ಗೂಗಲ್​ ಸರ್ಚ್​ನಲ್ಲಿ ಐದನೇ ಸ್ಥಾನದಲ್ಲಿ ಕಿರಿಕ್​ ರಶ್ಮಿಕಾ ಮಂದಣ್ಣ..!

2018 ಅದೆಷ್ಟು ಬೇಗ ಉರುಳುತ್ತಿದೆ ಎಂದರೆ ನಿನ್ನೆ-ಮೊನ್ನೆಯಷ್ಟೆ ಹೊಸ ವರ್ಷಾಚರಣೆ ಮಾಡಿದಂತಿದೆ. ಪ್ರತಿ ವರ್ಷ ಗೂಗಲ್​ನಲ್ಲಿ ಯಾವ ಸೆಲೆಬ್ರಿಟಿಗಾಗಿ ಹುಡುಕಾಟ ನಡೆಯುತ್ತೆ ಎಂದು ಮಾಹಿತಿ ನೀಡಲಾಗುತ್ತೆ. ಅದರಂತೆ ಈ ವರ್ಷದಲ್ಲಿ ಗೂಗಲ್​ನಲ್ಲಿ ಯಾವ ಸೆಲೆಬ್ರಿಟಿಗಾಗಿ ಜನರು ಹೆಚ್ಚು ಹುಡುಕಾಡಿದ್ದಾರೆ. ಅದರಲ್ಲೂ ದಕ್ಷಿಣ ಸಿನಿ ರಂಗದಲ್ಲಿ ಅತಿ ಹೆಚ್ಚು ಸರ್ಚ್​ ಆದ ನಟರು ಯಾರು, ಯಾವ ನಟ-ನಟಿ ಯಾವ ಸ್ಥಾನದಲ್ಲಿದ್ದಾರೆ ಎಂಬ ಮಾಹಿತಿ ಇಲ್ಲಿದೆ ಓದಿ.

ಟಾಲಿವುಡ್​ನ ಮೆಗಾಸ್ಟಾರ್​ ಚಿರಂಜೀವಿ ಈ ಬಾರಿ ಗೂಗಲ್​ನಲ್ಲಿ ಅತಿಹೆಚ್ಚು ಹುಡುಕಲ್ಪಟ್ಟ ದಕ್ಷಿಣ ಭಾರತದ ನಟರಾಗಿದ್ದಾರೆ. ನಂತರದ ಸ್ಥಾನದಲ್ಲಿ ನಾನಿ, ನಂದಮುರಿ ಬಾಲಕೃಷ್ಣ, ವಿಜಯ್​ ದೇವರಕೊಂಡ ಹಾಗೂ ರಶ್ಮಿಕಾ ಮಂದಣ್ಣ ಇದ್ದಾರೆ.

ಇದನ್ನು ಓದಿ :  ತಮಿಳಲ್ಲಿ ಮಾತನಾಡಿ ಕಾಲಿವುಡ್​ ಪ್ರೇಕ್ಷಕರ ಮನಗೆದ್ದ ರಾಕಿಂಗ್​ ಸ್ಟಾರ್: ಪರ ಭಾಷೆಯಲ್ಲಿ ಮಾತನಾಡುವ ಕಲಾವಿದರಿಗೆ ಯಶ್​ ಹೇಳಿದ್ದೇನು..?

ಈ ಬಗ್ಗೆ ಅವರ ಅಭಿಮಾನಿಗಳು ಟ್ವಿಟರ್​ನಲ್ಲಿ ತಮ್ಮ ಖುಷಿಯನ್ನು ಹಂಚಿಕೊಳ್ಳುತ್ತಿದ್ದಾರೆ.

This is something cool thank you so much 🙈🙈❤️❤️❤️ https://t.co/7kOnWg6M8y

— Rashmika Mandanna (@iamRashmika) December 13, 2018

ಹವದು, 'ಕಿರಿಕ್​ ಪಾರ್ಟಿ' ಸಿನಿಮಾ ಮೂಲಕ ಕರ್ನಾಟಕದ ಕ್ರಷ್ ಎನಿಸಿಕೊಂಡ ರಶ್ಮಿಕಾ, ಈಗ ಗೂಗಲ್​ ಸರ್ಚ್​ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದ್ದಾರೆ. ಕನ್ನಡದಲ್ಲಿ ಸಿನಿ ಜೀವನ ಆರಂಭಿಸಿದ ರಶ್ಮಿಕಾ, ನಂತರದಲ್ಲಿ ಟಾಲಿವುಡ್​ನಲ್ಲಿ ಬಹುಬೇಡಿಕೆಯ ನಟಿಯಾದರು. ಅದು ಸಹ ಅವರು ಅಭಿನಯಿಸಿದ 'ಗೀತ ಗೋವಿಂದಂ' ಸಿನಿಮಾ ಅವರಿಗೆ ಸಾಕಷ್ಟು ಖ್ಯಾತಿ ತಂದುಕೊಟ್ಟಿತ್ತು.

ಸದ್ಯ ರಶ್ಮಿಕಾ ಕನ್ನಡ ಹಾಗೂ ತೆಲುಗು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದು, ದರ್ಶನ್​ ಜತೆ ಅವರು ಅಭಿನಯಿಸಿರುವ 'ಯಜಮಾನ' ಸಿನಿಮಾ ಹೊಸ ವರ್ಷಕ್ಕೆ ತೆರೆ ಕಾಣಲಿದೆ.