‘ಯುವರತ್ನ‘ ಚಿತ್ರದ ಟ್ರೇಲರ್, ಹಾಡು ಬಿಡುಗಡೆ ಯಾವಾಗ?; ಇಲ್ಲಿದೆ ಅಪ್ಡೇಟ್

ಲಾಕ್​ಡೌನ್​ ಆರಂಭವಾಗುದಕ್ಕೂ ಮುಂಚೆ ‘ಯುವರತ್ನ‘ ಸಿನಿಮಾದ ಟ್ರೇಲರ್​ ಬಿಡುಗಡೆಯಾಗಿತ್ತು. ಆದಾದ ನಂತರ ಪುನೀತ್​ ರಾಜ್​ ಕುಮಾರ್​ ಹುಟ್ಟು ಹಬ್ಬದಂದು ಉಡುಗೊರೆಯಾಗಿ ಟೀಸರ್​ ಬಿಡುಗಡೆ ಮಾಡಲಾಗಿತ್ತು. ಇದೀಗ ಲಾಕ್​ಡೌನ್​ ನಂತರ ಯುವರತ್ನ ಸಿನಿಮಾದ ಬಗ್ಗೆ ಯಾವುದೇ ಅಪ್ಡೇಟ್​ ಸಿಗದೆ ಸುಮಾರು ಒಂದೂವರೆ ತಿಂಗಳು ಕಳೆದಿದೆ. ಅಭಿಮಾನಿಗಳು ಟ್ರೇಲರ್​ ಅಥವಾ ಹಾಡು ಬಿಡುಗಡೆ ಮಾಡಿ ಎಂದು ಕೇಳುತ್ತಿದ್ದಾರೆ.

ಕಾರ್ಮಿಕರ ದಿನಾಚರಣೆ ವಿಶೇಷವಾಗಿ ‘ಯುವರತ್ನ‘ ಸಿನಿಮಾದ ನಿರ್ದೇಶಕ ಸಂತೋಷ್​ ಆನಂದ್​ ರಾಮ್​ ವಿಡಿಯೋ ತುಣುಕಿನ ಮೂಲಕ ಶುಭಾಶಯ ಕೋರಿದ್ದರು. ಮಾತ್ರವಲ್ಲದೆ, ‘ಯುವರತ್ನ‘ ಸಿನಿಮಾ ಬಗ್ಗೆಯೂ ಅಪ್ಡೇಟ್​ ಕೊಟ್ಟಿದ್ದಾರೆ. ಪರಿಸ್ಥಿತಿ ಎಲ್ಲವೂ ಸಹಜ ಸ್ಥಿತಿಗೆ ಮರಳಿದ ನಂತರ ‘ಯುವರತ್ನ‘ ಸಿನಿಮಾ ಹಾಡು ಮತ್ತು ಟ್ರೇಲರ್​​ ಬಿಡುಗಡೆ ಮಾಡುವುದಾಗಿ ವಿಡಿಯೋದಲ್ಲಿ ಹೇಳಿದ್ದಾರೆ.

ಹಾಡುಗಳು ಹಾಗೂ ಟ್ರೇಲರ್​​ ಕುರಿತು ಅಭಿಮಾನಿಗಳಲ್ಲಿ ಬಹಳ ನಿರೀಕ್ಷೆಗಳಿವೆ. ಇದು ನಮ್ಮ ಜವಬ್ದಾರಿಯನ್ನು ಹೆಚ್ಚಿಸಿವೆ. ಸಂಗೀತ ನಿರ್ದೇಶಕ ಎಸ್​​ ತಮನ್​​ ‘ಯುವರತ್ನ‘ ಸಿನಿಮಾಗೆ ಐದು ಅತ್ಯುತ್ತಮ ಹಾಡನ್ನು ರಚಿಸಿದ್ದಾರೆ. ಈ ಹಾಡುಗಳನ್ನು ಹಂತ ಹಂತವಾಗಿ ಬಿಡಗಡೆ ಮಾಡಲಾಗುವುದು ಎಂದು ತಿಳಿಸಿದ್ದಾರೆ.

ಸದ್ಯ ಲಾಕ್​ಡೌನ್​ ಅವಧಿಯಲ್ಲಿ ಪ್ರತಿಯೊಬ್ಬರು ಮನೆಯಲ್ಲಿ ಕುಳಿತುಕೊಂಡು ಸುರಕ್ಷತೆ ಬಗ್ಗೆ ಹೆಚ್ಚು ಕಾಳಜಿವಹಿಸಿ ಎಂದು ಕೋರಿದ್ದಾರೆ.

View this post on Instagram

PATIENCE IS POWER💪

A post shared by SanthoshAnanddramOfficial (@santhosh_ananddram) on Apr 28, 2020 at 6:35am PDT

ನಟ ಪುನೀತ್ ರಾಜ್​ಕುಮಾರ್​​ ಮತ್ತು ನಿರ್ದೇಶಕ ಸಂತೋಷ್​ ಆನಂದ್​ ರಾಮ್​ ಜೊತೆಯಾಗಿ ಮಾಡುತ್ತಿರುವ 2ನೇ ಸಿನಿಮಾ ಇದಾಗಿದೆ. ಈ ಹಿಂದೆ ಹೊಂಬಾಳೆ ಪ್ರೊಡಕ್ಷನ್​ನಲ್ಲಿ ‘ರಾಜಕುಮಾರ‘ ಸಿಸಿನಿಮಾವನ್ನು ನಿರ್ಮಿಸಿದ್ದರು. ಇದೀಗ ‘ಯುವರತ್ನ‘ ಸಿನಿಮಾದ ಮೂಲಕ 2ನೇ ಬಾರಿಗೆ ಕೈಜೋಡಿಸಿಕೊಂಡು ಸಿನಿಮಾ ಮಾಡುತ್ತಿದ್ದಾರೆ. ವಿಜಯ್​ ಕಿರಗಂದೂರ್​​ ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ.

ಯುವರತ್ನ ಸಿನಿಮಾದಲ್ಲಿ ಪುನೀತ್​ಗೆ ನಾಯಕಿಯಾಗಿ ಸಯೆಷಾ ಕಾಣಿಸಿಕೊಂಡಿದ್ದಾರೆ. ವಿಲನ್​ ಪಾತ್ರದಲ್ಲಿ ಡಾಲಿ ದಣಂಜಯ್​ ನಟಿಸುತ್ತಿದ್ದಾರೆ. ದಿಗಂತ್​, ಸೋನು ಗೌಡ, ಪ್ರಕಾಶ್​ ರೈ, ಸಾಯಿ ಕುಮಾರ್​​ ಪ್ರಮುಖ ಪಾತ್ರದಲ್ಲಿದ್ದಾರೆ.

KGF Chapter 2: ನರಾಚಿ ಸೆಟ್​ನಲ್ಲಿ ಕ್ರಿಕೆಟ್ ಆಟ; ಬ್ಯಾಟ್ ಹಿಡಿದು ಧೂಳೆಬ್ಬಿಸಿದ್ದ ಕೆ.ಜಿ.ಎಫ್ ಡೈರೆಕ್ಟರ್