Roar Of RRR: ಸಿನಿಮಾ ಬಗೆಗಿನ ಕುತೂಹಲ ಹೆಚ್ಚಿಸಿದ ಆರ್​ಆರ್​ಆರ್​ ಚಿತ್ರದ ಮೇಕಿಂಗ್​ ವಿಡಿಯೋ..!

RRR Making Video: ಹೈವೋಲ್ಟೇಜ್​ ಸಿನಿಮಾಗಾಗಿ ರಾಮ್​ಚರಣ್​ ಹಾಗೂ ಜೂನಿಯರ್​ ಎನ್​ಟಿಆರ್​ ಅಭಿಮಾನಿಗಳ ಜೊತೆ ಇತರೆ ಸಿನಿಪ್ರಿಯರು ಕಾಯುತ್ತಿದ್ದಾರೆ. ಇದೇ ವರ್ಷ ಅಕ್ಟೋಬರ್ 13ಕ್ಕೆ ಆರ್​ಆರ್​ಆರ್​ ರಿಲೀಸ್​ ಆಗಲಿದೆ. ಸಿನಿಪ್ರಿಯರಲ್ಲಿ ಕುತೂಹಲ ಹೆಚ್ಚಿಸುವ ಕಾರಣಕ್ಕೆ ಚಿತ್ರತಂಡ ಈಗ ಚಿತ್ರದ ಮೇಕಿಂಗ್​ ವಿಡಿಯೋ ರಿಲೀಸ್ ಮಾಡಿದೆ.

ಆರ್​ಆರ್​ಆರ್​ ಚಿತ್ರದ ಮೇಕಿಂಗ್ ವಿಡಿಯೋ

ಆರ್​ಆರ್​ಆರ್​ ಚಿತ್ರದ ಮೇಕಿಂಗ್ ವಿಡಿಯೋ

  • Share this:
ರಾಜಮೌಳಿ ನಿರ್ದೇಶನದಲ್ಲಿ ಜೂನಿಯರ್ ಎನ್​ಟಿಆರ್​ ಹಾಗೂ ರಾಮ್​ ಚರಣ್​ ತೇಜ ತೆರೆ ಹಂಚಿಕೊಳ್ಳುತ್ತಿರುವ ಸಿನಿಮಾ ಆರ್​ಆರ್​ಆರ್​. ಬಾಹುಬಲಿ ನಂತರ ರಾಜಮೌಳಿ ಅವರು ನಿರ್ದೇಶನ ಮಾಡುತ್ತಿರುವ ಚಿತ್ರ ಇದಾಗಿದ್ದು, ಇದರ ಬಗ್ಗೆ ಸಿನಿಪ್ರಿಯರಲ್ಲಿ ಸಾಕಷ್ಟು ದೊಡ್ಡ ಮಟ್ಟದ ನಿರೀಕ್ಷೆ ಇದೆ. ಈ ಚಿತ್ರದ ಬಗ್ಗೆ ರಾಜಮೌಳಿ ಅವರ ನಿರ್ದೇಶನದಿಂದಾಗಿ ಟಾಲಿವುಡ್ ಮಾತ್ರವಲ್ಲದೆ ಬೇರೆ ಭಾಷೆಗಳ ಚಿತ್ರರಂಗವರಿಗೂ ತುಂಬಾ ಕುತೂಹಲವಿದೆ. ​ ಬಾಹುಬಲಿ ಸಿನಿಮಾದಿಂದಾಗಿ ರಾಜಮೌಳಿ ಅವರ ನಿರ್ದೇಶನದ ಸಿನಿಮಾಗಳ ಮೇಲೆ ಎಲ್ಲರ ಗಮನ ನೆಟ್ಟಿದೆ. ಎಲ್ಲ ಸರಿಯಾಗಿದಿದ್ದರೆ, ಈಗಾಗಲೇ ಆರ್​ಆರ್​ಆರ್ ರಿಲೀಸ್​ ಆಗಿರುತ್ತಿತ್ತು. ಆದರೆ ಕೊರೋನಾ ಕಾರಣದಿಂದಾಗಿ ಸಿನಿಮಾ ಚಿತ್ರೀಕರಣಕ್ಕೆ ಬ್ರೇಕ್​ ಬಿದ್ದಿತ್ತು. ಲಾಕ್​ಡೌನ್​ ಸಡಿಲಗೊಂಡ ಕೂಡಲೇ ರಾಜಮೌಳಿ ಹಾಗೂ ಅವರ ತಂಡ ಶೂಟಿಂಗ್​ ಆರಂಭಿಸಿತು. ಸಿನಿಮಾದ ನಿರ್ಮಾಪಕ ದಾನಯ್ಯ, ನಿರ್ದೇಶಕ ರಾಜಮೌಳಿ ಹಾಗೂ ರಾಮ್​ ಚರಣ್​ಗೆ ಕೋವಿಡ್​ ಸೋಂಕಾಗಿದ್ದ ಕಾರಣ ಶೂಟಿಂಗ್​ ಮತ್ತಷ್ಟು ತಡವಾಯಿತು. ಇದ್ದ ಎಲ್ಲ ಅಡೆತಡೆಗಳು ನಿವಾರಣೆಯಾಗಿದ್ದು, ಇತ್ತೀಚೆಗಷ್ಟೆ ರಾಜಮೌಳಿ ಅವರು ಆರ್​ಆರ್​ಆರ್​ ಸಿನಿಮಾದ ಕ್ಲೈಮ್ಯಾಕ್ಸ್​ ಚಿತ್ರೀಕರಣದ ಅಪ್ಡೇಟ್​ ಕೊಟ್ಟಿದ್ದರು. ನಂತರ ಇದೇ ಚಿತ್ರಂಡ ಸಿನಿಮಾದ ರಿಲೀಸ್ ದಿನಾಂಕ ಪ್ರಕಟಿಸಿತು.

ಹೈವೋಲ್ಟೇಜ್​ ಸಿನಿಮಾಗಾಗಿ ರಾಮ್​ಚರಣ್​ ಹಾಗೂ ಜೂನಿಯರ್​ ಎನ್​ಟಿಆರ್​ ಅಭಿಮಾನಿಗಳ ಜೊತೆ ಇತರೆ ಸಿನಿಪ್ರಿಯರು ಕಾಯುತ್ತಿದ್ದಾರೆ. ಇದೇ ವರ್ಷ ಅಕ್ಟೋಬರ್ 13ಕ್ಕೆ ಆರ್​ಆರ್​ಆರ್​ ರಿಲೀಸ್​ ಆಗಲಿದೆ. ಸಿನಿಪ್ರಿಯರಲ್ಲಿ ಕುತೂಹಲ ಹೆಚ್ಚಿಸುವ ಕಾರಣಕ್ಕೆ ಚಿತ್ರತಂಡ ಈಗ ಚಿತ್ರದ ಮೇಕಿಂಗ್​ ವಿಡಿಯೋ ರಿಲೀಸ್ ಮಾಡಿದೆ.

ನಿರ್ದೇಶಕ ರಾಜಮೌಳಿ ಮಾಡಿರುವ ಲೆಟೆಸ್ಟ್​ ಟ್ವೀಟ್​...

A glimpse into the making of @RRRMovie… Hope you all love it.:)https://t.co/afM8x6aIOP#RoarOfRRR #RRRMovie @tarak9999 @AlwaysRamCharan @ajaydevgn @aliaa08 @OliviaMorris891 @DVVMovies @PenMovies @LycaProductions



ಇಂದು ಬೆಳಿಗ್ಗೆ 11 ಗಂಟೆಗೆ ಚಿತ್ರತಂಡ ಮೇಕಿಂಗ್​ ವಿಡಿಯೋ ಬಿಡುಗಡೆ ಮಾಡಿದೆ. ಈ ವಿಡಿಯೋ ನೋಡಿದವರಿಗೆ ಸಿನಿಮಾದ ಬಗ್ಗೆ ಇದ್ದ ನಿರೀಕ್ಷೆ ದುಪ್ಪಟ್ಟಾಗಿದೆ. ಇನ್ನು ಬಾಹುಬಲಿಯನ್ನು ತೆರೆ ಮೇಲೆ ತರಲು ಶ್ರಮಿಸಿದ್ದ ತಂಡವೇ ಈ ಚಿತ್ರದಲ್ಲೂ ಕೆಲಸ ಮಾಡುತ್ತಿದೆ. ಇನ್ನು ಈ ವಿಡಿಯೋ ರಿಲೀಸ್ ಆದ ಕೆಲವೇ ಗಂಟೆಗಳಲ್ಲಿ ಲಕ್ಷಗಟ್ಟಲೆ ವೀಕ್ಷಣೆ ಕಂಡಿದೆ.



ರಾಮರಾಜು ಪಾತ್ರದಲ್ಲಿ ರಾಮ್​ ಚರಣ್​ ಹಾಗೂ ಭೀಮ್​ ಆಗಿ ಜೂನಿಯರ್​ ಎನ್​ಟಿಆರ್​ ನಟಿಸುತ್ತಿದ್ದಾರೆ. ರಾಮ್​ ಚರಣ್​ ಹುಟ್ಟುಹಬ್ಬಕ್ಕೆ ರಾಮರಾಜು ಪಾತ್ರವನ್ನು ಪರಿಚಯಿಸುವ ವಿಡಿಯೋ ರಿಲೀಸ್ ಮಾಡಲಾಗಿತ್ತು. ಈ ವಿಡಿಯೋಗೆ ಎನ್​ಟಿಆರ್​ ಕಂಠದಾನ ಮಾಡಿದ್ದರು. ಮಲಯಾಳಂ ಒಂದು ಭಾಷೆಯಲ್ಲಿ ಮಾತ್ರ ಬೇರೆಯವರ ದನಿಯಿತ್ತು.

ಇದನ್ನೂ ಓದಿ: ಬಣ್ಣದ ಲೋಕಕ್ಕೆ ಎಂಟ್ರಿ ಕೊಟ್ಟ ಅಲ್ಲು ಅರ್ಜುನ್ ಮಗಳು ಸ್ಟೈಲಿಶ್​ ಪ್ರಿನ್ಸೆಸ್​ ಅಲ್ಲು ಅರ್ಹಾ

ಅಂತೆಯೇ ಎನ್​ಟಿಆರ್​ ಅವರ ಭೀಮ್ ಪಾತ್ರವನ್ನು ರಾಮ್​ ಚರಣ್​ ಅವರ ಕಂಠದಲ್ಲಿ ಪರಿಚಯಿಸಲಾಗಿತ್ತು. ಆದರೆ ಭೀಮ್​ ಪಾತ್ರದ ವಿಡಿಯೋವನ್ನು ಲಾಕ್​ಡೌನ್​ ಸಡಿಲಗೊಂಡ ನಂತರ ರಿಲೀಸ್​ ಮಾಡಲಾಯಿತು.

ಇದನ್ನೂ ಓದಿ: Bigg Boss 8 Kannada: ಸುಳ್ಳು ಹೇಳುತ್ತಾ ಜಗಳ ಹಚ್ಚುವ ಕೆಲಸ ಮಾಡುವ ಚಕ್ರವರ್ತಿಗೆ ಹಾಡಿನ ಮೂಲಕ ಬಿಸಿ ಮುಟ್ಟಿಸಿದ ಶಮಂತ್ ಗೌಡ-​ಸಂಬರಗಿ

ಅಂದಾಜು 400 ಕೋಟಿ ಬಜೆಟ್​ನಲ್ಲಿ ಆರ್​ಆರ್​ಆರ್​ ಸಿನಿಮಾ ರಿಲೀಸ್ ಆಗಲಿದೆ. ಇದರಲ್ಲಿ ಹಾಲಿವುಡ್​ ಹಾಗೂ ಬಾಲಿವುಡ್​ ಸ್ಟಾರ್​ಗಳೂ ನಟಿಸುತ್ತಿದ್ದಾರೆ. ಬಾಲಿವುಡ್​ನ ಆಲಿಯಾ ಭಟ್​ ಹಾಗೂ ಅಜಯ್​ ದೇವಗನ್​ ಸಹ ಪ್ರಮುಖ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಒಲಿವಿಯಾ ಮೊರಿಸ್​ ಸಹ ತಾರಾಗಣದಲ್ಲಿದ್ದಾರೆ. ಈ ಸಿನಿಮಾ ರಿಲೀಸ್​ ಆಗುವ ಹಂತ ತಲುಪಿದ್ದಕ್ಕೆ ಅಭಿಮಾನಿಗಳು ಖುಷಿಯಲ್ಲಿದ್ದಾರೆ.
Published by:Anitha E
First published: