HOME » NEWS » Entertainment » PAMELA ANDERSON RECENTLY GAVE HER FIRST JOINT INTERVIEW WITH HUSBAND DAN HAYHURST FROM BED SGT AE

Pamela Anderson: 6ನೇ ಗಂಡನ ಜೊತೆ ಹಾಸಿಗೆಯಿಂದಲೇ ವಾಹಿನಿಯೊಂದಕ್ಕೆ ಸಂದರ್ಶನ ನೀಡಿದ ನಟಿ

ಕಳೆದ ವರ್ಷದ ಕ್ರಿಸ್ಮಸ್‌ ಹಬ್ಬದಂದು ಪಮೇಲಾ ತನ್ನ ಬಾಡಿಗಾರ್ಡ್‌ ಆದ ಡ್ಯಾನ್ ಹೇಹರ್ಸ್ಟ್ ಅವರನ್ನು ಮದುವೆ ಆಗಿದ್ದರು. ಕೋವಿಡ್ ಕಾರಣದಿಂದ ಸರಳವಾಗಿ ಈ ಮದುವೆ ಸಮಾರಂಭ ನಡೆದಿತ್ತು. ಆದರೆ ಸೋಶಿಯಲ್ ಮೀಡಿಯಾದಲ್ಲಿ ಆವತ್ತು ಅಭಿಮಾನಿಗಳು ತಮ್ಮ ನೆಚ್ಚಿನ ನಟಿಗೆ ಶುಭ ಹಾರೈಸಿದ್ದರು.

Anitha E | news18-kannada
Updated:February 20, 2021, 3:50 PM IST
Pamela Anderson: 6ನೇ ಗಂಡನ ಜೊತೆ ಹಾಸಿಗೆಯಿಂದಲೇ ವಾಹಿನಿಯೊಂದಕ್ಕೆ ಸಂದರ್ಶನ ನೀಡಿದ ನಟಿ
ಕಳೆದ ವರ್ಷದ ಕ್ರಿಸ್ಮಸ್‌ ಹಬ್ಬದಂದು ಪಮೇಲಾ ತನ್ನ ಬಾಡಿಗಾರ್ಡ್‌ ಆದ ಡ್ಯಾನ್ ಹೇಹರ್ಸ್ಟ್ ಅವರನ್ನು ಮದುವೆ ಆಗಿದ್ದರು. ಕೋವಿಡ್ ಕಾರಣದಿಂದ ಸರಳವಾಗಿ ಈ ಮದುವೆ ಸಮಾರಂಭ ನಡೆದಿತ್ತು. ಆದರೆ ಸೋಶಿಯಲ್ ಮೀಡಿಯಾದಲ್ಲಿ ಆವತ್ತು ಅಭಿಮಾನಿಗಳು ತಮ್ಮ ನೆಚ್ಚಿನ ನಟಿಗೆ ಶುಭ ಹಾರೈಸಿದ್ದರು.
  • Share this:
ನಟಿ ಪಮೇಲಾ ಆ್ಯಂಡ್ರೆಸನ್​ ಇತ್ತೀಚೆಗೆ ಸಖತ್​ ಟ್ರೆಂಡಿಂಗ್​ನಲ್ಲಿದ್ದರು. ಆಂಡರ್‌ಸನ್‌ ಯಾರಿಗೆ ತಾನೇ ಗೊತ್ತಿಲ್ಲ? ಈ ಚೆಲುವೆಯ ಬದುಕು ವಿಚಿತ್ರ ಮತ್ತು ವರ್ಣರಂಜಿತ. ಒಂದಾದ ಮೇಲೊಂದರಂತೆ ಐದಾರು ಮದುವೆ, ನೋವಿನಿಂದ ಕೂಡಿದ ವಿಚ್ಛೇದನಗಳು, ಮುಕ್ತ ಲೈಂಗಿಕತೆ, ಹತ್ತಾರು ಬಾಯ್‌ ಫ್ರೆಂಡ್‌ಗಳು, ಮೈ ಮರೆಸುವ ಶೋಗಳು ಮತ್ತು ಸಂಗೀತ ಹೀಗೆ ಇಂತಹ ವರ್ಣರಂಚಿತ ಬದುಕು ಕಟ್ಟಿಕೊಂಡಿರುವ ಪಮೇಲಾ ಇದೀಗ ಮತ್ತೆ ಸುದ್ದಿಯಲ್ಲಿದ್ದಾರೆ. ಪಮೇಲಾ ಬೇವಾಚ್ ಎಂಬ ಟಿವಿ ಶೋ ಮೂಲಕ ಪ್ರಸಿದ್ಧರಾದವರು. ಮುಕ್ತ ಲೈಂಗಿಕತೆಯ ಜೀವನವನ್ನು ಜೀವಿಸುವ ಈಕೆಯ ವಯಸ್ಸು ಕೇಳಿದರೆ ನಿಮಗೆ ನಂಬೋಕೆ ಕಷ್ಟ. ಹೌದು, 53 ವರ್ಷದ ಪಮೇಲಾ ಅಮೆರಿಕದ ಮುಕ್ತ ಲೈಂಗಿಕತೆಯ ಪ್ರತಿನಿಧಿಯೇ ಆಗಿದ್ದಾರೆ ಎನ್ನಬಹುದು. ಒಂದಲ್ಲ ಎರಡಲ್ಲ 6 ಸಲ ಮದುವೆಯಾಗಿದ್ದಾರೆ. ಐದು ಮಂದಿಗೆ ವಿಚ್ಛೇದನ ನೀಡಿರುವ ಪಮೇಲಾ ಈಗ 6ನೇ ಮದುವೆಯಾಗಿದ್ದಾರೆ. 

