Happy Birthday DBoss: ಟ್ವಿಟರ್​ನಲ್ಲಿ ಟ್ರೆಂಡ್​ ಆಗುತ್ತಿದೆ ದರ್ಶನ್​ ಹುಟ್ಟುಹಬ್ಬದ ವಿಷಯ..!

ಚಾಲೆಂಜಿಂಗ್​ ಸ್ಟಾರ್​ ಇಂದು ಹುಟ್ಟುಹಬ್ಬದ ಸಂಭ್ರಮಲ್ಲಿದ್ದಾರೆ. 44ನೇ ವಸಂತಕ್ಕೆ ಕಾಲಿಟ್ಟಿರುವ ನಟಿನಿಗೆ ಸ್ಯಾಂಡಲ್​ ಸೆಲೆಬ್ರಿಟಿಗಳು ಹಾಗೂ ಅಭಿಮಾನಿಗಳು ಬರ್ತ್​ ಡೇಗೆ ಶುಭ ಕೋರುತ್ತಿದ್ದಾರೆ. ಕನ್ನಡ ಸಿನಿರಂಗದಲ್ಲಿ ದೊಡ್ಡ ಅಭಿಮಾನಿ ಬಳಗವನ್ನು ಹೊಂದಿರುವ ನಟ ದರ್ಶನ್ ಎಂದರೆ ತಪ್ಪಾಗದು. ಪ್ರತಿ ವರ್ಷ ದರ್ಶನ್​ಅವರ ಹುಟ್ಟುಹಬ್ಬಕ್ಕೆ ಕೆಲವು ದಿನಗಳು ಇರುವಾಗಲೇ ಅಭಿಮಾನಿಗಳು  ಸೋಶಿಯಲ್​ ಮೀಡಿಯಾದಲ್ಲಿ ಡಿಬಾಸ್ ಹೆಸರಲ್ಲಿ ಸಂಭ್ರಮಿಸೋಕೆ ಆರಂಭಿಸುತ್ತಾರೆ. ಸತತವಾಗಿ ಹಲವಾರು ದಿನಗಳು ದರ್ಶನ್​ ಅವರ ಹುಟ್ಟುಹಬ್ಬದ ವಿಷಯ ಟ್ವಿಟರ್​ನಲ್ಲಿ ಟ್ರೆಂಡ್​ ಆಗುತ್ತಿರುತ್ತದೆ. ಇನ್ನು ಈ ಸಲ ದರ್ಶನ್​  ಅಭಿಮಾನಿಗಳೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿಲ್ಲ. ಜೊತೆಗೆ ಅವರು ಬೆಂಗಳೂರಿನಲ್ಲಿ ಇರುವುದೂ ಇಲ್ಲ. ಈ ಹಬ್ಬೆ ಈ ಹಿಂದೆ ಫೇಸ್​ಬುಕ್​ ಲೈವ್​ ಬಂದಾಗ  ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದರು,.

ಇನ್ನು ಇಂದು ದರ್ಶನ್​ ಅವರ ಹುಟ್ಟುಹಬ್ಬ. ಬಾಸ್​ ಪರ್ವ ಎಂಬ ಹೆಸರಿನಲ್ಲಿ ಸಾಮಾಜಿಕ ಜಾಲತಾಣದಲ್ಲಿ ಅಭಿಮಾನಿಗಳು ಅದನ್ನು ಆಚರಿಸುತ್ತಿದ್ದಾರೆ. ಈಗಾಗಲೇ ಡಿಬಾಸ್​ ದರ್ಶನ್​ ಅವರ ಹುಟ್ಟುಹಬ್ಬದ ವಿಷಯ ಟ್ವಿಟರ್​ನಲ್ಲಿ ಟ್ರೆಂಡ್​ ಆಗುತ್ತಿದೆ.

ರಾಬರ್ಟ್​ ಟೀಸರ್ ರಿಲೀಸ್​

ಇಂದು ಬೆಳಿಗ್ಗೆ 10-05ಕ್ಕೆ ರಾಬರ್ಟ್​ ಸಿನಿಮಾದ ಟ್ರೇಲರ್​ ರಿಲೀಸ್ ಆಗಲಿದೆ. ಮಾರ್ಚ್​ 11ಕ್ಕೆ ರಾಬರ್ಟ್​ ಚಿತ್ರ ಕನ್ನಡ ಹಾಗೂ ತೆಲುಗಿನಲ್ಲಿ ರಿಲೀಸ್ ಆಗಲಿದ್ದು, ಟ್ರೇಲರ್​ ಸಹ ಇಂದು ಎರಡೂ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.

