HOME » NEWS » Entertainment » PUNEETH RAJ KUMAR SHARED AN OLD PHOTO OF GOKAK AGITATION AE

Puneeth Rajkumar: ಗೋಕಾಕ್​ ಚಳುವಳಿ ಸಮಯದಲ್ಲಿ ತೆಗೆದ ಫೋಟೋ ಹಂಚಿಕೊಂಡ ಪುನೀತ್​ ರಾಜ್​ಕುಮಾರ್​

ಪುನೀತ್​ ರಾಜ್​ಕುಮಾರ್​ ತಮ್ಮ ಟ್ವಿಟರ್​ನಲ್ಲಿ ಗೋಕಾಕ್​ ಚಳುವಳಿ ಸಮಯದಲ್ಲಿ ತೆಗೆದ ಹಳೇ ಫೋಟೋ ಒಂದನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ರಾಜ್​ಕುಮಾರ್ ಅವರೊಂದಿಗೆ ಶಿವಣ್ಣ, ರಾಘೇಂದ್ರ ರಾಜ್​ಕುಮಾರ್ ಹಾಗೂ ಪುನೀತ್​ ಸಹ ಇದ್ದಾರೆ.

Anitha E | news18-kannada
Updated:November 23, 2020, 8:24 AM IST
Puneeth Rajkumar: ಗೋಕಾಕ್​ ಚಳುವಳಿ ಸಮಯದಲ್ಲಿ ತೆಗೆದ ಫೋಟೋ ಹಂಚಿಕೊಂಡ ಪುನೀತ್​ ರಾಜ್​ಕುಮಾರ್​
ಹಳೇ ಫೋಟೋ ಹಂಚಿಕೊಂಡ ಪುನೀತ್​ ರಾಜ್​ಕುಮಾರ್​
  • Share this:
ಸಾಮಾಜಿಕ ಜಾಲತಾಣದಲ್ಲಿ ಪುನೀತ್​ ರಾಜ್​ಕುಮಾರ್ ಸಕ್ರಿಯವಾಗಿದ್ದಾರೆ. ಆಗಾಗ ಪುನೀತ್​ ಅಭಿಮಾನಿಗಳೊಂದಿಗೆ ತಮ್ಮ ಹಳೇ ನೆನೆಪುಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ. ತಮ್ಮ ಬಾಲ್ಯ, ಸಿನಿಮಾ ಹಾಗೂ ದಿನ ನಿತ್ಯದ ಚಟುವಟಿಕೆಗಳ ಕುರಿತಾಗಿ ವಿಡಿಯೋ ಹಾಗೂ ಫೋಟೋಗಳನ್ನು ಪೋಸ್ಟ್​ ಮಾಡುತ್ತಿರುತ್ತಾರೆ. ಈ ಹಿಂದೆ ಲಾಕ್​ಡೌನ್​ ಆರಂಭವಾದಾಗ ಪುನೀತ್​ ತಮ್ಮ ಸಖತ್​ ವರ್ಕೌಟ್​ ವಿಡಿಯೋಗಳನ್ನು ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ರಸದೌತಣ ನೀಡಿದ್ದರು. ಜೊತೆಗೆ ಲಾಕ್​ಡೌನ್​ ಸಮಯವನ್ನು ಹೇಗೆ ಕಳೆಯಬಹುದು ಎಂದು ತಿಳಿಸಿಕೊಟ್ಟಿದ್ದರು. ಈಗ ಪುನೀತ್​ ತಮ್ಮ ಬಹಳ ಹಳೇ ನೆನಪನ್ನು ಸಾಮಾಜಿಕ ಜಾಲತಾಣದ ಮೂಲಕ ಹಂಚಿಕೊಂಡಿದ್ದಾರೆ. ಹೌದು, ಕನ್ನಡ ಭಾಷೆಗಾಗಿ ನಡೆದ ಗೋಕಾಕ್​ ಚಳುವಳಿ ಒಂದು ಕ್ರಾಂತಿಯನ್ನೇ ತಂದಿತ್ತು. ಸಾಹಿತಿಗಳು, ಕನ್ನಡದ ಅಭಿಮಾನಿಗಳು ರಸ್ತೆಗಿಳಿದು ಕನ್ನಡ ಭಾಷೆಗಳು ಹೋರಾಟ ನಡೆಸಿದ್ದರು. ಈ ಚಳುವಳಿಯಲ್ಲಿ  ಪುನೀತ್​ ಸಹ ಭಾಗಿಯಾಗಿದ್ದರು. 

