James Lyrical Song: ಟ್ರೆಂಡ್​ ಸೃಷ್ಟಿಸಿದ `ಟ್ರೇಡ್​ ಮಾರ್ಕ್’ ಸಾಂಗ್​​, ಅಪ್ಪು.. ನಿಮ್ಮನ್ನು ವರ್ಣಿಸೋಕೆ ಪದಗಳೇ ಸಾಲದು!

ಇಡೀ ಕರುನಾಡ ಜನರು ಕಾತುರದಿಂದ ಕಾಯುತ್ತಿರೋ ಸಿನಿಮಾ ಜೇಮ್ಸ್​,(James) ಪವರ್​ ಸ್ಟಾರ್​ ಪುನೀತ್​ ರಾಜ್​ಕುಮಾರ್​ (Puneeth Rajkumar) ಅಭಿನಯದ ಕೊನೆಯ ಚಿತ್ರ ಜೇಮ್ಸ್​ ಬಿಡುಗಡೆಗೆ ಅಭಿಮಾನಿಗಳು (Fans) ಕಾಯ್ತಿದ್ದಾರೆ. ಮಾರ್ಚ್ 17ಕ್ಕೆ ಚಿತ್ರ ಬಿಡುಗಡೆ ಪಕ್ಕಾ ಆಗಿದೆ. ಇಂದು ಪವರ್​ ಸ್ಟಾರ್​ ಪುನೀತ್ ರಾಜ್​ಕುಮಾರ್​ ಅವರ ಅಭಿಮಾನಿಗಳಿಗೆ ವಿಶೇಷ ದಿನ. ಇಂದು ‘ಜೇಮ್ಸ್​’ ಸಿನಿಮಾ ‘ಟ್ರೇಡ್​ ಮಾರ್ಕ್​’ (Trade Mark) ಎಂಬ ಸಾಂಗ್ ಶಿವರಾತ್ರಿ (Shivaratri) ಹಿನ್ನೆಲೆ ರಿಲೀಸ್ ಆಗಿದೆ. ರಿಲೀಸ್ ಆದ ಕೆಲವೇ ಕ್ಷಣಗಳಲ್ಲಿ  ಯೂಟ್ಯೂಬ್(Youtube)​ನಲ್ಲಿ ಅಬ್ಬರಿಸುತ್ತಿದೆ.  ಇನ್ನು ಈ ಹಾಡು ‘ಟ್ರೇಡ್  ಮಾರ್ಕ್’ ಅನ್ನೋ ಸಾಹಿತ್ಯದಿಂದ ಶುರುವಾಗಲಿದ್ದು, ಚರಣ್ ರಾಜ್ (Charan Raj) ಸಂಗೀತಕ್ಕೆ ಚೇತನ್ (Chetan) ಸಾಹಿತ್ಯ ಬರೆದಿದ್ದಾರೆ. ಅಲ್ಲದೆ ಈ ಹಾಡಿಗಾಗಿ ಬೆಂಗಳೂರಿನಲ್ಲಿ ಅದ್ದೂರಿ ವೆಚ್ಚದ ಸೆಟ್ ಹಾಕಿ ಆ ಕಲರ್ ಪುಲ್ ಸೆಟ್​​ಗಳಲ್ಲಿ ಪವರ್ ಸ್ಟಾರ್ ಗೆ ಪವರ್ ಪುಲ್ ಸ್ಟೆಪ್ ಗಳ ಕಂಪೋಸ್ ಮಾಡಿದ್ದಾರೆ ಟಾಲಿವುಡ್ ಸ್ಟಾರ್ ಕೋರಿಯೋಗ್ರಫರ್ ಶಂಕರ್.

ಅಪ್ಪು.. ನಿಮ್ಮನ್ನು ವರ್ಣಿಸೋಕೆ ಪದಗಳೇ ಸಾಲದು!

ಹೌದು, ಈ ಸಾಂಗ್​ನ ಸಾಹಿತ್ಯ ಅಪ್ಪು ಅವರಿಗೆ ಹೇಳಿ ಮಾಡಿಸಿದ ಹಾಗಿದೆ. ಅಪ್ಪು ಅವರ ನಟನೆಗೆ, ಡ್ಯಾನ್ಸ್​, ಫೈಟ್​ ಅವರೇ ಸಾಟಿ. ‘ಗೇಮಿಗಿನೂ ಗನ್ನಿಗುನೂ ಟ್ರೇಡ್​ ಮಾರ್ಕ್, ಬ್ರ್ಯಾಂಡ್​ಗೂನೂ ಸೌಂಡ್​ಗುನೂ ಟ್ರೇಡ್​ ಮಾರ್ಕ್’​ ಎಂಬ ಸಾಹಿತ್ಯವುಳ್ಳ ಈ ಹಾಡನ್ನು ಅಪ್ಪು ಅಭಿಮಾನಿಗಳು ರಿಪೀಟ್ ಮೋಡ್​ನಲ್ಲಿ ಕೇಳುತ್ತಿದ್ದಾರೆ.

ಟ್ರೇಡ್​ ಮಾರ್ಕ್​ ಸಾಂಗ್​ನಲ್ಲಿ ರಚಿತಾ, ಶ್ರೀಲೀಲಾ, ಆಶಿಕಾ!

ಹೌದು, ರಿಲೀಸ್​ ಆಗಿರೋ ‘ಟ್ರೇಡ್​ ಮಾರ್ಕ್​’ ಸಾಂಗ್​ನಲ್ಲಿ ರಚಿತಾ ರಾಮ್​​, ನಟಿ ಶ್ರೀಲೀಲಾ, ಆಶಿಕಾ ರಂಗನಾಥ್​ ಕಾಣಿಸಿಕೊಂಡಿದ್ದಾರೆ. ಇದು ಹೆಸರಿಗಷ್ಟೇ ಲಿರಿಕಲ್​ ಸಾಂಗ್​. ಈ ಸಾಂಗ್​ನಲ್ಲಿ ಚಂದನ್​ ಶೆಟ್ಟಿ, ಸಂಗೀತ ನಿರ್ದೇಶಕ ಕೂಡ ಕಾಣಿಸಿಕೊಂಡಿದ್ದಾರೆ. ಅಪ್ಪು ಅವರ ಬಗ್ಗೆ ಹಾಡಿದ್ದಾರೆ. ಚಂದನ್​ ಶೆಟ್ಟಿಯ ಸ್ಟೈಲ್​​ನಲ್ಲಿ ಸಾಂಗ್ ಮೂಡಿಬಂದಿದೆ. ಪುನೀತ್​ ರಾಜ್​ಕುಮಾರ್​ ಅವರ  ವ್ಯಕ್ತಿತ್ವಕ್ಕೆ ಸರಿಯಾಗಿ ಹೊಂದುವಂತಿದೆ ಹಾಡಿನ ಲಿರಿಕ್ಸ್​.

ಇದನ್ನೂ ಓದಿ : ಅಂತೆ-ಕಂತೆಗಳನ್ನು ನಂಬಬೇಡಿ.. ನಾವೇ ಎಲ್ಲ ಮಾಹಿತಿ ನೀಡ್ತೇವೆ ಎಂದ ಜೇಮ್ಸ್​ ನಿರ್ಮಾಪಕ!

ಕಿಂಗ್​ ಈಸ್​ ಅಲ್​ವೇಸ್​ ಕಿಂಗು ಮಾಮ ಎಂದ ಗುರು!

ಇನ್ನೂ ಇದೇ ಹಾಡಿನಲ್ಲಿ ರಾಘವೇಂದ್ರ ರಾಜ್​ಕುಮಾರ್ ಅವರ ಎರಡನೇ ಮಗ ಗುರು ರಾಜ್​ಕುಮಾರ್ ಕೂಡ ಧನಿಗೂಡಿಸಿದ್ದಾರೆ. ಹಾಡಿನ ಮಧ್ಯದಲ್ಲಿ ಕಿಂಗ್​ ಈಸ್​ ಅಲ್ವೇಸ್​ ಕಿಂಗು ಮಾಮ ಎಂಬ ಸಾಹಿತ್ಯ ಬರುತ್ತದೆ. ಅದಕ್ಕೆ ಸ್ವತಃ ಗುರು ರಾಜ್​​ಕುಮಾರ್​ ಧನಿ ನೀಡಿದ್ದಾರೆ. ಒಟ್ಟಿನಲ್ಲಿ ಈ ಸಾಂಗ್​ ಕೇಳಿದ ಪ್ರತಿಯೊಬ್ಬರು ಕೂಡ, ಅಪ್ಪು ಅವರನ್ನು ನೆನದು ಭಾವುಕರಾಗುತ್ತಿದ್ದಾರೆ, ಕಾರಣ ಈ ಸಾಹಿತ್ಯ ಅವರಿಗೆ ಹೇಳಿ ಮಾಡಿಸಿದ ಹಾಗಿದೆ.

ಇದನ್ನೂ ಓದಿ: ಆಕಾಶದಲ್ಲೂ ಮಿನುಗಲಿದೆ ಪವರ್‌'ಸ್ಟಾರ್'! ಉಪಗ್ರಹಕ್ಕೆ ಈಗ 'ವೀರ ಕನ್ನಡಿಗ'ನ ಹೆಸರು

ಮೇಕಿಂಗ್​ ವಿಡಿಯೋದಲ್ಲೇ ಅಬ್ಬರಿಸಿ ಅಪ್ಪು!

ಇನ್ನೂ ಈ ಹಾಡಿನಲ್ಲಿ ಈ ಸಾಂಗ್​ನ ಮೇಕಿಂಗ್​ ದೃಶ್ಯಗಳು ಕೂಡ ಇವೆ. ಇದರಲ್ಲಿ ಅಪ್ಪು ಅವರನ್ನು ನೋಡುತ್ತಿದ್ದರೆ, ಮನಸ್ಸು ಭಾರವಾಗುತ್ತೆ. ‘ಟ್ರೇಡ್​ಮಾರ್ಕ್​ ಸಾಂಗ್​ಅನ್ನು 5 ಗಾಯಕರು ಹಾಡಿದ್ದಾರೆ. ಫೋಟೋ ಮೇಲೆ ಲಿರಿಕ್ಸ್​ ಹಾಕಿ ರಿಲೀಸ್​ ಮಾಡುವ ಹಾಗೆ ಮಾಮೂಲಿಯಾಗಿ ಚಿತ್ರತಂಡ ಈ ಹಾಡನ್ನು ತಯಾರಿಸಿಲ್ಲ. ಇದು ಎಲ್ಲರ ಗಮನಸೆಳೆದಿದೆ. 5 ಭಾಷೆಗಳಲ್ಲಿ ಈ ಹಾಡು ರಿಲೀಸ್ ಆಗಿದ್ದು, ಎಲ್ಲೆಡೆಯಿಂದ ಉತ್ತಮ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ.