Naatu Naatu: ಹಾಲಿವುಡ್ ಡ್ಯಾನ್ಸ್​ನಿಂದ ಕಾಪಿ ಮಾಡಿದ್ರಾ ನಾಟು ನಾಟು ಸ್ಟೆಪ್ಸ್? ವಿಡಿಯೋ ವೈರಲ್

ಎಸ್​ಎಸ್​ ರಾಜಮೌಳಿ (SS Rajamouli) ನಿರ್ದೇಶನದ ಆರ್​ಆರ್​ಆರ್​  (RRR) ಸಿನಿಮಾದ ಸೂಪರ್ ಹಿಟ್ ಹಾಡು ನಾಟು ನಾಟು (Naatu Naatu) ಆಸ್ಕರ್ ಪ್ರಶಸ್ತಿ (Oscar Award) ಗೆದ್ದುಕೊಂಡಿದೆ. ಬೆಸ್ಟ್ ಒರಿಜಿನಲ್ ಸಾಂಗ್ (Original Song) ವಿಭಾಗದಲ್ಲಿ ಪ್ರಶಸ್ತಿಯನ್ನು ಮುಡಿಗೇರಿಸಿಕೊಂಡಿರುವ ಸೌತ್ ಬ್ಲಾಕ್ ಬಸ್ಟರ್ ಸಿನಿಮಾದ (Cinema) ಹಾಡಿಗೆ ರೀಲ್ಸ್ ಮಾಡದವರೇ ಇಲ್ಲ. ಈ ಸಿನಿಮಾದ ಹಾಡುಗಳೆಲ್ಲ ಹಿಟ್ ಆಗಿವೆ. ನಾಟು ನಾಟು (Naatu Naatu) ಹಾಡಿಗೆ ಹಾಗೂ ಕೊರಿಯೋಗ್ರಫಿಗೆ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದೆ. ಇತ್ತೀಚೆಗೆ ನಾಟು ನಾಟು ಹಾಡಿನಲ್ಲಿ ಕಂಡಿರುವ ಸ್ಟೆಪ್ಸ್ ಟಾಮ್ & ಚೆರ್ರಿಯಲ್ಲಿಯೂ ಕಾಣಿಸಿಕೊಂಡಿದ್ದು ಇವೆರಡನ್ನು ಹೋಲಿಸುವ ವಿಡಿಯೋ ವೈರಲ್  (Viral) ಆಗಿದೆ. ಈಗ ಇನ್ನೊಂದು ವಿಡಿಯೋ (Video) ಇದೇ ಕಾರಣದಿಂದ ಚರ್ಚೆಯಲ್ಲಿದೆ.

ಹಳೆಯ ಬ್ಲಾಕ್ ಶ್ರ& ವೈಟ್ ಸಿನಿಮಾದಲ್ಲಿದೆ ನಾಟು ನಾಟು ಸ್ಟೆಪ್ಸ್

ನೋಡಿದರೆ ಮೂಕಿ ಸಿನಿಮಾದಂತೆ ಕಾಣುವ ಬ್ಲಾಕ್ & ವೈಟ್ ಸಿನಿಮಾದ ವಿಡಿಯೋ ತುಣುಕೊಂದು ಟ್ವಿಟರ್​ನಲ್ಲಿ ವೈರಲ್ ಆಗುತ್ತಿದೆ. ಹಾಲಿವುಡ್ ಸಿನಿಮಾ ಕ್ಲಿಪ್​ನಂತಿದೆ. ಡ್ಯಾನ್ಸ್ ವಿಡಿಯೋ ಇರುವ ಈ ವೈರಲ್ ಕ್ಲಿಪ್​ನಲ್ಲಿ ಇಬ್ಬರು ಡ್ಯಾನ್ಸ್ ಮಾಡುತ್ತಾರೆ.

Who did this #NatuNatu 😉❤️👇
Via WA pic.twitter.com/BE58LHCEGj

— Devasis Sarangi 🚴‍♂️ (@devasissarangi) March 15, 2023

ಈ ಡ್ಯಾನ್ಸ್​ಗೆ ನಾಟು ನಾಟು ಹಾಡನ್ನು ಸಿಂಕ್ ಮಾಡಲಾಗಿದೆ. ಇದರಲ್ಲಿ ಆ ಯುವಕರು ಹಾಕುವ ಸ್ಟೆಪ್ಸ್ ಥೇಟ್ ನಾಟು ನಾಟು ಕೊರಿಯೋಗ್ರಫಿಯನ್ನೇ ನೆನಪಿಸುತ್ತದೆ. ಅದು ಸ್ಲೋ ಮೋಷನ್ ಸ್ಟೆಪ್ಸ್ ಆಗಿದ್ದರೆ ನಾಟು ನಾಟು ಸಿಕ್ಕಾಪಟ್ಟೆ ಸ್ಪೀಡಾಗಿದೆ ಎನ್ನುವುದಷ್ಟೇ ವ್ಯತ್ಯಾಸ ಎನ್ನುತ್ತಿದ್ದಾರೆ ನೆಟ್ಟಿಗರು.

ಇದನ್ನೂ ಓದಿ: RRR Cinema: ಟಾಮ್ ಆ್ಯಂಡ್ ಜೆರ್ರಿಯನ್ನೇ ಕಾಪಿ ಮಾಡಿದ್ರಾ ಆರ್‌ಆರ್‌ಆರ್‌! ವೈರಲ್ ಆಗ್ತಿದೆ ಸೇಮ್ ಟು ಸೇಮ್ ವಿಡಿಯೋ!

ಕೀರವಾಣಿ ಸಂಗೀತದ ಹಾಡು

ಕೀರವಾಣಿ ಸಂಗೀಯ ಸಂಯೋಜನೆ ಮಾಡಿದ ಈ ಹಾಡನ್ನು ಚಂದ್ರಬೋಸ್ ಅವರು ಬರೆದಿದ್ದಾರೆ. ಇದು ರಾಜಮೌಳಿ ಅವರ ಅದ್ಭುತ ಸಿನಿಮಾಗಳ ಲಿಸ್ಟ್​ನಲ್ಲಿ ಟಾಪ್​ನಲ್ಲಿರುವ ತ್ರಿಬಲ್ ಆರ್ ಸಿನಿಮಾದ ಹಾಡು.ಈ ಹಾಡು ಹಿಂದಿಯಲ್ಲಿ ನಾಟು ನಾಟು, ತಮಿಳಿನಲ್ಲಿ ನಾಟು ಕುತ್ತು, ಕನ್ನಡದಲ್ಲಿ ಹಳ್ಳಿ ನಾಟು, ಮಲಯಾಳಂನಲ್ಲಿ ಕರಿಂತೋಳ್ ಎಂದು ರಿಲೀಸ್ ಆಗಿದೆ.

ಗಾಯಕರಾದ ರಾಹುಲ್ ಸಿಪ್ಲಿಗುಂಜ್ ಹಾಗೂ ಕಾಲ ಭೈರವ ಅವರು ಲಾಸ್ ಏಂಜಲೀಸ್​ನ ಡೋಲ್ಬಿ ಥಿಯೇಟರ್​ನಲ್ಲಿ ಲೈವ್ ಆಗಿ ಹಾಡಿದ್ದಾರೆ.

ಉಕ್ರೈನ್​ನ ರಾಷ್ಟ್ರಪತಿ ಭವನದ ಬಳಿ ಶೂಟಿಂಗ್

ಉಕ್ರೈನ್​ನ ರಾಷ್ಟ್ರಪತಿ ಭವನದ ಬಳಿ ಈ ಹಾಡನ್ನು ಶೂಟಿಂಗ್ ಮಾಡಲಾಗಿದೆ. ರಷ್ಯಾದ ಮಿಲಿಟರಿ ದಾಳಿಗೆ ಕೆಲವೇ ತಿಂಗಳು ಮೊದಲು ಶೂಟಿಂಗ್ ನಡೆದಿತ್ತು. ವೈರಲ್ ಆ ಈ ಹಾಡಿಗೆ ಯೂಟ್ಯೂಬ್​ನಲ್ಲಿ 122 ಮಿಲಿಯನ್ ವ್ಯೂಸ್ ಬಂದಿದೆ.

ನಾಟು ನಾಟು ಹಾಡು ಟಾಮ್ ಆ್ಯಂಡ್​​ ಜೆರ್ರಿಯನ್ನೇ (Tom And Jerry) ಹೋಲುತ್ತಿದೆ ಎಂದು ಹಲವರು ಹೇಳುತ್ತಿದ್ದಾರೆ. ಜೊತೆಗೆ ಇದರ ಒಂದು ಎಡಿಟೆಡ್ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ (Social Media) ಸಖತ್ ವೈರಲ್ ಆಗುತ್ತಿದೆ.

ತ್ರಿಬಲ್​ ಆರ್​ ಚಿತ್ರದ ಕೆಲವೊಂದು ಸೀನ್​ಗಳು ಥೇಟ್​ ಟಾಮ್​ ಆ್ಯಂಡ್​ ಜೆರ್ರಿಯ ಸೀನ್​​ಗಳನ್ನೇ ಹೋಲಿಕೆಯಾಗುತ್ತಿದ್ದು, ಸದ್ಯ ಎಡಿಟ್​ ಮಾಡಿದ ವಿಡಿಯೋ ಒಂದು ಸಖತ್ ವೈರಲ್​ ಆಗುತ್ತಿದೆ. ಜೊತೆಗೆ ಈ ಸಿನಿಮಾದ ಸೀನ್​ಗಳನ್ನು ಮತ್ತು ಟಾಮ್​ ಆಂಡ್​ ಜೆರ್ರಿಯ ಕೆಲವೊಂದು ಸೀನ್​ಗಳನ್ನು ಒಟ್ಟುಗೂಡಿಸಿ ಎಡಿಟ್​ ಮಾಡಿದ್ದು ನೋಡುಗರನ್ನೇ ಅಚ್ಚರಿ ಮೂಡಿಸುವಂತಿದೆ.