ಹೌದು, ಪುನೀತ್​ ರಾಜ್​ಕುಮಾರ್​ ತಮ್ಮ ಟ್ವಿಟರ್​ನಲ್ಲಿ ಗೋಕಾಕ್​ ಚಳುವಳಿ ಸಮಯದಲ್ಲಿ ತೆಗೆದ ಹಳೇ ಫೋಟೋ ಒಂದನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ರಾಜ್​ಕುಮಾರ್ ಅವರೊಂದಿಗೆ ಶಿವಣ್ಣ, ರಾಘೇಂದ್ರ ರಾಜ್​ಕುಮಾರ್ ಹಾಗೂ ಪುನೀತ್​ ಸಹ ಇದ್ದಾರೆ.









ಸುಮ್ಮನೆ ಸರ್ಫ್​ ಮಾಡುವಾಗ ಈ ಫೋಟೋ ಸಿಕ್ಕಿತು. ಇದರಲ್ಲಿ ಶಿವಣ್ಣ, ರಾಘಣ್ಣ ಹಾಗೂ ನಾನು ಅಪ್ಪಾಜಿ ಜೊತೆಗಿದ್ದೇವೆ ಎಂದು ಪುನೀತ್​ ಟ್ವೀಟ್​ ಮಾಡಿದ್ದಾರೆ. ಗೋಕಾಕ್​ ಚಳುವಳಿ ಸಮಯದಲ್ಲಿ ಪುನೀತ್ ಇನ್ನೂ ಪುಟ್ಟ ಬಾಲಕ.





ಕನ್ನಡಕ್ಕಾಗಿ ನಡೆದ ಈ ಚಳುವಳಿ ಇಡಿಹಾಸದಲ್ಲಿ ಕ್ರಾಂತಿಯನ್ನೇ ಮಾಡಿತು. ಈ ಚಳುವಳಿಗೆ ರಾಜ್​ಕುಮಾರ್​ ಅವರು ಎಂಟ್ರಿ ಕೊಟ್ಟ ನಂತರ ಅದರ ಸ್ವರೂಪವೇ ಬದಲಾಗಿತ್ತು. ಇನ್ನು ಈ ಚಳುವಳಿಯಲ್ಲಿ ರಾಜ್​ಕುಮಾರ್ ಅವರೊಂದಿಗೆ ಅವರ ಮಕ್ಕಳು ಭಾಗಿಯಾಗಿದ್ದ ಫೋಟೋ ಇಲ್ಲಿಯವರೆಗೂ ಎಲ್ಲೂ ಬಹಿರಂಗವಾಗಿರಲಿಲ್ಲ. ಈ ಕಾರಣದಿಂದಾಗಿಯೇ ಅಭಿಮಾನಿಗಳಿಗೆ ಇದು ನಿಜಕ್ಕೂ ಸರ್ಪ್ರೈಸ್​ ಆಗಿದೆ.






ಪುನೀತ್​ ರಾಜ್​ಕುಮಾರ್ ಯುವರತ್ನ ಸಿನಿಮಾದ ಶೂಟಿಂಗ್​ ಮುಗಿಸಿದ್ದು, ಜೇಮ್ಸ್​ ಚಿತ್ರೀಕರಣದಲ್ಲಿ ವ್ಯಸ್ತವಾಗಿದ್ದಾರೆ. ಯುವರತ್ನ ಸಿನಿಮಾದ ಡಬ್ಬಿಂಗ್​ ಸಹ ಮುಗಿದಿದ್ದು, ತೆರೆಗಪ್ಪಳಿಸಲು ಸಿದ್ಧವಾಗಿದೆ.
Published by: Anitha E
First published: November 23, 2020, 8:24 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories