Parineeti Chopra: ಸೈನಾ ನೆಹ್ವಾಲ್​ಗಾಗಿ ಬ್ಯಾಡ್ಮಿಂಟನ್​ ಕೋರ್ಟ್​ನಲ್ಲಿ ಬೆವರಿಳಿಸಿದ ಬಾಲಿವುಡ್ ತಾರೆ ಪರಿಣಿತಿ ಚೋಪ್ರಾ

ಭಾರತದ ಖ್ಯಾತ ಬ್ಯಾಡ್ಮಿಂಟನ್ ಆಟಗಾರ್ತಿ ಸೈನಾ ನೆಹ್ವಾಲ್ ಜೀವನಾಧಾರಿತ ಸಿನಿಮಾ ಬಾಲಿವುಡ್​ನಲ್ಲಿ ಸೆಟ್ಟೇರಲಿದೆ ಎಂಬುದು ಹೊಸ ವಿಷಯವನೇನಲ್ಲ. ಈ ಮೊದಲು ಸೈನಾ ನೆಹ್ವಾಲ್ ಪಾತ್ರಕ್ಕೆ ಶ್ರದ್ಧಾ ಕಪೂರ್ ಆಯ್ಕೆಯಾಗಿದ್ದರು. ಪರಿಣಿತಿ ಚೋಪ್ರಾ ಅವರನ್ನು ಭೇಟಿಯಾಗಿದ್ದ ಶ್ರದ್ಧಾ ಕಪೂರ್ ಕೆಲವು ಸಲಹೆಗಳನ್ನೂ ಕೇಳಿದ್ದರು. ಸೈನಾ ನೆಹ್ವಾಲ್ ಪಾತ್ರದ ಶ್ರದ್ಧಾ ಕಪೂರ್ ಫೋಟೋ ಕೂಡ ಮೆಚ್ಚುಗೆ ಗಳಿಸಿತ್ತು.

ಆದರೆ, ಡೇಟ್ ಸಮಸ್ಯೆಯಿಂದಾಗಿ ಶ್ರದ್ಧಾ ಕಪೂರ್ ಈ ಸಿನಿಮಾದಿಂದ ಹೊರನಡೆದ ಬಳಿಕ ಪರಿಣಿತಿ ಚೋಪ್ರಾ ಅವರನ್ನು ಸೈನಾ ನೆಹ್ವಾಲ್ ಪಾತ್ರಕ್ಕೆ ಆಯ್ಕೆ ಮಾಡಲಾಗಿತ್ತು. ಈ ಪಾತ್ರಕ್ಕಾಗಿ ಸಾಕಷ್ಟು ಸಿದ್ಧತೆಗಳನ್ನು ಮಾಡಿಕೊಳ್ಳುತ್ತಿರುವ ಪರಿಣಿತಿ ಚೋಪ್ರಾ ಬ್ಯಾಡ್ಮಿಂಟನ್ ತರಬೇತಿಯನ್ನೂ ಪಡೆಯುತ್ತಿದ್ದಾರೆ. ಬ್ಯಾಡ್ಮಿಂಟನ್ ಮೈದಾನದಲ್ಲಿ ಬೆವರಿಳಿಸುತ್ತಿರುವ ಪರಿಣಿತಿ ಚೋಪ್ರಾ ಫೋಟೋವೊಂದು ಇದೀಗ ವೈರಲ್ ಆಗಿದೆ.

