Bollywood Actress: ಇದನ್ನು ಗೇಲಿ ಮಾಡಿದಂತಾಗುತ್ತೆ; ರಾಖಿ ಸಾವಂತ್​ಗೆ ನೆಟ್ಟಿಗರ ಕ್ಲಾಸ್

ಮುಂಬೈ : ಬಾಲಿವುಡ್ ನಟಿ ರಾಖಿ ಸಾವಂತ್ (Rakhi Sawant)​ ಈ ಹೆಸರು ಕೇಳಿದ್ರೆ ಇವತ್ತೇನ್​ ಹೊಸ ರಗಳೆ ಎಂದು ಮೂಗು ಮುರಿಯುವಷ್ಟು ಫೇಮಸ್​​. ರಾಖಿ ಸಿನಿಮಾಗಳಿಂದ (Rakhi Sawant Cinema) ಸುದ್ದಿ ಮಾಡಿದ್ದಕ್ಕಿಂತಲೂ ಆಕೆಯ ಕಾಂಟ್ರವರ್ಸಿಗಳೇ ಆಕೆಗೆ ಖ್ಯಾತಿ ನೀಡಿವೆ. ಇನ್ನೂ ರಾಖಿ ಸಾವಂತ್ ಮದುವೆಯಾದ (Rakhi Sawant Marriage) ದಿನದಿಂದಲೂ ಸಾಮಾಜಿಕ ಜಾಲತಾಣದಲ್ಲಿ (Social Media) ನಿರಂತರ ಸುದ್ದಿಯಲ್ಲಿದ್ದಾರೆ. ಈಗ ಮತ್ತೆ ನಮಾಜ್​ ಮಾಡುವ ವಿಡಿಯೋ (Namaz Video) ಬಿಟ್ಟು ನೆಟ್ಟಿಗರ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ರಂಜಾನ್​ ಹಿನ್ನೆಲೆಯಲ್ಲಿ ನಮಾಜ್​

ರಾಖಿ ಆದಿಲ್​ರನ್ನು ಮದುವೆಯಾದ ಬಳಿಕ ಹೃದಯದಿಂದಲೇ ಮೆಚ್ಚಿ ಇಸ್ಲಾಂ ಧರ್ಮ ಸ್ವೀಕರಿಸಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ. ಅದೇ ಪ್ರಕಾರವಾಗಿ ಈಗ ರೋಜಾ ಆಚರಣೆಯಲ್ಲಿದ್ದಾರೆ. ಇಸ್ಲಾಂ ಧಾರ್ಮಿಕ ವಿಧಿ ವಿಧಾನಗಳನ್ನು ಅನುಸರಿಸುತ್ತಿದ್ದಾರೆ. ನಿತ್ಯವೂ ತಪ್ಪದೇ ನಮಾಜ್​ ಮಾಡುತ್ತಿದ್ದಾರೆ.

ತುಂಡುಗೆಯುಟ್ಟು ನಮಾಜ್​

ಇನ್ನೂ ರಾಖಿ ಹಿಜಾಬ್, ಕಪ್ಪು ಬಣ್ಣದ ಕುರ್ತಿ, ತ್ರೀ ಫೋರ್ಥ್​ ಲೆಗ್ಗಿನ್ಸ್​ ಧರಿಸಿ ನಮಾಜ್​ ಮಾಡುತ್ತಿರುವ ವಿಡಿಯೋವನ್ನು ಇನ್​ಸ್ಟಾಗ್ರಾಂನಲ್ಲಿ ಶೇರ್​ ಮಾಡಿದ್ದಾರೆ.

ಕೆಲವರು ಈ ವಿಡಿಯೋ ನೋಡಿ ಮೆಚ್ಚುಗೆ ಸೂಚಿಸಿದರೇ ಮತ್ತೆ ಕೆಲವರು ಕೆಂಡ ಕಾರಿದ್ದಾರೆ. 'ರಾಖಿ ನಮಾಜ್​ ಮಾಡಲು ನಿಮ್ಮ ಉಡುಗೆ ಬಹಳ ಚಿಕ್ಕದಾಗಿದೆ, ಪ್ರಾರ್ಥನೆಗಿಂತ ಮುಂಚೆ ಮೂಲಭೂತ ನಿಯಮಗಳನ್ನು ಕಲಿಯುವುದನ್ನು ಅಭ್ಯಾಸ ಮಾಡಿಕೊಳ್ಳಿ' ಎಂದಿದ್ದಾರೆ.

