HOME » NEWS » Entertainment » PRITHVIRAJ ACQUIRES MALAYALAM DISTRIBUTION RIGHTS FOR KGF CHAPTER 2 ZP

KGF: Chapter 2: ರಾಕಿ ಭಾಯ್​ಯ ರಿ ಎಂಟ್ರಿಗೆ ಮಲಯಾಳಂ ಸ್ಟಾರ್ ನಟನ ಸಾಥ್..!

ಕೆಜಿಎಫ್ ಚಿತ್ರವನ್ನು ಮೀರಿಸುವಂತೆ ನಿರ್ದೇಶಕ ಪ್ರಶಾಂತ್ ನೀಲ್ ಚಾಪ್ಟರ್-2 ಗೆ ಆ್ಯಕ್ಷನ್ ಕಟ್ ಹೇಳಿದ್ದು, ಮತ್ತೊಮ್ಮೆ ಭಾರತೀಯ ಸಿನಿರಂಗದ ಬಾಕ್ಸಾಫೀಸ್​ನ್ನು ರಾಕಿ ಭಾಯ್ ಬೇಟೆಯಾಡಲಿರುವುದಂತು ಕನ್ಫರ್ಮ್​ ಎನ್ನಬಹುದು.

news18-kannada
Updated:January 6, 2021, 9:16 PM IST
KGF: Chapter 2: ರಾಕಿ ಭಾಯ್​ಯ ರಿ ಎಂಟ್ರಿಗೆ ಮಲಯಾಳಂ ಸ್ಟಾರ್ ನಟನ ಸಾಥ್..!
Yash
  • Share this:
ಕೆ.ಜಿ.ಎಫ್...ಪವರ್​ಫುಲ್ ಪೀಪಲ್ ಕಮ್ ಫ್ರಂ ಪವರ್​​ಫುಲ್ ಪ್ಲೇಸ್ ಎಂದು ಇಡೀ ಜಗತ್ತಿಗೆ ಸಾರಿದ್ದ ರಾಕಿ ಭಾಯ್​ ರಿ ಎಂಟ್ರಿ ಕೊಡಲು ರೆಡಿಯಾಗುತ್ತಿದ್ದಾರೆ. ರಾಕಿಂಗ್ ಸ್ಟಾರ್ ಯಶ್ ಅವರನ್ನು ಇಡೀ ಚಿತ್ರರಂಗದ ಕಿಂಗ್ ಆಗಿ ಮೆರೆಸಿದ್ದ 'ಕೆ.ಜಿ.ಎಫ್' ಚಿತ್ರದ ಮುಂದುವರೆದ ಭಾಗವನ್ನು ವಿಶ್ವ ಚಿತ್ರಪ್ರೇಮಿಗಳು ಕಾತುರದಿಂದ ಕಾಯುತ್ತಿರುವುದು ಗೊತ್ತಿರುವ ವಿಷಯ.

ಹೌದು, ರಾಕಿಂಗ್ ಸ್ಟಾರ್ ಫ್ಯಾನ್ಸ್​ ಯಶ್ ಹುಟ್ಟುಹಬ್ಬಕ್ಕೆ ದಿನಗಣನೆಗೆ ಶುರುವಾಗಿದೆ. ಆದರೆ ಈ ಬಾರಿ ಕೊರೋನಾ ಕಾರಣದಿಂದ ರಾಕಿ ಭಾಯ್​ಯ ಬರ್ತ್​ ಡೆ ಸೆಲೆಬ್ರೇಷನ್ ಇರುವುದಿಲ್ಲ. ಇದಾಗ್ಯೂ ಅಭಿಮಾನಿಗಳಿಗೆ ಭರ್ಜರಿ ಉಡುಗೊರೆ ನೀಡಲು ಕೆಜಿಎಫ್ ನಿರ್ದೇಶಕ ಪ್ರಶಾಂತ್ ನೀಲ್ ಸಕಲ ಸಿದ್ಧತೆ ಮಾಡಿಕೊಂಡಿದ್ದಾರೆ. ಅದರಂತೆ ಜನವರಿ 8 ರಂದು ರಾಕಿ ಭಾಯ್​ಯ ರಿ ಎಂಟ್ರಿಯ ಭರ್ಜರಿ ಟೀಸರ್ ಬಿಡುಗಡೆಯಾಗಲಿದೆ.

ಈ ಸುದ್ದಿಗಳ ಬೆನ್ನಲ್ಲೇ ಅತ್ತ ಮಾಲಿವುಡ್​ನಿಂದ ಕೂಡ ಕೆಜಿಎಫ್ ಚಾಪ್ಟರ್-2 ಚಿತ್ರದ ಬಿಗ್ ಅಪ್​ಡೇಟ್​ವೊಂದು ಹೊರಬಿದ್ದಿದೆ. ಕೆಜಿಎಫ್‌ ಮೊದಲ ಭಾಗವನ್ನು ಹಿಂದಿಯಲ್ಲಿ ಫರ್ಹಾನ್ ಅಖ್ತರ್-ಅನಿಲ್ ತಡಾನಿ ರಿಲೀಸ್ ಮಾಡಿದ್ದರು. ತೆಲುಗಿನಲ್ಲಿ ವರಾಹಿ ಸಂಸ್ಥೆಯ ಸಹಯೋಗದೊಂದಿಗೆ ಬಿಡುಗಡೆ ಮಾಡಲಾಗಿತ್ತು. ಇನ್ನು ತಮಿಳಿನಲ್ಲಿ ನಟ ವಿಶಾಲ್‌ ಸಾಥ್ ನೀಡಿದ್ದರು. ಇದೀಗ ಮಲಯಾಳಂನಲ್ಲೂ ಬಿಗ್ ಬ್ಯಾನರ್​ವೊಂದು ಕೆಜಿಎಫ್ 2 ಚಿತ್ರವನ್ನು ಬಿಡುಗಡೆ ಮಾಡುವುದಾಗಿ ಘೋಷಿಸಿದೆ.

ಆ ಪ್ರೊಡಕ್ಷನ್ ಹೌಸ್ ಮತ್ಯಾರದ್ದೂ ಅಲ್ಲ. ಮಾಲಿವುಡ್ ಸ್ಟಾರ್ ನಟ ಪೃಥ್ವಿರಾಜ್ ಅವರದ್ದು ಎಂಬುದು ವಿಶೇಷ. ಹೀಗಾಗಿ ಕೆಜಿಎಫ್​ ಚಾಪ್ಟರ್-2 ಬಗ್ಗೆ ಈಗಾಗಲೇ ಕೇರಳದಲ್ಲಿ ದೊಡ್ಡ ಹೈಪ್ ಕ್ರಿಯೇಟ್ ಆಗಿದೆ. ಅಲ್ಲದೆ ನಟ ಪೃಥ್ವಿರಾಜ್ ನಾನು ಕೆಜಿಎಫ್ ಚಿತ್ರದ ದೊಡ್ಡ ಅಭಿಮಾನಿ ಎಂದಿದ್ದಾರೆ. ಈ ಹಿಂದೆ ಪೃಥ್ವಿರಾಜ್ ನಿರ್ದೇಶಿಸಿ ನಟಿಸಿದ್ದ ಸೂಪರ್ ಡೂಪರ್ ಹಿಟ್​ ಲೂಸಿಫರ್ ಚಿತ್ರ ಮಾಲಿವುಡ್​ನಲ್ಲೇ 150 ಕೋಟಿ ಅಧಿಕ ಕಲೆಕ್ಷನ್ ಮಾಡಿತ್ತು.



ಈ ವೇಳೆ ಹೊಂಬಾಳೆ ಫಿಲಂಸ್ ಪೃಥ್ವಿರಾಜ್ ಪ್ರೊಡಕ್ಷನ್ ಜೊತೆ ಮುಂದಿನ ಸಿನಿಮಾಗಳ ಬಗ್ಗೆ ಚರ್ಚೆ ನಡೆಸಿದ್ದರು. ಇದೀಗ ಅವರ ಸಿನಿಮಾವನ್ನು ಜನರ ಮುಂದಿಡುವ ಅವಕಾಶ ನಮಗೆ ದೊರೆಕಿದೆ. ಲಕ್ಷಾಂತರ ಅಭಿಮಾನಿಗಳಂತೆ ನಾನು ಕೂಡ ರಾಕಿ ಭಾಯ್​ಯ ರಿ ಎಂಟ್ರಿಯನ್ನು ನೋಡಲು ಕಾತುರದಿಂದ ಕಾಯುತ್ತಿದ್ದೇನೆ ಎಂದು ಪೃಥ್ವಿರಾಜ್ ತಿಳಿಸಿದ್ದಾರೆ.

ಈ ಒಂದು ಅನೌನ್ಸ್ ಇದೀಗ ಕೇರಳದ ರಾಕಿ ಭಾಯ್​ಯ ಫ್ಯಾನ್ಸ್​ ನಿರೀಕ್ಷೆಯನ್ನು ಇಮ್ಮಡಿಗೊಳಿಸಿದೆ. ಏಕೆಂದರೆ ಅಪಾರ ಅಭಿಮಾನಿಗಳನ್ನು ಹೊಂದಿರುವ ಸ್ಟಾರ್ ನಟ ಪೃಥ್ವಿರಾಜ್ ಕೆಜಿಎಫ್ 2 ಚಿತ್ರವನ್ನು ಕೇರಳದಲ್ಲಿ ಬಿಡುಗಡೆ ಮಾಡುತ್ತಿರುವುದರಿಂದ ಚಿತ್ರಕ್ಕೆ ಭರ್ಜರಿ ಓಪನಿಂಗ್ ಸಿಗಲಿದೆ. ಅದರೊಂದಿಗೆ ಕೇರಳ ಕಡಲ ಕಿನಾರೆಯಲ್ಲೂ ಈ ಬಾರಿ ರಾಕಿ ಭಾಯ್​ ಹವಾ ಜೋರಾಗಿ ಬೀಸಲಿರುವುದು ಖಚಿತ ಆದಂತಾಗಿದೆ.

ಒಟ್ಟಿನಲ್ಲಿ ಕೆಜಿಎಫ್ ಚಿತ್ರವನ್ನು ಮೀರಿಸುವಂತೆ ನಿರ್ದೇಶಕ ಪ್ರಶಾಂತ್ ನೀಲ್ ಚಾಪ್ಟರ್-2 ಗೆ ಆ್ಯಕ್ಷನ್ ಕಟ್ ಹೇಳಿದ್ದು, ಮತ್ತೊಮ್ಮೆ ಭಾರತೀಯ ಸಿನಿರಂಗದ ಬಾಕ್ಸಾಫೀಸ್​ನ್ನು ರಾಕಿ ಭಾಯ್ ಬೇಟೆಯಾಡಲಿರುವುದಂತು ಕನ್ಫರ್ಮ್​ ಎನ್ನಬಹುದು.
Published by: zahir
First published: January 6, 2021, 9:16 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories