Kabzaa Song Making: ಕಬ್ಜ ಸಿನಿಮಾ ಸಾಂಗ್ ಮೇಕಿಂಗ್ ವಿಡಿಯೋ ಶೇರ್​ ಮಾಡಿದ ಉಪ್ಪಿ

ರಿಯಲ್ ಸ್ಟಾರ್ ಉಪೇಂದ್ರ (Real Star Upendra Kabzaa Movie) ಅಭಿನಯದ ಕಬ್ಜ ಸಿನಿಮಾವನ್ನ ಎಲ್ಲರೂ ಕೆಜಿಎಫ್ ಚಿತ್ರಕ್ಕೆ ಹೋಲಿಸಿ ಮಾತನಾಡುತ್ತಿದ್ದಾರೆ. ಆದರೆ ಉಪ್ಪಿ ಹಂಚಿಕೊಂಡ (Kabzaa Song Making Video) ಸಾಂಗ್ ಮೇಕಿಂಗ್​ನ ಒಂದು ವಿಡಿಯೋ ನೋಡುಗರಲ್ಲಿ ಹೊಸ ಭರವಸೆ ಮೂಡಿಸುವಂತೆ ಇದೆ. ರವಿ ಬಸ್ರೂರು ಸಂಗೀತದ (Music Director Ravi Basrur) ಈ ಹಾಡು ಬೇರೆ ಫೀಲ್ ಕೊಡುತ್ತಿದೆ. ಕೊರಿಯೋಗ್ರಾಫರ್ ಜಾನಿ ಮಾಸ್ಟರ್ ಈ ಒಂದು ಹಾಡನ್ನ ನೃತ್ಯ ನಿರ್ದೇಶನ ಮಾಡಿದ್ದಾರೆ. ಈ ಹಾಡಿನ ಮೇಕಿಂಗ್ (Kabzaa Movie) ವಿಡಿಯೋದಲ್ಲಿ ಜಾನಿ ಮಾಸ್ಟರ್ ಮತ್ತು ರಿಯಲ್ ಸ್ಟಾರ್ ಉಪೇಂದ್ರ ಸಖತ್ ಎಂಜಾಯ್ ಮಾಡಿದ್ದಾರೆ. ಆ ಒಂದು ಸತ್ಯ ಈ ಒಂದು ವಿಡಿಯೋದಲ್ಲಿ ರಿವೀಲ್ ಆಗಿದೆ.

ಕಬ್ಜ ಸಿನಿಮಾದ ಸಾಂಗ್ ಮೇಕಿಂಗ್ ವಿಡಿಯೋ ರಿವೀಲ್
ಕಬ್ಜ ಸಿನಿಮಾದ ಇಡೀ ಕಥೆ ರೆಟ್ರೋ ಕಾಲದ ಕಥೆ ಆಗಿದೆ. ಅದನ್ನ ಹೇಳಲಿಕ್ಕೆ ನಿರ್ದೇಶಕ-ನಿರ್ಮಾಪಕ ಆರ್. ಚಂದ್ರು ಕೋಟಿ ಕೋಟಿ ವೆಚ್ಚದಲ್ಲಿ ಸೆಟ್ ಕೂಡ ಹಾಕಿಸಿದ್ದರು. ಕಲಾ ನಿರ್ದೇಶಕ ಶಿವಕುಮಾರ್ ಅವರ ಕಲ್ಪನೆಯಲ್ಲಿ ಅದ್ಭುತ ಸೆಟ್​ಗಳು ಬೆಂಗಳೂರಿನ ಮಿನರ್ವ ಮಿಲ್ಸ್​ನಲ್ಲಿ ರೆಡಿ ಆಗಿದ್ದವು.

ಅದೆಷ್ಟೋ ಹಂತದ ಶೂಟಿಂಗ್​ನ್ನ ಇದೇ ಸೆಟ್​​ನಲ್ಲಿಯೇ ಡೈರೆಕ್ಟರ್ ಆರ್​​. ಚಂದ್ರು ಚಿತ್ರೀಕರಿಸಿದ್ದರು. ತುಂಬಾ ಶ್ರಮವಹಿಸಿ ಚಿತ್ರೀಕರಿಸಿರೋ ಈ ಸಿನಿಮಾ ಟೀಸರ್​ ಮೂಲಕ ಹಂಗಾಮಾ ಎಬ್ಬಿಸಿತ್ತು.

ಸಾಂಗ್ ಮೇಕಿಂಗ್ ವಿಡಿಯೋದಲ್ಲಿ ಏನಿದೆ ಗೊತ್ತೇ?
ರಿಯಲ್ ಸ್ಟಾರ್ ಉಪೇಂದ್ರ ಅವರ ಜನ್ಮ ದಿನದಂದು ಈ ಟೀಸರ್ ರಿಲೀಸ್ ಆಯಿತು. ಅದರ ಬೆನ್ನಲ್ಲಿಯೇ ಈ ಟೀಸರ್ ಕೆಜಿಎಫ್​ ಚಿತ್ರದ ರೀತಿ ಇದೆ ಅನ್ನುವ ಕಾಮೆಂಟ್ಸ್ ಕೂಡ ಬಂದವು.
ಅಷ್ಟೇ ಯಾಕೆ ಮೊನ್ನೆ ಮೊನ್ನೆ ರಿಲೀಸ್ ಆದ ಟೈಟಲ್​ ಟ್ರ್ಯಾಕ್​ ಅನ್ನು ಕೆಜಿಎಫ್​​ಗೆ ಹೋಲಿಸಿದ್ದರು. ಆದರೆ ರಿಯಲ್ ಸ್ಟಾರ್ ಉಪೇಂದ್ರ ಶೇರ್ ಮಾಡಿರೋ ಸಾಂಗ್ ಮೇಕಿಂಗ್ ವಿಡಿಯೋ ಈಗ ಬೇರೆ ಫೀಲ್ ಕೊಡುತ್ತಿದೆ.

View this post on Instagram

A post shared by Upendra (@nimmaupendra)

ರಿಯಲ್ ಸ್ಟಾರ್ ಉಪ್ಪಿ-ಜಾನಿ ಮಾಸ್ಟರ್ ಸಖತ್ ಡ್ಯಾನ್ಸ್
ರಿಯಲ್ ಸ್ಟಾರ್ ಉಪೇಂದ್ರ ಅವರು ಸಹ ನೃತ್ಯಗಾರರ ಜೊತೆಗೆ ಡ್ಯಾನ್ಸ್ ಮಾಡಿದ್ದಾರೆ. ಕೋರಿಯೋಗ್ರಾಫರ್ ಜಾನಿ ಮಾಸ್ಟರ್ ಈ ಒಂದು ಹಾಡನ್ನ ನೃತ್ಯ ನಿರ್ದೇಶನ ಮಾಡಿದ್ದಾರೆ. ಜೊತೆಗೆ ಉಪ್ಪಿಯೊಟ್ಟಿಗೆ ಮಸ್ತ್ ಡ್ಯಾನ್ಸ್ ಕೂಡ ಮಾಡಿದ್ದಾರೆ.

ಮೇಕಿಂಗ್ ವಿಡಿಯೋದಲ್ಲಿ ಇನ್ನೂ ಒಂದು ವಿಶೇಷ ಕೂಡ ಗಮನಕ್ಕೆ ಬರುತ್ತದೆ. ಜಾನಿ ಮಾಸ್ಟರ್ ಕಂಪೋಸ್ ಮಾಡಿರೋ ಸ್ಟೆಪ್ಸ್​ನ್ನ ಉಪ್ಪಿಗೆ ಹೇಳಿಕೊಡ್ತಾರೆ. ಆದರೆ ಉಪ್ಪಿ ಅದನ್ನ ಬಿಟ್ಟು, ತಮ್ಮದೇ ಸ್ಟೈಲ್​​ನ ಸ್ಟೆಪ್ಸ್ ಹಾಕುತ್ತಾರೆ.

ಜಾನಿ ಮಾಸ್ಟರ್​​ಗೆ ಸ್ಟೆಪ್ಸ್ ಹೇಳಿಕೊಟ್ಟ ರಿಯಲ್ ಸ್ಟಾರ್ ಉಪ್ಪಿ!
ಇಡೀ ವಿಡಿಯೋದಲ್ಲಿ ಇದು ಅತಿ ಹೆಚ್ಚು ಗಮನ ಸೆಳೆಯುತ್ತದೆ. ಇದರ ಹೊರತಾಗಿ ರವಿ ಬಸ್ರೂರ ಅವರ ಸಂಗೀತ ಇಲ್ಲಿ ವಿಭಿನ್ನವಾಗಿಯೇ ಕೇಳಿಸುತ್ತದೆ. ಅದಕ್ಕೆ ತಕ್ಕನಾಗಿಯೇ ಜಾನಿ ಮಾಸ್ಟರ್ ಕಬ್ಜ ಚಿತ್ರದ ಈ ಹಾಡಿಗೆ ಸ್ಟೆಪ್ಸ್​​ನ್ನ ಕಂಪೋಜ್ ಮಾಡಿದ್ದಾರೆ ಅನಿಸುತ್ತದೆ.

ಇದನ್ನೂ ಓದಿ: Hemanth Rao: ಅಪ್ಪು-ಯಶ್ ಮೆಚ್ಚಿದ ಕಥೆಗೆ ರಕ್ಷಿತ್ ಶೆಟ್ಟಿ ನಾಯಕ; ಹೊರಬಿತ್ತು ರೋಚಕ ಸ್ಟೋರಿ!

ಇದರ ಹೊರತಾಗಿ ಚಿತ್ರದ ಇನ್ನಷ್ಟು ಮಾಹಿತಿ ಕೊಡುವುದಾದ್ರೆ, ಫೆಬ್ರವರಿ-16 ರಂದು ಚಿತ್ರದ ವಿಡಿಯೋ ಸಾಂಗ್ ಕೂಡ ರಿಲೀಸ್ ಆಗುತ್ತಿದೆ. ಶಿಡ್ಲಘಟ್ಟದಲ್ಲಿ ಆಡಿಯೋ ರಿಲೀಸ್ ಪ್ಲಾನ್ ಕೂಡ ಈಗಾಗಲೇ ಆಗಿದೆ. ಪವರ್ ಸ್ಟಾರ್ ಪುನೀತ್ ಜನ್ಮದಿನದಂದು ಕಬ್ಜ ಸಿನಿಮಾ ಪ್ಯಾನ್​ ಇಂಡಿಯಾ ಮಟ್ಟದಲ್ಲಿ ರಿಲೀಸ್ ಆಗುತ್ತಿದೆ.