Virat Kohli-Anushka Sharma: ಅನುಷ್ಕಾ-ವಿರಾಟ್ ಮಗಳ ಮೊದಲ ಫೋಟೋ; ಟೀಂ ಇಂಡಿಯಾ ಜೊತೆ ಹೋಗುವಾಗ ಏರ್​ಪೋರ್ಟ್​​ನಲ್ಲಿ ಕ್ಲಿಕ್

ವಿರುಷ್ಕಾ ದಂಪತಿ ತಮ್ಮ ಮಗಳೊಂದಿಗೆ ಯುಕೆಗೆ ತೆರಳುತ್ತಿರುವ ಫೋಟೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ. ಮಾಸ್ಕ್​ ಧರಿಸಿರುವ ವಿರಾಟ್​-ಅನುಷ್ಕಾ ಇಬ್ಬರೂ ಕಪ್ಪು ಬಣ್ಣದ ಬಟ್ಟೆಯನ್ನು ಧರಿಸಿದ್ದಾರೆ. ಮಗಳು ವಮಿಕಾ ತನ್ನ ತಾಯಿ ಅನುಷ್ಕಾ ತೋಳಲ್ಲಿ ಮಲಗಿದ್ದಾಳೆ.

ಮಗಳೊಂದಿಗೆ ವಿರುಷ್ಕಾ ದಂಪತಿ

ಮಗಳೊಂದಿಗೆ ವಿರುಷ್ಕಾ ದಂಪತಿ

  • Share this:
    ಮುಂಬೈ(ಜೂ.03): ನ್ಯೂಜಿಲೆಂಡ್ ವಿರುದ್ಧದ ಐಸಿಸಿ ವರ್ಲ್ಡ್​ ಟೆಸ್ಟ್ ಚಾಂಪಿಯನ್​ಶಿಪ್​​ ಫೈನಲ್​ಗಾಗಿ ವಿರಾಟ್​ ಕೊಹ್ಲಿ ಪಡೆ ಜೂನ್​ 2ರ ತಡರಾತ್ರಿ ಮುಂಬೈನಿಂದ ಇಂಗ್ಲೆಂಡ್​ಗೆ ಹೊರಟಿದೆ. ಜೂನ್​ 2ಕ್ಕೆ ಭಾರತ ತಂಡದ ಕ್ವಾರಂಟೈನ್ ಮುಗಿದಿದೆ. ಹೀಗಾಗಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಹಾಗೂ ಭಾರತ ಕ್ರಿಕೆಟ್ ತಂಡ ಇಂಗ್ಲೆಂಡ್​ಗೆ ಹಾರಿದೆ. ಇಂಗ್ಲೆಂಡ್ ಸರ್ಕಾರದಿಂದ ಗ್ರೀನ್ ಸಿಗ್ನಲ್​ ಸಿಕ್ಕ ಕೂಡಲೇ ಭಾರತ ಕ್ರಿಕೆಟ್ ತಂಡದ ಸದಸ್ಯರು ತಮ್ -ತಮ್ಮ ಕುಟುಂಬದ ಜೊತೆ ಯುಕೆ ಪ್ರವಾಸಕ್ಕೆ ತೆರಳಿದ್ದಾರೆ. ಇದು 4 ತಿಂಗಳ ಪ್ರವಾಸವಾಗಿರುವುದರಿಂದ ತಂಡದ ಸದದ್ಯರು ತಮ್ಮ ಸಂಗಾತಿಯರೊಂದಿಗೆ ತೆರಳಿದ್ದಾರೆ. ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಹಾಗೂ ಅವರ ಮಡದಿ, ನಟಿ ಅನುಷ್ಕಾ ಶರ್ಮಾ ತಮ್ಮ ಮಗಳು ವಮಿಕಾಳೊಂದಿಗೆ ಮೊದಲ ಬಾರಿಗೆ ವಿದೇಶ ಪ್ರವಾಸಕ್ಕೆ ಹೊರಟಿದ್ದಾರೆ.

