Samantha: ಡಿವೋರ್ಸ್​ ಬಳಿಕ ಹಾಲಿವುಡ್​ಗೆ ಹಾರಿದ ಬ್ಯೂಟಿ ಕ್ವೀನ್​​: ನ್ಯೂ ಗೆಟ್​ಪ್​ನಲ್ಲಿ ಸಮಂತಾ!

Samantha: ಫಿಲಿಪ್​​ ಜಾನ್ (Philip John) ನಿರ್ದೇಶನ ಮಾಡಲಿರುವ ‘ಅರೇಂಜ್​ಮೆಂಟ್ಸ್​ ಆಫ್​ ಲವ್​’ (Arrangements of Love) ಸಿನಿಮಾದಲ್ಲಿ ಸಮಂತಾ (Samantha) ಮುಖ್ಯ ಪಾತ್ರ ನಿಭಾಯಿಸಲಿದ್ದಾರೆ. ನಿರ್ದೇಶಕನನ್ನು ತಬ್ಬಿಕೊಂಡಿರುವ ಫೋಟೋ ಹಂಚಿಕೊಳ್ಳುವ  ಮೂಲಕ ಬಹಿರಂಗಪಡಿಸಿದ್ದಾರೆ. 

ಹಾಲಿವುಡ್​ ಸಿನಿಮಾದಲ್ಲಿ ಸಮಂತಾ!

ಹಾಲಿವುಡ್​ ಸಿನಿಮಾದಲ್ಲಿ ಸಮಂತಾ!

  • Share this:
ನಟಿ ಸಮಂತಾ(Samantha) ಹಾಗೂ ನಟ ನಾಗಚೈತನ್ಯ(Naga Chaitanya) ಅವರ ಡಿವೋರ್ಸ್​ ವಿಚಾರ ಟಾಲಿವುಡ್​(Tollywood) ಮಾತ್ರವಷ್ಟೇ ಅಲ್ಲದೇ ಭಾರತೀಯ ಸಿನಿಮಾರಂಗದಲ್ಲಿ ಸಖತ್​ ಸುದ್ಧಿ ಮಾಡಿತ್ತು. ಪ್ರೀತಿಸಿ ಮದುವೆಯಾಗಿದ್ದ ಈ ಜೋಡಿ ಏಕಾಏಕಿ ದೂರವಾಗುವುದಕ್ಕೆ ಕಾರಣವೇನು ಅಂತ ಹುಡುಕಾಡಿದ್ದರು. ಇಬ್ಬರು ವಿಚ್ಛೇದನ ಪಡೆದು ದೂರವಾಗಿದ್ದಾರೆ. ಇತ್ತ ಸಮಂತಾ ತಮ್ಮ ಸಂಪೂರ್ಣ ದೃಷ್ಟಿಯನ್ನು ಸಿನಿಮಾ(Movie) ಕಡೆ ಹರಿಸಿದ್ದಾರೆ. ಸಮಂತಾ ಅದ್ಭುತ ನಟಿ ಅನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ. ಅವರು ನಟಿಸಿರುವ ಎಲ್ಲ ಸಿನಿಮಾಗಳು ಸೂಪರ್​ ಡೂಪರ್​ ಹಿಟ್​. ಇತ್ತೀಚಿಗೆ ದಿ ಫ್ಯಾಮಿಲಿ ಮ್ಯಾನ್​-2(The Family Man-2) ಸೀರೀಸ್​​ನಲ್ಲಿ ಸಮಂತಾ ಅಭಿನಯ ಕಂಡ ಫ್ಯಾನ್ಸ್​ ಫುಲ್​ ಖುಷ್​ ಆಗಿದ್ದರು. ಇದೇ ವಿಚಾರಕ್ಕೆ ನಾಗಚೈತನ್ಯ ಹಾಗೂ ಸಮಂತಾ ದೂರವಾಗಲು ಕಾರಣ ಅಂತ ಗಾಸೀಪ್​ ಕೂಡ ಕೇಳಿಬಂದಿತ್ತು. ಇದೀಗ ಸಮಂತಾ ಹೊಸ ಹೊಸ ಸಿನಿಮಾಗಳನ್ನು ಒಪ್ಪಿಕೊಂಡಿದ್ದಾರೆ. ಆದರೆ ಸಮಾಚಾರ ಅದಲ್ಲ, ಡಿವೋರ್ಸ್​(Divorce) ಬಳಿಕ ಸಮಂತಾ ಹಾಲಿವುಡ್​ಗೆ ಹಾರಿದ್ದಾರೆ. ಬ್ರಿಟಿಷ್​ ನಿರ್ದೇಶಕ ಫಿಲಿಪ್​​ ಜಾನ್​ ಜೊತೆ ಅವರು ಕೆಲಸ ಮಾಡಲಿದ್ದಾರೆ. ಫಿಲಿಪ್​​ ಜಾನ್ (Philip John) ನಿರ್ದೇಶನ ಮಾಡಲಿರುವ ‘ಅರೇಂಜ್​ಮೆಂಟ್ಸ್​ ಆಫ್​ ಲವ್​’ (Arrangements of Love) ಸಿನಿಮಾದಲ್ಲಿ ಸಮಂತಾ (Samantha) ಮುಖ್ಯ ಪಾತ್ರ ನಿಭಾಯಿಸಲಿದ್ದಾರೆ. ನಿರ್ದೇಶಕನನ್ನು ತಬ್ಬಿಕೊಂಡಿರುವ ಫೋಟೋ ಹಂಚಿಕೊಳ್ಳುವ  ಮೂಲಕ ಬಹಿರಂಗಪಡಿಸಿದ್ದಾರೆ. 

