KGF Chapter 2 ಟ್ರೈಲರ್​ ನೋಡಿದ ಸೆನ್ಸಾರ್​ ಸದಸ್ಯ ಹೇಳಿದ್ದೇನು? ತಡೆಯೋಕೆ ಸಾಧ್ಯನಾ ಧುಮ್ಮಿಕ್ಕಿ ಬರುವಂತ ಅಲೆಯನ್ನ!

‘ರಾಕಿಂಗ್ ಸ್ಟಾರ್’ (Rocking Star) ಯಶ್(Yash) ಅಭಿನಯದ ಬಹುನಿರೀಕ್ಷಿತ ‘ಕೆಜಿಎಫ್: ಚಾಪ್ಟರ್ 2’(KGF Chapter 2) ಸಿನಿಮಾದ ಬಿಡುಗಡೆಗಾಗಿ ಅಭಿಮಾನಿಗಳು ಕಾದು ಕುಂತಿದ್ದಾರೆ. 2018ರ ಡಿಸೆಂಬರ್‌ನಲ್ಲಿ ಪಾರ್ಟ್ 1 ರಿಲೀಸ್ ಆಗಿತ್ತು. ಇದೀಗ ಏಪ್ರಿಲ್ 14ರಂದು ಪಾರ್ಟ್ 2 ರಿಲೀಸ್ ಆಗಲಿದೆ. ಕೆಜಿಎಫ್​ ಇಡೀ ವಿಶ್ವವನ್ನೇ ಕನ್ನಡ(Kannada) ಚಿತ್ರರಂಗದತ್ತ ತಿರುಗಿ ನೋಡುವಂತೆ ಮಾಡಿದ ಸಿನಿಮಾ. ಕೆಜಿಎಫ್​ ಹೆಸರನಲ್ಲೇ ಒಂದು ಖದರ್​ ಇದೆ. ಅದರಲ್ಲಿ ನಟಿಸಿದ ಯಶ್​ಗೊಂದು ಫೇಮ್​ ಇದೆ. ರಾಕಿ ಭಾಯ್ ಅಂದರೆ ಜನ ಹುಚ್ಚೆದ್ದು ಕುಣಿಯುತ್ತಾರೆ. ಅಷ್ಟರ ಮಟ್ಟಿಗೆ ಕೆಜಿಎಫ್​ ಸಿನಿಮಾ ಜನರ ತಲೆಯೊಳಗೆ ಹೊಕ್ಕಿದೆ. ‘ಕೆಜಿಎಫ್‌’ ಚಿತ್ರ ಆಧುನಿಕ ಕಾಲದಲ್ಲಿ ಕನ್ನಡ ಚಿತ್ರರಂಗವನ್ನ ಇಡೀ ಜಗತ್ತಿಗೇ ಪರಿಚಯಿಸಿದ ಸಿನಿಮಾ. ಮಾರ್ಚ್ 27ಕ್ಕೆ ಕೆಜಿಎಫ್​ ಚಾಪ್ಟರ್​ 2 (KGF Chapter 2)ಸಿನಿಮಾದ ಟ್ರೈಲರ್(Trailer)​ ರಿಲೀಸ್​ ಆಗಲಿದೆ.

ಕೆಜಿಎಫ್​ 2 ಟ್ರೈಲರ್​ ನೋಡಿದ ಸೆನ್ಸಾರ್​ ಸದಸ್ಯ!

ಹೌದು, ಹೊರ ದೇಶಗಳಲ್ಲಿಯೂ ಟ್ರೈಲರ್​ ಬಿಡುಗಡೆ ಮಾಡಲು ಟ್ರೇಲರ್‌ನ ಸೆನ್ಸಾರ್ ಮಾಡಲಾಗಿದ್ದು, ‘ಕೆಜಿಎಫ್ 2’ ಸಿನಿಮಾದ ಟ್ರೈಲರ್​​ ನೋಡಿದ ಸೆನ್ಸಾರ್‌ ಸದಸ್ಯರೊಬ್ಬರು ಸಾಮಾಜಿಕ ಮಾಧ್ಯಮದಲ್ಲಿ ತಮ್ಮ ಅಭಿಪ್ರಾಯವನ್ನು ಹಂಚಿಕೊಂಡಿದ್ದಾರೆ.
ಉಮೈರ್ ಸಾಂಧು ಹೆಸರಿನ ಸಾಗರೋತ್ತರ ಸೆನ್ಸಾರ್‌ಬೋರ್ಡ್ ಸದಸ್ಯ ತಾವು ‘ಕೆಜಿಎಫ್ 2’ ಸಿನಿಮಾದ ಟ್ರೈಲರ್​ ನೋಡಿರುವುದಾಗಿ ಹೇಳಿಕೊಂಡಿದ್ದಾರೆ. ಟ್ರೈಲರ್​ ಬಗ್ಗೆ ಸಹ ಹೇಳಿದ್ದಾರೆ. ‘ಈ ಟ್ರೈಲರ್​​ ಅದ್ಭುತವಾಗಿದೆ, ಗೂಸ್ಬಂಪ್ಸ್ ಮತ್ತು ಮೈಂಡ್ಬ್ಲೋವಿಂಗ್ ​ಆಗಿದೆ. ಯಶ್‌ಗೆ ದೊಡ್ಡ ಅಭಿನಂದನೆಗಳು’ ಎಂದು ಪೋಸ್ಟ್ ಮಾಡಿದ್ದಾರೆ.

ಹಲವು ಸಿನಿಮಾಗಳ ವಿಮರ್ಶೆ ಮಾಡುವ ಉಮೈರ್​!

ಉಮೈರ್ ಸಾಂಧು ಹೀಗೆ ಸಿನಿಮಾ ಹಾಗೂ ಟ್ರೈಲರ್​​ಗಳ ವಿಮರ್ಶೆ ಮಾಡುತ್ತಿರುವುದು ಇದು ಮೊದಲೇನೂ ಅಲ್ಲ. ದಕ್ಷಿಣ ಭಾರತದ ಬಹುತೇಕ ಭಾರಿ ನಿರೀಕ್ಷಿತ ಸಿನಿಮಾಗಳು ಬಿಡುಗಡೆ ಆಗುವ ಮುನ್ನವೇ ನೋಡಿ ಅದರ ಬಗ್ಗೆ ಮಾಹಿತಿ ನೀಡುತ್ತಾರೆ. ‘ಕೆಜಿಎಫ್: ಚಾಪ್ಟರ್ 1’ ಬಿಡುಗಡೆ ಆದಾಗಲೂ ಸಿನಿಮಾವನ್ನು ವಿಮರ್ಶೆ ಮಾಡಿದ್ದ ಉಮೈರ್ ಸಾಂಧು ಸಿನಿಮಾ ಅದ್ಭುತವಾಗಿದೆ ಎಂದು ಹೇಳಿದ್ದರು.

Saw Rush Print of #KGF2 Trailer ! Goosebumps & MINDBLOWING 🔥 ! Final Cut trailer will be Out very soon.

— Umair Sandhu (@UmairSandu) January 21, 2022

ಇದನ್ನೂ ಓದಿ: ಕೆಜಿಎಫ್​ ಗತ್ತು ಇಡೀ ವಿಶ್ವಕ್ಕೇ ಗೊತ್ತು! ಗೂಗಲ್ ಮ್ಯಾಪ್​ನಲ್ಲೂ ರಾಕಿ ಭಾಯ್​ ಸಿನಿಮಾದೇ ಹವಾ..

ಗೂಗಲ್​ ಮ್ಯಾಪ್​ನಲ್ಲೂ ಕೆಜಿಎಫ್​ ಹವಾ!

ಹೌದು, ಕೆಜಿಎಫ್​ ಸೃಷ್ಟಿಮಾಡಿರವ ಹೊಸ ದಾಖಲೆಗಳನ್ನು ಮುಟ್ಟಲು ಯಾರಿಂದಲೂ ಸಾಧ್ಯವಿಲ್ಲ. ಪ್ರಶಾಂತ್​ ನೀಲ್​ ಆ ರೀತಿಯ ಸಿನಿಮಾ ಮಾಡಿದ್ದರು. ಮಾರ್ಚ್ 27ರಂದು ಕೆಜಿಎಫ್ ಚಾಪ್ಟರ್​ 2 ಸಿನಿಮಾ ಟ್ರೈಲರ್​ ರಿಲೀಸ್​ ಆಗಲಿದೆ. ಈಗಿನಿಂದಲೇ ಟ್ರೈಲರ್​ ನೋಡಲು ಅಭಿಮಾನಿಗಳು ಕಾತುರದಿಂದ ಕಾಯುತ್ತಿದ್ದಾರೆ. ಇದರ ನಡುವೆ ಮತ್ತೊಂದು ಇಂಟ್ರೆಸ್ಟಿಂಗ್​ ವಿಚಾರ ಒಂದು ಸಖತ್​ ವೈರಲ್ ಆಗುತ್ತಿದೆ. ಅದನ್ನು ಕಂಡ ಅಭಿಮಾನಿಗಳು ಇದು ಕೆಜಿಎಫ್​ ಸಿನಿಮಾದ ಗತ್ತು ಅಂದರೆ ಅಂತ ಹೇಳುತ್ತಿದ್ದಾರೆ. ಗೂಗಲ್  ಮ್ಯಾಪ್​ನಲ್ಲೂ ಕೆಜಿಎಫ್​ ಅಬ್ಬರಿಸುತ್ತಿದೆ. ಸಿನಿಮಾ ಶೂಟಿಂಗ್ ಮಾಡಿದ ಸ್ಥಳಕ್ಕೆ ಗೂಗಲ್​ ಮ್ಯಾಪ್​ನಲ್ಲಿ ಕೆಜಿಎಫ್​ ಶೂಟಿಂಗ್ ಸ್ಪಾಟ್​ ಅಂತ ಲೋಕೇಷನ್​ ರೀ ನೇಮ್​ ಆಗಿದೆ.

ಇದನ್ನೂ ಓದಿ: ಸಿನಿಮಾ ಚೆನ್ನಾಗಿದ್ರೂ ಸಿಕ್ತಿಲ್ಲ ಥಿಯೇಟರ್​​.. `ಓಲ್ಡ್ ಮಾಂಕ್‘ಗೆ ಪರಭಾಷೆ ಚಿತ್ರಗಳಿಂದ ಸಮಸ್ಯೆ!

ಕೆಜಿಎಫ್​ ಸಿನಿಮಾ ರಿಲೀಸ್ ಆಗುವುದಕ್ಕೂ ಮುನ್ನ ಒಂದು ಕ್ರೇಜ್​ ಇತ್ತು. ಸಿನಿಮಾ ರಿಲೀಸ್​ ಆದಮೇಲೆ ಒಂದು ಟ್ರೆಂಡ್​ ಆಯ್ತು. ಇದೀಗ ಕೆಜಿಎಫ್​ ಸಿನಿಮಾ ಶೂಟಿಂಗ್​ ಮಾಡಿದ ಸ್ಥಳಗಳು ಗೂಗಲ್​ನಲ್ಲಿ ಕೆಜಿಎಫ್​ ಫಿಲ್ಮ್​ ಸ್ಪಾಟ್​ ಎಂದು ಮರುನಾಮಕರಣಗೊಂಡಿರುವುದು ಕಂಡು ಅಭಿಮಾನಿಗಳು ಸಖತ್​ ಥ್ರಿಲ್​ ಆಗಿದ್ದಾರೆ. ಇದು ನಮ್ಮ ಕನ್ನಡ ಸಿನಿಮಾಗಳಿಗೆ ಇರುವ ತಾಕತ್ತು ಎಂದು ಫ್ಯಾನ್ಸ್  ಕಮೆಂಟ್​ ಮಾಡುತ್ತಿದ್ದಾರೆ.