Yuvarathnaa: ಯುವರತ್ನ ಚಿತ್ರದ ಮೊದಲ ಹಾಡು ರಿಲೀಸ್​: ತೆಲುಗಿನಲ್ಲೂ ತೆರೆಕಾಣಲಿದೆ ಪುನೀತ್ ಸಿನಿಮಾ..!

ಪವರ್ ಸ್ಟಾರ್​ ಪುನೀತ್​ ರಾಜ್​ಕುಮಾರ್ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ಯುವರತ್ನ. ಸಂತೋಷ್​ ಆನಂದ್ ರಾಮ್​ ಅಪ್ಪು ಅಭಿಮಾನಿಗಳಿಗೆ ಡಬಲ್​ ಸಿಹಿ ಸುದ್ದಿ ಕೊಟ್ಟಿದ್ದಾರೆ. ಈಗಾಗಲೇ ಈ ಸಿನಿಮಾದ ಚಿತ್ರೀಕರಣ ಪೂರ್ಣಗೊಂಡಿದೆ. ಸಯೇಷಾ, ಪುನೀತ್​ಗೆ ಈ ಸಿನಿಮಾದಲ್ಲಿ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಬೇರೆ ಭಾಷೆಯ ಸಿನಿಮಾಗಳು ಕನ್ನಡಕ್ಕೆ ಡಬ್​ ಆಗುತ್ತಿರುವುದನ್ನು ನೋಡುತ್ತಿದ್ದೇವೆ. ಅಂತೆಯೇ  ಈಗ ಕನ್ನಡ ಸಿನಿಮಾ ಸಹ ತೆಲುಗಿನಲ್ಲಿ ರಿಲೀಸ್​ ಆಗಲು  ತಯಾರಿ ನಡೆಸಿದೆ. ಪುನೀತ್​ ಅವರ ಸಿನಿಮಾ ಇದೇ ಮೊದಲ ಬಾರಿಗೆ ತೆಲುಗಿನಲ್ಲಿ ತೆರೆ ಕಾಣಲಿದೆ. ಹೌದು, ಪುನೀತ್​ ಟಾಲಿವುಡ್​ನಲ್ಲಿ ಯುವರತ್ನ ಸಿನಿಮಾ ಮೂಲಕ ಡೆಬ್ಯೂ ಮಾಡಲಿದ್ದಾರೆ. ಹೊಂಬಾಳೆ ಫಿಲ್ಮ್ಸ್ ಬ್ಯಾನರ್​ ನಲ್ಲಿ ವಿಜಯ್ ಕಿರಗಂದೂರು ನಿರ್ಮಾಣದ ಸಿನಿಮಾ ಯುವರತ್ನ ಟಾಲಿವುಡ್​ನಲ್ಲೂ ತೆರೆಕಾಣಲಿದೆ. ಈ ವಿಷಯವನ್ನು ಪುನೀತ್​ ರಾಜ್​ಕುಮಾರ್​ ತಮ್ಮ ಟ್ವೀಟ್​ ಮಾಡುವ ಮೂಲಕ ಹಂಚಿಕೊಂಡಿದ್ದಾರೆ. 

ಇದೇ ಮೊದಲ ಬಾರಿಗೆ ದ್ವಿಭಾಷೆಯಲ್ಲಿ ರಿಲೀಸ್ ಆಗಲಿದೆ ಪುನೀತ್ ಅಭಿನಯದ ಯುವರತ್ನ ಸಿನಿಮಾ. ಯುವರತ್ನ ತೆಲುಗಿನಲ್ಲೂ ತೆರೆ ಕಾಣಲಿದೆ. ನಿಮ್ಮ ಬೆಂಬಲ ಹಾಗೂ ಶುಭ ಹಾರೈಕೆ ನಮ್ಮ ಮೇಲಿರಲಿ ಎಂದು ಪುನೀತ್​ ಈ ವಿಷಯವನ್ನು ಟ್ವೀಟರ್​ನಲ್ಲಿ ಪೋಸ್ಟ್​ ಮಾಡಿದ್ದಾರೆ.

View this post on Instagram

A post shared by Puneeth Rajkumar (@puneethrajkumar.official)

We are happy to announce #Yuvarathnaa will be released in Telugu also. Need all your support and wishes.@hombalefilms @VKiragandur @SanthoshAnand15 @MusicThaman @sayyeshaa @Dhananjayaka @ramjowrites @Karthik1423 @KRG_Connects @SillyMonks #NakashAziz pic.twitter.com/44RFyrTTbi

— Puneeth Rajkumar (@PuneethRajkumar) November 23, 2020

ಇನ್ನು, ಪುನೀತ್​ ರಾಜ್​ಕುಮಾರ್ ಅಭಿಮಾನಿಗಳ ಬೇಡಿಕೆ ಕಡೆಗೂ ಈಡೇರಿದೆ. ಯುವರತ್ನ ಚಿತ್ರದ ಮೊದಲ ಹಾಡು ರಿಲೀಸ್​ಗೆ ರೆಡಿಯಾಗಿದೆ. ಫಸ್ಟ್​ ಸಿಂಗಲ್​ ರಿಲೀಸ್​ಗೆ ದಿನಾಂಕ ನಿಗದಿಯಾಗಿದೆ. ಡಿಸೆಂಬರ್ 2ರಂದು ಪವರ್ ಆಫ್ ಯೂತ್ ಸಾಂಗ್ ಎರಡೂ ಭಾಷೆಗಳಲ್ಲಿ ರಿಲೀಸ್ ಆಗಲಿದೆ.

View this post on Instagram

A post shared by Puneeth Rajkumar (@puneethrajkumar.official)

ಯುವರತ್ನನ ಆರ್ಭಟ ಆರಂಭವಾಯ್ತು.
Power-packed lyrics penned by @SanthoshAnand15, The most awaited @PuneethRajkumar's #YuvarathnaaFirstSingle, #PowerOfYouth by South sensation @MusicThaman from Dec 2nd.
Stay Tuned to @hombalefilms - https://t.co/QxtFZcv8dy pic.twitter.com/IcSjoPAnDP

— Hombale Films (@hombalefilms) November 23, 2020

ಪುನೀತ್​ ರಾಜ್​ಕುಮಾರ್ ಅವರ ಟಾಲಿವುಡ್​ ಎಂಟ್ರಿಗೆ ತೆಲುಗು ಸೆಲೆಬ್ರಿಟಿಗಳು ಸ್ವಾಗತ ಕೋರಿದ್ದಾರೆ. ನಿರ್ದೇಶಕ ಪೂರಿ ಜಗನ್ನಾಥ್​ ಟ್ವೀಟ್​ ಮಾಡುವ ಮೂಲಕ ಪುನೀತ್​ ಅವರನ್ನು ಟಾಲಿವುಡ್​ಗೆ ಸ್ವಾಗತಿಸಿದ್ದಾರೆ.

కన్నడ కంఠీరవ శ్రీ రాజకుమార్ గారి వారసుడు My hero @puneethrajkumar Love you and your family 🙏🏽 Welcoming To Telugu Cinema
From the Producers of KGF, #Yuvarathnaa @hombalefilms @VKiragandur @SanthoshAnand15 @MusicThaman @sayyeshaa @Dhananjayaka @ramjowrites @Karthik1423 pic.twitter.com/iCDvhtJiQz

— PURIJAGAN (@purijagan) November 23, 2020

ಲಾಕ್​ಡೌನ್​ನಲ್ಲಿ ಪುನೀತ್​ ಅಭಿಮಾನಿಗಳು ಯುವರತ್ನ ಸಿನಿಮಾದ ಹಾಡು ರಿಲೀಸ್​ ಮಾಡುವಂತೆ ಸಾಮಾಜಿಕ ಜಾಲತಾಣದ ಮೂಲಕ ಒತ್ತಡ ಹೇರಿದ್ದರು. ಆದರೆ ಆಗ ತಾವು ಏನೂ ಮಾಡ ಪರಿಸ್ಥಿತಿಯಲ್ಲಿರುವುದಾಗಿ ಸಂಗೀತ ನಿರ್ದೇಶಕ ತಮನ್​ ಅಭಿಮಾನಿಗಳಲ್ಲಿ ತಮ್ಮ ಕಷ್ಟ ಹೇಳಿಕೊಂಡಿದ್ದರು.