Anitha EAnitha E
|
news18-kannada Updated:March 31, 2020, 11:40 AM IST
ರಕ್ಷಿತಾರ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಮಗ ಸೂರ್ಯ, ಪ್ರೇಮ್ ಹಾಗೂ ಇತರರು
ಸ್ಯಾಂಡಲ್ವುಡ್ ಕ್ರೇಜಿ ಕ್ವೀನ್ ರಕ್ಷಿತಾ ಪ್ರೇಮ್ ಇಂದು ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಲಾಕ್ಡೌನ್ ನಡುವೆಯೂ ರಕ್ಷಿತಾ ಹುಟ್ಟುಹಬ್ಬವನ್ನು ಸಂಭ್ರಮದಿಂದ ಆಚರಿಸಲಾಯಿತು. ಸದಾ ತಮ್ಮ ಗಂಡ ಹಾಗೂ ಪ್ರೊಡಕ್ಷನ್ ಟೀಮ್ ಜೊತೆ ಹೊರಗಡೆ ಕೇಕ್ ಕತ್ತರಿಸಿ ಬರ್ತ್ ಡೇ ಆಚರಿಸುತ್ತಿದ್ದರು ರಕ್ಷಿತಾ. ಹೆಂಡತಿಯ ಹುಟ್ಟುಹಬ್ಬವನ್ನು ಪ್ರತಿವರ್ಷ ಸಂಭ್ರಮದಿಂದ ಆಚರಿಸುತ್ತಿದ್ದ ಪ್ರೇಮ್ ಈ ಸಲವೂ ಪ್ರೀತಿಯಿಂದ ಮನೆಯಲ್ಲೇ ರಕ್ಷಿತಾರ ಬರ್ತ್ ಡೇ ಆಚರಿಸಿದ್ದಾರೆ.
ಮಗ ಸೂರ್ಯನೊಂದಿಗೆ ಸೇರಿಕೊಂಡು ನಿನ್ನೆ ಸಂಜೆಯಿಂದಲೇ ರಕ್ಷಿತಾರ ಹುಟ್ಟುಹಬ್ಬಕ್ಕೆಂದು ಅಗತ್ಯ ಸಿದ್ಧತೆ ಮಾಡಿಕೊಂಡಿದ್ದರು.ಮನೆಯಲ್ಲೇ ರಕ್ಷಿತಾಗಾಗಿ ತಮ್ಮ ಕೈಯಾರೆ ಕೇಕ್ ತಯಾರಿಸಿದ್ದಾರೆ. ಮಧ್ಯೆ ಅದರ ಟಿಕ್ಟಾಕ್ ವಿಡಿಯೋ ಸಹ ಮಾಡಿದ್ದಾರೆ. ಈ ವಿಡಿಯೋ ಈಗ ವೈರಲ್ ಆಗಿದೆ.
ಹೆಂಡತಿಯ ಹುಟ್ಟುಹಬ್ಬಕ್ಕಾಗಿ ಮೊದಲ ಬಾರಿಗೆ ಕೇಕ್ ತಯಾರಿಸಿದ್ದಾರೆ ಪ್ರೇಮ್. ಅದನ್ನೂ ಪ್ರೇಮ್ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.
ಇನ್ನು ಗಂಡ ಮತ್ತು ಮಗ ಕೊಟ್ಟ ಸರ್ಪ್ರೈಸ್ ಕಂಡು ಶಾಕ್ ಜೊತೆ ಖುಷಿಯಿಂದ ಭಾವುಕರಾದ ರಕ್ಷಿತಾ, ತಮ್ಮ ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ ಎಲ್ಲ ಮುಗಿದ ನಂತರ ಪಾರ್ಟಿ ಮಾಡೋಣ ಅಂತ.
36ನೇ ವಸಂತಕ್ಕೆ ಕಾಲಿಟ್ಟಿರುವ ಕ್ರೇಜಿ ಕ್ವೀನ್ ರಕ್ಷಿತಾಗೆ ಅಭಿಮಾನಿಗಳಿಂದ ಶುಭ ಹಾರೈಕೆಯ ಸುರಿಮಳೆಯಾಗುತ್ತಿದೆ. ಇನ್ನು ಮಗ ಮತ್ತು ಗಂಡ ಲಾಕ್ಡೌನ್ ನಡುವೆ ಕೊಟ್ಟ ಸರ್ಪ್ರೈಸ್ಗೆ ಅಭಿಮಾನಿಗಳೂ ಫಿದಾ ಆಗಿದ್ದಾರೆ.
First published:
March 31, 2020, 11:40 AM IST
