Roberrt First Day Collection: ಬಾಕ್ಸಾಫಿಸ್​ನಲ್ಲಿ ಧೂಳೆಬ್ಬಿಸುತ್ತಿರುವ ದರ್ಶನ್​:​ ಕೋಟಿ ಕೋಟಿ ಬಾಚಿದ ರಾಬರ್ಟ್​

ರಾಬರ್ಟ್​ನಿಂದ ರಾಘವನವರೆಗಿನ ಜರ್ನಿ..... ಅಭಿಮಾನಿಗಳನ್ನು ಚಿತ್ರಮಂದಿರದತ್ತ ಕರೆ ತರುವಲ್ಲಿ ಯಶಸ್ವಿಯಾಗುತ್ತಿದೆ. ಒಂದೂವರೆ ವರ್ಷದಿಂದ ರಾಬರ್ಟ್​ಗಾಗಿ ಕಾದು ಕುಳಿತಿದ್ದ ದರ್ಶನ್​ ಅವರ ಸೆಲೆಬ್ರಿಟಿಗಳಿಗೆ ನಿಜಕ್ಕೂ ಶಿವರಾತ್ರಿ ಹಬ್ಬದಂದು ಭರ್ಜರಿ ಉಡುಗೊರೆ ಸಿಕ್ಕಿದೆ. ಇನ್ನು ಚಿತ್ರಮಂದಿರದಲ್ಲಿ ರಾಬರ್ಟ್​ ಎಂಟ್ರಿಗಾಗಿ ಕಾದು ಕುಳಿತ ಅಭಿಮಾನಿಗಳು ದರ್ಶನ್​ ಎಂಟ್ರಿ ಕಂಡ ಕೂಡಲೇ ಹುಚ್ಚೆದ್ದು ಕುಣಿಯುತ್ತಿದ್ದಾರೆ. ನಿನ್ನೆ ಬೆಳಗಿನ ಮೊದಲ ಶೋ ಹಾಗೂ ಸಂಜೆಯ ಬಹುತೇಕ ಶೋಗಳು ಹೌಸ್​ ಫುಲ್​ ಆಗಿದ್ದವು. ಇನ್ನು ವೀಕೆಂಡ್​ನಲ್ಲೂ ರಾಬರ್ಟ್​ ಅಬ್ಬರ ಮುಂದುವರೆಯಲಿದೆ. ಈ ಸಿನಿಮಾಗೆ ಈಗಾಗಲೇ ಉತ್ತಮ ಪ್ರತಿಕ್ರಿಯೆ ಸಿಕ್ಕಿದ್ದು, ಬಾಕ್ಸಾಫಿಸ್​ನಲ್ಲಿ ದರ್ಶನ್ ಓಡುವ ಕುದುರೆ ಅನ್ನೋದು ಮತ್ತೊಮ್ಮೆ ಸಾಬೀತಾಗಿದೆ. ಕನ್ನಡ ಹಾಗೂ ತೆಲುಗಿನ ತೆರೆಕಂಡಿರುವ ರಾಬರ್ಟ್​ಗೆ ಟಾಲಿವುಡ್​ನಲ್ಲೂ ಒಳ್ಳೆಯ ಪ್ರತಿಕ್ರಿಯೆ ಸಿಗುತ್ತಿದೆ ಎನ್ನಲಾಗುತ್ತಿದೆ. 

ದೊಡ್ಡ ಮಟ್ಟದಲ್ಲಿ ನಿರೀಕ್ಷೆಯೊಂದಿಗೆ ತೆರೆ ಕಂಡಿರುವ ರಾಬರ್ಟ್​ ಸಿನಿಮಾದ ಮೊದಲ ದಿನದ ಕಲೆಕ್ಷನ್​ ಲೆಕ್ಕಾಚಾರ ಆರಂಭವಾಗಿದೆ. ಸದ್ಯಕ್ಕೆ ಲಭ್ಯವಾಗಿರುವ ಮಾಹಿತಿಗಳ ಪ್ರಕಾರ ರಾಬರ್ಟ್​ ಮೊದಲ ದಿನವೇ ಕೋಟಿ ಕೋಟಿ ಬಾಚಿಕೊಂಡಿದೆಯಂತೆ.

Roberrt first day collection Box office report💪*

👉17.24crore(kannada version
👉3.12 crore (telugu version)

Total 20.36 crore collection 🔥🔥🔥*

All time record in kannada industry

Follow Us ❤️ @OnlineDarshanFC#Roberrt | #DBoss | @dasadarshan

— 𝐎𝐧𝐥𝐢𝐧𝐞 𝐃𝐚𝐫𝐬𝐡𝐚𝐧 𝐅𝐂_ ᴿ⁰ᵇᴱʳʳᵗ ™ (@OnlineDarshanFC) March 12, 2021

ಹೌದು ರಾಬರ್ಟ್​ ಚಿತ್ರದ ಕನ್ನಡ ವರ್ಷನ್​ ನಿನ್ನೆ 17.24 ಕೋಟಿ ಕಲೆಕ್ಷನ್ ಮಾಡಿದೆ ಎನ್ನಲಾಗುತ್ತಿದೆ. ಇನ್ನು ಆಂಧ್ರ ಮತ್ತು ತೆಲಂಗಾಣದಲ್ಲಿ 3.12 ಕೋಟಿ ಲೂಟಿ ಮಾಡಿದ್ದಾನೆ ಈ ರಾಬರ್ಟ್​. ಒಟ್ಟಾರೆ 1500ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ರಿಲೀಸ್​ ಆಗಿರುವ ಈ ಸಿನಿಮಾ ಟಾಲಿವುಡ್​ನಲ್ಲಿ 800ಕ್ಕೂ ಹೆಚ್ಚು ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗಿದೆಯಂತೆ.

All Time Day 1 Massive Record In Sandalwood
Roberrt Collects 17.24 Cr In Kannada
Andra And Telangana First Day Collection - 3.12 Cr#Dboss #Roberrt #RoberrtManiaBegins pic.twitter.com/HQ7117ihS0

— ROBERRT FILM🚩 (@Roberrt_Film) March 12, 2021

ರಾಬರ್ಟ್​ ಸಿನಿಮಾ ಮೊದಲ ದಿನ ಅಂದಾರು 6 ಸಾವಿರ ಪ್ರದರ್ಶನಗಳನ್ನು ಕಂಡಿದೆ. ಈ ಶೋಗಳಿಂದ ಒಟ್ಟಾರೆ 20 ಕೋಟಿ ಕಲೆಕ್ಷನ್​ ಮಾಡಿದ್ದಾನೆ ರಾಬರ್ಟ್ ಎಂದು ಹೇಳಲಾಗುತ್ತಿದೆ. ಇನ್ನು ರಾಬರ್ಟ್ ಚಿತ್ರದ ನಿರ್ಮಾಣಕ್ಕೆ ಅಂದಾಜು​ 50 ಕೋಟಿ ವೆಚ್ಚ ಮಾಡಲಾಗಿದೆ ಎಂದು ಹೇಳಲಾಗುತ್ತಿದ್ದು, ಮೊದಲ ವಾರದಲ್ಲೇ ಹಾಕಿರುವ ಹಣ ಹಿಂತಿರುಗಲಿದೆ ಎಂದು ಅಂದಾಜಿಸಲಾಗುತ್ತಿದೆ.



ಸದ್ಯಕ್ಕೆ ಲಭ್ಯವಾಗಿರುವ ಮಾಹಿತಿಗಳ ಪ್ರಕಾರ ಈಗ ಸಿಕ್ಕಿರುವ ಲೆಕ್ಕ ಕೇವಲ ಆನ್​ಲೈನ್​ ಬುಕ್ಕಿಂಗ್​ನದ್ದು ಎನ್ನಲಾಗುತ್ತಿದೆ. ಇನ್ನು ಚಿತ್ರಮಂದಿರಗಳ ಬಳಿ ಮಾರಾಟವಾಗಿರುವ ಟಿಕೆಟ್​ಗಳ ಲೆಕ್ಕವೇ ಬೇರೆ ಇದೆಯಂತೆ. ಇನ್ನು ವಾರಾಂತ್ಯ ಆರಂಭವಾಗಿದ್ದು, ಶನಿವಾರ ಹಾಗೂ ಭಾನುವಾರ ಸಹ ಜನ ಸಿನಿಮಾ ನೋಡಲು ಬರಲಿದ್ದಾರೆ ಅನ್ನೋ ನಿರೀಕ್ಷೆ ಇದೆ. ಇದರಿಂದಾಗಿ ವಾರಾಂತ್ಯದಲ್ಲಿ ರಾಬರ್ಟ್​ ಕಲೆಕ್ಷನ್​ ವಿಷಯದಲ್ಲಿ ಹೊಸ ದಾಖಲೆ ಬರೆಯುವ ಸಾಧ್ಯತೆ.

ಇದನ್ನೂ ಓದಿ: ಆದಿಪುರುಷ್ ಕುರಿತಾಗಿ ಹೊಸ​ ಅಪ್ಡೇಟ್ ಕೊಟ್ಟ ಪ್ರಭಾಸ್​​: ಸೀತೆ-ಲಕ್ಷ್ಮಣನನ್ನು ಪರಿಚಯಿಸಿದ ರಾಮ

ತರುಣ್ ಸುಧೀರ್​ ನಿರ್ದೇಶನ ಹಾಗೂ ಇಡೀ ಚಿತ್ರತಂಡದ ಶ್ರಮಕ್ಕೆ ಸಾಕಷ್ಟು ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಲಾಕ್​ಡೌನ್​ ನಂತರ ಬಾ ಬಾ ನಾಡು ರೆಡಿ ಎಂದಿದ್ದ ದರ್ಶನ್​ಗೆ ಈಗ ದಾರಿ ಬಿಡಿ ರಾಬರ್ಟ್​ ಬಂದ ಎನ್ನುತ್ತಿದ್ದಾರೆ ಪ್ರೇಕ್ಷಕರು.