ರಾಖಿ ಸಾವಂತ್-ಆದಿಲ್ ಖಾನ್ ದುರಾನಿ

ಉಗುರಿನ ಬಣ್ಣ ಏತಕ್ಕೆ?

ಮೊದಲನೆಯದಾಗಿ 'ನೀವು ಲೆಗ್ಗಿನ್ಸ್​​ ಬಹಳ ಎತ್ತರದಲ್ಲಿ ಧರಿಸಿದ್ದೀರಿ. ಇದು ಸೂಕ್ತವಲ್ಲ. ಅಲ್ಲದೇ ನೀವು ಉಗುರಿನ ಬಣ್ಣವನ್ನು ಹಚ್ಚಿಕೊಂಡಿದ್ದೀರಿ. ಇದು ಕೂಡ ನಿಷೇಧಿಸಲಾಗಿದೆ ಎನ್ನುವ ಅರಿವು ನಿಮಗಿಲ್ಲವೇ?'ಎಂದು ಖಾರವಾಗಿ ಪ್ರಶ್ನಿಸಿದ್ದಾರೆ.

ಮೊದಲು ನಿಯಮ ಕಲಿಯಿರಿ

'ನೀವು ನಮಾಜ್​ ಓದುತ್ತಿದ್ದರೆ ಅದನ್ನು ನಿಮ್ಮ ದೇಹ ಮುಚ್ಚಿಕೊಂಡು ಓದಿ. ಇಷ್ಟು ಚಿಕ್ಕ ಪ್ಯಾಂಟ್​ ಧರಿಸಿ ನೀವು ನಮಾಜ್​ ಮಾಡಲು ಸಾಧ್ಯವಿಲ್ಲ. ನೀವು ಇದನ್ನು ಗೇಲಿ ಮಾಡಿದಂತಾಗುತ್ತದೆ. ಮೊದಲು ನಿಯಮಗಳನ್ನು ಕಲಿತುಕೊಳ್ಳಿ' ಎಂದು ಬಹುತೇಕರು ಧ್ವನಿ ಒಗ್ಗೂಡಿಸಿದ್ದಾರೆ.

ನಮಾಜ್​ ಸಮರ್ಪಣೆ ಬಗ್ಗೆ ಮಾತನಾಡಿದ ರಾಖಿ

ಇನ್ನೂ ರಾಖಿ ಇತ್ತಿಚೆಗಷ್ಟೇ ಇಸ್ಲಾಂ ಧರ್ಮ ಸ್ವೀಕರಿಸಿರುವ ಬಗ್ಗೆ ಹೇಳಿದ್ದರು. ಪತಿ ಆದಿಲ್​ನಿಂದ ಆರಂಭವಾಗಿ ಇದು ಅವರ ಜೀವನದ ಭಾಗವೇ ಆಗಿದೆ ಎಂದಿದ್ದಾರೆ.

ಜೊತೆಗೆ ನಮಾಜ್​ ಮಾಡುವುದು ಹೇಗೆ ಅರ್ಪಿಸುವುದು ಎನ್ನುವುದನ್ನು ಹೇಳಿದ್ದಾರೆ. ಶಸ್ತ್ರ ಚಿಕಿತ್ಸೆಯ ಕಾರಣ ಬಗ್ಗುವುದು ಕಷ್ಟ ಎಂದು ಹೇಳಿಕೊಂಡಿದ್ದಾರೆ.

ಮೆಕ್ಕಾಗೆ ಹೋಗಲು ವೀಸಾ ಸಿಗಲಿಲ್ಲ

ರಾಖಿ ಮೆಕ್ಕಾ ಮತ್ತು ಮದೀನಾಗೆ ಹೋಗುವುದಕ್ಕೆ ಉತ್ಸುಕರಾಗಿದ್ದರು. ಆದರೆ ವೀಸಾ ಸಿಗದ ಕಾರಣ ಅವರಿಗೆ ಈ ಧಾರ್ಮಿಕ ಯಾತ್ರೆಯಲ್ಲಿ ಪಾಲ್ಗೊಳ್ಳಲು ಸಾಧ್ಯವಾಗಲಿಲ್ಲ ಎನ್ನುತ್ತಾರೆ.

3 ಧರ್ಮಗಳ ಸಂಗಮ ರಾಖಿ

ಇನ್ನೂ ರಾಖಿ ಮೂಲತಃ ಹಿಂದೂವಾಗಿದ್ದು, ಅವರ ತಾಯಿ ಕ್ರಿಶ್ವಿಯನ್ ಆದ ಕಾರಣ ಕ್ರೈಸ್ತ ಧರ್ಮವನ್ನೂ ಅನುಸರಿಸುತ್ತಿದ್ದರು. ಈಗ ಅವರ ಪತಿ ಆದಿಲ್ ಇಸ್ಲಾಂ ಧರ್ಮದವರಾದ್ದರಿಂದ ಅಲ್ಲಿನ ಆಚರಣೆಗಳನ್ನು ಇಷ್ಟಪಟ್ಟು ಅಭ್ಯಾಸ ಮಾಡುತ್ತಿದ್ದಾರೆ. ಇತ್ತೀಚೆಗೆ ಇಫ್ತಾರ್​ ಕೂಟವನ್ನು ರಾಖಿ ಆಯೋಜಿಸಿದ್ದರು.

View this post on Instagram

A post shared by Rakhi Sawant (@rakhisawant2511)

ರಾಖಿ ಸಾವಂತ್​ ನಿರಂತರವಾಗಿ ಸುದ್ದಿಯಲ್ಲಿರಲು ಪ್ರಯತ್ನಿಸುತ್ತಾರೆ. ಈ ನಿಟ್ಟಿನಲ್ಲಿ ವೈಯಕ್ತಿಕ ಮತ್ತು ವೃತ್ತಿ ಬದುಕನ್ನು ತೆರೆದ ಪುಸ್ತಕದಂತೆ ಇರಿಸಿದ್ದಾರೆ ರಾಖಿ. ಸದಾ ಒಂದಿಲ್ಲೊಂದು ವಿಷಯದ ಬಗ್ಗೆ ಕಾಂಟ್ರವರ್ಸಿ ಮಾಡುವುದು ಅವರಿಗೆ ಹೊಸದೇನಲ್ಲ.

ಇದನ್ನೂ ಓದಿ: Rakhi Sawant: ಆದಿಲ್ ಖಾನ್ ನಾನು ಇಸ್ಲಾಂ ಸ್ವೀಕರಿಸುವಂತೆ ಮಾಡಿದ! ರಾಖಿ ಗಂಭೀರ ಆರೋಪ

ರಾಖಿಯ ರೀಸೆಂಟ್​ ಕಿರಿಕ್​ಗಳು

ಪತಿ ಆದಿಲ್​ ವಿಚಾರದಲ್ಲಿ ಮೈಸೂರಿನಲ್ಲಿ ಸಾಕಷ್ಟು ಅತ್ತು ಕರೆದು ರಂಪ ಮಾಡಿದ್ದರು. ಆ ನಂತರ ಪ್ರಿಯಾಂಕ ಚೋಪ್ರಾ ಸಂದರ್ಶನವೊಂದರಲ್ಲಿ ಬಾಲಿವುಡ್​ನ ಒಳರಾಜಕೀಯದ ಬಗ್ಗೆ ಮಾತನಾಡಿದ್ದಾರೆ. ಇದಕ್ಕೆ ರಾಖಿ ಕೆಂಡಮಂಡಲರಾಗಿದ್ದಾರೆ.

ಇಲ್ಲಿ ಇರುವಾಗ ಎಲ್ಲವನ್ನೂ ಪಡೆದುಕೊಂಡು ಹಾಲಿವುಡ್​ನಲ್ಲಿದ್ದೀರಿ. ಈಗ ಈ ಬಗ್ಗೆ ಮಾತನಾಡಿದ್ದು ಸರಿ ಇಲ್ಲ ಎಂದಿದ್ದಾರೆ. ಇದಿಷ್ಟೇ ಅಲ್ಲದೇ ಶೆರ್ಲಿನ್​ ಚೋಪ್ರಾ ಅವರ ವಿಡಿಯೋ ಲೀಕ್​ ವಿಚಾರದಲ್ಲೂ ರಾಖಿ ಸಾವಂತ್​ ಸಂಕಷ್ಟ ಎದುರಿಸುತ್ತಿದ್ದಾರೆ.