Puneeth Rajkumar: ಪುನೀತ್​ ರಾಜ್​ಕುಮಾರ್​ ಸಿನಿ ಜರ್ನಿಗೆ 45ರ ಸಂಭ್ರಮ: ಶುಭ ಕೋರಿದವರಿಗೆ ಧನ್ಯವಾದ ತಿಳಿಸಿದ ಅಪ್ಪು

ಬಾಲ ನಟನಾಗಿ ಬಣ್ಣದ ಲೋಕಕ್ಕೆ ಕಾಲಿಟ್ಟು ಆ ಸಣ್ಣ ವಯಸ್ಸಿನಲ್ಲೇ ರಾಷ್ಟ್ರ ಪ್ರಶಸ್ತಿ ಪಡೆದ ಬಾಲ ಪ್ರತಿಭೆಯಾಗಿ ಹೊರಹೊಮ್ಮಿದ ಪುನೀತ್​ ಅವರ ಸಿನಿ ಪಯಣಕ್ಕೆ ಈಗ 45ರ ಸಂಭ್ರಮ. ಸ್ಯಾಂಡಲ್​ವುಡ್​ನಲ್ಲಿ ಪವರ್​ ಸ್ಟಾರ್​ ಎಂದೇ ಖ್ಯಾತರಾಗಿರುವ ದೊಡ್ಮನೆ ಹುಡುಗ ಪುನೀತ್​ ರಾಜ್​ಕುಮಾರ್​ ಅಭಿನಯಿಸಿದ ಮೊದಲ ಸಿನಿಮಾ ಪ್ರೇಮದ ಕಾಣಿಕೆ. ಈ ಸಿನಿಮಾದಲ್ಲಿ ಅಭಿನಯಿಸಿದಾಗ ಪುನೀತ್​ ಅವರಿಗೆ ಕೇವಲ ಆರು ತಿಂಗಳು. ಪುನೀತ್​ ರಾಜ್​ಕುಮಾರ್​ ಹುಟ್ಟಿದ್ದು 1975 ಅದೇ ವರ್ಷ ರಾಜ್​ಕುಮಾರ್ ಅಭಿನಯದ ಪ್ರೇಮದ ಕಾಣಿಕೆ ಸಿನಿಮಾದ ಚಿತ್ರೀಕರಣ ನಡೆಯುತ್ತಿತ್ತು. ಅದೇ ಸಿನಿಮಾದಲ್ಲಿ ಪುನೀತ್​ ಪುಟ್ಟ ಕಂದಮ್ಮನಾಗಿ ಬೆಳ್ಳಿತೆರೆ ಮೇಲೆ ಮಿಂಚಿದ್ದರು. ನಂತರ  ಬಾಲ ನಟನಾಗಿ ಸಿನಿಮಾಗಳಲ್ಲಿ ಅಭಿನಯಿಸಿದರು. ಚಲಿಸುವ ಮೋಡಗಳು ಹಾಗೂ ಎರಡು ಕನಸು ಸಿನಿಮಾಗಳಲ್ಲಿನ ಅಭಿನಯಕ್ಕಾಗಿ ರಾಜ್ಯ ಪ್ರಶಸ್ತಿ ಪಡೆದುಕೊಂಡಿದ್ದಾರೆ ಅಪ್ಪು.

ಪ್ರೇಮಕ ಕಾಣಿಕೆ ಸಿನಿಮಾ 1976ರಲ್ಲಿ ರಿಲೀಸ್​ ಆಗಿತ್ತು. ಹೀಗೆ ಹುಟ್ಟಿದ ಮೊದಲ ವರ್ಷದಲ್ಲೇ ಬಣ್ಣದ ಲೋಕಕ್ಕೆ ಕಾಲಿಟ್ಟ ಕೀರ್ತಿ ಪುನೀತ್ ಅವರಗೆ ಸಲ್ಲುತ್ತದೆ. ಬಾಲ ನಟನಾಗಿ ಅಭಿನಯಿಸಿರುವ ಹಾಗೂ 1985ರಲ್ಲಿ ತೆರೆಕಂಡ ಬೆಟ್ಟ ಹೂವು ಸಿನಿಮಾದಲ್ಲಿನ ಅಭಿನಯಕ್ಕಾಗಿ ಪುನೀತ್​ ರಾಷ್ಟ್ರ ಪ್ರಶಸ್ತಿ ಪಡೆದುಕೊಂಡಿದ್ದಾರೆ. ಪುನೀತ್​ ಅವರ ಸಿನಿ ಜರ್ನಿಗೆ 45ರ ಸಂಭ್ರಮವನ್ನು ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಅದ್ದೂರಿಯಾಗಿ ಸೆಲಬ್ರೇಟ್​ ಮಾಡಿದ್ದಾರೆ.



ಸ್ಯಾಂಡಲ್​ವುಡ್​ನಲ್ಲಿ 45 ವರ್ಷ ಪೂರೈಸಿರುವ ಪುನೀತ್​ ರಾಜ್​ಕುಮಾರ್ ಸ್ಯಾಂಡಲ್​ವುಡ್​ನಲ್ಲಿ 25ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಇಂದು ಇದೇ  ಖುಷಿಗೆ ಅಭಿಮಾನಿಗಳು ಕಾಮನ್​ ಡಿಪಿ ಸಹ ರಿಲೀಸ್​ ಮಾಡಿದ್ದಾರೆ.

Happy to launch our believed
Power stars CDPOn completing 45 years on kfi #45YearsOfKingAPPUDarbar#Yuvarathnaa #PuneethRajkumar@PuneethRajkumar #James pic.twitter.com/goBlIK5zQ1

— Therri maa kaa.. ashirvad 😊 (@oorigobba) February 27, 2021

ಕನ್ನಡ ಸಿನಿರಂಗದಲ್ಲಿ 45 ವರ್ಷ ಪೂರೈಸಿರುವ ಪವರ್ ಸ್ಟಾರ್​ ಪುನೀತ್ ರಾಜ್​ಕುಮಾರ್ ಅವರಿಗೆ ಕನ್ನಡ ಸಿನಿ ರಂಗದ ಸೆಲೆಬ್ರಿಟಿಗಳು ಹಾಗೂ ಅಭಿಮಾನಿಗಳು ವಿಶ್​ ಮಾಡಿದ್ದಾರೆ. ನಟ ಕಿಚ್ಚ ಸುದೀಪ್​ ಸಹ ಟ್ವೀಟ್​ ಮಾಡುವ ಮೂಲಕ ಪುನೀತ್​ಗೆ ಶುಭ ಕೋರಿದ್ದಾರೆ.

Congrats @PuneethRajkumar ..

45 years is almost ur entire life. HUGE ACHIEVEMENT THIS.
Many more years to come and Wishing U more Power.
🥂🥂

— Kichcha Sudeepa (@KicchaSudeep) February 28, 2021

45 ವರ್ಷ ಅಂದರೆ ಅದು ನಿಮ್ಮ ಇಡೀ ಜೀವನ. ಇದು ಹೊಡ್ಡ ಸಾಧನೆ, ಮುಂದಿನ ವರ್ಷಗಳಲ್ಲಿ ಮತ್ತಷ್ಟು ಸಾಧನೆ ಮಾಡಿ ಎಂದು ಸುದೀಪ್​ ಶುಭ ಕೋರಿದ್ದಾರೆ.

ಇದನ್ನೂ ಓದಿ: ಏಪ್ರಿಲ್​ನಲ್ಲಿ ರಿಲೀಸ್ ಆಗಲಿದೆ ಪ್ರಭಾಸ್​ ಅಭಿನಯದ ಸಲಾರ್​ ಸಿನಿಮಾ..!

ಇನ್ನು, ಈ ವಿಶೇಷ ದಿನದಂದು ಶುಭಕೋರಿದವರಿಗೆ ಪುನೀತ್​ ರಾಜ್​ಕುಮಾರ್​ ಟ್ವೀಟ್​ ಮಾಡುವ ಮೂಲಕ ಧನ್ಯವಾದ ತಿಳಿಸಿದ್ದಾರೆ. ಅಲ್ಲದೆ ಈ ದಿನವನ್ನು ವಿಶೇಷಗೊಳಿಸಿದವರಿಗೆ ಹಾಗೂ 45 ವರ್ಷಗಳ ಪಯಣದಲ್ಲಿ ಪ್ರೋತ್ಸಾಹಿಸಿ, ಪ್ರೀತಿಸಿದ ಅಭಿಮಾನಿಗಳಿಗೆ, ಸಹೋದ್ಯೋಗಿಗಳಿಗೆ ಹಾಗೂ ಬಂಧುಮಿತ್ರರಿಗೆ ನಮಸ್ಕರಿಸಿದ್ದಾರೆ.

ಈ ದಿನವನ್ನು ವಿಶೇಷಗೊಳಿಸಿದ ನಿಮ್ಮೆಲ್ಲರಿಗೂ ನನ್ನ ಅಭಿನಂದನೆಗಳು. ೪೫ ವರ್ಷದ ಈ ಪಯಣದಲ್ಲಿ ನನ್ನನ್ನು ಪ್ರೋತ್ಸಾಹಿಸಿ, ಪ್ರೀತಿಸಿದ ಅಭಿಮಾನಿಗಳಿಗೆ, ಸಹಉದ್ಯೋಗಿಗಳಿಗೆ, ಬಂಧುಮಿತ್ರರಿಗೆ ನನ್ನ ಹೃದಯಪೂರ್ವಕ ನಮನಗಳು.

— Puneeth Rajkumar (@PuneethRajkumar) February 28, 2021

ಪುನೀತ್​ ಅಭಿನಯದ ಹಾಗೂ ಸಂತೋಷ್​ ಆನಂದ್​ ರಾಮ್​ ನಿರ್ದೇಶನ ಸಿನಿಮಾ ಯುವರತ್ನ ಏ.1ರಂದು ರಿಲೀಸ್​ ಆಗಲಿದೆ. ಉಳಿದಂತೆ ಜೇಮ್ಸ್​​ ಸಿನಿಮಾದ ಚಿತ್ರೀಕರಣ ಕಾಶ್ಮೀರದಲ್ಲಿ ನಡೆಯುತ್ತಿದೆ.