು ಅನಾಥವಾಗಿ ಮಾಡಲು ಮುಂದಾಗಿದ್ದರು.

ಇದನ್ನೂ ಓದಿ: ಮಗಳ ಮೊದಲ ಫೋಟೋಶೂಟ್​ನ ಚಿತ್ರಗಳನ್ನು ಶೇರ್​ ಮಾಡಿದ ನಟಿ Chaithra Rai

ಈ ವಿಷಯವಾಗಿ ಆಗ ನಟ ಜಾನ್​ ಅಬ್ರಹಾಂ ಬಿಎಂಸಿಯನ್ನು ತರಾಟೆಗೆ ತೆಗೆದುಕೊಂಡಿದ್ದರು. ಇಂತಹ ದಾರಿ ತಪ್ಪಿಸುವ ವದಂತಿಗಳನ್ನು ಹಬ್ಬಿಸಬೇಡಿ ಎಂದು ಟ್ವೀಟ್​ ಮಾಡಿದ್ದರು. 'ದಾರಿ ತಪ್ಪಿಸುವ ಮಾಹಿತಿ ನೀಡುವ ಮೂಲಕ ಸಾಕು ಪ್ರಾಣಿಗಳ ಪಾಲಕರಲ್ಲಿ ಆತಂಕ ಮೂಡಿಸಿದ್ದಕ್ಕೆ ಕ್ಷಮೆ ಯಾಚಿಸುತ್ತೇವೆ. ನಮ್ಮ ತಪ್ಪಿನ ಅರಿವಾದ ಕೂಡಲೇ ಎಲ್ಲ ಫಲಕಗಳನ್ನು ತೆರವುಗೊಳಿಸಿದ್ದೇವೆ. ನಾವು ಪ್ರಾಣಿಗಳನ್ನು ಪ್ರೀತಿಸುತ್ತೇವೆ' ಬಿಎಂಸಿ ಟ್ವೀಟ್​ ಮಾಡಿತ್ತು. ಸ್ಟಾರ್​ಗಳು ತಮಗಿರುವ ತಾರಾ ವರ್ಚಸ್ಸನ್ನು ಹೇಗೆ ಒಳ್ಳೆಯ ಕೆಲಸಗಳಿಗೆ ಬಳಸಬಹುದು ಎಂದು ಜಾನ್​ ತೋರಿಸಿಕೊಟ್ಟಿದ್ದರು. ಅವರ ಕೆಲಸಕ್ಕೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗಿತ್ತು.