HOME » NEWS » Entertainment » RAPPER CHANDAN SHETTY NEW PARTY SONG PARTY FREAK GOING RELEASE ON DEC 26 SESR

Rapper Chandan Shetty: ಹೊಸ ವರ್ಷಕ್ಕೆ ಪಾರ್ಟಿ ಫ್ರೀಕ್​ ಮೂಲಕ ಕಿಕ್ಕೇರಿಸಲು ಬರುತ್ತಿದ್ದಾರೆ ರ‍್ಯಾಪರ್ ಚಂದನ್​ ಶೆಟ್ಟಿ

ನಿವೇದಿತಾ ಗೌಡ ಹಾಗೂ ನಟಿ ನಿಶ್ವಿಕಾ ನಾಯ್ಡು ಈ ಪಾರ್ಟಿ ಸಾಂಗ್​ನಲ್ಲಿ ಚಂದನ್​ ಶೆಟ್ಟಿ ಜೊತೆ ಕಾಣಿಸಿಕೊಳ್ಳಲಿದ್ದಾರೆ

Seema.R | news18-kannada
Updated:December 14, 2020, 8:03 PM IST
Rapper Chandan Shetty: ಹೊಸ ವರ್ಷಕ್ಕೆ ಪಾರ್ಟಿ ಫ್ರೀಕ್​ ಮೂಲಕ ಕಿಕ್ಕೇರಿಸಲು ಬರುತ್ತಿದ್ದಾರೆ ರ‍್ಯಾಪರ್ ಚಂದನ್​ ಶೆಟ್ಟಿ
ನಿವೇದಿತಾ ಗೌಡ, ಚಂದನ್​ಶೆಟ್ಟಿ, ನಿಶ್ವಿಕಾ ಗೌಡ
  • Share this:
'ಮೂರೇ ಮೂರು ಪೆಗ್ಗಿಗೆ..', 'ಟಕೀಲಾ..'ದಂತಹ ಪಾರ್ಟಿ ಸಾಂಗ್ ಗಳ ಮೂಲಕ ಸದ್ದು ಮಾಡಿದ್ದ ರ‍್ಯಾಪರ್ ಚಂದನ್​ ಶೆಟ್ಟಿ ಈಗ 'ಪಾರ್ಟಿ ಫ್ರೀಕ್'​ ಮೂಲಕ ಹೊಸ ಅಲೆ ಸೃಷ್ಟಿಸಲು ಸಿದ್ಧರಾಗಿದ್ದಾರೆ. ಹೊಸ ವರ್ಷಕ್ಕೆ 'ಪಾರ್ಟಿ ಫ್ರೀಕ್'​ ಮೂಲಕ ಚಂದನ್ ಶೆಟ್ಟಿ ಕಿಕ್ಕೇರಿಸಲು ಸಿದ್ಧವಾಗಿದ್ದಾರೆ. ಈ ಮೂಲಕ ಈ ಬಾರಿ ನ್ಯೂಯರ್​ಗೆ ಮತ್ತೊಂದು ಪಾರ್ಟಿ ಸಾಂಗ್ ನೀಡಲು ಸಜ್ಜಾ ಗಿದ್ದಾರೆ. ವಿಶೇಷ ಎಂದರೇ ಈ ಬಾರಿ ಚಂದನ್​ ಕೇವಲ ಕನ್ನಡದಲ್ಲಿ ಮಾತ್ರವಲ್ಲ, ತೆಲುಗಿನಲ್ಲಿಯೂ ಈ ಹಾಡನ್ನು ಕಾಣಬಹುದಾಗಿದೆ. ಅದ್ಧೂರಿ ವೆಚ್ಚದಲ್ಲಿ, ಕಲರ್ ಫುಲ್ ಸೆಟ್ ನಲ್ಲಿ ಎರಡು ದಿನ ಹಾಡಿನ ಶೂಟಿಂಗ್ ನಡೆಯಲಿದೆ. ಬೆಂಗಳೂರಿನ ಐಷಾರಾಮಿ ಹೋಟೆಲ್ ಮತ್ತು ಪಬ್ ಗಳಲ್ಲಿ ಈ ಹಾಡಿನ ಚಿತ್ರೀಕರಣವಾಗಲಿದೆ. ಇನ್ನು 'ಪಾರ್ಟಿ ಫ್ರೀಕ್' ಹೆಸರಿನ ಈ ಹಾಡನ್ನು ಚೈತನ್ಯ ಲಕಂಸಾನಿ ನಿರ್ಮಾಣ ಮಾಡುತ್ತಿದ್ದಾರೆ. ಚಂದನ್ ಶೆಟ್ಟಿಯ ಸಂಗೀತ , ಸಾಹಿತ್ಯ ಬರೆದಿದ್ದು, ಅವರೇ ಹಾಡಿನಲ್ಲಿಯೂ ಕಾಣಿಸಿಕೊಳ್ಳಲಿದ್ದಾರೆ. ನಟಿ ನಿಶ್ವಿಕಾ ನಾಯ್ಡು ಈ ಕಲರ್ ಫುಲ್ ಹಾಡಿನಲ್ಲಿ ಮಸ್ತ್ ಮಸ್ತ್ ಡಾನ್ಸ್ ಮಾಡಲಿದ್ದಾರೆ. ಅಷ್ಟೇ ಅಲ್ಲ ಚಂದನ್ ಶೆಟ್ಟಿ ಹೆಂಡತಿ ನಿವೇದಿತಾ ಗೌಡ ಸಹ ಈ ಹಾಡಿನಲ್ಲಿರಲ್ಲಿದ್ದಾರೆ. ವಿಶೇಷ ಪಾತ್ರದಲ್ಲಿ ನಟ ಧರ್ಮ ಅವರನ್ನು ಕಾಣಬಹುದು.

ಶ್ರೀಶ ಕುದುವಳ್ಳಿ ಛಾಯಾಗ್ರಹಣ, ಅಜಿತ್ ಶ್ರೀರವಿ ಅವರ ವಸ್ತ್ರ ವಿನ್ಯಾಸ ಮಾಡಲಿದ್ದು, ಮೋಹನ್ ಮಾಸ್ಟರ್ ಹಾಡಿಗೆ ನೃತ್ಯ ನಿರ್ದೇಶನ ಮಾಡಲಿದ್ದಾರೆ.

ಕರೋನಾ ಹಿನ್ನೆಲೆಯಲ್ಲಿ ಈ ವರ್ಷದ ನ್ಯೂ ಇಯರ್ ಪಾರ್ಟಿ ಆಚರಣೆಗೆ ಸರ್ಕಾರ ಬ್ರೇಕ್ ಹಾಕಿದೆ. ಮನೆಯಲ್ಲಿಯೇ ಕುಟುಂಬದೊಟ್ಟಿಗೆ ಆಚರಿಸುವಂತೆ ಹೇಳಿದೆ. ಅದನ್ನೇ ಗಮನದಲ್ಲಿಟ್ಟುಕೊಂಡು, ಸೂಕ್ತ ಮುನ್ನೆಚ್ಚರಿಕೆ ತೆಗೆದುಕೊಂಡು ಈ ಹಾಡನ್ನು ಚಿತ್ರೀಕರಿಸಲಾಗಿದೆ. ನಮ್ಮ ಹಾಡನ್ನು ಮನೆಯಲ್ಲಿಯೇ ಕೇಳಿ ಆನಂದಿಸುತ್ತ ಹೊಸ ವರ್ಷವನ್ನು ಬರಮಾಡಿಕೊಳ್ಳಿ ಎಂಬುದು ತಂಡದ ಉದ್ದೇಶ. ಹಾಗಾಗಿಯೇ ಈ ಹಾಡನ್ನು ಯುನೈಟ್ ಆಡಿಯೋಸ್ ನಲ್ಲಿ ಡಿ.26ರಂದು ಬಿಡುಗಡೆ ಮಾಡಲಿದೆ ತಂಡ.

https://youtu.be/Ysf4QRrcLGM

ಚಂದನ್ ಶೆಟ್ಟಿ ಸಂಯೋಜಿಸಿ ಹಾಡಿರುವ ಪೊಗರು ಚಿತ್ರದ ಖರಾಬು ಹಾಡು ಕನ್ನಡದಲ್ಲಿ ಮಾತ್ರವಲ್ಲದೇ ತೆಲುಗಿನಲ್ಲಿಯೂ ಮೋಡಿ ಮಾಡುತ್ತಿದೆ. ಕನ್ನಡದಲ್ಲಿ 17ಕೋಟಿ ಬಾರಿ ವೀಕ್ಷಣೆಯಾದರೆ, ತೆಲುಗಿನಲ್ಲಿ 4.5 ಕೋಟಿ ವೀಕ್ಷಣೆ ಪಡೆದಿದೆ.ಇದೇ ಹಿನ್ನಲೆ ಇದೇ ಮೊದಲ ಬಾರಿಗೆ ತೆಲುಗಿನಲ್ಲಿ ತಮ್ಮ ರ್ಯಾಪ್​ ಸಾಂಗ್​ ಬಿಡುಗಡೆಗೊಳಿಸಲು ಸಜ್ಜಾಗಿದ್ದಾರೆ.
Published by: Seema R
First published: December 14, 2020, 7:58 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories