ಅಬ್ಬಬ್ಬಾ.. ಶ್ರೀ ರಾಮನ ಪಾತ್ರಕ್ಕೆ ಪ್ರಭಾಸ್​​ ಪಡೆದ ಸಂಭಾವನೆ ಕೇಳಿದ್ರೆ ತಲೆ ತಿರುಗೋದು ಪಕ್ಕಾ!

ಪ್ರಭಾಸ್​​(Prabhas) ‘ಬಾಹುಬಲಿ’(Baahubali) ಸಿನಿಮಾದಿಂದ ನ್ಯಾಷನ್​ಲ್​, ಇಂಟರ್​ನ್ಯಾಷ್​​ನಲ್​​ ಸ್ಟಾರ್ ಆದವರು. ಬಾಹುಬಲಿ ಸಿನಿಮಾ ಆದಮೇಲೆ ಅವರ ಸಂಭಾವನೆ ಕೂಡ ಹೆಚ್ಚಾಗಿತ್ತು. ಇದಾದ ಬಳಿಕ ಪ್ರಭಾಸ್​ ಸಾಹೋ(Sahoo) ಸಿನಿಮಾ ಬಿಡುಗಡೆಯಾಗಿತ್ತು. ಆದರೆ ಈ ಸಿನಿಮಾ ಹೇಳಿಕೊಳ್ಳುವ ಯಶಸ್ಸು ತಂದುಕೊಡಲಿಲ್ಲ. ಆದರೆ ಈ ಸಿನಿಮಾಗೆ ದುಬಾರಿ ಸಂಭಾವನೆ(Remuneration) ಪಡೆದಿದ್ದರು ನಟ ಪ್ರಭಾಸ್​​. ಇನ್ನೂ ಕೆಜಿಎಫ್(KGF)​​ ನಿರ್ದೇಶಕ ಪ್ರಶಾಂತ್​ ನೀಲ್​(Prashanth Neel) ಸಿನಿಮಾಗೆ ಪ್ರಭಾಸ್​ ಸಹಿ ಹಾಕಿದ್ದರು. ಈ ಚಿತ್ರಕ್ಕೂ ದುಬಾರಿ ಸಂಭಾವನೆ ಪಡೆದಿದ್ದಾರೆ ಎಂಬ ಮಾತುಗಳು ಕೇಳಿಬಂದಿತ್ತು. ಸದ್ಯ ಪ್ರಭಾಸ್​ ರಾಧೆ-ಶ್ಯಾಮ್​ ಚಿತ್ರ ಶೂಟಿಂಗ್​​ನಲ್ಲಿ ಬ್ಯುಸಿಯಾಗಿದ್ದಾರೆ. ವಿಷಯ ಏನಪ್ಪ ಅಂದರೆ , ಪ್ರಭಾಸ್​ ಅವರ ಮುಂದಿನ ಚಿತ್ರ ‘ಆದಿಪುರುಷ್’(Adipurush)​ ಸಿನಿಮಾಗೆ ಪ್ರಭಾಸ್​ ಪಡೆದ ಸಂಭಾವನೆ ಕಂಡು ದೊಡ್ಡ ದೊಡ್ಡ ನಿರ್ಮಾಪಕರೇ ಸುಸ್ತಾಗಿ ಹೋಗಿದ್ದಾರಂತೆ. ಇದುವರೆಗೂ ಯಾರು ಪಡೆಯದ ಸಂಭಾವನೆ ಪಡೆದಿದ್ದಾರ. ಈ ವಿಚಾರ ಇದೀಗ ಚಿತ್ರರಂಗದಲ್ಲಿ ಸಖತ್​ ಸುದ್ದಿ ಮಾಡುತ್ತಿದ್ದಾರೆ. ಪ್ರಭಾಸ್​ ಅವರ ಸಂಭಾವನೆ ಹಣದಲ್ಲಿ 2 ಬಿಗ್​ ಬಜೆಟ್ ಸಿನಿಮಾ ಮಾಡಬಹುದು ಅನ್ನುವ ಮಾತುಗಳು ಕೇಳಿಬಂದಿದೆ. ಹಾಗಿದ್ರೆ ಪ್ರಭಾಸ್​ ಪಡೆದ ಸಂಭಾವನೆ ಎಷ್ಟು ಅಂತ ಮುಂದೆ ಇದೆ ನೋಡಿ..

150 ಕೋಟಿ ಸಂಭಾವನೆ ಪಡೆದ ಪ್ರಭಾಸ್​!

ಪ್ರಭಾಸ್​ ನಟಿಸುತ್ತಿರುವ ‘ಆದಿಪುರುಷ್​’ ಚಿತ್ರ  ಸಖತ್​ ನಿರೀಕ್ಷೆ ಮೂಡಿಸಿದೆ. ಅಚ್ಚರಿ ಎಂದರೆ ಈ ಸಿನಿಮಾದಲ್ಲಿ ನಟಿಸಲು ಪ್ರಭಾಸ್​ ಪಡೆದಿದ್ದಾರೆ ಎನ್ನಲಾದ ಸಂಭಾವನೆ ಮೊತ್ತದ ಬಗ್ಗೆ ಒಂದು ಸುದ್ದಿ ಹರಡಿದೆ. ಈ ಚಿತ್ರಕ್ಕಾಗಿ ಅವರು ಬರೋಬ್ಬರಿ 150 ಕೋಟಿ ರೂಪಾಯಿ ಸಂಭಾವನೆ ಪಡೆದಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ಚಿತ್ರತಂಡದವರಾಗಲೀ, ಪಭಾಸ್​ ಆಗಲಿ ಎಲ್ಲಿಯೂ ಬಾಯಿ ಬಿಟ್ಟಿಲ್ಲ. ‘ಆದಿಪುರುಷ್​’ ಚಿತ್ರಕ್ಕೆ ಓಂ ರಾವುತ್​ ನಿರ್ದೇಶನ ಮಾಡುತ್ತಿದ್ದಾರೆ. ರಾಮನ ಪಾತ್ರದಲ್ಲಿ ಪ್ರಭಾಸ್​ ನಟಿಸುತ್ತಿದ್ದು, ರಾವಣನಾಗಿ ಸೈಫ್​ ಅಲಿ ಖಾನ್​ ಅಭಿನಯಿಸುತ್ತಿದ್ದಾರೆ. ಈಗಾಗಲೇ ರಾವಣ ಪಾತ್ರದ ಕೆಲ ಸೀನ್​​ಗಳನ್ನು ಶೂಟ್​ ಮಾಡಲಾಗಿದೆ.

ಇದನ್ನು ಓದಿ : ಪ್ರೇಮಿಗಳ ತಲೆಕೆಡಿಸಿದ ಪ್ರಭಾಸ್​-ಪೂಜಾ ಹೆಗ್ಡೆ ರೊಮ್ಯಾಂಟಿಕ್​ ಸಾಂಗ್​!

60 ದಿನ ಕಾಲ್​ ಶೀಟ್​ ಕೊಟ್ಟ ಪ್ರಭಾಸ್!

ಇಷ್ಟು ದೊಡ್ಡ ಸಂಭಾವನೆ ಪಡೆದಿರುವ ಪ್ರಭಾಸ್ ಅವರು ಈ ಚಿತ್ರಕ್ಕೆ 60 ದಿನಗಳ ಕಾಲ್​ಶೀಟ್​ ನೀಡಿದ್ದಾರೆ ಎನ್ನಲಾಗಿದೆ. ಈ ಸಮಯದೊಳಗೆ ಚಿತ್ರತಂಡದವರು ಶೂಟಿಂಗ್​ ಮತ್ತು ಡಬ್ಬಿಂಗ್​ ಕೆಲಸಗಳನ್ನು ಮುಗಿಸಬೇಕು. ‘ಬಾಹುಬಲಿ’ ಯಶಸ್ಸಿನ ನಂತರ ಪ್ರಭಾಸ್​ ನಟಿಸಿದ ‘ಸಾಹೋ’ ಚಿತ್ರ ನಿರೀಕ್ಷಿಸಿದಷ್ಟು ಕಲೆಕ್ಷನ್​ ಮಾಡಲಿಲ್ಲ. ಹಾಗಂತ ಪ್ರಭಾಸ್​ ಅವರಿಗೆ ಇದ್ದ ಬೇಡಿಕೆ ಕಮ್ಮಿ ಆಗಿಲ್ಲ. ಪ್ರಶಾಂತ್​ ನೀಲ್​ ನಿರ್ದೇಶಿಸುತ್ತಿರುವ ‘ಸಲಾರ್​’ ಸಿನಿಮಾದಲ್ಲಿ ಪ್ರಭಾಸ್​ ನಟಿಸುತ್ತಿದ್ದಾರೆ. ಪೂಜಾ ಹೆಗ್ಡೆ ಜೊತೆ ಅವರು ಅಭಿನಯಿಸಿರುವ ‘ರಾಧೆ ಶ್ಯಾಮ್​’ ಚಿತ್ರ ಬಿಡುಗಡೆಗೆ ಸಜ್ಜಾಗಿದ್ದು, 2022ರ ಜ.14ರಂದು ವಿಶ್ವಾದ್ಯಂತ ತೆರೆಕಾಣಲಿದೆ.

ಇದನ್ನು ಓದಿ : ಅಪ್ಪು ಹುಟ್ಟುಹಬ್ಬಕ್ಕೆ 100 ದಿನ ಬಾಕಿ: ಮುಂಬೈನಲ್ಲಿರುವ ಅಭಿಮಾನಿಗಳಿಂದ ಅಭಿಯಾನ ಶುರು!

ಪ್ರೇಮಿಗಳ ತಲೆಕಡಿಸಿದ ರಾಧೆ-ಶ್ಯಾಮ್​ ಸಾಂಗ್​!

ಬಹುನಿರೀಕ್ಷಿತ ಸಿನಿಮಾ ರಾಧೆ ಶ್ಯಾಮ್​(Radhe Shyam) ರೊಮ್ಯಾಂಟಿಕ್ ಸಾಂಗ್ ಬಿಡುಗಡೆಯಾಗಿದೆ. ಪೂಜಾ ಹಾಗೂ ಪ್ರಭಾಸ್ ಜೋಡಿ ಪರ್ಫೆಕ್ಟ್ ಕಪಲ್ ಆಗಿ ಕಾಣಿಸಿಕೊಂಡಿದ್ದು, ಸಖತ್​ ಕಿಕ್​ ಕೊಡುತ್ತಿದೆ. ಅದರಲ್ಲೂ ಪ್ರೇಮಿಗಳಿಗೆ ಹೇಳಿ ಮಾಡಿಸಿದ ಹಾಗಿದೆ. ಸಿನಿಪ್ರಿಯರು ಕೂಡ ಈ ಹಾಡನ್ನು ರಿಪೀಟ್​ ಮೋಡ್​ನಲ್ಲಿ ಕೇಳುತ್ತಿದ್ದಾರೆ.  'ಆಶಿಕಿ ಆ ಗಯಿ'(Ashiqui aa gayi) ಎಂಬ ಹಾಡಿನ ಮ್ಯೂಸಿಕಲ್ ವಿಡಿಯೋವನ್ನು ಬಿಡುಗಡೆ ಮಾಡಿದ್ದಾರೆ.