Roberrt Trailer: ದರ್ಶನ್​ ಹುಟ್ಟುಹಬ್ಬಕ್ಕೆ ರಾಬರ್ಟ್​ ಟೀಸರ್​ ರಿಲೀಸ್: ಜೊತೆಗೆ ಮತ್ತೊಂದು ಸರ್ಪ್ರೈಸ್​..!

ಅಭಿಮಾನಿಗಳ ದಾಸ, ಫ್ಯಾನ್ಸ್​ಗಳಿಂದ ಪ್ರೀತಿಯಿಂದ ಡಿ ಬಾಸ್​ ಎಂದು ಕರೆಸಿಕೊಳ್ಳುವ ದರ್ಶನ್​ ಈ ಸಲವೂ ಅಭಿಮಾನಿಗಳ ಜೊತೆ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿಲ್ಲ. ಈ ಹಿಂದೆಯೇ ಫೇಸ್​ಬುಕ್​ ಲೈವ್ ಬಂದಿದ್ದ ದರ್ಶನ್​, ಕೊರೋನಾದಿಂದಾಗಿ ಈ ಸಲವೂ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿಲ್ಲ ಎಂದಿದ್ದರು. ಅಲ್ಲದೆ ಅಭಿಮಾನಿಗಳಿಗೆ ಮನೆಯ ಬಳಿ ಬರಬೇಡಿ ಎಂದು ಮನವಿ ಮಾಡಿದ್ದರು. ಜೊತೆಗೆ ಕೊರೋನಾದಿಂದಾಗಿ ಎಲ್ಲವೂ ಮನೆಗಳಲ್ಲೇ ಇದ್ದು, ನಿಮ್ಮ ಹಾಗೂ ಕುಟುಂಬದವರ ಆರೋಗಯದ ಬಗ್ಗೆ ಕಾಳಜಿ ಮಾಡಿ. ಕೊರೋನಾ ಸಂಕಷ್ಟದಿಂದಾಗಿ ಜನರಿಗೆ ಕೆಲಸಗಳು ಇಲ್ಲದೆ ಆರ್ಥಿಕವಾಗಿಯೂ ಸಮಸ್ಯೆಗಳು ಎದುರಾಗಿವೆ. ಅದಕ್ಕೆ ಯಾರೂ ಸಹ ಹಣ ಖರ್ಷು ಮಾಡಿಕೊಂಡು ದೂರದ ಊರುಗಳಿಂದ ನನ್ನ ಮನೆಯ ಬಳಿಗೆ ಬಂದು ಹಾರ-ಕೇಕ್​ ಅಂತ ದುಂದು ವೆಚ್ಚ ಮಾಡಬೇಡಿ. ಅದನ್ನು ನಿಮ್ಮ ಕುಟುಂಬದ ನಿರ್ವಹಣೆಗೆ ಬಳಸಿಕೊಳ್ಳಿ ಎಂದು ಸವಿನಯವಾಗಿ ಮನವಿ ಮಾಡಿದ್ದರು. 

2020 ಎಲ್ಲರಿಗೂ ಒಂದು ಪಾಠ ಕಲಿಸಿದೆ. ಕೊರೋನಾದಿಂದಾಗಿ ಸಾಕಷ್ಟು ನೊಂದಿರುವ ಕಾರಣದಿಂದ ಈ ಸಲ ಅಭಿಮಾನಿಗಳೊಂದಿಗೆ ಹುಟ್ಟುಹಬ್ಬ ಆಚರಿಸಿಕೊಳ್ಳುತ್ತಿಲ್ಲ ಎಂದ ದರ್ಶನ್​ ತಾನೇ ಅಭಿಮಾನಿಗಳನ್ನು ಭೇಟಿಯಾಗಲು ಅವರ ಊರುಗಳಿಗೆ ಬರುವುದಾಗಿಯೂ ತಿಳಿಸಿದ್ದರು. ದರ್ಶನ್​ ಅಭಿಮಾನಿಗಳನ್ನು ಹುಟ್ಟುಹಬ್ಬದ ದಿನ ಭೇಟಿ ಮಾಡದೇ ಹೋದರೂ, ಅವರಿಗಾಗಿ ಒಂದು ದೊಡ್ಡ ಉಡುಗೊರೆಯನ್ನೇ ರೆಡಿ ಮಾಡಿಕೊಂಡಿದ್ದಾರೆ.

ಹೌದು, ದರ್ಶನ್​ ಅವರ ಹುಟ್ಟುಹಬ್ಬದಂದು ಅಂದರೆ ಫೆ. 16ರಂದು ರಾಬರ್ಟ್​ ಚಿತ್ರತಂಡ ಸಿನಿಮಾದ ಟ್ರೇಲರ್​ ಅನ್ನು ಡಿಬಾಸ್​ ಅಭಿಮಾನಿಗಳಿಗೆ ಉಡುಗೊರೆಯಾಗಿ ನೀಡಲಿದೆ. ಈ ವಿಷಯವನ್ನು ನಿರ್ದೇಶಕ ತರುಣ್ ಸುಧೀರ್​ ಅವರು ನಿನ್ನೆ ಸಂಜೆ ಟ್ವೀಟ್​​ ಮಾಡುವ ಮೂಲಕ ಖಚಿತ ಪಡಿಸಿದ್ದಾರೆ.

