ವಿಜಯ್​ ಅಭಿಮಾನಿಯ ಸಾವಿನಲ್ಲಿ ಅಂತ್ಯಗೊಂಡ​ ತಲೈವಾ ಹಾಗೂ ದಳಪತಿ ಅಭಿಮಾನಿಗಳ ನಡುವಿನ ಗಲಾಟೆ..!

ತಮಿಳುನಾಡಿನ ವಿಲ್ಲುಪುರಂ ಜಿಲ್ಲೆಯ ಮರಕ್ಕಾನಂನಲ್ಲಿ ಇದೇ ತಿಂಗಳ 23ರಂದು ರಜಿನಿಕಾಂತ್​ ಹಾಗೂ ವಿಜಯ್​ ಅವರ ಫ್ಯಾನ್ಸ್​ ನಡುವೆ ಜಗಳವಾಗಿದೆ. ಅದು ಕೊರೋನಾ ವಿರುದ್ಧದ ಹೋರಾಟಕ್ಕೆ ರಜಿನಿ ಹಾಗೂ ವಿಜಯ್​ ಅವರಲ್ಲಿ ಯಾರು ಹೆಚ್ಚಾಗಿ ಧನಸಹಾಯ ಮಾಡಿದ್ದಾರೆ ಎಂಬ ವಿಷಯಕ್ಕೆ ಗಲಾಟೆ ಆಗಿದೆ. 

ರಜಿನಿ-ವಿಜಯ್

ರಜಿನಿ-ವಿಜಯ್

  • Share this:
ಇಬ್ಬರು ಸ್ಟಾರ್​ನಟರ ಅಭಿಮಾನಿಗಳ ನಡುವೆ ವಾರ್​ ಆಗೋದು ಸಾಮಾನ್ಯ. ಇಂತಹ ವಾರ್ ಸಾಮಾಜಿಕ ಜಾಲತಾಣದಲ್ಲಿ ನಡೆಯುತ್ತಲೇ ಇರುತ್ತದೆ. ನಿಜ ಜೀವನದಲ್ಲಿ ಅಭಿಮಾನಿಗಳ ನಡುವಿನ ಜಗಳ ತಾರಕಕ್ಕೇರಿದರೆ ಏನಾಗಬಹುದು ಎನ್ನುವುದಕ್ಕೆ ತಮಿಳುನಾಡಿನಲ್ಲಿ ನಡೆದಿರುವ ಘಟನೆ ಸಾಕ್ಷಿಯಾಗಿದೆ. 

ತಮಿಳುನಾಡಿನ ವಿಲ್ಲುಪುರಂ ಜಿಲ್ಲೆಯ ಮರಕ್ಕಾನಂನಲ್ಲಿ ಇದೇ ತಿಂಗಳ 23ರಂದು ರಜಿನಿಕಾಂತ್​ ಹಾಗೂ ವಿಜಯ್​ ಅವರ ಫ್ಯಾನ್ಸ್​ ನಡುವೆ ಜಗಳವಾಗಿದೆ. ಅದು ಕೊರೋನಾ ವಿರುದ್ಧದ ಹೋರಾಟಕ್ಕೆ ರಜಿನಿ ಹಾಗೂ ವಿಜಯ್​ ಅವರಲ್ಲಿ ಯಾರು ಹೆಚ್ಚಾಗಿ ಧನ ಸಹಾಯ ಮಾಡಿದ್ದಾರೆ ಎಂಬ ವಿಷಯಕ್ಕೆ ಗಲಾಟೆ ಆಗಿದೆ.

Superstar Rajinikanth offers his Raghavendra wedding hall in Chennai for COVID19 patients
ರಜನಿ​ಕಾಂತ್


ಈ ಗಲಾಟೆ ತಾರಕಕ್ಕೇರಿದ್ದು, ರಜಿನಿ ಅಭಿಮಾನಿಯಾದ ದಿನೇಶ್ ಬಾಬು ಹಾಗೂ ವಿಜಯ್​ ಅಭಿಮಾನಿ ಯುವರಾಜ್​ ನಡುವೆ ಈ ಮೇಲೆ ಹೇಳಿದ ವಿಷಯವಾಗಿ ವಾಗ್ವಾದ ನಡೆದಿದೆ. ದಿನೇಶ್ ಹಾಗೂ ಯುವರಾಜ್​ ಇಬ್ಬರೂ ಒಳ್ಳೆಯ ಸ್ನೇಹಿತರು. ಆದರೆ ನೆಚ್ಚಿನ ನಟರ ವಿಷಯವಾಗಿ ನಡೆದ ವಾಗ್ವಾದ ಮಿತಿ ಮೀರಿದಾಗ ದಿನೇಶ್​ ಬಾಬು ಹಾಗೂ ಯುವರಾಜ್​ ಕೈ ಕೈ ಮಿಲಾಯಿಸಿದ್ದಾರೆ. ಆಗ ಕೆಳಗೆ ಬಿದ್ದ ಯುವರಾಜ್​ ತಲೆಗೆ ಪೆಟ್ಟಾಗಿ ಸಾವನ್ನಪ್ಪಿದ್ದಾರೆ. ಇದರಿಂದ ಗಾಬರಿಗೊಂಡ ದಿನೇಶ್​ ತಲೆಮರೆಸಿಕೊಂಡಿದ್ದರು.

ಇದನ್ನೂ ಓದಿ: Mika Singh Viral Photo: ವೈರಲ್​ ಆಗುತ್ತಿವೆ ಗಾಯಕ ಮಿಕ ಸಿಂಗ್​ ಬೆಡ್​ರೂಮ್​ ಫೋಟೋಗಳು..!

ಸದ್ಯ ದಿನೇಶ್​ ಅವರನ್ನು  ವಶಕ್ಕೆ ತೆಗೆದುಕೊಂಡಿರುವ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ. ಈ ಘಟನೆಯಿಂದಾಗಿ ಕಾಲಿವುಡ್​ನಲ್ಲಿ ಸಂಚಲನ ಸೃಷ್ಟಿಸಿದೆ. ಅಲ್ಲದೆ ಈ ಘಟನೆ ನಡೆದಾಗ ಇಬ್ಬರೂ ಮದ್ಯಪಾನ ಮಾಡಿದ್ದರು ಎನ್ನಲಾಗಿದ್ದು, ಲಾಕ್​ಡೌನ್​ನಲ್ಲಿ ಇವರಿಗೆ ಮದ್ಯ ಸಿಕ್ಕ ಕುರಿತಾಗಿಯೂ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ವಿರಹ ವೇದನೆಯಲ್ಲಿ ಮಿಲನಾ ನಾಗರಾಜ್: ನಿಧಿಮಾ ಹುಟ್ಟುಹಬ್ಬಕ್ಕೆ ವಿಶ್​ ಮಾಡಿದ ಡಾರ್ಲಿಂಗ್​ ಕೃಷ್ಣ..!​

First published: