Yatharv Yash: ಕ್ರೂಸರ್​ನಲ್ಲಿ ರಾಕಿಂಗ್​ ಮಗನ ಹುಟ್ಟುಹಬ್ಬ ; ರಾಧಿಕಾ ಹಂಚಿಕೊಂಡ ವಿಡಿಯೋ ಇಲ್ಲಿದೆ

ರಾಕಿಂಗ್​ ಸ್ಟಾರ್​ ದಂಪತಿ ಮಗ ಯಥರ್ವ್​ಗೆ ಒಂದು ವರ್ಷದ ಸಂಭ್ರಮ. ಮಗಳು ಆಯ್ರಾ ಹುಟ್ಟುಹಬ್ಬವನ್ನು ಫನ್​ವರ್ಲ್ಡ್​ನಲ್ಲಿ  ಸಿನಿಮಾ ರಂಗದ  ಸ್ನೇಹಿತರನ್ನೆಲ್ಲಾ ಕರೆದು ಸಂಭ್ರಮದಿಂದ ಆಚರಿಸಿದ್ದ ಈ ಜೋಡಿಗೆ ಮಗನ ಹುಟ್ಟು ಹಬ್ಬ ಆಚರಣೆಗೆ ಕೊರೋನಾ ಅಡ್ಡಿಯಾಗಿತ್ತು. ಹಾಗಂತ ಮಗನ ಹುಟ್ಟುಹಬ್ಬವನ್ನು ಸರಳವಾಗಿ ಆಚರಣೆ ಮಾಡಿಲ್ಲ. ಗೋವಾದಲ್ಲಿ ಕ್ರೂಸರ್​ನಲ್ಲಿ ಅದ್ದೂರಿಯಾಗಿ ರಾಕಿಂಗ್​ ಆಗಿ ಮಗ ಯಥರ್ವನ ಹುಟ್ಟುಹಬ್ಬವನ್ನು ಯಶ್​ ಮತ್ತು ರಾಧಿಕಾ ಆಚರಿಸಿದ್ದಾರೆ. ಸಮುದ್ರದ ಮಧ್ಯದಲ್ಲಿ ಕುಟುಂಬ ಸಮೇತರಾಗಿ ಜಾಲಿ ರೈಡ್​ ನಡೆಸುತ್ತಾ ಮಗನ ಹುಟ್ಟುಹಬ್ಬವನ್ನು ಸಂಭ್ರಮದಿಂದ ಆಚರಿಸಿದ್ದಾರೆ. ಈ ವಿಡಿಯೋವನ್ನು ನಟಿ ರಾಧಿಕಾ ಪಂಡಿತ್​ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ರಾಧಿಕಾಗೆ ಸಮುದ್ರ ತೀರ ಎಂದರೆ ಬಲು ಇಷ್ಟ. ಇದನ್ನು ಸಾಕಷ್ಟು ಬಾರಿ ನಟ ಯಶ್​ ಕೂಡ ತಿಳಿಸಿದ್ದಾರೆ. ಅದರಲ್ಲಿಯೂ ಗೋವಾ ಎಂದರೆ ರಾಧಿಕಾಗೆ ಇನ್ನು ಖುಷಿ ಕಾರಣ ಅವರ ಅಮ್ಮ ಕೂಡ ಗೋವಾ ಮೂಲದವರು. ಈ ಹಿನ್ನಲೆ ಈ ಹುಟ್ಟು ಹಬ್ಬ ನಟಿ ರಾಧಿಕಾ ಅವರ ಯೋಜನೆಯಂತೆ ನಡೆದಿದೆ ಎನ್ನಬಹುದು. ಇದೇ ಕಾರಣದಿಂದ ತಮ್ಮ ನಿಶ್ಚಿತಾರ್ಥವನ್ನು ಈ ಜೋಡಿ ಗೋವಾದಲ್ಲಿಯೇ ಮಾಡಿಕೊಂಡಿದ್ದರು.

View this post on Instagram

U may not remember the flavour of your cake, u may not know why that day was so special.. but to us, as parents it was a celebration we will cherish for life.. a year gone by as parents of a lil bundle of happiness!! Happy birthday ❤️ Vc: @focusphotographyservice

A post shared by Radhika Pandit (@iamradhikapandit) on Nov 6, 2020 at 6:04am PST

ಅದ್ಭುತ ಸಂಗೀತ ಸಂಯೋಜನೆ, ಛಾಯಗ್ರಾಹಣ ಹೊಂದಿರುವ ಈ ವಿಡಿಯೋಗೆ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಈ ಸಮಾರಂಭದಲ್ಲಿ ಕುಟುಂಬದ ಆಪ್ತರಷ್ಟೇ ಭಾಗಿಯಾಗಿದ್ದಾರೆ. ಅಕ್ಟೋಬರ್​ 30ರಂದು ಯಥರ್ವಗೆ ಒಂದು ವರ್ಷ ತುಂಬಿತ್ತು.