And FINALLY...2nd update of #Roberrt 😍 for today.

Yesss...TRAILER RELEASE on #DBoss Birthday Feb16,2021..
A power packed trailer to celebrate #BossParva 💪❤#RoberrtTrailerRoarOnFeb16@UmapathyFilms @StarAshaBhat @aanandaaudio pic.twitter.com/GFWmxYhb95

— Tharun Sudhir (@TharunSudhir) February 11, 2021

ನಿನ್ನೆಯಷ್ಟೆ ತರುಣ್​ ಸುಧೀರ್​ ರಾಬರ್ಟ್​ ಸಿನಿಮಾ ಕುರಿತಾದ ಎರಡು ದೊಡ್ಡ ಪ್ರಕಟಣೆ ಮಾಡುವುದಾಗಿ ಸಾಮಾಜಿಕ ಜಾಲತಾಣದ ಮೂಲಕ ತಿಳಿಸಿದ್ದರು. ಹೇಳಿದಂತೆಯೇ ಅವರು ಮೊದಲು ಜೈ ಶ್ರೀ ರಾಮ್​ ತೆಲುಗು ಹಾಡಿನ ರಿಲೀಸ್​ ಬಗ್ಗೆ ಟ್ವೀಟ್​ ಮಾಡಿದ್ದರು.

Ok here it is... 1st update 😀 of #Roberrt for today 😍#JaiShriRam telugu song lyrical video on Feb 12th, 2021 @ 04:05pm..🙏#RoberrtTeluguSecondSong

ಜೈ ಶ್ರೀ ರಾಮ್​ ತೆಲುಗು ಲಿರಿಕಲ್​ ವಿಡಿಯೋ ಇಂದು ಸಂಜೆ ರಿಲೀಸ್ ಆಗಲಿದೆ. ಅದಕ್ಕೂ ಮೊದಲು ಇಂದು ಬೆಳಿಗ್ಗೆಯೇ ರಾಬರ್ಟ್​ ಚಿತ್ರತಂಡದಿಂದ ಮತ್ತೊಂದು ಅಪ್ಡೇಟ್​ ಸಿಗಲಿದೆ. ಅದರ ಬಗ್ಗೆಯೂ ಸಹ ನಿನ್ನೆಯೇ ತರುಣ್​ ಟ್ವೀಟ್​ ಮಾಡಿದ್ದಾರೆ.

ಜಗಪತಿ ಬಾಬು ಪಾತ್ರ ಪೋಸ್ಟರ್​ ರಿಲೀಸ್

​ಜಗಪತಿ ಬಾಬು ರಾಬರ್ಟ್​ ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಸಿಕೊಂಡಿದ್ದಾರೆ. ಅವರ ಪಾತ್ರ ಏನು ಹೇಗಿರಲಿದೆ ಎಂದು ಇಲ್ಲಿಯವರೆಗೆ ಚಿತ್ರತಂಡ ಯಾವುದೇ ಸುಳಿವು ನೀಡಿಲ್ಲ. ಆದರೆ ಇಂದು ಬೆಳಿಗ್ಗೆ 10.5ಕ್ಕೆ ಫಸ್ಟ್​ ಲುಕ್​ ಪೋಸ್ಟರ್​ ರಿಲೀಸ್​ ಆಗಲಿದೆ.

How about a BONUS update 😉

Releasing the first look poster of "The man of Intensity" @IamJagguBhai sir tomorrow mrng at 10.05am on occasion of his bday 😍#DBoss #Roberrt #RoberrtJagapathiBabuLook @UmapathyFilms@aanandaaudio

— Tharun Sudhir (@TharunSudhir) February 11, 2021

ಉಮಾಪತಿ ಹಣ ಹೂಡಿರುವ ಸಿನಿಮಾಗೆ ಅರ್ಜುನ್ಯ ಜನ್ಯ ಸಂಗೀತ ನೀಡಿದ್ದಾರೆ. ಈಗಾಗಲೇ ರಿಲೀಸ್ ಆಗಿರುವ ಈ ಸಿನಿಮಾದ ಹಾಡುಗಳು ಸಖತ್​ ವೈರಲ್​ ಆಗಿವೆ. ಇನ್ನು ಸಿನಿಮಾದ ಟೀಸರ್​ ಚಿತ್ರದ ಬಗೆಗಿದ್ದ ಕುತೂಹಲವನ್ನು ಹೆಚ್ಚಿಸಿದೆ.