ಕ್ರೀಡಾಪಟುವೊಬ್ಬರ ಜೀವನವನ್ನು ಆಧರಿಸಿದ ಸಿನಿಮಾದಲ್ಲಿ ನಟಿಸುವುದೆಂದರೆ ತಮಾಷೆಯ ಮಾತಲ್ಲ. ಅದಕ್ಕಾಗಿ ಕಠಿಣ ಪರಿಶ್ರಮವೂ ಬೇಕಾಗುತ್ತದೆ, ಸಿದ್ಧತೆಗಳೂ ಬೇಕಾಗುತ್ತದೆ. ಆ ನಿಟ್ಟಿನಲ್ಲಿ ಪರಿಣಿತಿ ಚೋಪ್ರಾ ಖುದ್ದು ಸೈನಾ ನೆಹ್ವಾಲ್ ಅವರಿಂದಲೇ ಶಹಬ್ಬಾಸ್​ಗಿರಿ ಪಡೆದಿದ್ದಾರೆ. ಹೌದು, ಸೈನಾ ನೆಹ್ವಾಲ್​ ಪಾತ್ರದ ತಮ್ಮ ಫೋಟೋವೊಂದನ್ನು ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಿರುವ ಪರಿಣಿತಿ ಚೋಪ್ರಾ 'ನನ್ನ ಸದ್ಯದ ದಿನಚರಿ' ಎಂದು ಕ್ಯಾಪ್ಷನ್ ನೀಡಿದ್ದಾರೆ.

 

View this post on Instagram

 

Me. All day everyday nowadays🏸

A post shared by Parineeti Chopra (@parineetichopra) on Oct 3, 2019 at 6:12am PDT

 

ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ಸೈನಾ ನೆಹ್ವಾಲ್​ 'ಬಹಳ ಚೆನ್ನಾಗಿ ಕಾಣುತ್ತಿದ್ದೀರಿ' ಎಂದು ಮೆಚ್ಚುಗೆ ಸೂಚಿಸಿದ್ದಾರೆ. ಅದಕ್ಕೆ ಉತ್ತರಿಸಿರುವ ಪರಿಣಿತಿ ಚೋಪ್ರಾ, 'ನೀವ್ಯಾಕೆ ಅದ್ಭುತವಾಗಿ ಆಟವಾಡುತ್ತೀರಿ? ನಿಮ್ಮ ಆಟವನ್ನು ಕಲಿಯಲು ಹೋಗಿ ಸರಿಯಾಗೇ ಅನುಭವಿಸುತ್ತಿದ್ದೇನೆ' ಎಂದು ಸ್ಯಾಡ್​ ಇಮೋಜಿಯನ್ನು ಹಾಕಿದ್ದಾರೆ.



ಅದಕ್ಕೆ ನಗುತ್ತಲೇ ಉತ್ತರಿಸಿರುವ ಸೈನಾ ನೆಹ್ವಾಲ್, 'ಬೆಸ್ಟ್​ ಅಥ್ಲೀಟ್ ಆಗಿ ನಿಮ್ಮನ್ನು ತೆರೆಯ ಮೇಲೆ ನೋಡಲು ನಾವೆಲ್ಲರೂ ಕಾತುರದಿಂದ ಕಾಯುತ್ತಿದ್ದೇವೆ. ನೀವು ಸರಿಯಾದ ರೀತಿಯಲ್ಲಿ ತರಬೇತಿ ಪಡೆದು ಜನರ ಮೆಚ್ಚುಗೆ ಗಳಿಸುತ್ತೀರಿ ಎಂಬ ನಂಬಿಕೆ ನನಗಿದೆ' ಎಂದು ಹೇಳಿದ್ದಾರೆ.



ಪರಿಣಿತಿ ಚೋಪ್ರಾ 'ದಿ ಗರ್ಲ್ ಆನ್ ದಿ ಟ್ರೈನ್' ಎಂಬ ಮತ್ತೊಂದು ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ಇದೇ ಹೆಸರಿನ ಕಾದಂಬರಿ ಆಧಾರಿತ ಸಿನಿಮಾವಾಗಿರುವುದರಿಂದ ಪರಿಣಿತಾಗೆ ಈ ಸಿನಿಮಾ ಕೂಡ ಬಹಳ ಮುಖ್ಯದ್ದಾಗಿದೆ. ಅದರ ಜೊತೆ ಜೊತೆಗೇ ಸೈನಾ ನೆಹ್ವಾಲ್ ಬಯೋಪಿಕ್​ನಲ್ಲೂ ಪರಿಣಿತಿ ಕಾಣಿಸಿಕೊಳ್ಳಲಿದ್ದಾರೆ.