Prashanth Neel: ಅಭಿಮಾನಿಗಳ ತಲೆಗೆ ಹುಳ ಬಿಟ್ಟ ಪ್ರಶಾಂತ್ ನೀಲ್, 3 ಚಿತ್ರಗಳ ಫೋಟೋ ಹಂಚಿಕೊಂಡ ಸ್ಟಾರ್ ಡೈರೆಕ್ಟರ್

ರಾಕಿಂಗ್ ಸ್ಟಾರ್ ಯಶ್ (Yash) ಹಾಗೂ ನಿರ್ದೇಶಕ ಪ್ರಶಾಂತ್ ನೀಲ್ (Prashanth Neel) ಕಾಂಬಿನೇಷನ್​ ನ ಕೆಜಿಎಫ್ 2 (KGF 2) ಚಿತ್ರ ಈಗಾಗಲೇ ಬಾಕ್ಸ್ ಆಫೀಸ್​ ನಲ್ಲಿ ಸಖತ್ ಕಲೇಕ್ಷನ್ ಮಾಡಿ ಎಲ್ಲಾ ದಾಖಲೆಗಳನ್ನೂ ಅಳಿಸಿ ಹಾಕಿದೆ. ಕೆಜಿಎಫ್ 2 ಚಿತ್ರದಿಂದ ಇಡೀ ಭಾರತೀಯ ಚಿತ್ರರಂಗವೇ ಒಮ್ಮೆ ಕನ್ನಡದತ್ತ ತಿರುಗಿ ನೋಡುವಂತೆ ಮಾಡಿದ ಸ್ಟಾರ್ ಡೈರೆಕ್ಟರ್ ನೀಲ್ ಇದಿಗ ಕೆಜಿಎಫ್ 2 ಗೆಲುವಿನ ಅಲೆಯಲ್ಲಿದ್ದಾರೆ. ಇದರ ಜೊತೆಗೆ ತೆಲುಗಿನ ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ (Prabhas) ಜೊತೆ ಸಲಾರ್ (Salaar) ಚಿತ್ರವನ್ನೂ ಮಾಡುತ್ತಿದ್ದು, ಅದರ ಕೆಲಸಗಳಲ್ಲಿ ಬ್ಯೂಸಿಯಾಗಿದ್ದಾರೆ. ಅದರ ಜೊತೆ ಮೊನ್ನೆಯಷ್ಟೇ ತೆಲುಗಿನ ಜೂನಿಯರ್ ಎನ್​ಟಿಆರ್ (Jr, NTR) ಜೊತೆ ಹೊಸ ಚಿತ್ರದ ಅನೌನ್ಸ್ ಸಹ ಮಾಡಿದ್ದಾರೆ. ಇದರ ನಡುವೆ ಅಭಿಮಾನಿಗಳ ತಲೆಗೆ ಹುಳ ಬೀಡುವ ಒಂದು ಫೋಟೋವನ್ನು ನೀಲ್ ಹಂಚಿಕೊಂಡಿದ್ದಾರೆ.

3 ಚಿತ್ರಗಳ ಪೋಸ್ಟರ್ ಅನ್ನು ಹಂಚಿಕೊಂಡ ನೀಲ್:

ಹೌದು, ನಿರ್ದೇಶಕ ಪ್ರಶಾಂತ್ ನೀಲ್ ಇದೀಗ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯೂಸಿ ಆಗಿದ್ದಾರೆ. ಇದರ ನಡುವೆ ಅವರು ತಮ್ಮ ಫೇಸ್​ಬುಕ್ ಮತ್ತು ಟ್ವಿಟರ್​ ನಲ್ಲಿ ಒಂದು ಫೋಟೋವನ್ನು ಹಂಚಿಕೊಂಡಿದ್ದು, ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿಸಿದೆ. ಹೌದು, ನೀಲ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಕೆಜಿಎಫ್ 2, ಸಲಾರ್ ಮತ್ತು ಎನ್​ಟಿಆರ್​31 ಚಿತ್ರಗಳ 3 ಪೋಸ್ಟರ್​ ಅನ್ನು ಜೋಡಿಸಿ ಹಂಚಿಕೊಂಡಿದ್ದಾರೆ. ಈ ಫೋಸ್ಟರ್ ಅನ್ನು ನೋಡಿದ ಅಭಿಮಾನಿಗಳಿಗೆ ಕುತೂಹಲ ಹೆಚ್ಚಿದೆ.

ಮೂರು ಚಿತ್ರಗಳಿಗೆ ಕನೇಕ್ಟ್ ಇದೆಯಾ?:

ಪ್ರಶಾಂತ್ ನೀಲ್ ಈ ಪೋಟೋ ಅವನ್ನು ಶೇರ್ ಮಾಡಿಕೊಂಡ ನಂತರ ಇದೀಗ ಸಿನಿ ಪ್ರೇಮಿಗಳಲ್ಲಿ ಹೊಸದೊಂದು ಅನುಮಾನ ಹುಟ್ಟಿದ್ದು, ಈ ಮೂರು ಚಿತ್ರಗಳಿಗೂ ಏನಾದರೂ ಕನೆಕ್ಟ್ ಇದೆಯಾ ಎಂದು ಅನುಂಆನಿಸುತ್ತಿದ್ದಾರೆ. ಅದಲ್ಲದೇ ಕೆಜಿಎಫ್ 2 ಅಂತ್ಯದಲ್ಲಿ ಕೆಜಿಎಫ್ 3 ಚಿತ್ರ ಬರಲಿದೆ ಎಂಬ ಸುಳಿವನ್ನು ನೀಡಿದ್ದರ ಜೊತೆಗೆ ಇದೀಗ ಹೊಸ ಫೋಸ್ಟರ್ ಮತ್ತಷ್ಟು ಕುತೂಹಲವನ್ನು ಹೆಚ್ಚಿಸಿದೆ. ಅಲ್ಲದೇ ಕೆಲ ದಿನಗಳ ಹಿಂದೆ ಸಲಾರ್ ಕೆಜಿಎಫ್ 3 ಮುಂದಿನ ಭಾಗವಾಗಲಿದೆಯಾ ಎಂಬ ಮಾತುಗಳೂ ಕೇಳಿಬರುತ್ತಿತ್ತು.

ಇದನ್ನೂ ಓದಿ: 5 ವಾರಗಳಲ್ಲಿ KGF 2 ಬಾಕ್ಸ್ ಆಫೀಸ್ ಕಲೆಕ್ಷನ್ ಎಷ್ಟು? ಬಾಲಿವುಡ್​ನಲ್ಲಿ ಅಬ್ಬರಿಸಿದ ಸೌತ್ ಸಿನಿಮಾಗಳಿವು

ಕೆಜಿಎಫ್​ 3 ಅಂದ್ರೆ ಸಲಾರ್​ ಸಿನಿಮಾನಾ?:

ಹೌದು, ಇಂಥದ್ದೊಂದು ಚರ್ಚೆ ಸಾಮಾಜಿಕ ಜಾಲತಾಣದಲ್ಲಿ ಜೋರಾಗಿದೆ. ಹಾಲಿವುಡ್​ನ ಮಾರ್ವೆಲ್ಸ್​​ ರೀತಿಯಲ್ಲಿ, ಪ್ರಶಾಂತ್​ ನೀಲ್​ ಸಿನಿಮಾ ಮಾಡುತ್ತಿದ್ದಾರೆ ಎಂದು ಅಭಿಮಾನಿಗಳು ಮಾತನಾಡಿಕೊಳ್ಳುತ್ತಿದ್ದಾರೆ. ಹಾಲಿವುಡ್ ಮಾರ್ವೆಲ್ಸ್​ ಸಿನಿಮಾಗಳಲ್ಲಿ ಒಂದು ಸಿನಿಮಾದಲ್ಲಿ ಮತ್ತೊಂದು ಸಿನಿಮಾದ ಲಿಂಕ್​ ಇರಲಿದೆ. ಇದನ್ನೇ ಇಲ್ಲಿ ಕನ್ದನಡದಲ್ಲಿ ಪ್ರಶಾಂತ್​ ನೀಲ್​ ಮಾಡುತ್ತಿದ್ದಾರೆ ಅಂತ ಹೇಳಲಾಗುತ್ತಿದೆ. ಇದೀಗ ಕೆಜಿಎಫ್​ ಚಾಪ್ಟರ್​ 3 ಅಂದ್ರೆ ಪ್ರಭಾಸ್​​ ನಟನೆಯ ಸಲಾರ್​ ಸಿನಿಮಾನಾ ಅನ್ನೋ ಅನುಮಾನ ಶುರುವಾಗಿದ್ದು, ಅದಕ್ಕೆ ಮತ್ತೊಮ್ಮೆ ಪುಷ್ಠಿ ನೀಡುವಂತೆ ನೀಲ್ ಹೊಸ ಫೋಟೋವನ್ನು ಹಂಚಿಕೊಂಡು ಅಭಿಮಾನಿಗಳ ತಲೆಗೆ ಹುಳ ಬಿಟ್ಟಿದ್ದಾರೆ.

ಇದನ್ನೂ ಓದಿ: Dhanush: ಧನುಷ್ ತಮ್ಮ ಮಗ ಎಂದ ಮಧುರೈ ಮೂಲದ ದಂಪತಿಗೆ ಲೀಗಲ್ ನೋಟಿಸ್ ನೀಡಿದ ನಟ

ಬಘೀರ ಚಿತ್ರಕ್ಕೂ ನೀಲ್ ಕಥೆ:

ಗಾಂಧಿ ನಗರದಲ್ಲಿ ಇದೀಗ ಹೊಸ ಚರ್ಚೆಯೊಂದು ಹುಟ್ಟಿಕೊಂಡಿದೆ. ಹವದು, ಕಳೆದ 2 ದಿನಗಳ ಹಿಂದೆಯಷ್ಟೇ ರೋರಿಂಗ್ ಸ್ಟಾರ್ ಶ್ರೀ ಮುರಳಿ ಅವರ ಮುಂದಿನ ‘ಬಘೀರ‘ಚಿತ್ರದ ಮುಹೂರ್ತ ಕಾರ್ಯಕ್ರಮ ನಡೆಯಿತು. ಆದರೆ ಈ ಚಿತ್ರಕ್ಕೆ ನಿರ್ದೇಶಕ ಪ್ರಶಾಂತ್ ನೀಲ್ ಕಥೆ ಮಾಡಿಕೊಟ್ಟಿದ್ದಾರೆ. ಹೀಗಾಗಿ ಬಘೀರ ಚಿತ್ರ ಸಹ ಕೆಜಿಎಫ್ 3 ನಲ್ಲಿ ಒಂದಾಗಲಿದೆಯಾ ಎಂಬ ಮಾತುಗಳು ಜೋರು ಕೇಳಿಬರುತ್ತಿದ್ದು, ಆದರೆ ಈ ಎಲ್ಲಾ ಪ್ರಶ್ನೇಗಳಿಗೆ ನೀಲ್ ಉತ್ತರಿಸಬೇಕಿದೆ. ಒಟ್ಟಿನಲ್ಲಿ ನೀಲ್ ಅವರ ಹೊಸ ಪೋಸ್ಟರ್ ಅನ್ನು ನೋಡಿದ ಅಭಿಮಾನಿಗಳು ಸಖತ್ ಥ್ರಿಲ್ ಆಗಿದ್ದಾರೆ.