Rakshit Shetty: ಕೈದಿ ಪಾತ್ರದಲ್ಲಿ ರಕ್ಷಿತ್​ ಶೆಟ್ಟಿ: ರಿವೀಲ್​ ಆಯ್ತು ಹೊಸ ಸಿನಿಮಾದ ಲುಕ್​..!

ಇಂದು ಸಿಂಪಲ್​ ಸ್ಟಾರ್​ ರಕ್ಷಿತ್​ ಶೆಟ್ಟಿ ಅವರ 37ನೇ ಹುಟ್ಟುಹಬ್ಬ. ಸಿಂಪಲ್​ ಸ್ಟಾರ್​ಗೆ ಡುವರ ಚಿತ್ರ ತಂಡಗಳು ಬರ್ತ್​ಡೇಗೆ ಭರ್ಜರಿ ಉಡುಗೊರೆಯನ್ನೇ ಕೊಟ್ಟಿದ್ದಾರೆ. 777 ಚಾರ್ಲಿ ಚಿತ್ರತಂಡ ಪೋಸ್ಟರ್​ ಹಾಗೂ ವಿಶೇಷ ವಿಡಿಯೋವನ್ನು ರಿಲೀಸ್​ ಮಾಡಿದರೆ, ಮತ್ತೊಂದು ಸಿನಿಮಾದ ತಂಡ ಅವರ ಪಾತ್ರದ ಪರಿಚಯ ಮಾಡುವ ಪೋಸ್ಟರ್​ ರಿಲೀಸ್​ ಮಾಡಿದೆ.

ರಕ್ಷಿತ್ ಶೆಟ್ಟಿ ಅಭಿನಯದ ಮತ್ತೊಂದು ಹೊಸ ಸಿನಿಮಾ ಸಪ್ತ ಸಾಗರದಾಚೆ ಎಲ್ಲೋ. ಹೇಮಂತ್​ ರಾವ್​ ನಿರ್ದೇಶನದ ಈ ಚಿತ್ರ ಈ ಹಿಂದೆ ಟೈಟಲ್​ ಪೋಸ್ಟರ್​ ಅನ್ನು ಬಿಡುಗಡೆ ಮಾಡಿತ್ತು. ಆದರೆ ಇಂದು ರಕ್ಷಿತ್​ ಹುಟ್ಟುಹಬ್ಬದ ಉಡುಗೊರೆಯಾಗಿ ಅವರ ಪಾತ್ರವನ್ನು ರಿವೀಲ್​ ಮಾಡಿದೆ.

View this post on Instagram

A post shared by Rakshit Shetty fans official (@rakshitshettyfans_official) on Jun 5, 2020 at 7:17pm PDT

ಗೋಧಿ ಬಣ್ಣ ಸಾಧಾರಣ ಮೈಕಟ್ಟು ಸಿನಿಮಾದ ನಂತರ ರಕ್ಷಿತ್​ ಶೆಟ್ಟಿ, ಹೇಮಂತ್​ ರಾವ್​ ಹಾಗೂ ಪುಷ್ಕರ​ ಮಲ್ಲಿಕಾರ್ಜುನಯ್ಯ ಜೋಡಿ ಮತ್ತೆ ಸಪ್ತ ಸಾಗರದಾಚೆ ಎಲ್ಲೋ ಚಿತ್ರಕ್ಕಾಗಿ ಒಂದಾಗಿದ್ದಾರೆ.

ಈ ಸಿನಿಮಾದಲ್ಲಿ ರಕ್ಷಿತ್ ಶೆಟ್ಟಿ ಕೈದಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಹೌದು, ಬಿಡುಗಡೆಯಾಗಿರುವ ಪೋಸ್ಟರ್​ನಲ್ಲಿ ರಕ್ಷಿತ್​ ಶೆಟ್ಟಿ ಪಾತ್ರವನ್ನು ವಿಭಿನ್ನ ರೀತಿಯಯಲ್ಲಿ ರಿವೀಲ್​ ಮಾಡಲಾಗಿದೆ.

ಬೆಂಗಳೂರಿನ ಪೊಲೀಸ್ ಠಾಣೆಯೊಂದರ ಕೈದಿಗಳ ಫೈಲ್​ನಲ್ಲಿ ಮನು ಅಲಿಯಾಸ್ ರಾಜೇಂದ್ರ ಎನ್ನುವ ಹೆಸರಿದೆ. ಅದರಲ್ಲಿ ರಕ್ಷಿತ್​ ಶೆಟ್ಟಿ ಅವರ ಹಳೇ ಫೋಟೋ ಇದೆ. ಅದರ ಮೇಲೆ ಒಂದು ಹೆಬ್ಬೆಟ್ಟಿನ ಗುರುತಿದೆ.

ಇದನ್ನೂ ಓದಿ: Uday Kiran: ದುರಂತ ನಾಯಕ ಉದಯ್​ ಕಿರಣ್ ಮೊದಲ ಸಿನಿಮಾಗೆ ಪಡೆದಿದ್ದ ಸಂಭಾವನೆ ಇಷ್ಟಂತೆ..!

ಅಂದರೆ ರಕ್ಷಿತ್​ ಈ ಸಿನಿಮಾದಲ್ಲಿ ಕೈದಿಯಾಗಿ ಕಾಣಿಸಿಕೊಳ್ಳಲಿದ್ದು, ಮತ್ತದೇ ಹತ್ತು ವರ್ಷಗಳ ಹಿಂದೆ ಹೇಗಿದ್ದರೋ ಅದೇ ಸ್ಟೈಲ್​ನಲ್ಲಿ ತೆರೆ ಮೇಲೆ ಬರಲಿದ್ದಾರಂತೆ. ಈ ಪೋಸ್ಟರ್​ನಲ್ಲಿ 2010ರಲ್ಲಿ ಮನು ವಿರುದ್ಧ ಕೇಸ್ ದಾಖಲಾಗಿರುವಂತೆ ತೋರಿಸಲಾಗಿದೆ. ಇನ್ನು ಇದರ ಪೋಸ್ಟರ್​ ನೋಡಿದ ಮೇಲಂತೂ ಇದೊಂದು ಸಸ್ಪೆನ್ಸ್​ ಥ್ರಿಲ್ಲರ್​ ಆಗಿರುವುದರಲ್ಲಿ ಯಾವುದೇ ಅನುಮಾನವಿಲ್ಲ.

HDB Rakshit Shetty: ಸರಳವಾಗಿ ಹುಟ್ಟುಹಬ್ಬ ಆಚರಿಸಿಕೊಂಡ ಸಿಂಪಲ್​ ಸ್ಟಾರ್ ರಕ್ಷಿತ್ ಶೆಟ್ಟಿ..!