Mardaani 2: ಮತ್ತೆ ಪೊಲೀಸ್​ ಅಧಿಕಾರಿಯಾಗಿ ರಾಣಿ ಮುಖರ್ಜಿ: 'ಮರ್ದಾನಿ 2' ರಿಲೀಸ್​ ಡೇಟ್​ ಫಿಕ್ಸ್​..!

- ಅನಿತಾ ಈ, 

ನಟಿ ರಾಣಿ ಮುಖರ್ಜಿ ನಿರ್ದೇಶಕ ಹಾಗೂ ನಿರ್ಮಾಪಕ ಆದಿತ್ಯ ಚೋಪ್ರಾ ಅವರನ್ನು ವಿವಾಹವಾಗಿ ಒಂದು ಮಗುವಾದ ನಂತರ 'ಹಿಚ್ಕಿ' ಎಂಬ ಸಿನಿಮಾದಲ್ಲಿ ಅಭಿನಯಿಸಿದ್ದರು. ಕಳೆದ ವರ್ಷ ಅಂದರೆ 2018ರ ಮಾರ್ಚ್​ 23ರಂದು ಈ ಚಿತ್ರ ತೆರೆಕಂಡಿತ್ತು. ಬಾಕ್ಸಾಫಿಸ್​ನಲ್ಲಿ ತಕ್ಕ ಮಟ್ಟಿಗೆ ಸದ್ದು ಮಾಡಿತ್ತಾದರೂ, ಅಂದುಕೊಂಡ ಮಟ್ಟಕ್ಕೆ ಹಿಟ್​ ಆಗಲಿಲ್ಲ. ಇದಾದ ನಂತರ ರಾಣಿ ಯಾವುದೇ ಸಿನಿಮಾಗಳಿಗೆ ಸಹಿ ಮಾಡಿರಲಿಲ್ಲ.

2014 ಆಗಸ್ಟ್​ 22ರಂದು ರಾಣಿ ಪೊಲೀಸ್​ ಅಧಿಕಾರಿಯಾಗಿ ಅಭಿನಯಿಸಿದ್ದ 'ಮರ್ದಾನಿ' ಚಿತ್ರ ಬಿಡುಗಡೆಯಾಗಿತ್ತು. ಪ್ರದೀಪ್​ ಸರ್ಕಾರ್​ ನಿರ್ದೇಶನದ ಈ ಸಿನಿಮಾ 21 ಕೋಟಿ ವೆಚ್ಚದಲ್ಲಿ ನಿರ್ಮಾಣವಾಗಿದ್ದು, ಬಾಕ್ಸಾಫಿಸ್​ನಲ್ಲಿ 57 ಕೋಟಿ ಚಾಚಿಕೊಂಡಿತ್ತು.



ಈ ಸಿನಿಮಾ ಬಿಡುಗಡೆಯಾದ ನಂತರ, ಇದರ ಸೀಕ್ವೆಲ್​ ಬರುತ್ತದೆ ಎಂದು ಯಾರೂ ಊಹಿಸಿರಲಿಲ್ಲ. ಆದರೆ ಈ ಮಧ್ಯೆ 'ಮರ್ದಾನಿ 2' ಚಿತ್ರ ಕುರಿತ ಸುದ್ದಿಗಳು ಹರಿದಾಡುತ್ತಿದ್ದವು. ಈಗ ಈ ಸುದ್ದಿಗೆ ಮತ್ತೆ ಇದಕ್ಕೆ ಜೀವ ಬಂದಿದೆ.

ಹೌದು, ರಾಣಿ ಅವರ ಗಂಡ ಆದಿತ್ಯ ಚೋಪ್ರಾ ನಿರ್ಮಾಣದಲ್ಲಿ 'ಮರ್ದಾನಿ 2' ಸೆಟ್ಟೇರಿದೆ. ಈ ಸಿನಿಮಾವನ್ನು ಗೋಪಿ ಪುತ್ರಾನಿ ನಿರ್ದೇಶನ ಮಾಡುತ್ತಿದ್ದು, ಇದರ ಬಿಡುಗಡೆ ದಿನಾಂಕ ಇಂದು ಪ್ರಕಟವಾಗಿದೆ.

Release date finalized... #Mardaani2 to release on 13 Dec 2019... Stars Rani Mukerji... Will be her next film release, after the smash HIT #Hichki... #Mardaani2 launches a new face as the antagonist... Directed by Gopi Puthran... Produced by Aditya Chopra. pic.twitter.com/BKIvptEZYp

— taran adarsh (@taran_adarsh) August 10, 2019

ಸಿನಿಮಾ ವ್ಯವಹಾರಗಳ ವಿಶ್ಲೇಷಕ ತರನ್​ ಆದರ್ಶ್​ ಅವರು ಇದನ್ನು ಟ್ವೀಟ್​ ಮಾಡಿಕೊಂಡಿದ್ದಾರೆ. ರಾಣಿ ಮತ್ತೆ ಪೊಲೀಸ್​ ಅಧಿಕಾರಿಯಾಗಿ ತೆರೆ ಮೇಲೆ ಮಿಂಚಲಿದ್ದು, ಅದಕ್ಕೆ ಅಗತ್ಯ ಸಿದ್ಧತೆಗಳನ್ನೂ ಮಾಡಿಕೊಂಡಿದ್ದಾರೆ. ಈ ಸಿನಿಮಾ ಇದೇ ವರ್ಷ ಡಿಸೆಂಬರ್​ 13ರಂದು ತೆರೆ ಕಾಣಲಿದೆ.

ಇದನ್ನೂ ಓದಿ: Rakhi Sawanth: ರಾಖಿ ಸಾವಂತ್​ರ ಗಂಡ ಮಾಧ್ಯಮಗಳ ಮುಂದೆ ಬರದೇ ಇರುವುದಕ್ಕೆ ಕಾರಣ ಕೇಳಿದ್ರೆ ನಿಜಕ್ಕೂ ಶಾಕ್​ ಆಗ್ತೀರಾ..!

2015 ಡಿಸೆಂಬರ್ ರಾಣಿ ಹೆಣ್ಣು ಮಗುವಿಗೆ ಜನ್ಮ ಕೊಟ್ಟಿದ್ದು, ಅವರು ಅದಕ್ಕೆ​ ಅದಿರಾ ಎಂದು ನಾಮಕರಣ ಮಾಡಿದ ವಿಷಯ ಹಳೆಯದು. ಇದಾದ ನಂತರ 2018ರಲ್ಲಿ 'ಹಿಚ್ಕಿ' ಸಿನಿಮಾದಲ್ಲಿ ಅಭಿನಯಿಸಿದ್ದರು. ನಂತರ ಅವರು ಎರಡನೇ ಮಗುವಿಗಾಗಿ ಪ್ಲಾನ್​ ಮಾಡಿಕೊಂಡಿದ್ದಾರೆ ಎಂಬ ಸುದ್ದಿಗಳೂ ಹರಿದಾಡುತ್ತಿದ್ದವು. ಆದರೆ ಈಗ ಅವೆಲ್ಲದಕ್ಕೂ ಬ್ರೇಕ್​ ಬಿದ್ದಿದೆ.

 

Shah Rukh Khan: ಕಿಂಗ್​ ಖಾನ್​ ಶಾರುಕ್​ಗೆ ಡಾಕ್ಟರೇಟ್​ ನೀಡಿ ಗೌರವಿಸಿದ ಮೆಲ್ಬೋರ್ನ್​ನ ವಿಶ್ವವಿದ್ಯಾಲಯ..!