ಅಮೆರಿಕದಂತಹ ಸಂಸ್ಕೃತಿಯಲ್ಲಿ ಹೀಗೆ ಮದುವೆ ಆಗುವುದು ಹಾಗೂ ಡೈವೋರ್ಸ್‌ ನೀಡುವುದು ಸರ್ವೇಸಾಮಾನ್ಯ. ಟಿವಿ ನಟಿಯರಿಗೆ ಇದೊಂದು ಸಾಮಾನ್ಯ ಸಂಗತಿ. ಆದರೆ ವಿಷಯ ಅದಲ್ಲ. ಇದೀಗ ಪಮೇಲಾ ತನ್ನ ಆರನೇ ಗಂಡನೊಂದಿಗೆ ಮತ್ತೊಮ್ಮೆ ಟ್ವಿಟ್ಟರ್‌ನಲ್ಲಿ ಸದ್ದು ಮಾಡುತ್ತಿದ್ದಾರೆ.



ಕಳೆದ ವರ್ಷದ ಕ್ರಿಸ್ಮಸ್‌ ಹಬ್ಬದಂದು ಪಮೇಲಾ ತನ್ನ ಬಾಡಿಗಾರ್ಡ್‌ ಆದ ಡ್ಯಾನ್ ಹೇಹರ್ಸ್ಟ್ ಅವರನ್ನು ಮದುವೆ ಆಗಿದ್ದರು. ಕೋವಿಡ್ ಕಾರಣದಿಂದ ಸರಳವಾಗಿ ಈ ಮದುವೆ ಸಮಾರಂಭ ನಡೆದಿತ್ತು. ಆದರೆ ಸೋಶಿಯಲ್ ಮೀಡಿಯಾದಲ್ಲಿ ಆವತ್ತು ಅಭಿಮಾನಿಗಳು ತಮ್ಮ ನೆಚ್ಚಿನ ನಟಿಗೆ ಶುಭ ಹಾರೈಸಿದ್ದರು.

ಇದನ್ನೂ ಓದಿ: Aadhya Anand: ಬಾಂಬೆ ಬೇಗಮ್ಸ್​ ವೆಬ್​ ಸರಣಿಯಲ್ಲಿ ನಟಿಸಿದ್ದಾರೆ ಕನ್ನಡತಿ ಆಧ್ಯಾ ಆನಂದ್..!

ಇಲ್ಲೊಂದು ವಿಶೇಷ ಏನು ಗೊತ್ತೆ? ಕೇವಲ 25 ವರ್ಷಗಳ ಅಂತರದಲ್ಲಿ 6 ಬಾರಿ ಮದುವೆ ಆಗಿರುವ ಪಮೆಲಾ ಆಂಡರ್ಸನ್‌ಗೆ ಸೇರುತ್ತದೆ. ಹೀಗೆ 6ನೇ ಮದುವೆಯಾಗಿ ಇತ್ತೀಚೆಗೆ ಸುಖದ ಸುಪತ್ತಿಗೆಯಲ್ಲಿ ತೇಲುತ್ತಿರುವ ಪಮೇಲಾ ಮದುವೆ ನಂತರ ಎಲ್ಲಿಯೂ ಕಾಣಿಸಿಕೊಂಡಿರಲಿಲ್ಲ. ಇಲ್ಲಿಯ ತನಕವೂ ಈ ದಂಪತಿ ಮನೆ ಬಿಟ್ಟು ಎಲ್ಲಿಯೂ ಹೊರಗೆ ಹೋಗಿಲ್ಲವಂತೆ. ಆದರೆ ಇದೇ ಮೊದಲ ಬಾರಿಗೆ ತನ್ನ 6ನೇ ಗಂಡನೊಂದಿಗೆ ಪಮೇಲಾ ಸಂದರ್ಶನ ನೀಡಿದ್ದಾರೆ.





ಬೇರೆಯವರೆಲ್ಲ ನೀಡುವ ಸಂದರ್ಶನವೇ ಬೇರೆ, ಆದರೆ ಪಮೇಲಾ ಆ್ಯಂಡ್ರೆಸನ್​‌ ಸಂದರ್ಶನವೇ ಅದೊಂತರ ವಿಚಿತ್ರ. ಇದರಲ್ಲಿ ಆಶ್ಚರ್ಯ ಪಡುವಂತದ್ದೇನು ಅಂತೀರಾ? ಈಕೆ ತನ್ನ ಗಂಡನೊಂದಿಗೆ ಹಾಸಿಗೆಯಿಂದಲೇ ವರ್ಚ್ಚುವಲ್ ಸಂದರ್ಶನದಲ್ಲಿ ಭಾಗಿಯಾಗಿದ್ದಾರೆ. ಹಾಸಿಗೆಯಲ್ಲಿ ಗಂಡನ ಜೊತೆಗಿದ್ದು, ವಾಹಿನಿಯೊಂದಕ್ಕೆ ಯಾರೂ ಸಂದರ್ಶನ ಅನಿಸುತ್ತೆ. ಆದರೆ ಪಮೇಲಾಗೆ ಇದೇನೂ ಹೊಸದಲ್ಲ, ಮುಕ್ತ ಲೈಂಗಿಕತೆಯ ಜೀವನದಲ್ಲಿ ನಂಬಿಕೆ ಹೊಂದಿರುವ ಈಕೆಗೆ ಇದೆಲ್ಲ ಕಾಮನ್​. ಇದನ್ನು ಕಂಡು ಅಭಿಮಾನಿಗಳು ನಾನಾ ರೀತಿ ಪ್ರತಿಕ್ರಿಯೆ ನೀಡುತ್ತಿದ್ದಾರೆ.






ಇನ್ನು ಹಾಸಿಗೆಯಿಂದಲೇ ವರ್ಚ್ಚುವಲ್​ ಸಂದರ್ಶನಕ್ಕೆ ಹಾಜರಾದ ಪಮೇಲಾ ದಂಪತಿಯನ್ನು ಕಂಡು ಸಂದರ್ಶನ ನಡೆಸುವವರು ಜೋಕ್ ಮಾಡಿದ್ದಾರೆ. 'ನೀನು ನಿಜಕ್ಕೂ ನೀನ್ನನ್ನು ಪ್ರೀತಿಸುವ ವ್ಯಕ್ತಿಯ ತೋಳಿನಲ್ಲಿ ಬಂಧಿಯಾಗಿಲ್ಲ ಎಂದು ಅನಿಸುತ್ತಿದೆ' ಅಂತ ನಗೆ ಚಟಾಕಿ ಹಾರಿಸಿದ್ದಾರೆ. ಈ ಸಂದರ್ಶನವನ್ನು ನೋಡಿದ ಅಭಿಮಾನಿಗಳಂತೂ ನಾನಾ ರೀತಿಯ ಕಮೆಂಟ್​ ಮಾಡುತ್ತಿದ್ದಾರೆ. ಇನ್ನು ಕೆಲವರು ಈ ವಯಸ್ಸಿನಲ್ಲಿ ಇದೆಲ್ಲ ಸರಿಯಲ್ಲ ಎಂದು ಹೇಳುತ್ತಿದ್ದಾರೆ. ಆದರೆ ಅಭಿಮಾನಿಗಳು ಏನೇ ಹೇಳಲಿ, 53 ವರ್ಷದ ಪಮೇಲಾ ಮಾತ್ರ ತನಗೆ ಹೇಗೆ ಬೇಕೋ ಹಾಗೆ ಬದುಕನ್ನು ಜೀವಿಸುತ್ತಿದ್ದಾರೆ.

ಇದನ್ನೂ ಓದಿ:ಮಡದಿ ಜೊತೆ ಪ್ರೇಮಿಗಳ ದಿನ ಆಚರಿಸಿದ ವಿವೇಕ್​ ಒಬೆರಾಯ್​:ವಿಡಿಯೋ ಅಪ್ಲೋಡ್‌ ಮಾಡಿ ಸಂಕಷ್ಟಕ್ಕೆ ಸಿಲುಕಿದ ನಟ

ಮನೆಯಲ್ಲಿಯೇ ಸುಂದರ ಕ್ಷಣಗಳನ್ನು ಕಳೆಯುತ್ತಿದ್ದೇವೆ ಎಂದು ಈ ದಂಪತಿ ಹೇಳಿಕೊಂಡಿದ್ದಾರೆ. ಈಗಿರುವ ಬೆಲೆಬಾಳುವ ಮನೆಯನ್ನು ತುಂಬಾ ಪ್ರೀತಿಸುವ ಪಮೇಲಾ ಅದರ ನವೀಕರಣವನ್ನೂ ಮಾಡಿಸುತ್ತಿದ್ದಾರಂತೆ. ಅಲ್ಲದೇ ಇದೇ ಮನೆಯಲ್ಲಿ ತನ್ನ 6ನೇ ಗಂಡ ಡ್ಯಾನ್‌ ಅವರ ಮಕ್ಕಳೂ ಇದ್ದಾರಂತೆ. ಇನ್ನು 53 ವರ್ಷದ ಪಮೇಲಾಗೆ 24 ವರ್ಷದ ಮಗನೂ ಇದ್ದಾನೆ ಎಂಬುವುದನ್ನು ನೀವು ನಂಬಲೇಬೇಕು.
Published by: Anitha E
First published: February 20, 2021, 3:47 PM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories