Radhe: ಮನೆಯಲ್ಲೇ ಕುಳಿತು ವೀಕ್ಷಿಸಬಹುದು ಸಲ್ಮಾನ್‍ಖಾನ್‍ ಅಭಿನಯದ ರಾಧೆ ಚಿತ್ರ..!

ಬಾಲಿವುಡ್ ಸೂಪರ್‌ಸ್ಟಾರ್‌ ಸಲ್ಮಾನ್ ಖಾನ್ ಅವರ ಬಹುನಿರೀಕ್ಷಿತ ಸಿನಿಮಾ ರಾಧೆ: ಯುವರ್ ಮೋಸ್ಟ್ ವಾಂಟೆಡ್ ಭಾಯ್ ಬಿಡುಗಡೆಗೆ ಸಿದ್ಧವಾಗಿದೆ. ಮೇ 13ರಂದು ಮಲ್ಟಿಪಲ್ ಫ್ಲಾಟ್‍ಫಾರ್ಮ್‍ನಲ್ಲಿ ತೆರೆಕಾಣುತ್ತಿರುವ ಸಿನಿಮಾಕ್ಕೆ ಪ್ರೇಕ್ಷಕರು ಕಾದು ಕುಳಿತಿದ್ದಾರೆ. ಈ ಮೂಲಕ ಪ್ರತಿ ಈದ್ ಹಬ್ಬಕ್ಕೆ ಚಿತ್ರ ಬಿಡುಗಡೆ ಮಾಡುವ ಸಲ್ಮಾನ್ ಅವರ ಯೋಜನೆ ಈ ಸಿನಿಮಾದ ಮೂಲಕವೂ ಮುಂದುವರೆದಿದೆ ಎಂಬುದು ವಿಶೇಷ. ಮತ್ತೊಂದು ವಿಶೇಷ ಎಂದರೆ ಹೊರದೇಶ, ಒಟಿಟಿ ವೇದಿಕೆ, ಡಿಟಿಎಚ್‍ನಲ್ಲಿ ಏಕಕಾಲಕ್ಕೆ ಬಿಡುಗಡೆಯಾಗುತ್ತಿರುವುದು ಮಾತ್ರ ಇಡೀ ಭಾರತೀಯ ಚಿತ್ರರಂಗದ ಕುತೂಹಲಕ್ಕೆ ಕಾರಣವಾಗಿದೆ. ಈಗ ಮತ್ತೆ ಕೊರೋನಾ ಲಾಕ್​ಡೌನ್​ ಕಾರಣದಿಂದಾಗಿ ಚಿತ್ರಮಂದಿರಗಳು ಬಾಗಿಲು ಮುಚ್ಚಿವೆ. ಮತ್ತೆ ಚಿತ್ರಮಂದಿರಗಳು ಯಾವಾಗ ತೆರೆಯಲಿವೆ ಅನ್ನೋದು ಯಾರಿಗೂ ಗೊತ್ತಿಲ್ಲ. ಅದಕ್ಕೆ ಹಲವಾರು ಚಿತ್ರತಂಡಗಳು ಒಟಿಟಿ ಮೊರೆ ಹೋಗುತ್ತಿವೆ. 