ಹಾಲಿವುಡ್​ ಸಿನಿಮಾದಲ್ಲಿ ಬ್ಯೂಟಿ ಕ್ವೀನ್​

ಈ ಹಿಂದೆ ಸಮಂತಾ ನಟಿಸಿದ್ದ ‘ಓಹ್​ ಬೇಬಿ’ ಸಿನಿಮಾವನ್ನು ನಿರ್ಮಾಣ ಮಾಡಿದ್ದ ‘ಗುರು ಫಿಲ್ಮ್ಸ್​’ ಬ್ಯಾನರ್​ ಮೂಲಕವೇ ‘ಅರೇಂಜ್​ಮೆಂಟ್ಸ್​ ಆಫ್​ ಲವ್​’ ಸಿನಿಮಾ ತಯಾರಾಗಲಿದೆ. ಅದೇ ಶೀರ್ಷಿಕೆಯ ಕಾದಂಬರಿ ಆಧರಿಸಿ ಈ ಚಿತ್ರ ಮೂಡಿಬರಲಿದೆ. ಸ್ವಂತ ಡಿಟೆಕ್ಟೀವ್​ ಏಜೆನ್ಸಿ ನಡೆಸುವ ತಮಿಳು ಉಭಯಲಿಂಗಿ ಮಹಿಳೆಯಾಗಿ ಸಮಂತಾ ಕಾಣಿಸಿಕೊಳ್ಳಲಿದ್ದಾರೆ. ಪುರುಷರಿಗೆ ಮಾತ್ರ ಅಲ್ಲ ಮಹಿಳೆಯರಿಗೂ ಇಷ್ಟವಾಗುವ ಗೆಟಪ್​ನಲ್ಲಿ ನಟಿ ಸಮಂತಾ ಕಾಣಿಸಿಕೊಳ್ಳಲಿದ್ದಾರೆ. ಈ ವಿಚಾರ ಅವರ ಅಭಿಮಾನಿಗಳಲ್ಲಿ ಕುತೂಹಲ ಮೂಡಿಸಿದೆ. ಸದ್ಯ ತೆಲುಗಿನ ಎರಡು ಸಿನಿಮಾಗಳಿಗೆ ಈಗಾಗಲೇ ಸಮಂತಾ ಸಹಿ ಹಾಕಿದ್ದಾರೆ.




ಇದನ್ನು ಓದಿ : ವಿಘ್ನೇಶ್​-ಸಮಂತಾ ಜತೆ ಹುಟ್ಟುಹಬ್ಬ ಆಚರಿಸಿಕೊಂಡ Nayanthara

ಇದು ನನಗೆ ಹೊಸ ಪ್ರಪಂಚ ಅಂತ ಸಮಂತಾ ಟ್ವೀಟ್​

‘ಇದು ನನಗೆ ಹೊಸ ಪ್ರಪಂಚ. ನಾನು ಕೊನೆ ಬಾರಿಗೆ ಆಡಿಷನ್​ ನೀಡಿದ್ದು 2009ರಲ್ಲಿ ‘ಏ ಮಾಯ ಚೇಸಾವೆ’ ಚಿತ್ರಕ್ಕಾಗಿ. 12 ವರ್ಷಗಳ ಬಳಿಕ ಮತ್ತೆ ಆಡಿಷನ್​ ನೀಡಿದ್ದೇನೆ. ಮತ್ತೆ ಅದೇ ರೀತಿ ನರ್ವಸ್​ ಆಗಿದ್ದೇನೆ. ಫಿಲಿಪ್​ ಜಾನ್ ಜೊತೆ ಕೆಲಸ ಮಾಡುವುದು ತುಂಬ ಅಪರೂಪದ ಅವಕಾಶ. ಈ ಪಾತ್ರಕ್ಕೆ ಆಯ್ಕೆ ಆಗಿರುವುದು ತುಂಬ ಖುಷಿ ಆಗುತ್ತಿದೆ. ಈ ಪಯಣ ಆರಂಭಿಸಲು ಕಾತರದಿಂದ ಕಾಯುತ್ತಿದ್ದೇನೆ’ ಎಂದು ಸಮಂತಾ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ. ಜೊತೆಗೆ ಬ್ರಿಟಿಷ್​ ನಿರ್ದೇಶಕ ಫಿಲಿಪ್​​ ಜಾನ್ ಅವರನ್ನು ತಬ್ಬಿಕೊಂಡಿರುವ ಫೋಟೋ ಹಾಗೂ ‘ಅರೇಂಜ್​ಮೆಂಟ್ಸ್​ ಆಫ್​ ಲವ್​’ ಸಿನಿಮಾದ ಪೋಸ್ಟರ್​ವೊಂದನ್ನು ಶೇರ್​ ಮಾಡಿದ್ದಾರೆ.

ಇದನ್ನು ಓದಿ : ರಿವೀಲ್​ ಆಯ್ತು Kaathu Vaakula Rendu Kaadhal ಚಿತ್ರದಲ್ಲಿ Samantha ಅಭಿನಯದ ಪಾತ್ರದ ಫಸ್ಟ್​ ಲುಕ್

ಪುಷ್ಪ ಸಿನಿಮಾದ ಐಟಂ ಸಾಂಗ್​ನಲ್ಲಿ ಸಮಂತಾ!

ಭಾರತೀಯ ಸಿನಿಮಾರಂಗದಲ್ಲಿ ಭಾರೀ ನಿರೀಕ್ಷೆ ಮೂಡಿಸಿರುವ ಸಿನಿಮಾ ಅಂದರೆ ಪುಷ್ಮ. ಅಲ್ಲು ಅರ್ಜುನ್​ ಮೊದಲ ಬಾರಿಗೆ ರಕ್ತ ಚಂದನ ಮರಗಳ್ಳನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಡಿಸೆಂಬರ್​ 17ರಂದು ಸಿನಿಮಾ 5 ಭಾಷೆಗಳಲ್ಲಿ ತೆರೆಕಾಣುತ್ತಿದೆ. ಈ ಸಿನಿಮಾದ ಐಟಂ ಸಾಂಗ್​ನಲ್ಲಿ ಬ್ಯೂಟಿ ಕ್ವೀನ್​ ಸಮಂತಾ ಕಾಣಿಸಿಕೊಳ್ಳಲಿದ್ದಾರಂತೆ. ಈ ಐಟಂ ಸಾಂಗ್​ನಲ್ಲಿ ನಟಿಸಲು ಸಮಂತಾ ಬರೋಬ್ಬರಿ 1.5 ಕೋಟಿ ರೂಪಾಯಿ ಕೇಳಿದ್ದಾರೆ ಎಂಬ ಸುದ್ದಿ ಇದೀಗ ಎಲ್ಲೆಡೆ ಹರಡಿದೆ.
Published by:Vasudeva M
First published: