ಪವನ್​ ಕಲ್ಯಾಣ್​ ಜನ್ಮದಿನ ಆಚರಣೆ ವೇಳೆ ವಿದ್ಯುತ್​ ತಂತಿ ಸ್ಪರ್ಶಿಸಿ ಮೂವರ ಸಾವು; 4 ಲಕ್ಷ ರೂ. ಪರಿಹಾರ ಘೋಷಣೆ

ಕೊರೋನಾ ಹೆಚ್ಚಿರುವುದರಿಂದ ಜನ್ಮದಿನವನ್ನು ಆಚರಣೆ ಮಾಡಬೇಡಿ ಎಂದು ಪವನ್ ಕಲ್ಯಾಣ್ ಅಭಿಮಾನಿಗಳ ಬಳಿ ಕೋರಿದ್ದರು. ಆದಾಗ್ಯೂ, ಅಭಿಮಾನಿಗಳು ಸಂಭ್ರಮದಿಂದ ಜನ್ಮದಿನ ಆಚರಣೆ ಮಾಡುವುದರಲ್ಲಿ ತೊಡಗಿದ್ದರು. ಈ ವೇಳೆ ಈ ಅವಘಡ ಸಂಭವಿಸಿದೆ. 

ಪವನ್ ಕಲ್ಯಾಣ್

ಪವನ್ ಕಲ್ಯಾಣ್

  • Share this:
    ತೆಲುಗು ಪವರ್ ಸ್ಟಾರ್ ಪವನ್ ಕಲ್ಯಾಣ್ ಜನ್ಮದಿನ ಆಚರಣೆ ನಿಮಿತ್ತ ಬ್ಯಾನರ್ ಕಟ್ಟಲು ಹೋಗಿದ್ದ ಮೂವರು ವಿದ್ಯುತ್ ತಂತಿ ಸ್ಪರ್ಶಗೊಂಡು ಮೃತಪಟ್ಟಿದ್ದಾರೆ. ಪವನ್ ಮುಂದಿನ ಚಿತ್ರ ವಕೀಲ್ ಸಾಬ್ ತಂಡ ಹಾಗೂ ಪವನ್ ಕಲ್ಯಾಣ್​ ಜನಶಕ್ತಿ ಪಕ್ಷ ಮೃತರ ಕುಟುಂಬಕ್ಕೆ ಒಟ್ಟು 4 ಲಕ್ಷ ರೂಪಾಯಿ ಪರಿಹಾರ ಘೋಷಣೆ ಮಾಡಿವೆ.

    ಆಂಧ್ರ ಪ್ರದೇಶದ ಚಿತ್ತೂರ್ ಜಿಲ್ಲೆಯ ಶಾಂತಿಪುರಂನಲ್ಲಿ ಈ ಘಟನೆ ನಡೆದಿದೆ. ಇಂದು ಪವನ್ ಕಲ್ಯಾಣ್ ಜನ್ಮದಿನ. ಹೀಗಾಗಿ ಆರು ಜನ ಪವನ್ ಬೆಂಬಲಿಗರು ಊರಿನಲ್ಲಿ ಬ್ಯಾನರ್ ಹಾಕುವ ಕಾರ್ಯದಲ್ಲಿ ತೊಡಗಿದ್ದರು. ಈ ವೇಳೆ  ಬ್ಯಾನರ್​ಗೆ ವಿದ್ಯುತ್ ತಂತಿ ತುಗಲಿದೆ. ಸೋಮಶೇಖರ್, ರಾಜೇಂದ್ರ ಹಾಗೂ ಅರುಣಾಚಲಂ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಉಳಿದ ಮೂವರಿಗೆ ಗಾಯಗಳಾಗಿವೆ.

    ಇನ್ನು, ಪವನ್ ಕಲ್ಯಾಣ್ ನೇತೃತ್ವದ ಜನಶಕ್ತಿ ಪಕ್ಷ ಮೃತರಿಗೆ ಎರಡು ಲಕ್ಷ ರೂಪಾಯಿ ಪರಿಹಾರ ಘೋಷಣೆ ಮಾಡಿದೆ. ಈ ಬಾರಿ ಕೊರೋನಾ ಹೆಚ್ಚಿರುವುದರಿಂದ ಜನ್ಮದಿನವನ್ನು ಆಚರಣೆ ಮಾಡಬೇಡಿ ಎಂದು ಪವನ್ ಕಲ್ಯಾಣ್ ಅಭಿಮಾನಿಗಳ ಬಳಿ ಕೋರಿದ್ದರು. ಆದಾಗ್ಯೂ, ಅಭಿಮಾನಿಗಳು ಸಂಭ್ರಮದಿಂದ ಜನ್ಮದಿನ ಆಚರಣೆ ಮಾಡುವುದರಲ್ಲಿ ತೊಡಗಿದ್ದರು. ಈ ವೇಳೆ ಈ ಅವಘಡ ಸಂಭವಿಸಿದೆ.





    ಇನ್ನು, ಪವನ್ ಕಲ್ಯಾಣ್ ಮುಂದಿನ ಚಿತ್ರ ವಕೀಲ್ ಸಾಬ್ ಸಿನಿಮಾ ತಂಡ ಕೂಡ ಮೃತರಿಗೆ ಪರಿಹಾರ ಘೋಷಣೆ ಮಾಡಿದೆ. ಮೃತರ ಕುಟುಂಬಕ್ಕೆ ತಲಾ ಎರಡು ಲಕ್ಷ ರೂಪಾಯಿ ನೀಡುವುದಾಗಿ ಹೇಳಿದೆ.
    Published by:Rajesh Duggumane
    First published: