Kiara Advani-Sidharth Malhotra: ಏನಿಲ್ಲ.. ಏನಿಲ್ಲ.. ಅಂತಾನೇ ಈ ಜೋಡಿ ಮಾಡ್ತಿರೋದೇನು ನೋಡಿ... ನಿಜ ಹೇಳಿಬಿಡ್ರಪ್ಪಾ ಎಂದ ಫ್ಯಾನ್ಸ್​!

ಬಾಲಿವುಡ್​(Bollywood)ನಲ್ಲಿ ನಟ-ನಟಿಯರ ಮಧ್ಯೆ ಪ್ರೇಮವಾಗುವುದು ಕಾಮನ್​. ಇತ್ತೀಚೆಗೆ ಹೀಗೆ ಪ್ರೀತಿಸಿ ಮದುವೆಯಾದವರು ಕತ್ರಿನಾ ಕೈಫ್​(Katina Kaif) ಹಾಗೂ ವಿಕ್ಕಿ ಕೌಶಲ್(Vicky Kasuhal)​. ಮತ್ತೊಂದು ಜೋಡಿ ಮದುವೆಗೆ ಸಿದ್ಧವಾಗುತ್ತಿದೆ. ಅವರು ಬೇರೆ ಯಾರು ಅಲ್ಲ ರಣಬೀರ್​ ಕಪೂರ್(Ranbir Kapoor)​ ಹಾಗೂ ಆಲಿಯಾ ಭಟ್(Alia Bhatt)​. ಮುಂದಿನ ವರ್ಷ ಅಂದರೆ 2022ರ ಪ್ರಾರಂಭದಲ್ಲೇ ಈ ಜೋಡಿ ಹಸೆಮಣೆ ಏರುತ್ತಿದೆ ಎಂದು ಮಾಹಿತಿ ಸಿಕ್ಕಿದೆ. ಇದೀಗ ಇಷ್ಟು ದಿನ ನಾವು ಕ್ಲೋಸ್​ ಫ್ರೆಂಡ್ಸ್(Close Friends) ಹೇಳುತ್ತಿದ್ದ ಮತ್ತೊಂದು ಜೋಡಿ ಹಸೆಮಣೆ ಏರುವ ಲಕ್ಷಣಗಳು ಕಾಣುತ್ತಿದೆ. ಹೌದು, ಕಿಯಾರಾ ಅಡ್ವಾಣಿ (Kiara Advani) ಹಾಗೂ ಸಿದ್ಧಾರ್ಥ್​ ಮಲ್ಹೋತ್ರಾ (Sidharth Malhotra) ರಿಲೇಶನ್​ಶಿಪ್​ನಲ್ಲಿದ್ದಾರೆ ಎನ್ನುವ ಗುಸುಗುಸು ಬಾಲಿವುಡ್​ ಅಂಗಳದಲ್ಲಿ ಹರಿದಾಡಿತ್ತು. ಈ ವದಂತಿಯನ್ನು ನಂಬುವ ರೀತಿಯಲ್ಲಿ ಸಾಕಷ್ಟು ಘಟನೆಗಳು ನಡೆದಿವೆ. ಆದರೆ ಈ ಜೋಡಿ ಮಾತ್ರ ಇದನ್ನು ಒಪ್ಪಿಕೊಂಡಿರಲಿಲ್ಲ. ನಾವಿಬ್ಬರೂ ಕ್ಲೋಸ್​ ಫ್ರೆಂಡ್ ಅಷ್ಟೆ ಎಂದು ಉತ್ತರ ನೀಡುತ್ತಿದ್ದರು. ಆದರೆ, ಈಗ ಕಿಯಾರಾ ಹಾಗೂ ಸಿದ್ದಾರ್ಥ್​ ಪ್ರೀತಿಯಲ್ಲಿರುವ ವಿಚಾರಕ್ಕೆ ಹೊಸ ಸಾಕ್ಷ್ಯ ಸಿಕ್ಕಿದೆ. ಇದನ್ನು ಕಂಡ ಫ್ಯಾನ್ಸ್​ ಬಾಲಿವುಡ್​ನಲ್ಲಿ ಮತ್ತೊಂದು ಜೋಡಿ ಶೀಘ್ರದಲ್ಲೇ ಮದುವೆ(Marriage)ಯಾಗಲಿದ್ದಾರೆ  ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ. ಫ್ಯಾನ್ಸ್ ಈ ರೀತಿ ಮಾತನಾಡಲು ಕಾರಣ ಏನು ಗೊತ್ತಾ? ಇಲ್ಲಿದೆ ನೋಡಿ..

ನ್ಯೂ ಇಯರ್​ ಸೆಲೆಬ್ರೇಷನ್​ಗೆ ಮಾಲ್ಡೀವ್ಸ್​ ಹೊರಟ ಲವ್​ ಬರ್ಡ್ಸ್​!

ಹೌದು. ಇದು ನಿಜ ಕಿಯಾರಾ ಹಾಗೂ ಸಿದ್ದಾರ್ಥ್​ ಹೊಸ ವರ್ಷ ವೆಲ್​ಕಮ್​ ಮಾಡಲು ಮಾಲ್ಡೀವ್ಸ್​ಗೆ ತೆರಳಿದ್ದಾರೆ. ಇಬ್ಬರೂ ಇಂದು ಮುಂಜಾನೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಕಾಣಿಸಿಕೊಂಡಿದ್ದಾರೆ. ಇವರನ್ನು ಪಾಪರಾಜಿಗಳು ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದಾರೆ. ಸದ್ಯ, ಈ ಫೋಟೋ ವೈರಲ್​ ಆಗುತ್ತಿದ್ದು, ಅಭಿಮಾನಿಗಳು ಖುಷಿಪಟ್ಟಿದ್ದಾರೆ. ಇಷ್ಟು ದಿನ ನಾವಿಬ್ಬರು ಗುಡ್​ ಫ್ರೆಂಡ್ಸ್​ ಎಂದು ಹೇಳುತ್ತಿರುವಾಗಲೇ ನಮಗೆ ಅನುಮಾನವಿತ್ತು ಈಗ ಕನ್ಫರ್ಮ ಆಯ್ತು ಅಂತಿದ್ದಾರೆ ಫ್ಯಾನ್ಸ್​. ಒಟ್ಟಿನಲ್ಲಿ ನೀವು ಕೂಡ ಕ್ಯೂಟ್​ ಕಪಲ್​. ಇಬ್ಬರು ಪೇರ್​​ ಚೆನ್ನಾಗಿದೆ ಮಾಲ್ಡೀವ್ಸ್​ನಿಂದ ಬಂದ ಬಳಿಕ ಮದುವೆಯಾಗಿಬಿಡಿ ಎಂದು ಮತ್ತೊಬ್ಬರು ಕಮೆಂಟ್​ ಮಾಡಿದ್ದಾರೆ.

𝐈𝐬𝐡𝐪 𝐛𝐮𝐥𝐚𝐚𝐯𝐚𝐚
𝐉𝐚𝐚𝐧𝐞 𝐤𝐚𝐛 𝐚𝐚𝐯𝐞...
How comfortly they put their hands on each other!
Ahhhhhhhhhh!!!!!!!❤️😍@advani_kiara @SidMalhotra #KiaraAdvani #SidharthMalhotra #SidKiara pic.twitter.com/n4HpcvaWpM

— kiaraadvanisupremacy (@kiaraxfangirl) December 28, 2021

ಇದನ್ನು ಓದಿ: ಬರ್ತ್​ಡೇ ಪಾರ್ಟಿಯಲ್ಲಿ ಜೆನಿಲಿಯಾ ಜೊತೆ ಸಲ್ಲು ಭರ್ಜರಿ ಡ್ಯಾನ್ಸ್​: ವಿಡಿಯೋ ಸಖತ್​​ ವೈರಲ್​!​

ಬಾಲಿವುಡ್​ನ ಬಹುಬೇಡಿಕೆಯ ನಟಿ ಕಿಯಾರಾ

ಬಾಲಿವುಡ್​ನ ಬಹುಬೇಡಿಕೆಯ ನಟಿಯರಲ್ಲಿ ಕಿಯಾರಾ ಅಡ್ವಾಣಿ ಕೂಡ ಪ್ರಮುಖರು. ಹಲವು ಹಿಟ್​ ಸಿನಿಮಾಗಳನ್ನು ನೀಡಿದ್ದಾರೆ. ‘ಎಂ.ಎಸ್​. ಧೋನಿ: ಅನ್​ಟೋಲ್ಡ್​ ಸ್ಟೋರಿ’, ‘ಕಬೀರ್​ ಸಿಂಗ್’, ‘ಗುಡ್​ ನ್ಯೂಸ್’ ಮುಂತಾದ ಚಿತ್ರಗಳಿಂದ ಅವರಿಗೆ ಭಾರಿ ಯಶಸ್ಸು ಸಿಕ್ಕಿದೆ. ಲಸ್ಟ್​ ಸ್ಟೋರೀಸ್​ ವೆಬ್​ ಸರಣಿ ಮೂಲಕವೂ ಅವರ ಜನಪ್ರಿಯತೆ ಹೆಚ್ಚಿತು. ತೆಲುಗಿನ ಸ್ಟಾರ್​ ನಟ ರಾಮ್​ ಚರಣ್​ ಮತ್ತು ನಿರ್ದೇಶಕ ಶಂಕರ್​ ಕಾಂಬಿನೇಷನ್​ನ ಹೊಸ ಚಿತ್ರಕ್ಕೆ ಕಿಯಾರಾ ನಾಯಕಿಯಾಗಿ ಆಯ್ಕೆ ಆಗಿದ್ದಾರೆ.

ಇದನ್ನು ಓದಿ : ಗೋವಾದಲ್ಲಿ ಸ್ನೇಹಿತರೊಂದಿಗೆ ಸಮಂತಾ ಫುಲ್​ ಮಸ್ತಿ: ನಟಿಯ ಹಾಟ್​ ಫೋಟೋಗಳು ವೈರಲ್​!

‘ಶೇರ್​ಷಾ’ದಲ್ಲಿ ಒಟ್ಟಿಗೆ ನಟಿಸಿದ್ದ ಕಿಯಾರಾ, ಸಿದ್ಧಾರ್ಥ್​!

ಸಿನಿಮಾ ವಿಮರ್ಶಕರಿಂದ ಹಿಡಿದು ಸಿನಿಪ್ರಿಯರವರೆಗೂ ಸಿದ್ಧಾರ್ಥ್​ ಮಲ್ಹೋತ್ರಾ  ಹಾಗೂ ನಟಿ ಕಿಯಾರಾ ಅಡ್ವಾಣಿ  ಅಭಿನಯದ ಶೇರ್​ಷಾ ಸಿನಿಮಾಗೆ ಮೆಚ್ಚುಗೆ ವ್ಯಕ್ತವಾಗಿದೆ. ಸಿನಿಮಾ ಸೆಲೆಬ್ರಿಟಿಗಳೂ ಸಹ ಈ ಸಿನಿಮಾ ನೋಡಿ ವಾವ್​ ಎಂದಿದ್ದಾರೆ. ಜೊತೆಗೆ ಈ ಜೋಡಿಯನ್ನು ಹಾಡಿಹೊಗಳಿದ್ದರು. ಈ ಸಿನಿಮಾ ಬಳಿಕ ಇಬ್ಬರ ಮದುವೆ ವದಂತಿಗೆ ಮತ್ತಷ್ಟು ಪುಷ್ಟಿಸಿಕ್ಕಿದೆ. ಆನ್ ಸ್ಕ್ರೀನ್ ಹಾಗೆ ಆಫ್ ಸ್ಕ್ರೀನ್‌ನಲ್ಲೂ ಇಬ್ಬರ ಕೆಮಿಸ್ಟ್ರಿ ಅಭಿಮಾನಿಗಳ ಗಮನಸೆಳೆದಿದ್ದು, ಇಬ್ಬರ ಮದುವೆ ಯಾವಾಗ ಎನ್ನುವ ಪ್ರಶ್ನೆ ಕೇಳಿಬರುತ್ತಿತ್ತು. ಇದೀಗ ಈ ಜೋಡಿ ಒಟ್ಟಿಗೆ ಮಾಲ್ಡೀವ್ಸ್​​ಗೆ ಹೋಗಿರುವುದು ಊಹಾಪೋಹಗಳಿಕೆ ರೆಕ್ಕೆ ಕೊಟ್ಟಿದೆ.