Prabhas 22: ಬಾಹುಬಲಿ ನಂತರ ಪೌರಾಣಿಕ ಪಾತ್ರದಲ್ಲಿ ಪ್ರಭಾಸ್​: ರಿಲೀಸ್ ಆಯ್ತು ಟೈಟಲ್​ ಪೋಸ್ಟರ್​..!

ಟಾಲಿವುಡ್​ ರೆಬೆಲ್​ ಸ್ಟಾರ್ ಪ್ರಭಾಸ್​ ಹೇಳಿದಂತೆಯೇ ಬೆಳಿಗ್ಗೆ ಅಭಿಮಾನಿಗಳಿಗೆ ಸರ್ಪ್ರೈಸ್​ ಕೊಟ್ಟಿದ್ದಾರೆ. ಅವರ ಹೊಸ ಪ್ರಾಜೆಕ್ಟ್​ ಅಂದರೆ 22ನೇ ಸಿನಿಮಾ ಕುರಿತಾದ ಮಾಹಿತಿ ನೀಡುವ ಮೂಲಕ ಅಭಿಮಾನಿಗಳನ್ನು ಖುಷಿಪಡಿಸಿದ್ದಾರೆ.

ಬಾಲಿವುಡ್​ ನಿರ್ದೇಶಕ ಓಂ ರಾವತ್​ ಅವರ ನಿರ್ದೇಶನದಲ್ಲಿ ಪ್ರಭಾಸ್​ ನಟಿಸುತ್ತಿದ್ದು, ಆ ಸಿನಿಮಾದ ಟೈಟಲ್​ ಪೋಸ್ಟರ್​ ಅನ್ನು ಇಂದು ಬೆಳಿಗ್ಗೆ 7:11ಕ್ಕೆ ಸರಿಯಾಗಿ ರಿಲೀಸ್​ ಮಾಡಿದ್ದಾರೆ. ಈ ಹಿಂದೆ ಬಾಹುಬಲಿಯಾಗಿ ಕಾಣಿಸಿಕೊಂಡಿದ್ದ ಪ್ರಭಾಸ್​ ಈ ಸಲ ಪೌರಾಣಿಕ ಪಾತ್ರದಲ್ಲಿ ನಟಿಸಲಿದ್ದಾರೆ.

Celebrating the victory of good over evil! #Adipurush#Prabhas @ItsBhushanKumar @vfxwaala @rajeshnair06 @TSeries @retrophiles1 #TSeries pic.twitter.com/zx5NXseX0G

— Om Raut (@omraut) August 18, 2020

ಆದಿಪುರುಷ್​ ಎಂಬ ಟೈಟಲ್​ ಇರುವ ಈ ಸಿನಿಮಾದ ಪೋಸ್ಟ್​ ನೋಡಿದರೆ, ಇದರಲ್ಲಿ ಪ್ರಭಾಸ್​ ರಾಮನ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ. ಪೋಸ್ಟರ್​ನಲ್ಲಿ ಬಿಲ್ಲು ಹಿಡಿದ ರಾಮ, ಹನುಮಂತ ಹಾಗೂ ಹತ್ತು ತಲೆಗಳ ರಾವಣನ ಚಿತ್ರಗಳಿವೆ. ಈ ಸಿನಿಮಾದ ಕುರಿತಾಗಿ ಕೆಲವು ದಿನಗಳ ಸಾಕಷ್ಟು ಸುದ್ದಿಗಳು ಹರಿದಾಡುತ್ತಿದ್ದವು. ನಿನ್ನೆ ರಾತ್ರಿ ಪ್ರಭಾಸ್​ ಹಾಗೂ ಓಂ ರಾವತ್​ ಸಿಹಿ ಸುದ್ದಿ ನೀಡುವುದಾಗಿ ಈ ವಿಡಿಯೋ ಹಂಚಿಕೊಂಡಿದ್ದರು.

BIGGG ANNOUNCEMENT TOMORROW... #Prabhas collaborates with #Tanhaji director #OmRaut... #BhushanKumar #PrasadSutar #RajeshNair pic.twitter.com/idSwkCls2l

— taran adarsh (@taran_adarsh) August 17, 2020

ಅಜಯ್​ ದೇವಗನ್​ ಜೊತೆ ತಾನಾಜಿಯಂತಹ ಐತಿಹಾಸಿಕ ಹಿಟ್​ ಸಿನಿಮಾ ಕೊಟ್ಟ ನಿರ್ದೇಶಕ ಈಗ ಪೌರಾಣಿಕ ಸಿನಿಮಾಗೆ ಕೈ ಹಾಕಿದ್ದಾರೆ. ಅವರ ತಾನಾಜಿ ಚಿತ್ರ ಬಾಕ್ಸಾಫಿಸ್​ನಲ್ಲಿ ಧೂಳೆಬ್ಬಿಸಿತ್ತು. ಈಗ ಪ್ರಭಾಸ್​ ಜತೆ ಮಾಡುತ್ತಿರುವ ಆದಿಪುರುಷ್​ ಸಿನಿಮಾ ತೆಲುಗು ಹಾಗೂ ಹಿಂದಿಯಲ್ಲಿ ನಿರ್ಮಾಣವಾಗುತ್ತಿದ್ದು, ನಂತರ ಅದನ್ನು ಕನ್ನಡ, ತಮಿಳು, ಮಲಯಾಳಂ ಸೇರಿದಂತೆ ಇತರೆ ಅಂತರರಾಷ್ಟ್ರೀಯ ಭಾಷೆಗಳಿಗೂ ಡಬ್​ ಆಗಲಿದೆಯಂತೆ.

THE DREAM TEAM... #Prabhas to star in #Tanhaji director #OmRaut's next film... Titled #Adipurush... In 3D... Will be shot in #Hindi and #Telugu and dubbed in #Tamil, #Malayalam, #Kannada and several international languages... Starts 2021... 2022 release. #Prabhas22 pic.twitter.com/CaPwUhRiBb

— taran adarsh (@taran_adarsh) August 18, 2020

2021 ಅಂದರೆ ಮುಂದಿನ ವರ್ಷ ಆದಿಪುರುಷ್​ ಸಿನಿಮಾ ಸೆಟ್ಟೇರಲಿದ್ದು, 2022ಕ್ಕೆ ತೆರೆ ಕಾಣಲಿದೆಯಂತೆ. ಇದು ಪ್ರಭಾಸ್​ ಅಭಿನಯದ 22ನೇ ಚಿತ್ರ. ಯೂವಿ ಕ್ರಿಯೇಷನ್ಸ್​ ಹಾಗೂ ಟಿ-ಸಿರೀಸ್​ ಸಹಭಾಗಿತ್ವದಲ್ಲಿ ಆದಿಪುರುಷ್​ ಸಿನಿಮಾ ನಿರ್ಮಾಣವಾಗಲಿದೆ.

ಸದ್ಯ ನಾಗಚೈತನ್ಯ ಜೊತೆ ಸಹ ಒಂದು ಚಿತ್ರ ಮಾಡುತ್ತಿದ್ದು, ಇದರಲ್ಲಿ ದೀಪಿಕಾ ಪಡುಕೋಣೆ ನಾಯಕಿಯಾಗಿದ್ದಾರೆ. ಜೊತೆಗೆ ರಾಧಾಕೃಷ್ಣ ಜೊತೆ ರಾಧೆ ಶ್ಯಾಮ್​ ಸಿನಿಮಾದಲ್ಲಿ ಪ್ರಭಾಸ್​ ಬ್ಯುಸಿಯಾಗಿದ್ದು, ಪೂಜಾ ಹೆಗ್ಡೆ ನಾಯಕಿಯಾಗಿದ್ದಾರೆ.