Salaar: ಹೊಂಬಾಳೆ ನಿರ್ಮಾಣದ ಸಲಾರ್ ಸಿನಿಮಾದಲ್ಲಿ ಮೋಸ್ಟ್​ ವೈಲೆಂಟ್​ ಮ್ಯಾನ್​ ಪ್ರಭಾಸ್​

ಕೆಜಿಎಫ್​ ಸಿನಿಮಾದಲ್ಲಿ ವ್ಯಸ್ತವಾಗಿರುವ ಸ್ಯಾಂಡಲ್​ವುಡ್​ ನಿರ್ದೇಶಕ ಪ್ರಶಾಂತ್​ ನೀಲ್​ ಪ್ರಭಾಸ್​ ಜೊತೆ ಪ್ಯಾನ್​ ಚಿತ್ರ ಮಾಡಲಿದ್ದಾರೆ ಎಂದು ಹೇಳಲಾಗುತ್ತಿತ್ತು. ಅಲ್ಲದೆ ಪ್ರಶಾಂತ್ ನೀಲ್​ ಕೆಜಿಎಫ್​ ಚಾಪ್ಟರ್​ 2 ಸಿನಿಮಾದ ನಂತರ ಜೂನಿಯರ್​ ಎನ್​ಟಿಆರ್​ ಅವರಿಗೆ ಆ್ಯಕ್ಷನ್​ ಕಟ್​ ಹೇಳಲಿದ್ದಾರೆ ಎಂಬ ಸುದ್ದಿಯೂ ಟಾಲಿವುಡ್​ ಅಂಗಳದಲ್ಲಿ ಹರಿದಾಡಿತ್ತು. ಹೀಗಿರುವಾಗಲೇ ಕೆಜಿಎಫ್​ ಚಿತ್ರವನ್ನು ನಿರ್ಮಿಸುತ್ತಿರುವ ಹೊಂಬಾಳೆ ಫಿಲಂಸ್​  ಈಗ ಮತ್ತೊಂದು ಪ್ಯಾನ್​ ಇಂಡಿಯಾ ಸಿನಿಮಾವನ್ನು ಪ್ರಕಟಿಸಿದೆ. ಕೆಲವೇ ಕ್ಷಣಗಳ ಹಿಂದೆಯಷ್ಟೆ ಹೊಂಬಾಳೆ ಫಿಲಂಸ್​ ಈ ಸಿನಿಮಾದ ಟೈಟಲ್​ ಪೋಸ್ಟರ್​ ಹಂಚಿಕೊಂಡಿದೆ. ಸಲಾರ್​ ಎಂದು ಟೈಟಲ್​ ಇಟ್ಟಿರುವ ಚಿತ್ರದಲ್ಲಿ ಪ್ರಭಾಸ್​ ಮೋಸ್ಟ್​ ವೈಲೆಂಟ್​ ಮ್ಯಾನ್​ ಆಗಿ ಕಾಣಿಸಿಕೊಳ್ಳಿದ್ದಾರೆ, ಈ ಸಿನಿಮಾಗೆ ನಿರ್ದೇಶಕರಾಗಿ ಪ್ರಶಾಂತ್​ ನೀಲ್​ ಸಾರಥ್ಯ ವಹಿಸಿಕೊಂಡಿದ್ದಾರೆ. ಇನ್ನು ಟೈಟಲ್​ ಪೋಸ್ಟರ್ ನೋಡಿದ  ಡಾರ್ಲಿಂಗ್ ಪ್ರಭಾಸ್ ಅಭಿಮಾನಿಗಳು ಸಖತ್​ ಖುಷಿಯಲ್ಲಿದ್ದಾರೆ. 

ಪ್ರಭಾಸ್​ ಅವರ ಸಖಡ್​ ಲುಕ್​ನಲ್ಲಿರುವ ಪೋಸ್ಟರ್​ ನೋಡಿದ ಅಭಿಮಾನಿಗಳು ಥ್ರಿಲ್​ ಆಗಿದ್ದಾರೆ. ಮೀಸೆ ಹಾಗೂ ಗಡ್ಡ ಬಿಟ್ಟಿರುವ ಪ್ರಭಾಸ್​ ಕೈಯಲ್ಲಿ ಗನ್ ಹಿಡಿದು ಕುಳಿತಿದ್ದು, ಕೊಟ್ಟಿರುವ ಲುಕ್​ ನೋಡಿದರೆ, ಇದೊಂದು ರಕ್ತಸಿಕ್ತ ಆ್ಯಕ್ಷನ್​ ಸಿನಿಮಾ ಎಂದೆನಿಸುತ್ತದೆ. ಅದಕ್ಕೆ ಪೋಸ್ಟರ್​ನಲ್ಲಿ ದ ಮೋಸ್ಟ್​ ವೈಲೆಂಟ್​ ಮ್ಯಾನ್​... ಕಾಲ್ಡ್​ ಒನ್ ಮ್ಯಾನ್​... ದ ಮೋಸ್ಟ್​ ವೈಲೆಂಟ್​ ಎಂದು ಟ್ಯಾಗ್​ ಲೈಗ್​ ಸಹ ಕೊಡಲಾಗಿದೆ.

#Prabhas in #SALAAR
THE MOST VIOLENT MEN.. CALLED ONE MAN.. THE MOST VIOLENT!!
Revealing our next Indian Film, an Action Saga.@VKiragandur @prashanth_neel pic.twitter.com/RqaIPwSUiB

— Hombale Films (@hombalefilms) December 2, 2020

ಹೊಂಬಾಳೆ ಫಿಲಂಸ್​ ರಿಲೀಸ್ ಮಾಡಿರುವ ಸಲಾರ್ ಸಿನಿಮಾದ ಪೋಸ್ಟರ್​ ಅನ್ನು ಪುನೀತ್ ರಾಜ್​ಕುಮಾರ್ ಸಹ ತಮ್ಮ ಟ್ವಿಟರ್​ನಲ್ಲಿ ಹಂಚಿಕೊಂಡಿದ್ದಾರೆ. ಈ ಮೂಲಕ ಪ್ರಭಾಸ್​ ಅವರಿಗೆ ಶುಭ ಕೋರಿದ್ದಾರೆ.

#SALAAR
THE MOST VIOLENT MEN.. CALLED ONE MAN.. THE MOST VIOLENT!!
With open arms, ನಮ್ಮ ಕನ್ನಡ ನಾಡಿಗೆ, I welcome you home #Prabhas.@hombalefilms @VKiragandur @prashanth_neel pic.twitter.com/daCFKjqiK3

— Puneeth Rajkumar (@PuneethRajkumar) December 2, 2020

ಪ್ರಭಾಸ್​ ಸಹ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಈ ಸಿನಿಮಾ ಸಲಾರ್​ ಪೋಸ್ಟರ್​ ಹಂಚಿಕೊಂಡಿದ್ದು, ಜನವರಿಯಿಂದ ಸಿನಿಮಾದ ಚಿತ್ರೀಕರಣ ಆರಂಭವಾಗಲಿದೆ ಎಂದು ಬರೆದುಕೊಂಡಿದ್ದಾರೆ.

View this post on Instagram

A post shared by Prabhas (@actorprabhas)

ಸಲಾರ್​ ಇಂಡಿಯಾ ಸಿನಿಮಾ ಎಂದು ಪೋಸ್ಟ್​ ಮಾಡಿರುವ ಹೊಂಬಾಳೆ ಫಿಲಂಸ್​, ಎಷ್ಟು ಭಾಷೆಗಳಲ್ಲಿ ಚಿತ್ರ ಸಿದ್ಧಗೊಳ್ಳಲಿದೆ ಎಂದು ಎಲ್ಲೂ ಬಹಿರಂಗಪಡಿಸಿಲ್ಲ. ಇಂಡಿಯನ್​ ಸಿನಿಮಾ ಮಾಡುವ ಮೂಲಕ ಭಾಷೆಗಳ ಬೇಲಿಯನ್ನು ಕಿತ್ತೆಸೆದಿದ್ದೇವೆ ಎನ್ನುತ್ತಲೇ ಡಾರ್ಲಿಂಗ್​ ಪ್ರಭಾಸ್​ಗೆ ಸ್ವಾಗತ ಕೋರಿದ್ದಾರೆ ನಿರ್ದೇಶಕ ಪ್ರಶಾಂತ್​ ನೀಲ್​.

An Action Saga #SALAAR.

THE MOST VIOLENT MEN.. .CALLED ONE MAN... THE MOST VIOLENT!!
For the love of cinema, breaking the fence of languages, presenting to you an Indian Film.
Dearest welcome to Darling #Prabhas sir.@hombalefilms @VKiragandur pic.twitter.com/PKOfQKkSM6

— Prashanth Neel (@prashanth_neel) December 2, 2020

ಇನ್ನು ಬಾಹುಬಲಿ ಹಾಗೂ ಸಾಹೋ ಸಿನಿಮಾದ ನಂತರ ಪ್ರಭಾಸ್​ ಸಾಲು ಸಾಲು ಪ್ಯಾನ್​ಇಂಡಿಯಾ ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಬಾಲಿವುಡ್​ ನಿರ್ದೇಶಕ ಓಂ ರಾವತ್​ ಜೊತೆ ಆದಿಪುರುಷ್​, ರಾಧಾಕೃಷ್ಣ ಅವರ ರಾಧೆ ಶ್ಯಾಮ್​ ಹಾಗೂ ದೀಪಿಕಾ ಪಡುಕೋಣೆ ಜೊತೆ ಇನ್ನೂ ಹೆಸರಿಡದ ಸಿನಿಮಾಗೆ ಸಹಿ ಮಾಡಿದ್ದಾರೆ.