    ವಿರುಷ್ಕಾ ದಂಪತಿ ತಮ್ಮ ಮಗಳೊಂದಿಗೆ ಯುಕೆಗೆ ತೆರಳುತ್ತಿರುವ ಫೋಟೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗುತ್ತಿದೆ. ಮಾಸ್ಕ್​ ಧರಿಸಿರುವ ವಿರಾಟ್​-ಅನುಷ್ಕಾ ಇಬ್ಬರೂ ಕಪ್ಪು ಬಣ್ಣದ ಬಟ್ಟೆಯನ್ನು ಧರಿಸಿದ್ದಾರೆ. ಮಗಳು ವಮಿಕಾ ತನ್ನ ತಾಯಿ ಅನುಷ್ಕಾ ತೋಳಲ್ಲಿ ಮಲಗಿದ್ದಾಳೆ. ಟೀಂ ಇಂಡಿಯಾ ನಾಯಕ ವಿರಾಟ್ ಕೊಯ್ಲಿ ಹೆಂಡತಿ ಮತ್ತು ಮಗಳೊಂದಿಗೆ ಪಕ್ಕದಲ್ಲೇ ಹೆಜ್ಜೆ ಹಾಕುತ್ತಿರುವ ದೃಶ್ಯ ವೈರಲ್ ಆಗುತ್ತಿದೆ. ವಿರುಷ್ಕಾ ದಂಪತಿ ಏರ್​ಪೋರ್ಟ್​​ಗೆ ತೆರಳುತ್ತಿರುವ ದೃಶ್ಯಗಳು ಕ್ಯಾಮೆರಾ ಕಣ್ಣಲ್ಲಿ ಸೆರೆಯಾಗಿವೆ.






    ವಿರುಷ್ಕಾ 2017ರ ಡಿಸೆಂಬರ್​ನಲ್ಲಿ ಸಪ್ತಪದಿ ತುಳಿದಿದ್ದರು. ಬಳಿಕ 2021ರ ಜನವರಿಯಲ್ಲಿ ಇವರಿಗೆ ಮಗಳು ವಮಿಕಾ ಜನಿಸಿದ್ದಳು. ನಟಿ ಅನುಷ್ಕಾ 2018ರಲ್ಲಿ ತಮ್ಮ ಝೀರೋ ಸಿನಿಮಾ ತೆರೆಕಂಡ ಬಳಿಕ ಯಾವುದೇ ಸಿನಿಮಾದಲ್ಲಿ ನಟಿಸಲು ಮುಂದಾಗಿಲ್ಲ.

    ಇದನ್ನೂ ಓದಿ:Karnataka Lockdown Extension: ಕರ್ನಾಟಕದಲ್ಲಿ ಜೂನ್​ 14ರವರೆಗೆ ಲಾಕ್​ಡೌನ್ ವಿಸ್ತರಣೆ; ಸಂಜೆ ಘೋಷಿಸಲಿರುವ ಸಿಎಂ

    ಜೂನ್​ 18ರಿಂದ ಜೂನ್ 22ರವರೆಗೆ ಟೆಸ್ಟ್​ ಚಾಂಪಿಯನ್​ಶಿಪ್​ ಅಂತಿಮ ಪಂದ್ಯ ನಡೆಯಲಿದೆ. ಟೀ ಇಂಡಿಯಾ ಇಂಗ್ಲೆಂಡ್​​ಗೆ ತೆರಳುವ ಮುನ್ನ ಬಿಸಿಸಿಐ ಟ್ವೀಟ್ ಮಾಡಿತ್ತು. ಇಂಗ್ಲೆಂಡ್​​ಗೆ ತೆರಳಲಿರುವ ಭಾರತೀಯ ಪುರುಷ ಮತ್ತು ಮಹಿಳಾ ತಂಡದ ಪಟ್ಟಿಯನ್ನು ಬಿಸಿಸಿಐ ತನ್ನ ಟ್ವಿಟರ್​ ಖಾತೆಯಲ್ಲಿ ಹಂಚಿಕೊಂಡು, ನಾವು ಹೊರಡಲು ಸಿದ್ದವಾಗಿದ್ದೇವೆ ಎಂದು ಟ್ವೀಟ್​ನಲ್ಲಿ ಬರೆದುಕೊಂಡಿತ್ತು.

    ಮಹಿಳಾ ತಂಡ ಕೂಡ ಪುರುಷರ ತಂಡದೊಂದಿಗೆ ಇಂಗ್ಲೆಂಡ್​ ಪ್ರವಾಸಕ್ಕೆ ತೆರಳಿದೆ. ಭಾರತೀಯ ಪುರುಷರ ತಂಡ ಟೆಸ್ಟ್​ ಚಾಂಪಿಯನ್​ಶಿಪ್​ ಅಂತಿಮ ಪಂದ್ಯದಲ್ಲಿ ಆಡಿದ ಬಳಿಕ ಇಂಗ್ಲೆಂಡ್ ವಿರುದ್ಧ 5 ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ ಪಾಲ್ಗೊಳ್ಳಲಿದೆ. ಭಾರತ-ಇಂಗ್ಲೆಂಡ್​ ಟೆಸ್ಟ್ ಸರಣಿ ಆಗಸ್ಟ್​ 4ರಿಂದ ನಡೆಯಲಿದೆ.ಇಂಗ್ಲೆಂಡ್ ವಿರುದ್ಧ ಭಾರತೀಯ ಮಹಿಳೆಯರು ಏಕಮಾತ್ರ ಟೆಸ್ಟ್, ಮೂರು ಪಂದ್ಯಗಳ ಏಕದಿನ ಸರಣಿ ಮತ್ತು 3 ಪಂದ್ಯಗಳ ಟಿ20ಐ ಸರಣಿಯಲ್ಲಿ ಭಾಗಿಯಾಗಲಿದ್ದಾರೆ.

    ಕೊರೋನಾ ಬಿಕ್ಕಟ್ಟಿನ ನಡುವೆಯೂ, ಬಿಸಿಸಿಐ ಇಂಗ್ಲೆಂಡ್​ ಸರ್ಕಾರಕ್ಕೆ ಮನವಿ ಮಾಡಿತ್ತು. ಬಿಸಿಸಿಐ ಮನವಿಯನ್ನು ಪರಿಗಣಿಸಿದ ಯುಕೆ ಸರ್ಕಾರ, ಟೀಂ ಇಂಡಿಯಾ ಪ್ರವೇಶಕ್ಕೆ ಅನುಮತಿ ನೀಡಿದೆ.

    ನ್ಯೂಸ್​​​18 ಕನ್ನಡ ಕಳಕಳಿ: ಕೊರೋನಾ ಪಾಸಿಟಿವ್​ ಕೇಸ್​ಗಳ ಸಂಖ್ಯೆ ರಾಜ್ಯದಲ್ಲಿ ತಗ್ಗಿದೆ. ಆದರೂ, ಸೋಂಕಿನ ಅಪಾಯದಿಂದ ಸಂಪೂರ್ಣವಾಗಿ ಇನ್ನೂ ಯಾರೂ ಸುರಕ್ಷಿತರಲ್ಲ. ಹೀಗಾಗಿ ಪ್ರತಿಯೊಬ್ಬರು ಕೋವಿಡ್​​ ನಿಯಮಗಳಾದ ಮಾಸ್ಕ್​​ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದನ್ನು ಮರೆಯಬಾರದು. ಆದಷ್ಟು ಶೀಘ್ರವೇ ಲಸಿಕೆ ಪಡೆದು ಸೋಂಕಿನ ವಿರುದ್ಧದ ಯುದ್ಧದಲ್ಲಿ ಪ್ರತಿಯೊಬ್ಬರು ಕೈ ಜೋಡಿಸಬೇಕು.
    Published by:Latha CG
    First published: