ನಟ ಪ್ರಭಾಸ್​ ಅಭಿನಯದ ಆದಿಪುರುಶ್​ ಚಿತ್ರದ ಬಜೆಟ್​ ಎಷ್ಟು ಗೊತ್ತಾ?; ಮತ್ತೊಂದು ದಾಖಲೆ ಸಜ್ಜಾದ ಬಾಹುಬಲಿ

ಚಲನಚಿತ್ರ ನಿರ್ಮಾಪಕ ಓಂ ರೌತ್ ತಮ್ಮ ಮುಂದಿನ ಚಲನಚಿತ್ರವನ್ನು ಘೋಷಿಸಿದ್ದು ಈ ಚಿತ್ರಕ್ಕೆ ಈಗಾಗಲೇ ಆದಿಪುರುಶ್ ಎಂದು ಹೆಸರಿಡಲಾಗಿದೆ. ಅಲ್ಲದೆ, ಈ ಚಿತ್ರದಲ್ಲಿ ಟಾಲಿವುಡ್ ಸೂಪರ್ ಸ್ಟಾರ್ ಪ್ರಭಾಷ್ ಮುಖ್ಯ ಪಾತ್ರದಲ್ಲಿ ನಟಿಸಲಿದ್ದಾರೆ ಎಂಬ ವಿಚಾರವು ಬಹಿರಂಗವಾಗಿದೆ. 400 ಕೋಟಿ ಬಜೆಟ್​ನಲ್ಲಿ ನಿರ್ಮಾಣವಾಗುತ್ತಿರುವ ಈ ಚಿತ್ರದ ಫಸ್ಟ್ ಲುಕ್ ಪೋಸ್ಟರ್ ಹಾಗೂ ವಿಎಫ್ಎಕ್ಸ್ ವಿನ್ಯಾಸವೂ ಈಗಾಗಲೇ ಬಿಡುಗಡೆಯಾಗಿದೆ. ಅಲ್ಲದೆ, ಬಾಲಿವುಡ್ ಸ್ಟಾರ್ ಸೈಫ್ ಅಲಿ ಖಾನ್ ಈ ಚಿತ್ರದಲ್ಲಿ ಖಳ ನಾಯಕನ ಪಾತ್ರದಲ್ಲಿ ನಟಿಸಲಿದ್ದಾರೆ ಎಂದು ಉಲ್ಲೇಖಾರ್ಹ.

ಇತ್ತೀಚಿನ ವರದಿಯ ಪ್ರಕಾರ, ಈ ಚಿತ್ರ ಪೌರಾಣಿಕ ಕಥೆಯನ್ನು ಆಧರಿಸಿದ್ದು, 400 ಕೋಟಿ ರೂ.ಗಳ ಬೃಹತ್ ಬಜೆಟ್​ನಲ್ಲಿ ಚಿತ್ರ ನಿರ್ಮಾಣಕ್ಕೆ ನಿರ್ದೇಶಕ ಓಂ ರೌತ್ ಮುಂದಾಗಿದ್ದಾರೆ ಎನ್ನಲಾಗುತ್ತಿದೆ. ದೇಶದಲ್ಲಿ ಎಲ್ಲಾ ಚಿತ್ರಮಂದಿರಗಳೂ ತೆರೆದ ನಂತರ ಈ ಚಿತ್ರ ಬಿಡುಗಡೆಯಾಗಲಿದ್ದು, ಈ ಚಿತ್ರದ ಬಿಡುಗಡೆ ಅತಿದೊಡ್ಡ ಮಟ್ಟದಲ್ಲಿ ಇರಲಿದೆ. ಕೋವಿಡ್ -19 ರ ನಂತರದ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಗುವ ಅತಿದೊಡ್ಡ ಭಾರತೀಯ ಚಿತ್ರ ಇದಾಗಿದೆ ”ಎಂದು ಮೂಲವೊಂದು ಪಿಂಕ್​ ವಿಲ್ಲಾಗೆ ತಿಳಿಸಿದೆ.

