ರಾಬರ್ಟ್ ನಾಯಕಿಯಿಂದ ತುಂತುರು ಅಲ್ಲಿ ನೀರ ಹಾಡು; ಮಧುರ ಸ್ವರಕ್ಕೆ ಮನಸೋತ ಅಭಿಮಾನಿಗಳು

ಲಾಕ್​ಡೌನ್​ ಅವಧಿಯಲ್ಲಿ ಸ್ಯಾಂಡಲ್​ವುಡ್ ಅನೇಕ ನಟ-ನಟಿಯಲ್ಲಿ ಮನೆಯಲ್ಲಿ ಉಳಿದುಕೊಂಡು ಫ್ಯಾಮಿಲಿ ಜೊತೆಗೆ ಸಮಯ ಕಳೆಯುತ್ತಿದ್ದಾರೆ. ಇನ್ನು ಕೆಲವರು ಫಿಟ್​ನೆಸ್​, ಆಹಾರ, ಓದು ಹೀಗೆ ಒಂದಲ್ಲಾ ಒಂದು ಕೆಲಸದಲ್ಲಿ ಬ್ಯುಸಿಯಾಗಿದ್ದಾರೆ. ಇದೀಗ ರಾಬರ್ಟ್​ ಬೆಡಗಿ ಆಶಾ ಭಟ್  ಬಿಡುವಿನ ವೇಳೆ​​ ಹಾಡೊಂದನ್ನ ಹಾಡಿ ತಮ್ಮ ಸೋಷಿಯಲ್​​ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.

ನಟ ರಮೇಶ್​​ ಅರವಿಂದ್​​ ಮತ್ತು ಸುಹಾಸಿನಿ ನಟಿಸಿರುವ ‘ಅಮೃತವರ್ಷಿಣಿ‘ ಸಿನಿಮಾದ ‘ತುಂತುರ ನೀರ‘ ಹಾಡನ್ನು ಆಶಾ ಭಟ್​ ಹಾಡಿದ್ದಾರೆ. ಜೊತೆಗೆ ತಮ್ಮ ಟ್ವಿಟ್ಟರ್​ ಖಾತೆಯಲ್ಲಿ ಶೇರ್​ ಮಾಡಿದ್ದಾರೆ. ‘ಹಾಡು ಹಾಡುವುದು ನನಗೆ ಖುಷಿ ನೀಡುತ್ತದೆ. ಕಂಫರ್ಟ್​​ ಫೀಲ್​​ ಕೊಡುತ್ತದೆ. ನನ್ನಿಷ್ಟದ ಹಾಡನ್ನು ಹಾಡಲು ಪ್ರಯತ್ನಿಸಿದ್ದೇನೆ. ನಿಮಗೆ ಇಷ್ಟವಾಗಬಹುದು. ಕೊನೆಯಲ್ಲಿ ಜಾಗರೂಕತೆಯಲ್ಲಿಯೇ ಹಾಡು ಕೇಳಿ ಎಂದು  ಬರೆದುಕೊಂಡಿದ್ದಾರೆ. ಅನೇಕರು ಆಶಾ ಅವರ ಮಧುರ ಗಾಯನವನ್ನು ಕೇಳಿ ಬಗೆ ಬಗೆ ಕಾಮೆಂಟ್​​ ಬರೆಯುತ್ತಿದ್ದಾರೆ.

ತುಂತುರು ಅಲ್ಲಿ ನೀರ ಹಾಡು- Part 1 🦋
Singing brings me comfort in the chaos , so here i tried to sing my fav Song !! Hope you guys like it 😬

PS : listen at your own risk 😜 pic.twitter.com/2DuId6pua5

— Asha Bhat (@StarAshaBhat) May 12, 2020

ಆಶಾ ಭಟ್​​ 2019ರಲ್ಲಿ ಹಿಂದಿಯಲ್ಲಿ ತೆರೆಕಂಡ ಜಂಗ್ಲಿ ಸಿನಿಮಾದ ಮೂಲಕ ಚಿತ್ರರಂಗ ಪ್ರವೇಶಿಸಿದರು. ಸದ್ಯ ರಾಬರ್ಟ್​ ಸಿನಿಮಾದ ಮೂಲಕ ದರ್ಶನ್ಗೆ ನಾಯಕಿಯಾಗಿ ಅಭಿನಯಿಸಿದ್ದಾರೆ. ಈ ಸಿನಿಮಾ ಏ.10 ರಂದು ಬಿಡುಗಡೆಯಾಗಬೇಕಿತ್ತು. ಆದರೀಗ ಲಾಕ್​ಡೌನ್​ನಿಂದಾಗಿ ಚಿತ್ರದ ಬಿಡುಗಡೆ ಮುಂದಕ್ಕೆ ಹೋಗಿದೆ. ಲಾಕ್​ಡೌನ್​​ ಮುಗಿದ ನಂತರ ರಾಬರ್ಟ್​ ತೆರೆ ಮೇಲೆ ಬರಲಿದೆ.