Thank you @harimonium sir 🙏🙏#ChallengingStar #BoxOfficeSulthan #DBoss 's #Roberrt Trailer from today 10:05 AM 💥#RoberrtTrailerRoarOnFeb16

https://t.co/IKwWnRKH9C @dasadarshan @TharunSudhir @UmapathyFilms @StarAshaBhat @ArjunJanyaMusic @umap30071 @Dcompany171 @harimonium https://t.co/nkNDRL0T1L

— aanandaaudio (@aanandaaudio) February 15, 2021

ಈಗಾಗಲೇ ಟೀಸರ್​ ಹಾಗೂ ಹಾಡುಗಳಿಂದ ಸದ್ದು ಮಾಡುತ್ತಿರುವ ರಾಬರ್ಟ್​ ಸಿನಿಮಾದ ಬಗ್ಗೆ ಇರುವ ನಿರೀಕ್ಷೆ ದುಪ್ಪಟ್ಟಾಗಿದೆ. ಈ ಕಾರಣದಿಂದಲೇ ಅಭಿಮಾನಿಗಳು ಟ್ರೇಲರ್​ಗಾಗಿ ಕಾತರರಾಗಿದ್ದಾರೆ. ಇನ್ನು ಚಿತ್ರತಂಡ ಸಹ ಅಭಿಮಾನಿಗಳಿಗೆ ಇಷ್ಟವಾಗುವಂತೆ ಟ್ರೇಲರ್​ ಮಾಡಲು ಸಾಕಷ್ಟು ಶ್ರಮವಹಿಸಿದೆ.

ಇದನ್ನೂ ಓದಿ: ರಾಜಕುಮಾರಿಯ ಲುಕ್​ನಲ್ಲಿ ಅಲ್ಲು ಅರ್ಜುನ್ ಮಗಳು​ ಅಲ್ಲು ಅರ್ಹಾ

ವಿಶೇಷ ಹಾಡು ರಿಲೀಸ್​

ದರ್ಶನ್​ ಹುಟ್ಟುಹಬ್ಬಕ್ಕಾಗಿ ಅಭಿಮಾನಿಗಳು  ವಿಶೇಷ ಹಾಡೊಂದನ್ನು ಬಿಡುಗಡೆ ಮಾಡಿ ಅವರ ಅಭಿಮಾನ ಮೆರೆದಿದ್ದಾರೆ. ಬಾಕ್ಸ್​ ಆಫೀಸ್​ ಸುಲ್ತಾನ ಎಂಬ ಹೆಸರಿನ ಹಾಡನ್ನು ಅವರ ಅಭಿಮಾನಿ ಸುಪ್ರೀತ್​ ಗಾಂಧಾರ ಹಾಡಿದ್ದಾರೆ. ನಟ ದರ್ಶನ್​ ಅವರ ಬಹುನಿರೀಕ್ಷಿತ ಚಿತ್ರ ರಾಬರ್ಟ್​ ಗಲ್ಲಾಪೆಟ್ಟಿಗೆಯಲ್ಲಿ ಧೂಳಿಪಟ ಮಾಡಲಿದೆ ಎಂದು ಹಾಡಿರುವ ಹಾಡು ಡಿ ಬಾಸ್​ ಅಭಿಮಾನಿಗಳಿಂದ ಮೆಚ್ಚುಗೆಗೆ ಪಾತ್ರವಾಗಿದೆ.

ಕಾಮನ್​​ ಡಿಪಿ ಸಂಭ್ರಮ

ಇನ್ನು ಅಭಿಮಾನಿಗಳು ದರ್ಶನ್​ ಹುಟ್ಟುಹಬ್ಬಕ್ಕೆಂದು ವಿಶೇಷವಾಗಿ ವಿನ್ಯಾಸ ಮಾಡಿರುವ ಕಾಮನ್​ ಡಿಪಿ ಈಗಾಗಲೇ ಸಿಕ್ಕಾಪಟ್ಟೆ ಮೆಚ್ಚುಗೆ ಪಡೆದಿದೆ. ದರ್ಶನ್​ ಅವರ ವನ್ಯಜೀವಿ ಪ್ರೇಮ ಮೆರೆಯುವ ಈ ಡಿಪಿಗೆ ನಟ ದರ್ಶನ್​ ಕೂಡ ಮನಸೋತಿದ್ದಾರೆ. ಈಗಾಗಲೇ ಈ ಕಾಮನ್​ ಡಿಪಿ ಅವರ ಅಭಿಮಾನಿಗಳ ಸಾಮಾಜಿಕ ಜಾಲತಾಣದಲ್ಲಿ ರಾರಾಜಿಸುತ್ತಿವೆ.