ಕೊರೋನಾ ತಡೆಗಟ್ಟುವ ಕಾರಣ ದೇಶಾದ್ಯಂತ ಇಡೀ ಚಿತ್ರಮಂದಿರಗಳನ್ನು ಮುಚ್ಚಲಾಯಿತು. ನಟ-ನಟಿಯರ, ಕಲಾವಿದರ, ಸಿನಿ ತಾಂತ್ರಿಕರ ಬದುಕನ್ನು ದುಸ್ತರ ಮಾಡಬೇಡಿ ಎಂದು ವಿನಂತಿಸಿಕೊಂಡ ಬೆನ್ನಲೇ ಶೇ 50 ರಷ್ಟು ಮಂದಿಗೆ ಅವಕಾಶ ನೀಡಲಾಯಿತು. ಪುನಃ ಬಹುಒತ್ತಾಯದ ಮೇರೆ 100ರಷ್ಟು ಅವಕಾಶವೂ ದೊರೆಯಿತು. ಆದರೆ ಪುನಃ ಚಿತ್ರಮಂದಿರಗಳು ಮುಚ್ಚಿವೆ. ಹಾಗಾಗಿ ಬಹುಪಾಲು ನಿರ್ದೇಶಕರು, ನಿರ್ಮಾಪಕರು ಮಲ್ಟಿಪಲ್ ಫ್ಲಾಟ್‍ಫಾರ್ಮ್ ಮೊರೆ ಹೋಗುತ್ತಿದ್ದಾರೆ. ಜೊತೆಗೆ ಈ ಹಿಂದೆ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಸಿನಿಮಾವನ್ನು ಒಟಿಟಿ ವೇದಿಕೆಯಲ್ಲಿ ಕಾಣಬಹುದಿತ್ತು. ಕೊರೋನಾ ಸಂದರ್ಭದಲ್ಲಿ ನೇರವಾಗಿ ಒಟಿಟಿ ವೇದಿಕೆಯಲ್ಲೇ ಸಿನಿಮಾಗಳು ಬಿಡುಗಡೆಯಾಗುತ್ತಿವೆ. ಇದೀಗ ಸಲ್ಮಾನ್ ಅವರು ಒಂದು ಹೆಜ್ಜೆ ಮುಂದೆ ಹೋಗಿ ಡಿಟಿಎಚ್ ಸೇವೆಯನ್ನು ಬಳಸಿಕೊಳ್ಳುತ್ತಿದ್ದಾರೆ.

These are not the times for zoom zoom so watch n listen to #ZoomZoom at home. Plz be safe.https://t.co/e5hntzIWZw@bindasbhidu @DishPatani @RandeepHooda @PDdancing @SajidMusicKhan @wajidkhan7 @IuliaVantur @iamashking @kunaalvermaa77 @csgonsalves

— Salman Khan (@BeingSalmanKhan) May 10, 2021

ಸಿನಿಪ್ರಿಯರ ಆರೋಗ್ಯ ಹಾಗೂ ಸುರಕ್ಷತೆಯ ದೃಷ್ಟಿಯಿಂದ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಪೊಲೀಸ್ ಅಧಿಕಾರಿಯಾಗಿ ಕಾಣಿಸಿಕೊಳ್ಳುತ್ತಿರುವ ರಾಧೆ ಸಿನಿಮಾದ ಟ್ರೇಲರ್ ಈಗಾಗಲೇ ಎಲ್ಲರಲ್ಲೂ ಹುಚ್ಚೆಬ್ಬಿಸಿತ್ತು. ಇದೀಗ ಸಿನಿಮಾ ಜೀ5 ಮತ್ತು ಜೀಯ ಜೀಪ್ಲೆಕ್ಸ್‌ನಲ್ಲೂ ವೀಕ್ಷಿಸಬಹುದು. ಜೊತೆಗೆ ಡಿಟಿಎಚ್ ಸೇವೆಗಳಾದ ಡಿಶ್, ಡಿ2ಎಚ್, ಟಾಟಾ ಸ್ಕೈ, ಏರ್‌ಟೆಲ್ ಡಿಜಿಟಲ್ ಟಿವಿಯಲ್ಲೂ ಕಾಣಬಹುದು. ಜೀಪ್ಲೆಕ್ಸ್‌ನಲ್ಲಿ 250 ರೂಗೆ ಬುಕ್ ಮಾಡಿದರೆ ಮೊದಲ ಶೋವನ್ನೇ ಮನೆಯಲ್ಲೇ ಕುಳಿತು ವೀಕ್ಷಿಸಬಹುದು.

ಇದನ್ನೂ ಓದಿ: ಕೋವಿಡ್​ನಿಂದ ಗುಣಮುಖರಾದ ಅಲ್ಲು ಅರ್ಜುನ್​: 15 ದಿನಗಳ ನಂತರ ಮಕ್ಕಳನ್ನು ಮುದ್ದಾಡಿದ ಸ್ಟೈಲಿಶ್​ ಸ್ಟಾರ್

ರಾಧೆ: ಯುವರ್ ಮೋಸ್ಟ್ ವಾಂಟೆಡ್ ಭಾಯ್ ಸಿನಿಮಾ ಡೊಡ್ಡ ಪ್ರಮಾಣದ ಹೂಡಿಕೆ ಸಿನಿಮಾವಾಗಿದ್ದು, ವಿವಿಧೆಡೆ ಬಿಡುಗಡೆ ಮಾಡಲು ಯೋಚಿಸುತ್ತಿದ್ದೇವೆ. ಆದರೆ ಕೋವಿಡ್ ಕಾರಣ ಚಿತ್ರಮಂದಿರಗಳಲ್ಲಿ ಸಿನಿಮಾ ಬಿಡುಗಡೆಗೆ ಅವಕಾಶವಿಲ್ಲ. ಏಕೆಂದರೆ ಸಿನಿಮಾ ನೋಡಲು ಬಂದವರಿಗೆ ಕೊರೋನಾ ಹರಡುವ ಸಾಧ್ಯತೆ ಭಯ ಇರುವುದರಿಂದ ಚಿತ್ರ ಮಂದಿರಗಳಲ್ಲಿ ಸಿನಿಮಾ ತೆರೆಕಾಣುತ್ತಿಲ್ಲ. ಅಲ್ಲದೇ ಚಿತ್ರಮಂದಿರಗಳು ಸಹ ಚಿತ್ರಮಂದಿರಗಳಲ್ಲಿ ಸಿನಿಮಾ ಬಿಡುಗಡೆಯಾಗದೆ ಇರುವುದರಿಂದ ಸಾಕಷ್ಟು ನಷ್ಟ ಅನುಭವಿಸುತ್ತಿದ್ದಾರೆ ಎಂದು ಒಂದು ವೇದಿಕೆಯ ಮೂಲಕ ತಮ್ಮ ಅಭಿಪ್ರಾಯ ಹಂಚಿಕೊಂಡಿದ್ದರು. ಈ ವಿಷಯವಾಗಿಯೇ ಸಲ್ಮಾನ್​ ಖಾನ್​ ಸಿನಿಮಾ ಮಂದಿರಗಳ ಮಾಲೀಕರ ಬಳಿ ಕ್ಷಮೆ ಕೇಳಿದ್ದಾರೆ. ಅಲ್ಲದೆ ರಾಧೆ ಸಿನಿಮಾವನ್ನು ಪ್ರೇಕ್ಷಕರ ಮನರಂಜನೆಗೆಂದೇ ಒಟಿಟಿ ಮೂಲಕ ರಿಲೀಸ್​ ಮಾಡಲಾಗುತ್ತಿದೆ ಎಂದಿದ್ದಾರೆ ಬ್ಯಾಡ್​ ಬಾಯ್​.

#Radhe ka agla gaana kal… #ZoomZoomhttps://t.co/e5hntzIWZw@bindasbhidu @DishPatani @RandeepHooda @PDdancing @SajidMusicKhan @wajidkhan7 @IuliaVantur @iamashking @kunaalvermaa77 @csgonsalves

— Salman Khan (@BeingSalmanKhan) May 9, 2021

ಈ ಸಿನಿಮಾ ಮಾದಕವಸ್ತು ಮಾಫಿಯಾದ ವಿರುದ್ಧ ಸೆಣಸುವ ಪೊಲೀಸ್ ಅಧಿಕಾರಿ ಪಾತ್ರದಲ್ಲಿ ಸಲ್ಮಾನ್ ಭಾಯ್ ಮಿಂಚುತ್ತಿದ್ದಾರೆ. ಪ್ರಸಿದ್ಧ ನೃತ್ಯ ನಿರ್ದೇಶಕ ಪ್ರಭುದೇವ ಈ ಸಿನಿಮಾಕ್ಕೆ ಆ್ಯಕ್ಷನ್ ಕಟ್ ಹೇಳಿದ್ದು, ಸಲ್ಮಾನ್ ಖಾನ್, ಅತುಲ್ ಅಗ್ನಿಹೋತ್ರಿ, ಸೊಹೈಲ್ ಖಾನ್, ನಿಖಿಲ್ ನಮಿತ್ ಬಂಡವಾಳ ಹೂಡಿದ್ದಾರೆ. ಹಿಮೇಶ್ ರೇಶಮ್ಮಿಯಾ, ಸಜೀದ್-ವಾಜೀದ್, ಸಂಜೀತ್ ಬಲ್ಹೋತ್ರಾ, ದೇವಿ ಶ್ರೀಪ್ರಸಾದ್ ಸಂಗೀತವಿದೆ. ಈ ಸಿನಿಮಾದಲ್ಲಿ ದಿಶಾ ಪಟಾನಿ ನಾಯಕಿಯಾಗಿ ನಟಿಸಿದ್ದಾರೆ.