HOME » NEWS » Entertainment » SANJANA GALRANI ASKS CCB THAT WHY I SHOULD BE PUNISHED FOR RAHULS DOINGS RMD

Sanjana Galrani: ರಾಹುಲ್​ ತಪ್ಪು ಮಾಡಿದರೆ ನನಗೇಕೆ ಶಿಕ್ಷೆ ಕೊಡುತ್ತಿದ್ದೀರಾ?; ನಟಿ ಸಂಜನಾ ಗಲ್ರಾನಿ ಪ್ರಶ್ನೆ

ಡ್ರಗ್​ ಜಾಲ ವಿಚಾರಕ್ಕೆ ಸಂಬಂಧಿಸಿದಂತೆ ನಟಿ ಸಂಜನಾ ಗಲ್ರಾನಿ ಆಪ್ತ ಎಂದು ಹೇಳಲಾದ ರಾಹುಲ್​ ಎಂಬಾತತನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ. ಈ ಪ್ರಕರಣದಲ್ಲಿ ಸಂಜನಾ ಹೆಸರನ್ನು ತರುತ್ತಿರುವುದಕ್ಕೆ ಅವರು ಸಿಟ್ಟಾಗಿದ್ದಾರೆ. ಆತ ತಪ್ಪು ಮಾಡಿದ್ರೆ ನನಗೇಕೆ ಶೀಕ್ಷೆ ನೀಡುತ್ತಿದ್ದೀರಿ ಎಂದು ಪ್ರಶ್ನೆ ಮಾಡಿದ್ದಾರೆ.

news18-kannada
Updated:September 4, 2020, 11:46 AM IST
Sanjana Galrani: ರಾಹುಲ್​ ತಪ್ಪು ಮಾಡಿದರೆ ನನಗೇಕೆ ಶಿಕ್ಷೆ ಕೊಡುತ್ತಿದ್ದೀರಾ?; ನಟಿ ಸಂಜನಾ ಗಲ್ರಾನಿ ಪ್ರಶ್ನೆ
ಸಂಜನಾ ಗಲ್ರಾನಿ
  • Share this:
ಬೆಂಗಳೂರು (ಆಗಸ್ಟ್​ 4): ಸ್ಯಾಂಡಲ್​ವುಡ್​ನಲ್ಲಿ ಸದ್ಯ ಡ್ರಗ್​ ವಿಚಾರ ತುಂಬಾನೇ ಸುದ್ದಿ ಮಾಡುತ್ತಿದೆ. ಡ್ರಗ್​ ಜಾಲ ವಿಚಾರಕ್ಕೆ ಸಂಬಂಧಿಸಿದಂತೆ ನಟಿ ಸಂಜನಾ ಗಲ್ರಾನಿ ಆಪ್ತ ಎಂದು ಹೇಳಲಾದ ರಾಹುಲ್​ ಎಂಬಾತತನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ. ಸದ್ಯ ಪೊಲೀಸರು ಆತನ ವಿಚಾರಣೆ ಮಾಡುತ್ತಿದ್ದಾರೆ. ಈ ವೇಳೆ ಆತ ಕೆಲ ಹೆಸರುಗಳನ್ನು ಹೇಳಿದ್ದಾನೆ ಎನ್ನಲಾಗಿದೆ. ಇನ್ನು, ಈ ಪ್ರಕರಣದಲ್ಲಿ ಸಂಜನಾ ಹೆಸರು ಕೂಡ ಕೇಳಿ ಬಂದಿದ್ದು, ಈ ಬಗ್ಗೆ ನಟಿ ಸಿಟ್ಟಾಗಿದ್ದಾರೆ. ಆತನನ್ನು ಬಂಧಿಸಿದರೆ ನನ್ನನ್ನೇಕೆ ಪ್ರಕರಣದಲ್ಲಿ ಎಳೆದು ತರುತ್ತಿದ್ದೀರಿ ಎಂದು ಪ್ರಶ್ನೆ ಮಾಡಿದ್ದಾರೆ. ಇನ್ನು ರಾಹುಲ್​ ಬಗ್ಗೆ ಗೊತ್ತಿರುವ ವಿಚಾರವನ್ನು ಅವರು ಹೇಳಿಕೊಂಡಿದ್ದಾರೆ.

