Ramu Funeral: ಕೋವಿಡ್​ ನಿಯಮದ ಪ್ರಕಾರ ನಿರ್ಮಾಪಕ ರಾಮು ಅಂತ್ಯಕ್ರಿಯೆ: ಕುಟುಂಬದವರಿಗೆ ಮಾತ್ರ ಅವಕಾಶ..!

ಕೊರೋನಾ ಎರಡನೇ ಅಲೆ ನಿಜಕ್ಕೂ ಜನರಲ್ಲಿ ಆತಂಕ ಸೃಷ್ಟಿಸಿದೆ. ದಿನೇ ದಿನೇ ಸಾವಿನ ಸಂಖ್ಯೆಯ ಜೊತೆಗೆ ಸೋಂಕಿತರ ಸಂಖ್ಯೆಯೂ ಹೆಚ್ಚುತ್ತಿದೆ. ಒಂದು ಕಡೆ ಆಮ್ಲಜನಕದ ಕೊರತೆಯಾದರೆ, ಮತ್ತೊಂದು ಕಡೆ ಆಸ್ಪತ್ರೆಗಳಲ್ಲಿ ರೋಗಿಗಳಿಗೆ ಬೆಡ್​ ಲಭ್ಯವಾಗುತ್ತಿಲ್ಲ. ಇದರಿಂದಾಗಿ ಸಾವಿನ ಪ್ರಮಾಣದಲ್ಲಿ ಹೆಚ್ಚಳವಾಗುತ್ತಿದೆ. ಇನ್ನು ತೀವ್ರವಾಗಿ ಹರಡುತ್ತಿರುವ ಕೊರೋನಾಗೆ  ಕಡಿವಾಣ ಹಾಕಲು ರಾಜ್ಯ ಸರ್ಕಾರ ಮತ್ತೊಮ್ಮೆ ರಾಜ್ಯದಲ್ಲಿ ಲಾಕ್​ಡೌನ್​  ಜಾರಿಗೆ ತಂದಿದೆ. ಇನ್ನೇನು ಕೆಲವೇ ಗಂಟೆಗಳಲ್ಲಿ ಇಡೀ ರಾಜ್ಯ ಮತ್ತೆ ಲಾಕ್​ಡೌನ್​ ಆಗಲಿದ್ದು, 14 ದಿನಗಳ ಕಾಲ ಇದು ಮುಂದುವರೆಯಲಿದೆ. ಈ ಲಾಕ್​ಡೌನ್​ ಮತ್ತೆ ಮುಂದುವರೆಯುತ್ತಾ ಅಥವಾ ಇಲ್ಲಿಗೆ ಮುಗಿಯುತ್ತಾ ಅನ್ನೋದು ತಿಳಿಯದೆ ಸಾಕಷ್ಟು ಮಂದಿ ತಮ್ಮ ತಮ್ಮ ಊರುಗಳತ್ತ ತೆರೆಳುತ್ತಿದ್ದಾರೆ. ರಾಜ್ಯದಲ್ಲಿ ಇರುವ ಇಂತಹ ಸಂಕಷ್ಟದ ಪರಿಸ್ಥಿತಿಯಲ್ಲಿ ಸಾವಿನ ಸರಣಿ ಮುಂದುವರೆದಿದೆ. ನಿನ್ನೆಯಷ್ಟೆ ಕೋವಿಡ್​ನಿಂದಾಗಿ ಸಾವನ್ನಪ್ಪಿದ ಕನ್ನಡದ ನಿರ್ಮಾಪಕ  ರಾಮು ಅವರ ಅಂತ್ಯಕ್ರಿಯೆ ಇಂದು ನಡೆಯಲಿದೆ.

ನಟಿ ಮಾಲಾಶ್ರೀ ಅವರ ಪತಿ ರಾಮು ನಿನ್ನೆ ಸಂಜೆ ರಾಮಯ್ಯ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಿಸದೆ ಕೊನೆಯುಸಿರೆಳೆದಿದ್ದಾರೆ. ಇಂದು ಬೆಳಿಗ್ಗೆ ಆಸ್ಪತ್ರೆಯಿಂದ ಮೃತ ದೇಹವನ್ನು ಅಂತ್ಯಕ್ರಿಯೆಗೆ ಆಂಬ್ಯುಲೆನ್ಸ್​ನಲ್ಲಿ ತೆಗೆದುಕೊಂಡು ಹೋಗಲಾಗಿದೆ.

ರಾಮು ಅವರ ಹುಟ್ಟೂರಾದ ಕೊಡಿಗೇನಹಳ್ಳಿಯಲ್ಲಿ ಅಂತ್ಯಕ್ರಿಯೆ ನಡೆಯಲಿದೆ. ಕುಣಿಗಲ್​ ಬಳಿ ಇರುವ ಕೊಡಿಗೇನಹಳ್ಳಿಯಲ್ಲಿ ಅಂತ್ಯಕ್ರಿಯೆಗೆ ಸಿದ್ಧತೆ ಮಾಡಿಕೊಳ್ಳಲಾಗಿದ್ದು, ಇಂದು ಮಧ್ಯಾಹ್ನ ಅಂತ್ಯಕ್ರಿಯೆಯನ್ನು ಮಾಡಲಾಗುವುದು ಎಂದು ಮಾಲಾಶ್ರೀ ಅವರ ಕುಟುಂಬದ ಆಪ್ತರು ತಿಳಿಸಿದ್ದಾರೆ.

ಕೋವಿಡ್​ ನಿಯಮಗಳ ಪ್ರಕಾರ ನಿರ್ಮಾಪಕ ಕೋಟಿ ರಾಮು ಅವರ ಅಂತ್ಯಕ್ರಿಯೆ ನಡೆಯಲಿದ್ದು, ಅದರಲ್ಲಿ ಭಾಗಿಯಾಗಲು ಕುಟುಂಬದವರಿಗೆ ಮಾತ್ರ ಅನುಮತಿ ನೀಡಲಾಗಿದೆಯಂತೆ.

ಇದನ್ನೂ ಓದಿ: ಕೊಲೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕನ್ನಡದ ನಟಿ ಶನಾಯಾ ಕಾಟ್ವೆ ಬಂಧನ..!

ಸ್ಯಾಂಡಲ್​ವುಡ್​ನಲ್ಲಿ ದುಬಾರಿ ಬಜೆಟ್​ ಸಿನಿಮಾಗಳನ್ನು ಮಾಡುವ ಮೂಲಕ ಕೋಟಿ ರಾಮು ಎಂದೇ ಖ್ಯಾತರಾಗಿದ್ದರು. ಕನ್ನಡ ಸಿನಿಮಾಗಳಿಗೆ ಕೋಟಿ ಕೋಟಿ ಹಣ ಹೂಡುವ ಮೂಲಕ 90ರ ದಶಕದಲ್ಲೇ ಎಲ್ಲರ ಹುಬ್ಬೇರುವಂತೆ ಮಾಡಿದ್ದ ನಿರ್ಮಾಪಕ ರಾಮು.

ಸ್ಯಾಂಡಲ್​ವುಡ್​ನಲ್ಲಿ ಎಲ್ಲರ ಜತೆ ಉತ್ತಮ ಸಂಬಂಧ ಹೊಂದಿದ್ದ ರಾಮು ಅವರ ನಿಧನಕ್ಕೆ ಸೆಲೆಬ್ರಿಟಿಗಳು ಕಂಬನಿ ಮಿಡಿದಿದ್ದಾರೆ, ದರ್ಶನ್​, ಪ್ರೇಮ್​, ರಕ್ಷಿತಾ, ಪುನೀತ್​ ರಾಜ್​ಕುಮಾರ್​, ಪ್ರಜ್ವಲ್​ ದೇವರಾಜ್ ಸೇರಿದಂತೆ ಹಲವಾರು ಮಂದಿ ಸಂತಾಪ ಸೂಚಿಸಿದ್ದಾರೆ.

View this post on Instagram

A post shared by Prem❣️s (@directorprems)

ಕನ್ನಡ ಚಿತ್ರರಂಗದ ಹೆಮ್ಮೆಯ ನಿರ್ಮಾಪಕರಲ್ಲೊಬರು - ಕೋಟಿ ರಾಮು ರವರು ಇಂದು ನಮ್ಮನ್ನು ಅಗಲಿದ್ದಾರೆ. ಅವರ ಆತ್ಮಕ್ಕೆ ಶಾಂತಿ ಸಿಗಲಿ. ಈ ನೋವನ್ನು ತಡೆದುಕೊಳ್ಳುವ ಶಕ್ತಿ ದೇವರು ಅವರ ಕುಟುಂಬಕ್ಕೆ ನೀಡಲಿ.

