Salaga: ದುನಿಯಾ ವಿಜಯ್​ ಅಭಿನಯದ ಸಲಗ ಚಿತ್ರಕ್ಕೆ ಜೊತೆಯಾದ ಪುನೀತ್ ರಾಜ್​ಕುಮಾರ್​..!

ದುನಿಯಾ ವಿಜಯ್​ ಲಾಕ್​ಡೌನ್​ ಸಡಿಲಗೊಂಡ ನಂತರ ಮಡಿಕೇರಿಯಲ್ಲಿ ಸಲಗ ಸಿನಿಮಾದ ಹಾಡಿನ ಚಿತ್ರೀಕರಣ ಮಾಡುವ ಮೂಲಕ ಸುದ್ದಿಯಲ್ಲಿದ್ದರು. ಈಗ ಇದೇ ಹಾಡಿನಿಂದಾಗಿ ಮತ್ತೊಮ್ಮೆ ಸದ್ದು ಮಾಡುತ್ತಿದ್ದಾರೆ. ವಿಜಯ್​ ನಟಿಸಿ, ನಿರ್ದೇಶನ ಮಾಡುತ್ತಿರುವ ಈ ಸಿನಿಮಾದ ಮಳೆಯೇ ಮಳೆಯೇ ಹಾಡು ರಿಲೀಸ್​ಗೆ ರೆಡಿಯಾಗಿದೆ. 

ಕೊರೋನಾ ಭೀತಿಯ ನಡುವೆ ಮಡಿಕೇರಿಯಲ್ಲಿ ಚಿತ್ರೀಕರಿಸಲಾದ ಮಳೆಯೇ ಮಳೆಯೇ ಹಾಡು ಇನ್ನೇನು ರಿಲೀಸ್​ ಆಗಲಿದೆ. ಸೆಪ್ಟೆಂಬರ್ 5ಕ್ಕೆ ಈ ಹಾಡಿನ ರಿಲೀಸ್​ಗೆ ದಿನಾಂಕ ನಿಗದಿ ಮಾಡಲಾಗಿದೆ. ಅಂದು ಬೆಳಿಗ್ಗೆ 11ಕ್ಕೆ A2 ಮ್ಯೂಸಿಕ್ ಯೂಟ್ಯೂಬ್ ಚಾನೆಲ್​ನಲ್ಲಿ ಈ ಲಿರಿಕಲ್​ ವಿಡಿಯೋ ಹಾಡು ರಿಲೀಸ್ ಆಗಲಿದೆ.

View this post on Instagram

Maleye Maleye Song Releasing soon on A2 music #salaga

A post shared by Duniya Vijay (@duniyavijayofficial) on Aug 24, 2020 at 2:23am PDT

ಎಲ್ಲದಕ್ಕಿಂತ ವಿಶೇಷ ಈ ಮಳೆಯೇ ಮಳೆಯೇ ಹಾಡನ್ನು ಪವರ್ ಸ್ಟಾರ್​ ಪುನೀತ್ ರಿಲೀಸ್​ ಮಾಡಲಿದ್ದಾರೆ ಎನ್ನುವುದು. ಈ ಸಿನಿಮಾಗೆ ಚರಣ್​ ರಾಜ್​ ಸಂಗೀತ ನೀಡಿದ್ದು, ಅಣ್ಣಾ... ಹಾಡು ಈಗಾಗಲೇ ಕೇಳುಗರ ಮನ ಗೆದ್ದಿದೆ. ಈ ಹಿಂದೆ ಈ ಚಿತ್ರದ ಮೇಕಿಂಗ್​ ವಿಡಿಯೋ ರಿಲೀಸ್ ಮಾಡಲಾಗಿದ್ದು, ಇದಕ್ಕೆ ಪ್ರೇಕ್ಷಕರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.

ಕೆ.ಪಿ. ಶ್ರೀಕಾಂತ್​ ನಿರ್ಮಾಣದ ಸಲಗ ಚಿತ್ರದಲ್ಲಿ ಟಗರು ಖ್ಯಾತಿಯ ಡಾಲಿ ಧನಂಜಯ್​ ಸಹ ನಟಿಸಿದ್ದಾರೆ. ಧನಂಜಯ ಇದೇ ಮೊದಲ ಬಾರಿಗೆ ಪೊಲೀಸ್​ ಅಧಿಕಾರಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಹಿಂದೆ ಈ ಸಿನಿಮಾ ಹಲವಾರು ವಿಷಯಗಳಿಂದಾಗಿ ಸುದ್ದಿಯಲ್ಲಿತ್ತು.