ರಾಹುಲ್​ ತುಂಬಾ ಪಾರ್ಟಿ ಮಾಡ್ತಾನೆ. ಏನೋ ಹುಡುಗಾಟದಲ್ಲಿ ಆತನನ್ನು ಕರೆದೊಯ್ದಿದ್ದಾರೆ ಅಂದುಕೊಂಡಿದ್ದೆ. ಆದರೆ ಇದುವರೆಗೂ ಆತನನ್ನು ಬಿಡುಗಡೆ ಮಾಡಿಲ್ಲ. ಆತನ ತಂದೆ, ತಾಯಿ ತುಂಬ ಒಳ್ಳೆಯವರು. ತಂದೆ ಹಾರ್ಟ್ ಪೇಷೆಂಟ್​. ಆದರೆ, ಆತ ತಪ್ಪು ಮಾಡಿದ್ರೆ ನನ್ನನ್ಯಾಕೆ ಬಲಿ ಕಾ ಬಕ್ರಾ ಮಾಡುತ್ತಿದ್ದೀರಿ ಎಂಬುದು ನನಗೆ ಗೊತ್ತಾಗುತ್ತಿಲ್ಲ, ಎಂದು ಬೇಸರ ತೋಡಿಕೊಂಡಿದ್ದಾರೆ.

ಮುಂದುವರಿದು, ನನಗೆ ಇದುವರೆಗೂ ಸಿಸಿಬಿ ನೊಟೀಸ್ ಬಂದಿಲ್ಲ. ಸ್ಯಾಂಡಲ್​ವುಡ್​ನಲ್ಲಿ ಡ್ರಗ್ಸ್​ ಇರೋ ಬಗ್ಗೆ ನಾನು ಕೇಳಿಲ್ಲ. ಅದಕ್ಕೂ ನನಗೂ ಸಂಬಂಧವಿಲ್ಲ. ಅಪ್ಪಿ ತಪ್ಪಿ ಪಾರ್ಟಿಗಳಿಗೆ ಹೋಗುತ್ತಿದೆ. ಕಳೆದ ಡಿಸೆಂಬರ್​ನಲ್ಲಿ ಅನಾಹುತವಾದ ಬಳಿಕ ಪಾರ್ಟಿಗೆ ಹೋಗೋದನ್ನೂ ಬಿಟ್ಟಿದ್ದೇನೆ. ಸ್ಯಾಂಡಲ್ವುಡ್ ನಟ, ನಟಿಯರು ಅಂತ ಜನರಲೈಸ್ ಮಾಡೋದು ಬೇಡ. ಯಾರು ಡ್ರಗ್ಸ್ ಬಳಸಿದ್ದಾರೋ ಅವರನ್ನು ಹುಡುಕಿ ಅವರ ಹೆಸರನ್ನು ಹೇಳಿ, ಎಂದರು.

ಪ್ರಶಾಂತ್​ ಸಂಭರಗಿ ಇತ್ತೀಚೆಗೆ ಸ್ಯಾಂಡಲ್​ವುಡ್​ನಲ್ಲಿ ತುಂಬಾನೇ ಸುದ್ದಿಯಾಗಿದ್ದಾರೆ. ಸ್ಯಾಂಡಲ್​ವುಡ್​ನ ಅನೇಕ ಕಲಾವಿದರು ಡ್ರಗ್ಸ್​ ತೆಗೆದುಕೊಳ್ಳುತ್ತಾರೆ ಎಂದಿದ್ದರು. ಪರೋಕ್ಷವಾಗಿ ಸಂಜನಾ ವಿರುದ್ಧವೂ ಹರಿಹಾಯ್ದಿದ್ದರು. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಸಂಜನಾ,  ಪ್ರಶಾಂತ್ ಸಂಬರಗಿ ಯಾರು ಅಂತ ನನಗೆ ಗೊತ್ತಿಲ್ಲ.ವಾಣಿಜ್ಯ ಮಂಡಳಿಯೇ ಆತನನ್ನು ಬೈದು ದೂರ ಇಟ್ಟಿದೆ. ವಾಣಿಜ್ಯ ಮಂಡಳಿಗಿಂತ ದೊಡ್ಡವಳು ನಾನಲ್ಲ. 15 ಜನರಿರಲಿ, ಸಾವಿರದ ಐನೂರು ಜನರಿರಲಿ, ಡ್ರಗ್​ಗೂ ನನಗೂ ಸಂಬಂಧವಿಲ್ಲ. ನನಗೆ ಅಗ್ಗದ ಪ್ರಚಾರ ಬೇಕಿಲ್ಲ ಎಂದು ನೇರವಾಗಿ ಹೇಳಿದ್ದಾರೆ.
Published by: Rajesh Duggumane
First published: September 4, 2020, 11:46 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories