ಲಾಕ್​ಡೌನ್​ ಸಡಿಲಗೊಂಡ ನಂತರ ಜಿಮ್​ಗೆ ಮರಳಿದ ಸ್ಯಾಂಡಲ್​ವುಡ್​ ಸೆಲೆಬ್ರಿಟಿಗಳು..!

ಕೊರೋನಾ ಸೋಂಕಿನ ಭೀತಿಯಿಂದಾಗಿ ಲಾಕ್​ಡೌನ್​ ಮಾಡಿದಾಗಿನಿಂದ ಜಿಮ್​ಗಳನ್ನು ತೆರೆದಿರಲಿಲ್ಲ. ಇದರಿಂದಾಗಿ ಮನೆಗಳಲ್ಲಿ ಲಭ್ಯವಿರುವ ಸೌಲಭ್ಯಗಳಿಂದಲೇ ಜನರು ಹಾಗೂ ಸೆಲೆಬ್ರಿಟಿಗಳು ಫಿಟ್ನೆಸ್​ಗಾಗಿ ವರ್ಕೌಟ್​ ಮಾಡುತ್ತಿದ್ದರು. ಆದರೆ ಹಂತ ಹಂತವಾಗಿ ಅನ್​ಲಾಕ್​​ ಆಗುತ್ತಿದ್ದಂತೆಯೇ ಜಿಮ್​ಗಳ ಬಾಗಿಲು ತೆರೆಯಲಾಯಿತು. ಅದೂ ಸಹ ಸ್ವಚ್ಛತೆಗೆ ಮಹತ್ವ ಕೊಟ್ಟು, ಕೆಲವು ಮಾರ್ಗಸೂಚಿಗಳನ್ನು ಸಹ ನೀಡಲಾಗಿದೆ. ಅದರಂತೆಯೇ ಜಿಮ್​ಗಳ ಬಾಗಿಲು ತೆರೆದಿದ್ದು, ಜನರು ಕೊಂಚ ಭಯದಲ್ಲೇ ವ್ಯಾಯಾಮಕ್ಕಾಗಿ ಜಿಮ್​ಗಳಿಗೆ ಹೋಗುತ್ತಿದ್ದಾರೆ. ಇನ್ನು, ಇದಕ್ಕೆ ಸೆಲೆಬ್ರಿಟಿಗಳೂ ಹೊರತಾಗಿಲ್ಲ. ಮೆಲ್ಲನೆ ಒಬ್ಬೊಬ್ಬರಾಗಿ ಜಿಮ್​ಗಳಿಗೆ ಹೋಗಿ ವರ್ಕೌಟ್​ ಆರಂಭಿಸಿದ್ದಾರೆ. ಆದರೆ, ಲಾಕ್​ಡೌನ್​ನಿಂದಾಗಿ ಸಾಕಷ್ಟು ಜಿಮ್​ಗಳು ಬಾಡಿಗೆ ಕಟ್ಟಲಾರದೆ ಹಾಗೂ ಇರುವ ಉಪಕರಣಗಳ ನಿರ್ವಹಣೆ ಮಾಡಲಾಗದೆ ಬಾಗಿಲು ಮುಚ್ಚಿವೆ. ಇನ್ನು ಜಿಮ್​ಗಳಿಗೆ ಹೋಗುತ್ತಿರುವ ಸ್ಯಾಂಡಲ್​ವುಡ್​ ಸೆಲೆಬ್ರಿಟಿಗಳು ಸಾಮಾಜಿಕ ಜಾಲತಾಣದಲ್ಲಿ ತಮ್ಮ ಫಿಟ್ನೆಸ್​ ಕುರಿತಾಗಿ ಪೋಸ್ಟ್​ ಮಾಡಲು ಆರಂಭಿಸಿದ್ದಾರೆ. 

ನಟಿ ಪ್ರಿಯಾಂಕಾ ಉಪೇಂದ್ರ ಸಹ ಜಿಮ್​ನಲ್ಲಿ ಬೆವರಿಳಿಸೋಕೆ ಆರಂಭಿಸಿದ್ದಾರೆ. ಜಿಮ್​ಗೆ ಹಿಂತಿರುಗಿದ ಕುರಿತಾಗಿ ಪೋಸ್ಟ್ ಮಾಡಿರುವ ಪ್ರಿಯಾಂಕಾ, ಕೆಲವು ಫೋಟೋ ಹಾಗೂ ವಿಡಿಯೋಗಳನ್ನು ಹಂಚಿಕೊಂಡಿದ್ದಾರೆ.

View this post on Instagram

Back at it. @jfit47 #fitness #staymotivated

A post shared by priyanka upendra (@priyanka_upendra) on Sep 2, 2020 at 8:20am PDT

ನಟ ದಿಗಂತ್​, ಐಂದ್ರಿತಾ ಹಾಗೂ ಅಮೂಲ್ಯಾ ಅವರ ಪತಿ ಜಗದೀಶ್​ ಸಹ ಜಿಮ್​ಗೆ ಮರಳಿದ್ದು, ತಮ್ಮ ನಿತ್ಯದ ವರ್ಕೌಟ್​ ಆರಂಭಿಸಿದ್ದಾರೆ.

View this post on Instagram

#GymDay #stayfitstayhealthy #motivateyou

A post shared by Jagdish R Chandra (@jagdishrchandra) on Aug 31, 2020 at 8:25pm PDT

ಲಾಕ್​ಡೌನ್ ಆಗಿ ಎರಡು ತಿಂಗಳ ನಂತರ ಜಿಮ್​ ಮಾಲೀಕರು ಎಂಜಿ ರಸ್ತೆಯ ಮೆಟ್ರೋ ನಿಲ್ದಾಣದ ಮಂಭಾಗದಲ್ಲಿ ಪ್ರತಿಭಟನೆ ಮಾಡಿದ್ದರು. ಸುಮಾರು 50ಕ್ಕೂ ಅಧಿಕ ಜಿಮ್ ಮಾಲೀಕರು ಪ್ರತಿಭಟನೆ ಮಾಡಿದ್ದರು. ಲಾಕ್​ಡೌನ್​ನಿಂದಾಗಿ ಜಿಮ್​ಗಳ ಬಾಡಿಗೆ ಕಟ್ಟಲಾಗದೆ ಸಂಕಷ್ಟದಲ್ಲಿರುವುದಾಗಿ ತಮ್ಮ ಅಳಲು ತೋಡಿಕೊಂಡಿದ್ದರು. ಆದರೆ ಈಗ ಜಿಮ್​ಗಳ ಬಾಗಿಲು ತೆರೆದರೂ ಜನರು ಭಯದಿಂದ ಮೊದಲಿನಂತೆ ಜಿಮ್​ಗಳಿಗೆ ಹೋಗುತ್ತಿಲ್ಲ. ಇದರಿಂದಾಗಿ ಈಗಲೂ ಸಹ ಕಷ್ಟದಲ್ಲಿದ್ದಾರೆ ಜಿಮ್​ಗಳ ಮಾಲೀಕರು ಹಾಗೂ ಫಿಟ್ನೆಸ್​ ತರಬೇತಿದಾರರು.