Ayra: ಭೀಮ್​ ಸೇನ್​​ ಜೋಶಿ ಹಾಡಿರುವ ಸದಾ ಎನ್ನ ಹೃದಯದಲ್ಲಿ.... ಹಾಡು ಹಾಡಿದ ಯಶ್​-ರಾಧಿಕಾರ ಮಗಳು ಆಯ್ರಾ..!

ರಾಕಿಂಗ್​ ಸ್ಟಾರ್ ಯಶ್​ ಸಿನಿಮಾ ಚಿತ್ರೀಕರಣದಲ್ಲಿ ಬ್ಯುಸಿಯಾಗಿದ್ದಾರೆ. ಅದಕ್ಕೂ ಮೊದಲು ಮನೆಯಲ್ಲಿ ಲಾಕ್​ಡೌನ್ ವೇಳೆ ತಮ್ಮ ಮಕ್ಕಳೊಂದಿಗೆ ಕಾಲ ಕಳೆಯುತ್ತಿದ್ದರು. ಆದರೆ ಈಗ, ಕೆಜಿಎಫ್​ ಚಾಪ್ಟರ್​​ 2 ಸಿನಿಮಾ ಚಿತ್ರೀಕರಣ ಆರಂಭವಾಗಿದ್ದು, ಯಶ್​ ಅಲ್ಲಿ ವ್ಯಸ್ತವಾಗಿದ್ದಾರೆ. ಇನ್ನು ರಾಧಿಕಾ ಪಂಡಿತ್ ಮನೆಯಲ್ಲಿ ತಮ್ಮ ಇಬ್ಬರು ಮಕ್ಕಳ ಆರೈಕೆಯಲ್ಲಿ ತೊಡಗಿದ್ದಾರೆ. ಇದರ ನಡುವೆಯೂ ಸಾಮಾಜಿಕ ಜಾಲತಾಣದಲ್ಲಿ ಸಖತ್​ ಸಕ್ರಿಯವಾಗಿರುತ್ತಾರೆ. ಆಗಾಗ ತಮ್ಮ ಅಭಿಮಾನಿಗಳಿಗೆ ಗಂಡ, ಮಕ್ಕಳು ಹಾಗೂ ತಮ್ಮ ಕುರಿತಾದ ಅಪ್ಡೇಟ್​ ಕೊಡುತ್ತಲೇ ಇರುತ್ತಾರೆ. ಇತ್ತೀಚೆಗಷ್ಟೆ ಅಪ್ಪ-ಮಗನ ಮುದ್ದಾದ ವಿಡಿಯೋ ಹಂಚಿಕೊಂಡಿದ್ದರು ಸಿಂಡ್ರೆಲಾ. ಅದರಲ್ಲಿ ಯಶ್​, ಮಗ ಯಥರ್ವ್​ ಜಾನಿ ಜಾನಿ ಎಪ್​ ಪಪ್ಪಾ ರೈಮ್ಸ್​ ಹೇಳಿಕೊಡುತ್ತಿದ್ದರು. ಮಕ್ಕಳು ಬೆಳೆಯುವ ಹಂತದಲ್ಲಿ ಅಪ್ಪನಾಗಿ ಯಶ್​  ಕೊಡಬೇಕಾದ ಸಮಯವನ್ನು ಹೇಗೆಲ್ಲ ಕೊಡುತ್ತಿದ್ದಾರೆ ಅನ್ನೋದನ್ನು ಈ ವಿಡಿಯೋ ಮೂಲಕ ಹೇಲುವ ಪ್ರಯತ್ನ ಮಾಡಿದ್ದರು ರಾಧಿಕಾ. ಈಗ ತಮ್ಮ ಮಗಳು ಆಯ್ರಾಳ ಹೊಸ ವಿಡಿಯೋ ಒಂದನ್ನು ಹಂಚಿಕೊಂಡಿದ್ದಾರೆ.

ಹೌದು, ಯಶ್​-ರಾಧಿಕಾರ ಮೊದಲ ಸಂತಾನ ಆಯ್ರಾ. ಆಗಾಗ ಮಗಳ ಫೋಟೋ ಹಾಗೂ ವಿಡಿಯೋ ಹಂಚಿಕೊಳ್ಳುವ ರಾಧಿಕಾ ಪಂಡಿತ್​, ಈಗಲೂ ಸಹ ಆಯ್ರಾ ಹಾಡು ಹೇಳುವ ವಿಡಿಯೋ ಪೋಸ್ಟ್​ ಮಾಡಿದ್ದಾರೆ.

View this post on Instagram

She sings it much better now, this was recorded in June. Youngest fan in our house of the legend Pt. Bhimsen Joshi. "Sada enna hrudayadali vasa mado Sri Hari Nadamurthy ninna pada modadinda bhajisuve.. " On this note, wishing all of u a very Happy Navratri Navaratri Habbada Shubhashegalu 😊 P.S: i can't take credit for this.. its totally my Pappa's training 😊 #radhikapandit #nimmaRP

A post shared by Radhika Pandit (@iamradhikapandit) on Oct 18, 2020 at 5:04am PDT

ಈ ವಿಡಿಯೋದಲ್ಲಿ ಆಯ್ರಾ ಭೀಮ್​ ಸೇನ್​ ಜೋಶಿ ಅವರ ಸದಾ ಎನ್ನ ಹೃದಯದಲ್ಲಿ ವಾಸ ಮಾಡು ಶ್ರೀ ಹರಿ ಎಂಬ ಹಾಡನ್ನು ಮುದ್ದು ಮುದ್ದಾಗಿ ಹಾಡುತ್ತಿದ್ದಾಳೆ. ಜೊತೆಗೆ ತನ್ನ ಮುದ್ದಿನ ಗೊಂಬೆಯನ್ನು ಮಲಗಿಸಲು ಯತ್ನಿಸುತ್ತಿದ್ದಾಳೆ. ಮಗಳು ಭೀಮ್​ ಸೇನ್​ ಜೋಶಿ ಅವರ ಪುಟ್ಟ ಫ್ಯಾನ್ಸ್​ ಎಂದು ಬರೆದುಕೊಂಡಿರುವ ರಾಧಿಕಾ, ಎಲ್ಲರಿಗೂ ನವರಾತ್ರಿ ಹಬ್ಬದ ಶುಭ ಕೋರಿದ್ದಾರೆ. ಈ ವಿಡಿಯೋವನ್ನು ಜೂನ್​ ತಿಂಗಳಿನಲ್ಲಿ ಮಾಡಲಾಗಿದ್ದು ಎಂಬ ಮಾಹಿತಿಯನ್ನೂ ಹಂಚಿಕೊಂಡಿದ್ದಾರೆ.

View this post on Instagram

And just like that our baby girl turns 18months today!! 😊 Hope our lil baby sitter made u smile!! P.S : I am sure she is imitating my Dad 😁 #nimmaRP #radhikapandit

A post shared by Radhika Pandit (@iamradhikapandit) on Jun 1, 2020 at 9:59pm PDT

ಇನ್ನು ಈ ಹಿಂದೆ ಆಯ್ರಾ ತಮ್ಮನಿಗೆ ಜೋಗುಳ ಹಾಡುತ್ತಾ ಮಲಗಿಸಲು ಯತ್ನಿಸುತ್ತಿರುವ ವಿಡಿಯೋವನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದರು. ಅಷ್ಟೇಅಲ್ಲ, ಆಗಾಗ ಮಗಳು ಹಾಗೂ ಮಗನ ಹಲವಾರು ಮುದ್ದಾದ ವಿಡಿಯೋ ಹಾಗೂ ಫೋಟೋಗಳನ್ನು ಪೋಸ್ಟ್​ ಮಾಡುತ್ತಿರುತ್ತಾರೆ ಈ ನಟಿ.