Rakshit Shetty: ರಶ್ಮಿಕಾ ಮಂದಣ್ಣ ಮಾಡಿದ್ದ ಟ್ವೀಟ್​ಗೆ ಪ್ರತಿಕ್ರಿಯಿಸಿದ ರಕ್ಷಿತ್​ ಶೆಟ್ಟಿ: ಮೆಚ್ಚಿಕೊಳ್ಳುತ್ತಿರುವ ನೆಟ್ಟಿಗರು..!

ಕಿರಿಕ್​ ಪಾರ್ಟಿ ಸಿನಿಮಾದ ಮೂಲಕ ಸ್ಯಾಂಡಲ್​ವುಡ್​ಗೆ ಸಾನ್ವಿಯಾಗಿ ಎಂಟ್ರಿ ಕೊಟ್ಟ ರಶ್ಮಿಕಾ ಇಂದು ನ್ಯಾಷನಲ್​ ಕ್ರಶ್​ ಆಗಿ ಬೆಳೆದಿದ್ದಾರೆ. ಕನ್ನಡ ಸೇರಿದಂತೆ, ತೆಲುಗು, ತಮಿಳು ಹಾಗೂ ಹಿಂದಿಯಲ್ಲಿ ಸಿನಿಮಾ ಅವಕಾಶಗಳನ್ನು ಗಿಟ್ಟಿಸಿಕೊಳ್ಳುತ್ತಾ ಬೆಳೆಯುತ್ತಿದ್ದಾರೆ. ರಶ್ಮಿಕಾಗೆ ಈಗ ಮುಟ್ಟಿದ್ದೆಲ್ಲ ಚಿನ್ನವಾಗುತ್ತಿರುವ ಸಮಯ. ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲಿಗರು ಕೊಡುವ ಕಾಟವನ್ನು ಸಹಿಸಿಕೊಳ್ಳುತ್ತಲೇ ತಮ್ಮ ಏಳಿಗೆಯಿಂದಲೇ ಅವರಿಗೆ ಉತ್ತರ ಕೊಡುತ್ತಿರುವ ಕೊಡಗಿನ ಕುವರಿ ಆಗಾಗ ಸುದ್ದಿಯಲ್ಲಿರುತ್ತಾರೆ. ಇತ್ತೀಚೆಗಷ್ಟೆ ರಶ್ಮಿಕಾ ಮಂದಣ್ಣ ಬ್ರೇಕಪ್​ ಮಾಡಿಕೊಂಡಿದ್ದ ರಕ್ಷಿತ್ ಶೆಟ್ಟಿ ಅವರನ್ನು ಟ್ಯಾಗ್​ ಮಾಡಿ ಒಂದು ಟ್ವೀಟ್​ ಮಾಡಿದ್ದರು. ನಿಶ್ಚಿತಾರ್ಥ ಮುರಿದು ಬಿದ್ದ ನಂತರ ಇದೇ ಮೊದಲ ಬಾರಿಗೆ ಲಿಲ್ಲಿ ರಕ್ಷಿತ್​ ಅವರನ್ನು ಟ್ಯಾಗ್​ ಮಾಡಿ ಟ್ವೀಟ್​ ಮಾಡಿದ್ದು. ಇದರಿಂದಾಗಿ ಈ ಟ್ವೀಟ್​ ವಿಷಯ ಸಹ ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಗ್ರಾಸವಾಗಿತ್ತು. ಈಗ ಈ ಟ್ವೀಟ್​ಗೆ ರಕ್ಷಿತ್​ ಶೆಟ್ಟಿ ಸಹ ಪ್ರತಿಕ್ರಿಯೆ ನೀಡಿದ್ದಾರೆ.

ತಮ್ಮ ನಿಶ್ವಿತಾರ್ಥ ಮುರಿದು ಬಿದ್ದಾಗಲೂ ಸಹ ರಶ್ಮಿಕಾ ಪರವಾಗಿಯೇ ಮಾತನಾಡಿದ್ದರು. ಅಲ್ಲದೆ ನಟಿಯನ್ನು ಟ್ರೋಲ್​ ಮಾಡುತ್ತಿದ್ದವರ ಬಾಯಿ ಮುಚ್ಚಿಸಿದ್ದರು. ಇಂತಹ ನಟ, ಈಗ ರಶ್ಮಿಕಾ ಮಾಡಿರುವ ಟ್ವೀಟ್​ಗೆ ಪ್ರತಿಕ್ರಿಯಿಸಿರುವ ರೀತಿ ನೆಟ್ಟಿಗರಿಗೆ ರಕ್ಷಿತ್​ ಮೇಲೆ ಇರುವ ಗೌರವ ಮತ್ತಷ್ಟು ಹೆಚ್ಚುವಂತೆ ಮಾಡಿದೆ.

ಕಿರಿಕ್​ ಪಾರ್ಟಿ ಸಿನಿಮಾದ ಬೆಳಗೆದ್ದು ಹಾಡಿಗೆ ಯೂಟ್ಯೂಬ್​ನಲ್ಲಿ ಹತ್ತು ಕೋಟಿ ಅಂದರೆ ನೂರು ಮಿಲಿಯನ್​ ವೀಕ್ಷಣೆ ಸಿಕ್ಕಿದೆ. ಈ ವಿಷಯವನ್ನು ಕಿರಿಕ್​ ಪಾರ್ಟಿ ಚಿತ್ರತಂಡ ಹಾಗೂ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವ ಮೂಲಕ ಸಂಭ್ರಮಿಸುತ್ತಿದ್ದಾರೆ. ಇದೇ ವಿಷಯವಾಗಿ ರಶ್ಮಿಕಾ ಸಹ ಟ್ವೀಟ್​ ಮಾಡಿದ್ದು, ರಕ್ಷಿತ್​ ಸೇರಿದಂತೆ ಇತರೆ ಸಹಕಲಾವಿದರು ಹಾಗೂ ನಿರ್ದೇಶಕರನ್ನು ಟ್ಯಾಗ್​ ಮಾಡಿದ್ದರು.

Belageddu - My first ever song.. Which I absolutely adore reached 100M.. 🤗🤍 I remember making this song mine.. Living through those montages.. And just finding Saanvi in me..✨
Ahh.. The journey.💃🏻✨@shetty_rishab @rakshitshetty @SamyukthaHegde @AJANEESHB @ParamvahStudios

— Rashmika Mandanna (@iamRashmika) December 24, 2020

ಇದಕ್ಕೆ ಕೊಂಚ ತಡವಾಗಿಯಾದರೂ ರಕ್ಷಿತ್ ಶೆಟ್ಟಿ ಪ್ರತಿಕ್ರಿಯಿಸಿದ್ದಾರೆ. ಹೌದು, ಬೆಳೆಯುತ್ತಲೇ ಹೋಗು ಹುಡುಗಿ, ನಿನ್ನ ಕನಸುಗಳೆಲ್ಲ ನನಸಾಗಲಿ ಎಂದು ಮನಸಾರೆ ಹಾರೈಸಿದ್ದಾರೆ ಶೆಟ್ರು.

Grow grow and grow girl. May all your dreams come true ☺️🤗 https://t.co/WVm6BM4smk

— Rakshit Shetty (@rakshitshetty) December 25, 2020

ರಕ್ಷಿತ್​ ಶೆಟ್ಟಿ ಅವರ ಟ್ವೀಟ್​ಗೆ ರಶ್ಮಿಕಾ ಮತ್ತೆ ನಗುತ್ತಿರುವ ಇಮೋಜಿ ಹಾಕಿ ಕಮೆಂಟ್​ ಮಾಡಿದ್ದಾರೆ.

🤗😊

— Rashmika Mandanna (@iamRashmika) December 25, 2020

ಇನ್ನು ರಕ್ಷಿತ್​ ಶೆಟ್ಟಿ ಅವರ ಟ್ವೀಟ್​ ನೋಡಿದ ಅಭಿಮಾನಿಗಳು ಅವರನ್ನು ಮೆಚ್ಚಿಕೊಳ್ಳುತ್ತಿದ್ದಾರೆ. ಕೆಲವರು, ರಶ್ಮಿಕಾರ ಜೊತೆ ಮುರಿದು ಬಿದ್ದ ಸಂಬಂಧ ಸರಿ ಹೋಗಬಹುದು ಎಂಬ ಆಸೆಯಲ್ಲಿದ್ದಾರೆ. ಮತ್ತೆ ಕೆಲವರು ರಶ್ಮಿಕಾರ ಮೇಲೆ ಇನ್ನು ಎಷ್ಟು ಪ್ರೀತಿ ಇದೆ. ದಯವಿಟ್ಟು ಅವರನ್ನು ಬಿಟ್ಟು ಬೇರೆಯವರನ್ನು ಮದುವೆಯಾಗುವ ಮನಸ್ಸು ಮಾಡಿ ಎಂದು ಸಲಹೆ ನೀಡುತ್ತಿದ್ದಾರೆ.