Radhe Shyam Teaser: ಪ್ರೇಮಿಗಳ ದಿನದಂದು ಡಾರ್ಲಿಂಗ್​ ಪ್ರಭಾಸ್ ​ನೀಡಲಿದ್ದಾರೆ ಸರ್ಪ್ರೈಸ್​..!

 ಪ್ರಭಾಸ್​ ಹಾಗೂ ಪೂಜಾ ಹೆಗ್ಡೆ ಅಭಿನಯದ ಬಹು ನಿರೀಕ್ಷಿತ ಸಿನಿಮಾ ರಾಧೆ ಶ್ಯಾಮ್​. ಸಾಹೋ ನಂತರ ಪ್ರಭಾಸ್​ ನಟಿಸುತ್ತಿರುವ ಪ್ಯಾನ್​ ಇಂಡಿಯಾ  ಸಿನಿಮಾ ರಾಧೆ ಶ್ಯಾಮ್. ಈ​ ಚಿತ್ರದ ಬಗ್ಗೆ ತೆಲುಗು ಸಿನಿ ಪ್ರೇಕ್ಷಕರು ಹಾಗೂ ಪ್ರಭಾಸ್ ಅಭಿಮಾನಿಗಳಿಗೆ ಬೆಟ್ಟದಷ್ಟು ನಿರೀಕ್ಷೆಇದೆ. ರಾಧೆ ಶ್ಯಾಮ್​ ಸಿನಿಮಾ ಕನ್ನಡ ಸೇರಿದಂತೆ   6 ಭಾಷೆಗಳಲ್ಲಿ ತೆರೆ ಕಾಣಲಿದ್ದು, ಎಲ್ಲ ಭಾಷೆಗಳಲ್ಲೂ ಪೋಸ್ಟರ್​ ರಿಲೀಸ್​ ಮಾಡಿದೆ ಚಿತ್ರತಂಡ. ರಾಧಾ ಕೃಷ್ಣ ಕುಮಾರ್​ ನಿರ್ದೇಶನದ  ಈ ಸಿನಿಮಾದಲ್ಲಿ ಪ್ರಭಾಸ್​ಗೆ ನಾಯಕಿಯಾಗಿ ಪೂಜಾ ಹೆಗ್ಡೆ ಅಭಿನಯಿಸುತ್ತಿದ್ದಾರೆ. ಈಗಾಗಲೇ ಸಿನಿಮಾದ ಮೋಷನ್​ ಪೋಸ್ಟರ್ ಹಾಗೂ ಇತರೆ ಪೋಸ್ಟರ್​ಗಳು ರಿಲೀಸ್​ ಆಗಿದ್ದು, ಅಭಿಮಾನಿಗಳಿಗೆ ಸಿನಿಮಾ ಬಗ್ಗೆ ಇರುವ ನಿರೀಕ್ಷೆಯನ್ನು ಹೆಚ್ಚು ಮಾಡಿವೆ. ಈ ಸಿನಿಮಾದಲ್ಲಿ ಪೂಜಾ ಹೆಗ್ಡೆ ಪ್ರೇರಣಾ ಪಾತ್ರದಲ್ಲಿ ನಟಿಸಿದರೆ, ಪ್ರಭಾಸ್​  ಪ್ರಭಾಸ್​ ಜತೆ ನಟಿಸಲಿದ್ದಾರೆ. ಇದು ಪ್ರಭಾಸ್​ ನಟನೆಯ 20ನೇ ಸಿನಿಮಾ ಆಗಿದೆ. 

ಹೊಸ ವರ್ಷಕ್ಕೆ ಅಭಿಮಾನಿಗಳಿಗೆ ಭರ್ಜರಿ ಉಡುಗೊರೆ ನೀಡಿದ್ದ ಪ್ರಭಾಸ್​ ಈಗ  ಪ್ರೇಮಿಗಳ ದಿನಕ್ಕೆ ಮತ್ತೊಂದು ಸರ್ಪ್ರೈಸ್​ ಪ್ಲಾನ್​ ಮಾಡಿದ್ದಾರೆ. ಈಗಷ್ಟೆ ಚಿತ್ರತಂಡ ರಾಧೆ ಶ್ಯಾಮ್​ ಸಿನಿಮಾ ಕುರಿತಾದ ಹೊಸ ಅಪ್ಡೇಟ್​ ಒಂದನ್ನು ನೀಡಿದೆ.

View this post on Instagram

A post shared by UV Creations (@uvcreationsofficial)

ಪ್ರೇಮಿಗಳ ದಿನದಂದು ಅಂದರೆ ಫೆ. 14ಕ್ಕೆ ಸಿನಿಮಾದ ಟೀಸರ್​ ರಿಲೀಸ್ ಆಗಲಿದೆ. ಈ ಬಗ್ಗೆ ಸಿನಿಮಾ ನಿರ್ಮಾಣ ಸಂಸ್ಥೆ ಯುವಿ ಕ್ರಿಯೇಷನ್ಸ್​ ಟ್ವೀಟ್​ ಮಾಡಿದೆ. ಜೊತೆಗೆ ಒಂದು ಪ್ರೀ ಟೀಸರ್​ ಅನ್ನೂ ಹಂಚಿಕೊಂಡಿದೆ. ಅಷ್ಟೇ ಅಲ್ಲ ಅಂದೇ ಸಿನಿಮಾದ ರಿಲೀಸ್​ ದಿನಾಂಕ ಸಹ ಪ್ರಕಟಿಸಲಾಗುತ್ತದೆ ಎಂದೂ ಹೇಳಲಾಗುತ್ತಿದೆ.

ಇದೊಂದು ಪಕ್ಕಾ ಲವ್​ ಸ್ಟೋರಿಯಾಗಿದ್ದು, ಇದರಲ್ಲಿ ಪ್ರಭಾಸ್ ಲವರ್ ಬಾಯ್​ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ಪ್ರೀ ಟೀಸರ್​ ವಿಡಿಯೋ ನೋಡಿದರೆ ಅದು ಖಚಿತವಾಗುತ್ತದೆ. ಪ್ರಭಾಸ್​ ಅವರ ಪ್ರೀತಿ ತುಂಬಿದ ಹೃದಯ ಹಾಗೂ ಲವ್​ ಸ್ಟೋರಿಯ ಕೆಲವು ತುಣುಕುಗಳು ಪ್ರೇಮಿಗಳ ದಿನದಂದು ರಿವೀಲ್​ ಆಗಲಿವೆ.

View this post on Instagram

A post shared by Prabhas (@actorprabhas)

ರಾಧೆ ಶ್ಯಾಮ್​ ಸಿನಿಮಾದ ಚಿತ್ರೀಕರಣ ಆರಂಭವಾದಾಗ ಪ್ರಭಾಸ್, ಚಿತ್ರದ ಸೆಟ್​ನಲ್ಲಿ ತೆಗೆದಿದ್ದ ಒಂದು ಫೋಟೋವನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳುವ ಮೂಲಕ ಅಭಿಮಾನಿಗಳಿಗೆ ಸರ್ಪ್ರೈಸ್ ಕೊಟ್ಟಿದ್ದರು.ಇದಾದ ನಂತರ ಪ್ರಭಾಸ್ ಹಾಗೂ ಪೂಜಾ ಹೆಗ್ಡೆ ಚಿತ್ರತಂಡದೊಂದಿಗೆ ಯುರೋಪ್​ಗೆ ಹಾಡಿದ್ದರು. ಅಲ್ಲಿ ಮೊಲದ ಶೆಡ್ಯೂಲ್​ನ ಚಿತ್ರೀಕರಣ ಮುಗಿಸಿ ಹಿಂತಿರುಗುವ ಹೊತ್ತಿಗೆ ಕೊರೋನಾ ಭೀತಿಯಿಂದಾಗಿ ಲಾಕ್​ಡೌನ್​ ಆರಂಭವಾಗಿತ್ತು.

View this post on Instagram

A post shared by Prabhas (@actorprabhas)

ಮುರಳಿ ಶರ್ಮಾ, ಪ್ರಿಯದರ್ಶಿನಿ ಹಾಗೂ ಕಾಲಿವುಡ್​ ಹಾಸ್ಯ ನಟ ಸತ್ಯಂ ತಾರಾಗಣದಲ್ಲಿದ್ದಾರೆ. ಜುಲೈ 10 ಪ್ರಭಾಸ್​ಗೆ ಅದೃಷ್ಟದ ದಿನ. 5 ವರ್ಷಗಳ ಹಿಂದೆ ಇದೇ ದಿನದಂದು ಬಾಹುಬಲಿ ಸಿನಿಮಾ ತೆರೆ ಕಂಡು ಬ್ಲಾಕ್​ಬಸ್ಟರ್ ಹಿಟ್​ ಆಗಿತ್ತು. ಕಳೆದ ವರ್ಷ ಇದೇ ದಿನದಂದು ರಾಧೆ ಶ್ಯಾಮ್​ ಸಿನಿಮಾ ಪೋಸ್ಟರ್​ ರಿಲೀಸ್ ಮಾಡಲಾಗಿತ್ತು. ಈಗಲೂ ಸಹ ಇದೇ ಕಾರಣಕ್ಕೆ 'ರಾಧೆ ಶ್ಯಾಮ್'​ ಚಿತ್ರವನ್ನೂ ಈ ದಿನಾಂಕದಲ್ಲೇ ರಿಲೀಸ್ ಮಾಡುವ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.