KGF Movie: ಕೆಜಿಎಫ್ 1, 2, ಅಷ್ಟೇ​ ಅಲ್ಲ ಪಾರ್ಟ್​ 5 ಕೂಡ ಧೂಳೆಬ್ಬಿಸೋದು ಗ್ಯಾರೆಂಟಿ! ನಿರ್ಮಾಪಕರು ಕೊಟ್ರು ಸೀಕ್ವೆಲ್​ ಸುಳಿವು

ರಾಕಿಂಗ್ ಸ್ಟಾರ್ ಯಶ್ (Rocking Star Yash) ಹಾಗೂ ಸ್ಟಾರ್ ಡೈರೆಕ್ಟರ್ ಪ್ರಶಾಂತ್ ನೀಲ್ (Prashanth Neel) ಅವರನ್ನು ಕನ್ನಡ ಸಿನಿಮಾರಂಗ ಮರೆಯೋಕೆ ಸಾಧ್ಯವಿಲ್ಲ. ಇಬ್ಬರು ಸೇರಿ ಕೆಜಿಎಫ್ (KGF) ಮೂಲಕ ಮಾಡಿದ​ ಮ್ಯಾಜಿಕ್​ ಅಂತಿಂತದ್ದಲ್ಲ.  ಕನ್ನಡ ಚಿತ್ರರಂಗವನ್ನು ಇಡೀ ದೇಶವೇ ತಿರುಗಿ ನೋಡುವಂತೆ ಮಾಡಿದ್ದಾರೆ. ಬಾಲಿವುಡ್ (Bollywood)​ ಅಂಗಳದಲ್ಲಿ ಕನ್ನಡ ಸಿನಿಮಾಗಳು ಸದ್ದು ಮಾಡುವ ಮೂಲಕ ಹೊಸ ಅಲೆಯನ್ನೇ ಸೃಷ್ಟಿಸಿದವರು.​ ಬೇರೆ ಕನ್ನಡ ಸಿನಿಮಾ ಬಾಲಿವುಡ್ ಮಟ್ಟದಲ್ಲಿ ಸದ್ದು ಮಾಡಿದ್ದು ತೀರಾ ಕಡಿಮೆ, ಎಲ್ಲಾ ದಾಖಲೆಗಳನ್ನು ಉಡೀಸ್ ಮಾಡಿದ ಸಿನಿಮಾ ಅಂದ್ರೆ ಕೆಜಿಎಫ್, ಕೆಜಿಎಫ್​ ಪಾರ್ಟ್​ 2 (KGF Part 2) ಸಹ ಕನ್ನಡ, ತೆಲುಗು, ತಮಿಳು, ಹಿಂದಿಯಲ್ಲೂ ಕಮಾಲ್ ಮಾಡಿತ್ತು. ಇದೀಗ ಕೆಜಿಎಫ್​ ನಿರ್ಮಾಪಕ ವಿಜಯ್ ಕಿರಂದೂರು (Vijay Kiragandur) ಕೆಜಿಎಫ್ ಪಾರ್ಟ್​ 3 ಅಷ್ಟೇ ಅಲ್ಲ ಕೆಜಿಎಫ್​ ಪಾರ್ಟ್​ 5 ಕೂಡ ಬರುತ್ತೆ ಎಂದು ಹೇಳಿದ್ದಾರೆ. 

2025ಕ್ಕೆ ಸೆಟ್ಟೇರಲಿದೆ ಕೆಜಿಎಫ್​ ಪಾರ್ಟ್ -3​

‘ಕೆಜಿಎಫ್ 2’ ಕ್ಲೈಮ್ಯಾಕ್ಸ್​ನಲ್ಲಿ ರಾಕಿ (ಯಶ್​) ಸಮುದ್ರದಲ್ಲಿ ಮುಳುಗುತ್ತಾನೆ. ಎಲ್ಲರು ಮೃತಪಟ್ಟಿದ್ದಾನೆ ಎಂದು ಊಹಿಸಿದ್ದರು. ಕ್ಲೈಮಾಕ್ಸ್​ನಲ್ಲೇ ಪ್ರಶಾಂತ್ ನೀಲ್ ಕೆಜಿಎಫ್ 3 ಸುಳಿವು ಕೊಟ್ಟಿದ್ದಾರೆ. ಈ ಬಗ್ಗೆ ಸಂದರ್ಶನವೊಂದರಲ್ಲಿ ಮಾತಾಡಿದ ವಿಜಯ್ ಕಿರಂಗದೂರ್​ ಆತ ಭಾರತದಲ್ಲಿ ಮಾಡಿದ ಕೃತ್ಯಗಳ ಲೆಕ್ಕವಷ್ಟೇ ಸರ್ಕಾರಕ್ಕೆ ಸಿಕ್ಕಿರುತ್ತದೆ. ವಿದೇಶದಲ್ಲೂ ಆತ ಒಂದಷ್ಟು ಕೃತ್ಯಗಳನ್ನು ಮಾಡಿದ್ದ. ‘ಕೆಜಿಎಫ್ 3’ ಚಿತ್ರದಲ್ಲಿ ಈ ವಿಚಾರ ಹೈಲೈಟ್ ಆಗಲಿದೆ ಎನ್ನಲಾಗುತ್ತಿದೆ. ಈ ಸಿನಿಮಾ ಸೆಟ್ಟೇರೋದು 2025ರಲ್ಲಿ. ರಿಲೀಸ್ ಆಗೋದು 2026ರಲ್ಲಿ ಎಂದು ವಿಜಯ್ ಅವರು ಕೋಯಿಮೋಯಿ ಸೈಟ್​ಗೆ ಮಾಹಿತಿ ನೀಡಿದ್ದಾರೆ.

ಕೆಜಿಎಫ್ ಪಾರ್ಟ್ 5 ಕೂಡ ಬರುತ್ತೆ

‘ಕೆಜಿಎಫ್ 3 ಸಿನಿಮಾದ ಪ್ರೀ ಪ್ರೊಡೆಕ್ಷನ್ ಕೆಲಸ ಆರಂಭವಾಗಿಲ್ಲ. ಆದ್ರೆ ಕೆಜಿಎಫ್​ ಪಾರ್ಟ್ 3 ಪಕ್ಕಾ ಎಂದು ವಿಜಯ್ ಕಿರಂಗದೂರ್​ ಹೇಳಿದ್ದಾರೆ. ಇನ್ನು ಕೆಜಿಎಫ್  ಪಾರ್ಟ್​ 3  ಬಳಿಕ ಕೆಜಿಎಫ್​ ಸೀರಿಸ್​ನಲ್ಲಿ ಐದು ಪಾರ್ಟ್​​ಗಳು ಬರಬಹುದು ಎಂದು ನಿರ್ಮಾಪಕರು ಹೇಳಿದ್ದಾರೆ. ಕೆಜಿಎಫ್​ ಸೀರಿಸ್ ಹೀಗೆ ಮುಂದಿವರಿಯುತ್ತಾ? ಹಾಗಾದ್ರೆ ಕೆಜಿಎಫ್ ಪಾರ್ಟ್ 5 ಬರೋದಕ್ಕೆ ಎಷ್ಟು ವರ್ಷಬೇಕು ಎಂದು ಅಭಿಮಾನಿಗಳು ಪ್ರಶ್ನೆ ಮಾಡ್ತಿದ್ದಾರೆ.

ಕೆಜಿಎಫ್ ಸೀರಿಸ್​ನಲ್ಲಿ ಬದಲಾಗ್ತಾರಂತೆ ಹೀರೋ

ಕೆಜಿಎಫ್ 1, ಕೆಜಿಎಫ್ 2 ನಲ್ಲಿ ರಾಕಿ ಭಾಯ್ ಆಗಿ ಮಿಂಚಿದ್ದ ಯಶ್ ಕೆಜಿಎಫ್ 3ನಲ್ಲೂ ಅವರೇ ಇರ್ತಾರೆ ಎನ್ನಲಾಗ್ತಿದೆ. ಆದ್ರೆ ಮುಂದಿನ ಕೆಜಿಎಫ್ ಸರಣಿಯಲ್ಲಿ ಯಶ್ ನಾಯಕರಾಗಿರೋದಿಲ್ಲ. ಯಶ್ ಬದಲು ನಾಯಕನ ಪಾತ್ರವನ್ನು ಬೇರೆಯವರು ನಿರ್ವಹಿಸಲಿದ್ದಾರೆ ಎಂದು ನಿರ್ಮಾಪಕ ವಿಜಯ್ ಕಿರಂದೂರು ಹೇಳಿದ್ದಾರೆ.

ನಟ ಯಶ್​

ನಾಯಕನ ಬದಲಾವಣೆ ಫಿಕ್ಸ್​

ಜೇಮ್ಸ್​ ಬಾಂಡ್ ಸಿನಿಮಾಗಳ ರೀತಿ ಬಾಂಡ್ ಪಾತ್ರವನ್ನು ಬೇರೆಯವರು ಮಾಡಿದ ಹಾಗೇ  ‘ಕೆಜಿಎಫ್​’ ಸೀರಿಸ್​ನ ರಾಕಿಭಾಯ್ ಪಾತ್ರವನ್ನು ಬೇರೆಯವರು ಮಾಡಬಹುದು. ಹೀರೋಗಳು ಬದಲಾಗುತ್ತಿರುತ್ತಾರೆ ಎಂದು ನಿರ್ಮಾಪಕ ವಿಜಯ್ ಕಿರಂದೂರು ಹೇಳಿದ್ದು, ಪ್ರೇಕ್ಷಕರಲ್ಲಿ ಕೆಜಿಎಫ್​ ಸೀರಿಸ್​ ಬಗ್ಗೆ ಮತ್ತಷ್ಟು ಕುತೂಹಲ ಮೂಡಿಸಿದೆ.

ಚಿತ್ರರಂಗದಲ್ಲಿ ಇತಿಹಾಸ ನಿರ್ಮಿಸಿದ ಕೆಜಿಎಫ್!