RRR Teaser: ಆರ್​ಆರ್​ಆರ್​ ಟೀಸರ್​ - ಐದು ತಿಂಗಳ ನಂತರ ಕೊನೆಗೂ ರಿಲೀಸ್ ಆಯ್ತು ಜೂನಿಯರ್​ ಎನ್​ಟಿಆರ್​ ಪಾತ್ರದ ವಿಡಿಯೋ

ಬಾಹುಬಲಿ ನಂತರ ರಾಜಮೌಳಿ ಅವರ ನಿರ್ದೇಶನದ ಬಹುನಿರೀಕ್ಷಿತ ಸಿನಿಮಾ ಆರ್​ಆರ್​ಆರ್​. ಈ ಸಿನಿಮಾದಲ್ಲಿ ಜೂನಿಯರ್ ಎನ್​ಟಿಆರ್​ ಕೋಮರಾಮ್ ಭೀಮ್ ಹಾಗೂ  ರಾಮ್​ ಚರಣ್​ ತೇಜ ಅಲ್ಲೂರಿ ಸೀತಾರಾಮ ರಾಜು ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಹಿಂದೆ ರಾಮ್​ ಚರಣ್​ ತೇಜ ಅವರ ಹುಟ್ಟುಹಬ್ಬಕ್ಕೆ ಅವರ ಪಾತ್ರವನ್ನು ಪರಿಚಯಿಸುವ ವಿಡಿಯೋ ರಿಲೀಸ್​ ಮಾಡಲಾಗಿತ್ತು. ಆ ವಿಡಿಯೋಗೆ ಜೂನಿಯರ್​ ಎನ್​ಟಿಆರ್ ಮಾತುಕೊಟ್ಟಂತೆ ಅವರೇ ಕಂಠದಾನ ಮಾಡಿದ್ದರು. ಇನ್ನು ಅದರಂತೆಯೇ ಜೂನಿಯರ್​ ಎನ್​ಟಿಆರ್ ಅವರ ಹುಟ್ಟುಹಬ್ಬಕ್ಕೆ ಅವರ ಪಾತ್ರವನ್ನು ಪರಿಚಯಿಸುವ ವಿಡಿಯೋ ರಿಲೀಸ್​ ಮಾಡಲು ಚಿತ್ರತಂಡ ಪ್ಲಾನ್​ ಮಾಡಿಕೊಂಡಿತ್ತು. ಆದರೆ ಕೊರೋನಾ ಲಾಕ್​ಡೌನ್​ನಿಂದಾಗಿ ಅದು ಸಾಧ್ಯವಾಗಲಿಲ್ಲ. ಎಲ್ಲರೂ ಮನೆಗಳಲ್ಲೇ ಲಾಕ್​ ಆಗಿದ್ದ ಕಾರಣದಿಂದ ರಾಮ್​ ಚರಣ್​ ಸಹ ಆಗ ಕಂಠದಾನ ಮಾಡಲಾಗಿರಲಿಲ್ಲ. ಇದರಿಂದಾಗಿ ಮೇ 20ರಿಂದ ಇಲ್ಲಿಯವರೆಗೆ ಜೂನಿಯರ್ ಎನ್​ಟಿಆರ್ ಅಭಿಮಾನಿಗಳು ಕಾತರರಾಗಿ ಕಾಯುತ್ತಲೇ ಇದ್ದಾರೆ. ಈಗ ಅದಕ್ಕೆ ಕಾಲ ಕೂಡಿ ಬಂದಿದೆ. 

ಐದು ತಿಂಗಳ ನಂತರ ಆರ್​ಆರ್​ಆರ್ ಚಿತ್ರತಂಡ ಜೂನಿಯರ್ ಎನ್​ಟಿಆರ್​ ಅವರ ಪಾತ್ರವನ್ನು ಪರಿಚಯಿಸುವ ವಿಡಿಯೋ ರಿಲೀಸ್​ ಮಾಡಿದೆ. ಆದರೆ ಹೇಳಿದ ಸಮಯಕ್ಕಿಂತ ಅರ್ಧಗಂಟೆ ತಡವಾಗಿ ರಿಲೀಸ್​ ಆಗಿದೆ.

ಈ ವಿಶೇಷ ವಿಡಿಯೋ ರಿಲೀಸ್ ಆಗುವ ಒಂದು ದಿನ ಮೊದಲೇ ಜೂ.ಎನ್​ಟಿಆರ್​ ಅಭಿಮಾನಿಗಳು ಟ್ವಿಟರ್​ನಲ್ಲಿ ಈ ವಿಷಯವನ್ನು ಟ್ರೆಂಡ್​ ಮಾಡಲಾರಂಭಿಸಿದ್ದಾರೆ. ನಿನ್ನೆಯಿಂದಲೇ ಈ ವಿಷಯ ಟ್ರೆಂಡಿಂಗ್​ನಲ್ಲಿದೆ. ಎಲ್ಲೆಡೆ ಈಗ ಭೀಮ್​ ಮೇನಿಯಾ ಸದ್ದು ಮಾಡುತ್ತಿದೆ.

ಟ್ವಿಟರ್​ನಲ್ಲಿ ಟ್ರೆಂಡಿಂಗ್​ನಲ್ಲಿದೆ ಭೀಮ್​ ಮೇನಿಯಾ

ಇನ್ನು ಇದೇ ತಿಂಗಳ ಆರಂಭದಲ್ಲಿ ರಾಜಮೌಳಿ ಅವರು ಸಿನಿಮಾ ಚಿತ್ರೀಕರಣದ ಕೆಲಸ ಆರಂಭಿಸುತ್ತಿದ್ದಂತೆಯೇ ಒಂದು ವಿಡಿಯೋ ಹಂಚಿಕೊಂಡಿದ್ದರು. ಅದರಲ್ಲಿ ಜೂನಿಯರ್​ ಎನ್​ಟಿಆರ್ ಅವರ ಪಾತ್ರ ಪರಿಚಯಿಸುವ ವಿಡಿಯೋ ರಿಲೀಸ್​ ದಿನಾಂಕವನ್ನು ಪ್ರಕಟಿಸಿದ್ದರು.

ರಾಮ್​ ಚರಣ್​ ಅವರ ಪಾತ್ರವನ್ನು ಪರಿಚಯಿಸುವ ವಿಡಿಯೋವನ್ನು ಅವರ ಹುಟ್ಟುಹಬ್ಬದಂದು ರಿಲೀಸ್ ಮಾಡಲಾಗಿತ್ತು. ಆ ವಿಡಿಯೋಗೆ ಜೂನಿಯರ್ ಎನ್​ಟಿಆರ್​ ಕಂಠದಾನ ಮಾಡಿದ್ದರು. ಮಲಯಾಳಂ ಒಂದನ್ನು ಬಿಟ್ಟು ಉಳಿದ ಎಲ್ಲ ಭಾಷೆಗಳಲ್ಲೂ ಜೂನಿಯರ್ ಎನ್​ಟಿಆರ್ ಅವರೇ ಹಿನ್ನೆಲೆ ಧ್ವನಿ ನೀಡಿದ್ದರು.

ರಾಜಮೌಳಿ ನಿರ್ದೇಶನದ ಈ ಸಿನಿಮಾ ಕನ್ನಡ ಸೇರಿದಂತೆ ತೆಲುಗು, ತಮಿಳು, ಹಿಂದಿ ಹಾಗೂ ಮಲಯಾಳಂನಲ್ಲಿ ರಿಲೀಸ್​ ಆಗಲಿದೆ. ಈ ಸಿನಿಮಾದಲ್ಲಿ ಬಾಲಿವುಡ್​ ನಟ-ನಟಿಯರಾದ ಅಜಯ್​ ದೇವಗನ್​, ಆಲಿಯಾ ಭಟ್​ ಸಹ ನಟಿಸಿದ್ದಾರೆ.