ಈ ಚಿತ್ರದಲ್ಲಿ ವಿಎಫ್ಎಕ್ಸ್ ತಂತ್ರಜ್ಞಾನವನ್ನು ವ್ಯಾಪಕವಾಗಿ ಬಳಕೆ ಮಾಡಿಕೊಳ್ಳಲು ಚಿತ್ರತಂಡ ನಿರ್ಧರಿಸಿದೆ. ಭಾರತೀಯ ಚಲನಚಿತ್ರಗಳಲ್ಲಿ ಹಿಂದೆಂದೂ ನೋಡಿರದ  ತಂತ್ರಜ್ಞಾನವನ್ನು ಈ ಚಿತ್ರ ಒಳಗೊಂಡಿರಲಿದೆ ಎಂಬ ಮಾಹಿತಿಯೂ ಇದೀಗ  ಲಭ್ಯವಾಗುತ್ತಿದೆ.

ಟಿ-ಸೀರೀಸ್ ಚಿತ್ರದ ಹಕ್ಕುಗಳ ಬಗ್ಗೆ ಇನ್ನೂ ಪ್ರತಿಕ್ರಿಯಿಸದಿದ್ದರೂ, ನಿರ್ದೇಶಕ ಓಂ ರೌತ್ ಅವರು ಮುಂಬರುವ ಬಿಗ್ ಬಜೆಟ್ ಚಿತ್ರದ ಬಗ್ಗೆ ಪದೇ ಪದೇ ಮಾತನಾಡುತ್ತಾ ಉತ್ಸುಕರಾಗಿದ್ದಾರೆ. ಪಿಂಕ್​ವಿಲ್ಲಾ ಅವರೊಂದಿಗೆ ಮಾತನಾಡಿದ ಅವರು, "ಲಾಕ್​ಡೌನ್ ಸಮಯವನ್ನು ಬಳಸಿಕೊಂಡು ಚಿತ್ರದ ಸ್ಕ್ರಿಪ್ಟ್ ಕೆಲಸವನ್ನು ಅಚ್ಚುಕಟ್ಟಾಗಿ ಮುಗಿಸಲಾಗಿದೆ. ಈ ಚಿತ್ರದಲ್ಲಿ ನವೀನ ತಂತ್ರಜ್ಞಾನವನ್ನು ಬಳಸಿಕೊಳ್ಳುವ ಮೂಲಕ ಅದ್ಭುತ ದೃಶ್ಯ ಕಾವ್ಯವನ್ನು ನಾವು ಸೃಷ್ಟಿಸಿ ನೋಡುಗರನ್ನು ಬೆರಗುಗೊಳಿಸಲಿದ್ದೇವೆ.

ಇದನ್ನೂ ಓದಿ : ಲಾಕ್​ಡೌನ್​ ನಂತರ ನೇರವಾಗಿ ಚಿತ್ರಮಂದಿರದಲ್ಲಿ ರಿಲೀಸ್​ ಆಗುತ್ತಿದೆ ಕನ್ನಡದ ಮೊದಲ ಸಿನಿಮಾ ಪುರ್​ಸೋತ್ ರಾಮ

ನಟ ಪ್ರಭಾಸ್ ಇಡೀ ಭಾರತದಲ್ಲಿ ನಾವು ಹೊಂದಿರುವ ಅತಿದೊಡ್ಡ ಸೂಪರ್ ಸ್ಟಾರ್. ಆದ್ದರಿಂದ ನಾವು ಅವರಿಗೆ ಚಿತ್ರದ ಬಗ್ಗೆ ಹೇಳಿದಾಗ, ಅವರು ತುಂಬಾ ಸಂತೋಷ ಮತ್ತು ಆಸಕ್ತಿಯಿಂದ ಒಪ್ಪಿಕೊಂಡರು” ಎಂದು ತಿಳಿಸಿದ್ದಾರೆ.
ಈ ಚಿತ್ರದಲ್ಲಿ ಪ್ರಭಾಸ್ ರಾಮ್ ಪಾತ್ರವನ್ನು ನಿರ್ವಹಿಸಲಿದ್ದು, ಸೈಫ್ ಅಲಿ ಖಾನ್ ಮಾಸ್ಟರ್ ಮೈಂಡ್ ವಿಲನ್ ಆಗಿ ಪಾತ್ರ ನಿರ್ವಹಿಸಲಿದ್ದಾರೆ. ಈ ಹಿಂದೆ ಅನುಷ್ಕಾ ಶರ್ಮಾ ಈ ಚಿತ್ರದಲ್ಲಿ ನಾಯಕಿಯಾಗುವ ಕುರಿತು ಚರ್ಚೆಆಗಿತ್ತು. ಆದರೆ, ಇನ್ನೂ ಖಚಿತವಾಗಿಲ್ಲ ಎಂದು ತಿಳಿಸಿದ್ದಾರೆ.