ದಯಮಾಡಿ ಮನೆಯಲ್ಲಿರಿ. ಎಲ್ಲಾ ಸುರಕ್ಷತೆಯ ಕ್ರಮಗಳನ್ನು ಪಾಲಿಸಿ 🙏 pic.twitter.com/BeIaYoNA6e

— Darshan Thoogudeepa (@dasadarshan) April 26, 2021

View this post on Instagram

A post shared by Prajwal Devaraj (@prajwaldevaraj)

ಬಿಗ್ ಬಜೆಟ್ ಹಾಗೂ ಮೆಗಾ ಹಿಟ್ ಚಿತ್ರಗಳನ್ನು ನಿರ್ಮಿಸಿ ಕೋಟಿ ರಾಮು ಎಂದೇ ಹೆಸರಾಗಿದ್ದ ನಿರ್ಮಾಪಕ ರಾಮು ಅವರಿಗೆ ಭಾವಪೂರ್ಣ ಶ್ರದ್ಧಾಂಜಲಿ.#RIPRamu #Ramu #JayannaFilms pic.twitter.com/SGuqc3boLq

— Jayanna Films (@JayannaFilms) April 26, 2021

ರಾಮು ನಿರ್ಮಾಣದ ಮೊದಲ ಸಿನಿಮಾ ದೇವರಾಜ್​ ಅವರೊಂದಿಗೆ ಆದರೆ, ಕೊನೆಯ ಸಿನಿಮಾ ದೇವರಾಜ್​ ಅವರ ಮಗ ಪ್ರಜ್ವಲ್​ ದೇವರಾಜ್​ ಜತೆ. ಹೌದು, ಪ್ರಜ್ವಲ್​ ಅಭಿನಯದ ಅರ್ಜುನ್​ ಗೌಡ ಸಿನಿಮಾವನ್ನು ರಾಮು ಅವರೇ ನಿರ್ಮಿಸಿದ್ದಾರೆ. ಈ ಸಿನಿಮಾದ ಟ್ರೇಲರ್​ ಸಹ ರಿಲೀಸ್​ ಆಗಿತ್ತು.

The Wait Is Over!! WATCH NOW!!💥💥👍👍 https://t.co/TKgCoNFDo1 #arjungowda 💃💃🤩🤩

— Malashree Ramu (@RamuMalashree) April 10, 2021

ಅರ್ಜುನ್​ ಗೌಡ ಸಿನಿಮಾದ ಚಿತ್ರೀಕರಣ ಬಹುತೇಕ ಮುಗಿದ್ದು, ಅದರ ರಿಲೀಸ್​ ಕೆಲಸಗಳಲ್ಲಿ ರಾಮು ತೊಡಗಿಕೊಂಡಿದ್ದರು. ಸಿನಿಮಾ ರಿಲೀಸ್​ ವಿಷಯವಾಗಿ ಸಂದೇಶ್​ ನಾಗರಾಜ್​ ಅವರ ಬಳಿ ಸಹ ಮಾತುಕತೆ ನಡೆಸಿದ್ದರಂತೆ.

ಇದನ್ನೂ ಓದಿ: Singer Mangli: ಕನ್ನಡದ ಸ್ಟಾರ್​ ನಟನ ಜತೆ ತೆರೆ ಹಂಚಿಕೊಳ್ಳಲಿದ್ದಾರೆ ಗಾಯಕಿ ಮಂಗ್ಲಿ

52 ವರ್ಷದ ನಿರ್ಮಾಪಕ ರಾಮು ಅವರು ಮೃದು ಸ್ವಭಾವದವರಾಗಿದ್ದರು. ಸದಾ ಸೌಮ್ಯವಾಗಿಯೇ ಮಾತನಾಡುತ್ತಿದ್ದ ಅವರದ್ದು ಸರಳ ವ್ಯಕ್ತಿತ್ವ. ತಮ್ಮ ನಿರ್ಮಾಣದ ಚಿತ್ರಗಳ ಮೂಲಕ ಸಾಕಷ್ಟು ಪ್ರತಿಭೆಗಳನ್ನು ಸ್ಯಾಂಡಲ್​ವುಡ್​ಗೆ ಪರಿಚಯಿಸಿದ್ದಾರೆ. 30ಕ್ಕೂ ಹೆಚ್ಚು ಸಿನಿಮಾಗಳನ್ನು ನಿರ್ಮಾಣ ಮಾಡಿರುವ ರಾಮು ಅವರು ಮಾಲಾಶ್ರೀ ಅಭಿನಯದ ಹಲವಾರು ಚಿತ್ರಗಳಿಗೆ ಹಣ ಹೂಡಿದ್ದಾರೆ. ಕನ್ನಡದಲ್ಲಿ ಗೋಲಿಬಾರ್​ ಸಿನಿಮಾದ ಮೂಲಕ ಸಿನಿಮಾ ನಿರ್ಮಾಣ ಆರಂಭಿಸಿದ್ದರು. ಹಿಟ್​ ಚಿತ್ರಗಳಾದ AK 47, ಲಾಕಪ್​​ ಡೆತ್, ಕಿಚ್ಚ, ಹಾಲಿವುಡ್​, ಸಿಂಹದ ಮರಿ, ಕಲಾಸಿಪಾಳ್ಯ, ಸಿಬಿಐ ದುರ್ಗಾ ಸಿನಿಮಾ ನಿರ್ಮಿಸಿದ್ದಾರೆ.