ರಜನಿಕಾಂತ್​ ಕುರಿತು ಬಯೋಪಿಕ್​; ಸೂಪರ್​ಸ್ಟಾರ್​ ಪಾತ್ರದಲ್ಲಿ ನಟಿಸೋ ಹೀರೋ ಯಾರು ಗೊತ್ತಾ?

ಇತ್ತೀಚಿನ ದಿನಗಳಲ್ಲಿ ಸಾಕಷ್ಟು ಬಯೋಪಿಕ್​ಗಳು ಸಿದ್ಧಗೊಳ್ಳುತ್ತಿವೆ. ಸಾಧನೆ ಮಾಡಿದ ವ್ಯಕ್ತಿಗಳ ಹಿಂದಿನ ಕಷ್ಟಗಳು, ಅವರು ಸಾಧನೆ ಮಾಡಿದ ರೀತಿಯ ಬಗ್ಗೆ ನಿರ್ದೇಶಕರು ಅತ್ಯುತ್ತಮವಾಗಿ ಪ್ರೇಕ್ಷಕರ ಎದುರು ಕಟ್ಟಿಡುತ್ತಿದ್ದಾರೆ. ಇದು ಪ್ರೇಕ್ಷಕರಿಗೂ ಇಷ್ಟವಾಗುತ್ತಿದೆ. ಇದೇ ಕಾರಣಕ್ಕೆ ಈಗ ರಜನಿಕಾಂತ್​ ಕುರಿತು ಬಯೋಪಿಕ್​ ಮಾಡುವ ಬಗ್ಗೆ ನಿರ್ದೇಶಕರೊಬ್ಬರು ಇಂಗಿತ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ, ಈ ಪಾತ್ರವನ್ನು ಯಾರು ಮಾಡಿದರೆ ಉತ್ತಮ ಎನ್ನುವ ಬಗ್ಗೆಯೂ ಅವರು ಮಾಹಿತಿ ಬಿಚ್ಚಿಟ್ಟಿದ್ದಾರೆ.

ರಜನಿಕಾಂತ್​ ಆರಂಭದ ದಿನಗಳಲ್ಲಿ ಬೆಂಗಳೂರಿನಲ್ಲಿ ಬಸ್​ ಕಂಡಕ್ಟರ್​ ಆಗಿದ್ದರು. ನಿಧಾನವಾಗಿ ಸಿನಿಮಾಗಳ ಬಗ್ಗೆ ಆಸಕ್ತಿ ಬೆಳೆಸಿಕೊಂಡರು. ನಂತರ ತಮಿಳುನಾಡಿಗೆ ತೆರಳಿ ಅಲ್ಲಿ ಸೂಪರ್​ ಸ್ಟಾರ್​ ಆಗಿ ಬಿಟ್ಟಿದ್ದಾರೆ. ಅಷ್ಟೇ ಅಲ್ಲ, ಈಗ ರಾಜಕೀಯ ಪಕ್ಷವೊಂದನ್ನು ಲಾಂಚ್​ ಮಾಡೋಕೆ ಸಿದ್ಧರಾಗಿದ್ದಾರೆ ರಜನಿಕಾಂತ್​. ಈಗ ಅವರು ನಡೆದು ಬಂದ ಹಾದಿಯನ್ನು ಕಟ್ಟುಕೊಡೋಕೆ ಮುಂದಾಗಿದ್ದಾರೆ ನಿರ್ದೇಶಕ ಲಿಂಗಸ್ವಾಮಿ.

ಇತ್ತೀಚೆಗೆ ಮಾಧ್ಯಮದ ಜೊತೆ ಮಾತನಾಡಿರುವ ಲಿಂಗಸ್ವಾಮಿ, ರಜನಿಕಾಂತ್ ಬಗ್ಗೆ ಬಯೋಪಿಕ್​ ಮಾಡುವ ಇಂಗಿತ ಹೊರಹಾಕಿದ್ದಾರೆ. ನಾನು ರಜನಿಕಾಂತ್​ ಅವರ ದೊಡ್ಡ ಫ್ಯಾನ್​. ಹೀಗಾಗಿ, ಅವರ ಬಗ್ಗೆ ಬಯೋಪಿಕ್​ ಮಾಡಬೇಕು ಎನ್ನುವ ಆಸೆ ನನ್ನದು. ಅವರ ಬಯೋಪಿಕ್​ಗೆ ಧನುಷ್​ ಅತ್ಯುತ್ತಮ ಚಾಯ್ಸ್​ ಎಂದಿದ್ದಾರೆ, ಲಿಂಗಸ್ವಾಮಿ.

ಲಿಂಗಸ್ವಾಮಿ ತಮಿಳಿನಲ್ಲಿ ಸಾಕಷ್ಟು ಸಿನಿಮಾಗಳನ್ನು ನೀಡಿದ್ದಾರೆ. ರನ್​, ಸಂದಕೋಳಿ, ಭೀಮಾ ಸೇರಿ ಸಾಕಷ್ಟು ಚಿತ್ರಗಳನ್ನು ಲಿಂಗಸ್ವಾಮಿ ನಿರ್ದೇಶನ ಮಾಡಿದ್ದಾರೆ. ಅವರು ರಜನಿ ಸಿನಿಮಾ ಬಯೋಪಿಕ್​ ಮಾಡ್ತಾರ ಎನ್ನುವುದನ್ನು ಕಾದು ನೋಡಬೇಕಿದೆ.