• Home
  • »
  • News
  • »
  • entertainment
  • »
  • Bell Bottom: ಡಿಟೆಕ್ಟಿವ್ ದಿವಾಕರ್ ಚಾಣಾಕ್ಷತನಕ್ಕೆ ಪರಭಾಷಿಗರು ಫಿದಾ!

Bell Bottom: ಡಿಟೆಕ್ಟಿವ್ ದಿವಾಕರ್ ಚಾಣಾಕ್ಷತನಕ್ಕೆ ಪರಭಾಷಿಗರು ಫಿದಾ!

ಬೆಲ್ ಬಾಟಂ

ಬೆಲ್ ಬಾಟಂ

Bell Bottom: ಇದರ ನಡುವೆಯೂ ಬೆಲ್ ಬಾಟಂ ಚಿತ್ರತಂಡದ ಮೇಲೆ ಪರಭಾಷಿಗರು ಬೇಸರಗೊಂಡಿದ್ದಾರೆ. ಕಾರಣ ಇಂತಹ ಒಳ್ಳೆಯ ಸಿನಿಮಾಗೆ ಇಂಗ್ಲಿಷ್ ಸಬ್ ಟೈಟಲ್ ಇಲ್ಲದಿರೋದು. ಹೀಗಾಗಿ ಕನ್ನಡ ಗೊತ್ತಿಲ್ಲದವರಿಗೆ ಬೆಲ್ ಬಾಟಂ ನೋಡಿ ಅರ್ಥೈಸಿಕೊಳ್ಳಲು ಕಷ್ಟವಾಗುತ್ತಿದೆಯಂತೆ.

  • Share this:

ಬೆಲ್ ಬಾಟಂ ಸ್ಯಾಂಡಲ್​ವುಡ್ ಸೂಪರ್ ಹಿಟ್ ಸಿನಿಮಾ. 2019ರಲ್ಲಿ ಬಿಡುಗಡೆಯಾಗಿದ್ದ ಈ ಸಿನಿಮಾ ಕನ್ನಡ ಚಿತ್ರರಂಗದಲ್ಲಿ ದೊಡ್ಡ ಸದ್ದು ಮಾಡಿತ್ತು. ಹಾಗೆ ಪರಭಾಷೆಯ ಚಿತ್ರರಂಗಗಳನ್ನೂ ಆಕರ್ಷಿಸಿತ್ತು. ಪತ್ತೆಧಾರಿ ಶೈಲಿಯ ಕಥೆಯನ್ನ ಒಳಗೊಂಡಿದ್ದ ಬೆಲ್ ಬಾಟಂಗೆ ಜಯತೀರ್ಥ ಆಕ್ಷನ್ ಕಟ್ ಹೇಳಿದ್ದರು. ಕಥೆಗಾರ ದಯಾನಂದ್ ಟಿ.ಕೆ ಕಥೆ ಚಿತ್ರಕಥೆಯನ್ನ ಒದಗಿಸಿದ್ದರು. ರಿಷಭ್ ಶೆಟ್ಟಿ ಹಾಗೂ ಹರಿಪ್ರಿಯಾ ಲೀಡ್ ರೋಲ್ ನಲ್ಲಿ ಅಭಿನಯಿಸಿದ್ದರು.


ಸದ್ಯ ಒಟಿಟಿಯಲ್ಲೂ ಬೆಲ್ ಬಾಟಂ ಸಿನಿಮಾ ಸ್ಟ್ರೀಮಿಂಗ್ ಆಗುತ್ತಿದೆ. ಕನ್ನಡಿಗರಲ್ಲದೆ ಪರಭಾಷಿಗರನ್ನೂ ಆಕರ್ಷಿಸುತ್ತಿದೆ. ಭಾಷೆಯ ಬೇಧವಿಲ್ಲದೆ ತೆಲುಗು, ತಮಿಳು ಹಿಂದಿಯವರು ಸಹ ಬೆಲ್ ಬಾಟಂ ಗೆ ಬಹುಪರಾಕ್ ಅಂತಿದ್ದಾರೆ.




ಇದರ ನಡುವೆಯೂ ಬೆಲ್ ಬಾಟಂ ಚಿತ್ರತಂಡದ ಮೇಲೆ ಪರಭಾಷಿಗರು ಬೇಸರಗೊಂಡಿದ್ದಾರೆ. ಕಾರಣ ಇಂತಹ ಒಳ್ಳೆಯ ಸಿನಿಮಾಗೆ ಇಂಗ್ಲಿಷ್ ಸಬ್ ಟೈಟಲ್ ಇಲ್ಲದಿರೋದು. ಹೀಗಾಗಿ ಕನ್ನಡ ಗೊತ್ತಿಲ್ಲದವರಿಗೆ ಬೆಲ್ ಬಾಟಂ ನೋಡಿ ಅರ್ಥೈಸಿಕೊಳ್ಳಲು ಕಷ್ಟವಾಗುತ್ತಿದೆಯಂತೆ. ಅದನ್ನ ಸಾಮಾಜಿಕ ಜಾಲತಾಣಗಳಲ್ಲಿ ಪರಭಾಷಿಗರು ತಮ್ಮ ಕಾಮೆಂಟ್ ಮೂಲಕ ವ್ಯಕ್ತಪಡಿಸ್ತಿದ್ದಾರೆ.




ಕನ್ನಡಿಗರು ಪರಭಾಷೆಯ ಸಿನಿಮಾಗಳ ಜಪ ಮಾಡುತ್ತಿರುವಾಗ, ಕನ್ನಡದ ಸಿನಿಮಾವೊಂದು ಬೇರೆ ಭಾಷಿಗರನ್ನ ಸೆಳೆಯುತ್ತಿರೋದು ಖುಷಿಯ ವಿಚಾರ‌. ಆದರೆ ಚಿತ್ರತಂಡ ತಮ್ಮ ಸಿನಿಮಾವನ್ನ ಇನ್ನಷ್ಟು ಜನರಿಗೆ ರೀಚ್​ ಮಾಡಿಸೋ ಸಲುವಾಗಿ ಸಬ್ ಟೈಟಲ್ ಅಳವಡಿಸದೆ ಇರೋದು ಬೇಸರದ ಸಂಗತಿ. ಆದಷ್ಟು ಬೇಗ ಈ ಲೋಪ ಸರಿ ಮಾಡಿಕೊಂಡರೆ ಕನ್ನಡದ ಬೆಲ್ ಬಾಟಂ ಭಾಷೆ ಬೇಧವಿಲ್ಲದೆ ಗಡಿ ರೇಖೆಗಳ ನಿರ್ಬಂಧಗಳಿಲ್ಲದೆ ಸಿನಿ ಜಗತ್ತಿನಲ್ಲಿ ಇನ್ನಷ್ಟು ಸೌಂಡ್ ಮಾಡುವುದರಲ್ಲಿ ಅನುಮಾನವೇ ಇಲ್ಲ‌.

Published by:Harshith AS
First published:

ಸುದ್ದಿ 18ಕನ್ನಡ ಟ್ರೆಂಡಿಂಗ್

ಮತ್ತಷ್ಟು ಓದು