Raj Kundra| ಬ್ಲೂ ಫಿಲ್ಮ್​​ನಿಂದ 7.31 ಕೋಟಿ ರೂ! ರಾಜ್​ ಕುಂದ್ರಾ ಬ್ಯಾಂಕ್​ ವಿವರಗಳು ಇಲ್ಲಿದೆ

ಹಾಟ್‌ಶಾಟ್ಸ್‌ ಎಂಬ ಆ್ಯಪ್ ಮೂಲಕ ಅಶ್ಲೀಲ ವಿಡಿಯೋಗಳನ್ನು ಸ್ಟ್ರೀಮಿಂಗ್ ಮಾಡುವಲ್ಲಿ ರಾಜ್ ಕುಂದ್ರಾ ಪಾಲ್ಗೊಳ್ಳುವಿಕೆಯ ಬಹಿರಂಗವು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್‌ ಆಯ್ತು ಮತ್ತು ಸೋಮವಾರ ರಾತ್ರಿ 11 ಸಹಚರರೊಂದಿಗೆ ಕುಂದ್ರಾ ಬಂಧನಕ್ಕೆ ಕಾರಣವಾಯಿತು.

Raj Kundra- Shilpa Shetty

Raj Kundra- Shilpa Shetty

  • Share this:

ಬಾಲಿವುಡ್‌ ನಟಿ ಶಿಲ್ಪಾ ಶೆಟ್ಟಿ ಪತಿ ರಾಜ್ ಕುಂದ್ರಾ ಬಂಧನ ಪ್ರಕರಣ, ವಿವಾದಕ್ಕೆ ಹೊಸ ಬೆಳವಣಿಗೆಯೊಂದರಲ್ಲಿ, ಮುಂಬೈ ಪೊಲೀಸರು ಪ್ರಕರಣಕ್ಕೆ ಸಂಬಂಧಿಸಿದ ವಿವಿಧ ಜನರ ಬ್ಯಾಂಕ್ ಖಾತೆಗಳಲ್ಲಿ ಸುಮಾರು 7.31 ಕೋಟಿ ರೂ. ಗಳನ್ನು ಸ್ಥಗಿತಗೊಳಿಸಲಾಗಿದೆ ಎಂಬ ಅಂಶವು ಬೆಳಕಿಗೆ ಬಂದಿದೆ.


ಈ ಮೊತ್ತದ ವಿವರಗಳು ಹೀಗಿದೆ ನೋಡಿ..


-ಯಾಸ್ಮಿನ್ ಖಾನ್ ಅಲಿಯಾಸ್ ರೋವಾ ಖಾನ್ ಅವರ ಹಾಟ್ ಹಿಟ್‌ ಆ್ಯಪ್ ಖಾತೆಯಲ್ಲಿದ್ದ 34 ಲಕ್ಷ 90 ಸಾವಿರ ರೂ. ಫ್ರೀಜ್‌


-ದೀಪಂಕರ್ ಪಿ. ಖಾಸ್ನವಿಸ್ ಅವರ ಎರಡು ಖಾತೆಗಳಿಂದ 1 ಲಕ್ಷ 20 ಸಾವಿರ ರೂ. ಫ್ರೀಜ್‌


-ಗೆಹಾನಾ ವಶಿಷ್ಠರ ಮೂರು ಖಾತೆಗಳಿಂದ ಸುಮಾರು 37 ಲಕ್ಷ ರೂ. ಫ್ರೀಜ್‌


-ಉಮೇಶ್ ಕಾಮತ್ ಎರಡು ಬ್ಯಾಂಕ್ ಖಾತೆಗಳಿಂದ 6,000 ರೂ. ಸೀಜ್‌


-ತನ್ವೀರ್ ಹಶ್ಮಿಯ ಎರಡು ಬ್ಯಾಂಕ್ ಖಾತೆಗಳಿಂದ ಸುಮಾರು 6 ಲಕ್ಷ ರೂ. ಫ್ರೀಜ್‌


-ಅರವಿಂದ್ ಕುಮಾರ್ ಶ್ರೀವಾಸ್ತವ ಅವರ ಖಾತೆಯಿಂದ ಸುಮಾರು 1.81 ಕೋಟಿ ರೂ. ಸ್ಥಗಿತ


-ಕಾನ್ಪುರದ ಹರ್ಷಿತಾ ಶ್ರೀವಾಸ್ತವ ಬ್ಯಾಂಕ್ ಖಾತೆಯಿಂದ ಸುಮಾರು 2.32 ಕೋಟಿ ರೂ. ಫ್ರೀಜ್‌


-ಕಾನ್ಪುರದ ನರ್ಬಡಾ ಶ್ರೀವಾಸ್ತವ ಬ್ಯಾಂಕ್ ಖಾತೆಯಿಂದ ಸುಮಾರು 5.59 ಲಕ್ಷ ರೂ. ಫ್ರೀಜ್‌


-ಫ್ಲಿಜ್ ಮೂವೀಸ್ ಒಪಿಸಿ ಪ್ರೈ. ಲಿಮಿಟೆಡ್‌ನ ಭೋಪಾಲ್ ಬ್ಯಾಂಕ್ ಖಾತೆಯಿಂದ 30 ಲಕ್ಷ 87 ಸಾವಿರ ರೂ. ಫ್ರೀಜ್‌


- ಫ್ಲಿಜ್ ಮೂವೀಸ್ ಒಪಿಸಿ ಪ್ರೈ.ಲಿ.ನ ಭೋಪಾಲ್ ಬ್ಯಾಂಕ್ ಖಾತೆಯಲ್ಲಿ 1.28 ಕೋಟಿ ರೂ. ಸಹ ಫ್ರೀಜ್‌


- ಫ್ಲಿಜ್ ಮೂವೀಸ್ ಒಪಿಸಿ ಪ್ರೈ.ಲಿ.ನ ಮೀರತ್ ಬ್ಯಾಂಕ್ ಖಾತೆಯಲ್ಲಿ 73 ಲಕ್ಷ 87 ಸಾವಿರ ರೂ. ಫ್ರೀಜ್‌. ಇದು ಕಂಪನಿಯು ರಚಿಸಿದ ಹೊಸ ಖಾತೆಯಾಗಿದೆ.


ಈ ಹಿಂದೆ ಪೊಲೀಸರು ಸಲ್ಲಿಸಿದ್ದ ವರದಿಯಲ್ಲಿ ರಾಜ್ ಕುಂದ್ರಾ ತಮ್ಮ ಅಶ್ಲೀಲ ವ್ಯವಹಾರವನ್ನು ಬಾಲಿವುಡ್‌ನಷ್ಟು ದೊಡ್ಡದಾಗಿಸಲು ಯೋಜಿಸಿದ್ದಾರೆ ಎಂದು ಇ ಟೈಮ್ಸ್‌ ವರದಿ ಮಾಡಿದೆ.

"ಹಾಟ್‌ಶಾಟ್ಸ್‌" ಎಂಬ ಆ್ಯಪ್ ಮೂಲಕ ಅಶ್ಲೀಲ ವಿಡಿಯೋಗಳನ್ನು ಸ್ಟ್ರೀಮಿಂಗ್ ಮಾಡುವಲ್ಲಿ ರಾಜ್ ಕುಂದ್ರಾ ಪಾಲ್ಗೊಳ್ಳುವಿಕೆಯ ಬಹಿರಂಗವು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್‌ ಆಯ್ತು ಮತ್ತು ಸೋಮವಾರ ರಾತ್ರಿ 11 ಸಹಚರರೊಂದಿಗೆ ಕುಂದ್ರಾ ಬಂಧನಕ್ಕೆ ಕಾರಣವಾಯಿತು. ಮಂಗಳವಾರ 37 ನೇ ಮಹಾನಗರ ಮ್ಯಾಜಿಸ್ಟ್ರೇಟ್ ಮುಂದೆ ಹಾಜರುಪಡಿಸಲಾಯಿತು ಮತ್ತು ಜುಲೈ 23 ರವರೆಗೆ ಪೊಲೀಸ್‌ ಕಸ್ಟಡಿಯಲ್ಲಿಡಲಾಗಿದೆ.

ಪೊಲೀಸರು ಈ ಪ್ರಕರಣದಲ್ಲಿ ಕುಂದ್ರಾರನ್ನು ಪ್ರಮುಖ ಸಂಚುಕೋರ" ಎಂದು ಬಣ್ಣಿಸಿದ್ದಾರೆ ಮತ್ತು ಅವರ ವಿರುದ್ಧ ಸಾಕಷ್ಟು ಪುರಾವೆಗಳಿವೆ ಎಂದು ಹೇಳಿದ್ದು, ತನಿಖೆಗಳು ಶಿಲ್ಪಾ ಶೆಟ್ಟಿಯ ಯಾವುದೇ ಸಕ್ರಿಯ ಪಾತ್ರವನ್ನು ಬಹಿರಂಗಪಡಿಸಿಲ್ಲ ಎಂದು ಸ್ಪಷ್ಟಪಡಿಸಿದೆ.

Read: Countries: ಅದೊಂದು ಕಾರಣಕ್ಕೆ ಹೆಸರು ಬದಲಾಯಿಸಿಕೊಂಡಿವೆ ಈ 11 ದೇಶಗಳು!

ಈ ವಿಷಯದ ಬಗ್ಗೆ ತನಿಖೆ ನಡೆಯುತ್ತಿರುವಾಗಲೇ, ಕೆಲ ಬೋಲ್ಡ್‌ ಕಂಟೆಂಟ್‌ಗಳನ್ನು ನಿಷೇಧಿಸಲು ಸರ್ಕಾರ ನಿರ್ದೇಶನ ಹೊರಡಿಸಿದ ನಂತರ ರಾಜ್ ಕುಂದ್ರಾ ಪ್ಲಾಟ್‌ಫಾರ್ಮ್‌ನಿಂದ ಹೊರತೆಗೆಯಬೇಕೆಂದು ಬಯಸಿದ್ದರು ಎಂದು ಇ ಟೈಮ್ಸ್‌ ವರದಿಗಳ ಸರಣಿಯು ಬಹಿರಂಗಪಡಿಸಿದೆ. ಆದರೆ, ಆಲ್ಟ್ ಬಾಲಾಜಿಯ ಬೋಲ್ಡ್‌ ಕಂಟೆಂಟನ್ನು ತೆಗೆಯುವುದು ಅನುಮಾನ ಎನ್ನಲಾಗಿದೆ.

ಈ ಮಧ್ಯೆ, ಮುಂಬೈ ಅಪರಾಧ ಶಾಖೆಯು ಹಾಟ್‌ಶಾಟ್ ಮೊಬೈಲ್ ಅಪ್ಲಿಕೇಶನ್‌ನಿಂದ ರಾಜ್‌ ಕುಂದ್ರಾ ಬ್ಯಾಂಕ್ ಖಾತೆಗೆ ವರ್ಗಾವಣೆಯಾಗಿದೆ ಎಂದು ವರದಿಗಳು ಹರಿದಾಡುತ್ತಿವೆ. ಎರಡು ಖಾತೆಗಳ ನಡುವಿನ ಕೊನೆಯ ವಹಿವಾಟು ಜನವರಿ 2021ರಲ್ಲಿ ಆಗಿದ್ದು, ಕುಂದ್ರಾ ವಿರುದ್ಧ ಪ್ರಕರಣ ದಾಖಲಿಸಲು ಒಂದು ತಿಂಗಳ ಮೊದಲು, ಮತ್ತು ಈಗ ಮೊಬೈಲ್ ಅಪ್ಲಿಕೇಶನ್ ಖಾತೆಯನ್ನು ನಿರ್ವಹಿಸುತ್ತಿರುವುದು ಕಂಡುಬಂದಿರುವ ನಟಿಯನ್ನು ಬಂಧಿಸಲಾಗಿದೆ.


Read: ಉದ್ಯೋಗಿಗಳಿಗೆ ದುಬಾರಿ ಬೆಂಜ್ ಕಾರು ಗಿಫ್ಟ್ ನೀಡಲು ಮುಂದಾದ HCL ಕಂಪನಿ!

ಫೆಬ್ರವರಿ 4 ರಂದು ಉದ್ಯಮಿ ವಿರುದ್ಧ ಮಹಿಳೆಯೊಬ್ಬರು ಪೊಲೀಸರನ್ನು ಸಂಪರ್ಕಿಸಿ ನಟನೆ ಕೆಲಸ ನೀಡುವ ಭರವಸೆ ನೀಡಿ ಅಶ್ಲೀಲ ಚಿತ್ರ ಮಾಡಲು ಒತ್ತಾಯಿಸಿದ ಬಗ್ಗೆ ದೂರು ನೀಡಿದ್ದರಿಂದ ಈ ಘಟನೆ ಬೆಳಕಿಗೆ ಬಂದಿದೆ ಎಂದು ಪೊಲೀಸ್ ಅಧಿಕಾರಿಯೊಬ್ಬರು ಪಿಟಿಐಗೆ ತಿಳಿಸಿದ್ದಾರೆ.


ಇ ಟೈಮ್ಸ್‌ ಜೊತೆ ಮಾತನಾಡಿದ ಪೊಲೀಸರು, 2019 ರಲ್ಲಿ ‘ಹಾಟ್‌ಶಾಟ್ಸ್‌' ಅನ್ನು 25,000 ಡಾಲರ್‌ಗೆ ಮಾರಾಟ ಮಾಡಿದ್ದಾರೆ ಎಂಬ ರಾಜ್‌ ಕುಂದ್ರಾ ಹೇಳಿಕೆಗೆ ವಿರುದ್ಧವಾಗಿ ಆ್ಯಪ್ ಅನ್ನು ಈಗ ಮೊಬೈಲ್ ಪ್ಲಾಟ್‌ಫಾರ್ಮ್‌ನಿಂದ ತೆಗೆದುಹಾಕಲಾಗಿದೆ.

First published: